ජීවිතය ගැන


ජීවිතය ගැන ,
ජීවිතේ ගොඩක් දේවල් අහිමි උන කෙනෙක්,
ජීවිතය තනියම ගොඩනගාගත් කෙනෙක්,
ජීවිතය ගැන පර්යේෂණ කල කෙනෙක්,
ජීවිත ගණනකට ජීවිතය ගැන කියා දුන්න කෙනෙක්,
ජීවිත ගණනක් ජීවත් කරවපු කෙනෙක්,
ජීවිතය පුරාවටම තාමත්,
ජීවත් වෙන්න වෙරදරනවා,
ඒ වෙන කවුරුවත් නෙවෙයි,

……………………

රටක් හිනැස්සවූ සුනිල් හෙට්‌ටිආරච්චි කලාකරුවා ඔබ එනතුරු බලා සිටියි.


රටක් හිනැස්සවූ සුනිල් හෙට්‌ටිආරච්චි කලාකරුවා මේවනවිට සිටින්නේ රෝගාතුරවය. වසර හතරකට ආසන්න කාලයක්‌ පාකින්සන් රෝගී තත්ත්වයෙන් සුනිල් හෙට්ටිආරච්චි පෙළුණු බව ඔහුගේ දූ දරුවන් මාධ්‍යයට පවසා තිබුණි.

Image00001
බෙහෙවින්ම මතකය අඩු මට්‌ටමක සිටින සුනිල් හෙට්ටිආරච්චිට පෙර මෙන් අතීතය ගැන බොහෝ දේ ආවර්ජනය කිරීමට හෝ එය වචනවලට පෙරැළීමේ හැකියාවක්‌ නැත. ඒ පාකින්සන් රෝගයේ ස්‌වභාවයයි.
සුනිල් කලකට ඉහතදී ඇනස්‌ලි, සැමුවෙල්, බර්ටි සමඟ එක්‌ව “විනෝද සමය” වැඩසටහනේ පවා ශිල්පියකු ලෙස කටයුතු කළේය. වර්තමානයේදීත් ඔහු කෙරේ එසේ භේදයකින් තොරව ප්‍රේක්‍ෂක රසික සමූහයක්‌ බැඳී සිටින්නේ ඔහුගේ ඒ රංගන ප්‍රතිභාව කෙරෙහි දැක්‌වූ ඇල්ම හේතුවෙනි.

Image00003

සති දෙකකට පමණ පෙර සුනිල් හෙට්ටිආරච්චි කලාකරුවා යලිත් බලවත් ලෙස රෝගාතුර වී රෝහල්ගතකොට ඇත. මහ හඬින් රසබස් තෙපළු ගී ගැයූ ඔහු අද සෙමින් වචන ගලපයි. දැන් ඔහුට අවශ්‍යය වන්නේ පිරී ඉතිරී ගිය සෙනෙහසයි.එදා ඔහු වටා පිරි ඉතිරි සිටි කිසිවෙකු ඔහු ළඟ නැත. ඔහුට ආදරය කරන ඔබට ඔහු වෙනුවෙන් කළහැකි තවත් එක දෙයක් ඉතුරුව ඇත.

 

ඒ මුව පුරවාගත් සිනහවකින් යුතුව එක්වරක්වත් ඔහුව බලන්නට යාමයි. එය ඔහුට දිව ඔසුවක්ම වනු ඇත. එකම එක තත්පර පහකට  කොළඹ ජාතික රෝහලේ හැට හයවන වාට්ටුවට අඩියක් තබන්න. ඔහු ඔබ එනතුරු බලා සිටියි.

 

ආස්චර්යය යනු කිම?


රජරට වකුගඩු රෝගීන් සංඛ්‍යාව:- 20 000

එම රෝගීන්ගේ ලේ පිරිසිදු කිරීමේ යන්ත්‍ර ගණන:- 2යි
එම යන්ත්‍රයක මිල :- ලක්ෂ 27යි.

පොලීසියට ගෙන්වූ යතුරු පැදි ගණන:- 315යි
එකක යතුරුපැදියක මිල:- ලක්ෂ 36යි


කාර් රේස් වැලි කොට්ට මිල:- කෝටි 3යි (හමුදා වහල් සේවය හැර )
ගෙනා කාර් වල කුලිය:- රුපියල් නවකෝටි තුන් ලක්‌ෂ හැටහය දහස්‌ දෙසිය හැත්තෑ දෙකයි
දුකසේ උපයාගත් මුදලින් ගෙනා බගුටියේ මිල :- කෝටි 52යි.
ගෙනා මෝටර් රථ 19ට එකකට බදු සහනය:- කෝටි 18යි.
අය විය යුතුව තිබූ රේගු බදු මුදල:- කෝටි 342යි


මහනුවර රෝහලට පරිත්‍යාග කිරීමට ගෙන්වූ ඇඳන් ගණන :62
ඒ ඇඳන් වලට ගෙවූ රේගු බදු මුදල: ලක්ෂ 12යි


අස්ගිරි පන්සලෙන් දුප්පත් පාසැල් ළමුන්ට බෙදන්න ගෙනා සපත්තු බෑග් තොගයට ගෙවූ බදු මුදල:- ලක්ෂ 20යි (කොටසක් රේගුවේ )


ජනතා දුක දකින අපගේ නායකයින්ට සහ වෙන්ට නායකයින්ට අපගේ කෘතඤතාවය සහ කළගුණ  දැක්වීමට රට ඔවුන්ට ලියා දෙමු. 30 වසරක බිහිසුණු යුද්ධය අවසන් කළ ඔවුන්ට අපගේ කළගුණ දක්වමු. හැමදාම ඡන්දය විතරක් ඔවුනට භාවිත කරන්න වෙන මොනවා අමතක කළත් සිදු කළ යුතු යුතුකමකි.

උපුටා ගැනීම : Chanaka Perera

ලෝක තරුණ සමුලුව සහ ශ්‍රී ලංකා තරුණයා


 

asammathaya

ලෝක තරුණ සමුළුව පසුගියදා මහා උත්කර්ශවත් අන්දමින් පැවැත්වුනා. රටවල් 190කට වැඩි ගණනකින් 1500ක් තරුණ නියෝජිතයින් පැමිණෙනවායි ආණ්ඩුව සහ ආණ්ඩුවේ මාධ්‍ය පම්පෝරි ගසා ජනතාව රවටන්නට හැදුවද එතනට පැමිනි සියළු දෙනා දු‍ටු සත්‍යය රටපුරා මෙන්ම ලොවපුරාද දැන් ප්‍රචලිතවී අවසානය.

1500ක් එනවායැයි කියු සමුළුවට ආවේ සැබෑවටම 375 යි,  ඒත් රටවල් 78 කින් විතරයි. ලංකාවෙන් 100ක් එකතු වුනාම ඔක්කෝම 475යි. ඒ 475ට උදව් කරන්න ලංකාවෙන් 500කට වැඩි ස්වෙච්චා තරුණ පිරිසක් පැමිණ සිටියා. ඒ 500න් 350ක් විතර හරි හරියට රට ගැන කැක්කුමකින්  වැඩ කරත්දි ඉතිරි 150 තමන්ගේ විනෝදය සදහා හතර අත ඇවිද්දා පමණයි. රෑ වෙනකොට ඒ අයගේ හොදම වැඩ බලාගන්නටත් අපිට පුළුවන් උනා.

දින දෙක තුනකින් පෙම්වතුන් වුන තරුණ යුවල් කාටත් නොපෙනෙන තාප්ප පදුරු අසල ලිංගිකව හැසිරුණු හැටි ආරක්ෂක අංශ දු‍ටු අතර දැඩි අවවාද කරන්නටද සිදුවිනි. ඒත් සමහර අවස්ථාවලදී එම තරුණ යුවල් නිසි පරිදි ඇදුම් ඇදගන්නා තුළු පසෙකට වී ඉන්නට වීමද ඔවුන්ට සිදුවිය.

තරුණ සමුළුවේ ස්වේච්චා සේවයට පැමිණි තරුණ පිරිසෙන් අතලොස්සක් එසේ ලිංගික උත්තේජනය ලබද්දී පිටරට සිට පැමිණි තරුණ පිරිසට මේ සමුළුවෙන් වැඩක් උනාදැයි මට මහත් ගැටළුවක් ඇතිවිනි. මන්ද යත් නිසි කාලසටහනකට කිසිම දෙයක් සිදුනොවුන නිසා එම තරුණ පිරිසට කලකිරීමක් ඇතිවුන බව මා හට හමුවූ බහුතරයක් පවසනු ලැබූනිසා මටත් එය පිලිගන්නවා හැර වෙන මොනවා කරන්නද?

ඒ කලකිරීම නිසාදෝ වැඩිහරියක් දෙනා සම්මන්ත්‍රනශාලා භුමිය පුරා රිසිසේ ඇවිතිමින් කාලය කාදැමූ අතර තවත් සමහරෙක් සමුළුවට සහභාගී නොවී කොළබ නගරයේ සිරි නරබන්නට ගියහ. අන්තිමට 150ක් පමණ පිරිසක් සමුළුවේ කොළබ ප්‍රකාශය හදන්නට සහභාගිවූහ.

අන්තිමට මහා වියදමක් දරා කළ මේ සංදර්ශණයෙන් පසු සංගීත සංදර්ශණයක් පවත්වා ඒ උත්සවය අවසානවිය. නමුත් පැමිනි අතලොස්සක් විදේශ තරුණ පිරිස සහ ලාංකික තරුණ පිරිස සමග දැඩි මිත්‍රත්වයක් ඇතිවීම නිසා  ලංකාවේ තොරොතුරු  ලොවට ගලායාම  වේගවත්වී ඇත.

ආණ්ඩුව සමුළුව පැවති දිනවල උද්ගෝෂණ තහනම් කර ලංකාවේ තරුණ ප්‍රජාවට ගැටළු නැතැයි ලොවට පෙන්වන්නට ගියාට ආණ්ඩුවට වැරදුන තැනත් එතනම තිබෙන බව ආණ්ඩුව දැනගන්නකොට පරක්කු වැඩිබව කිවයුතුය. අන්තර්ජාලය හරහා ලංකාවේ ත‍රැණ පිරිස් සහ ලෝකයේ අන්රටවල තරුණ පිරිස් ලංකාවේ ගැටලු කතකරන්නට පටන් අරන් ඇති බව ඔබ නොදන්නවා විය හැක. නමුත් එය එසේ වනබවට සාක්ශී මා මෙම ලිපියෙන් පෙන්වන්නම්.

asammathaya asammathayaලෝකයට කොලේ වසන්නට ගොස් පස්ස බිම ඇනගන්නා තුරු ආණ්ඩුව දන්නේම නැත. සියළු සමාජ ජාල තහනම් කලත් නව තරුණ පරපුර ඒ තාකෂණික බැමි වලින් මිදීමට තරම් දක්ෂ පිරිසක් නිසා ඒ වාරණවලින් පලක් වන්නේද නැත.

ඒ අහිංසක සිසුන් මාස ගණනක සිට ඉල්ලනේ තමන්ට පඩි වැඩිකරන්නට කියා නොවෙයි, තම්න්ගේ අධ්‍යාපන අයිතිය සුරකින ලෙසයි. හරි අධ්‍යාපනයක් නොමැතිව මොවුන් අනාගතයේ ජනතාවට සේවය කරන්නේ කෙසේද? රෝගියෙකු මැරෙන තුරු බලාසිට වරද නිවැරදි කරගන්නට යනවාය වඩා හරි අධ්‍යාපනයල් ලබාදීම වැදගත්.

asammathayaසමහර විටක ඔබට මෙය සංවේදි විය නොහැකියි, නමුත් ඔබ කෙදිනකහෝ රෝහල් ගතවූ දිනකදී මෙය ඔබටද දැනේවි. එදාට ඔබ පසුතැවිලි වන්නේ රෝගය නිසා නොව ඔබට සේවය කරන්නට ඉන්න පිරිසට තමන් සහයෝගයක් අද නොදුන් නිසා ඔබ පත්ව ඇති තත්වය ගැනයි.

රෝහණගේ බ්ලොග් සටහන් එකතුව වින්ඩෝස් ඇප් එකක් ලෙසින්


rohana's blogs

අසම්මතය බ්ලොගය දැන් Windows Phone App එකක් හැටියට නිකුත් වෙලා තියනවා. ඒ නිසා දැන් ඔයලට ඔයාලගේ Windows ජංගම  දුරකතනයෙනුත් කියවන්න පුළුවන් ආකාරයට ලොකු පහසුවක් ඔයාල වෙනුවෙන් ඇතිකරලා තියනවා.

අසම්මතය විතරක් නෙවෙයි, ඒත් එක්කම මම ලියන තව ඉංග්‍රීසි බ්ලොග් තුනකුත් ඔයාලට කියවන්න ඒතුලින් ලැබෙනවා.

  1. Uncopyrightables (තොරතුරු තාක්ෂණික බ්ලොග් සටහනකි)
  2. Green Map Sri Lanka(පාරිසරික බ්ලොග් සටහනකි)
  3. The Rohana Live(ඉංග්‍රීසි දැනුමමිනුම බ්ලොග් සටහනකි)

දැන් මම ලියන බ්ලොග් ඔබේ Windows දුරකතනයෙන් කියවීම සදහා Rohana’s Blogs Windows Phone App එක ඩවුන්ලෝඩ් කරගෙන ලිපි කියවන්න…

මෙන්න සබැදිය : Rohana’s Blogs Windows Phone App

මම ලිපි ලියන්නේ මගේ අදහස් ඔයාලත් එක්ක බෙදගෙන ඒවා තුලින් ඔයාලගේ අදහස් මතුකරගෙන යහපත් සමාජයකට අවශ්‍ය ඒ දැනුම බෙදාහදා ගැනීම. ඉතින් ඒකට තාක්ෂණයේ පිහිට මට පුළුවන් හැටියට මම යොදාගන්නවා. ඒ නිසා දැන් වෙනදටත් වඩා ඔයාලට සමීපව වැඩකරන්න මට හැකියාව ලැබිලා තියන බව ඉතාම නිහතමානී ආඩම්බරයකින් කියන්න පුළුවන්.