තෙවෙනි ඇස


තෙවෙනි ඇස වෙන්වී ඇත්තේ ලොවපුරා කාගේ හෝ ස0වේදී කැමරා කාචයට හසුවුන අරුම පුදුම, දුර්ලභ, ලෝක පූජිත ඡායාරූප ගොන්නකින් ඔබගේ ස0වේදි හදවතට ස්පර්ශ කරන්නටත්, ඒ ස0වේදීකම බෙදාහාදා ගන්නටත් අසම්මතය සටහන තුලින් මාවතක් තනන්නටයි.

එන්න, බලන්න, රසවිදින්න, දිවියට යමක් එක්කරගන්නට විවරකර මගේ තෙවෙනි ඇස තුලින්…..

(001)

1992 දි සෝමාලියානු සාගතයෙන් මියගිය තම දරුවා වළලන්නට තැනක් සොයන මවක්.

(002)

1963 දී දකුණු වියට්නාම් ජාතික තිච් කුආන්ග් ඩුක් හිමිනම එරට පාලකයන් බොදු ජනයාට කරන හිරිහැර වලට විරෝධය පා සියදිවිනසාගත් අවස්ථාව. හිමියන්ගේ මුවින් මියයනතුරු කිසිදු හඩක් පිටනොවූ බවක් කියවේ.

(003)

තවත් සම්මානයට පාත්‍රවූ ඡායරූපයක්, අප්‍රිකානු රටක දරුවෙක් එරට පැමිනි සහන සේවකයෙකුගේ අත් අල්ලාගෙන සිටි අවස්ථාවක්.

(004)

හොර්ටන් තැන්නේදී ගත් මහරත්මල් පිළිබද මෙම ඡායාරූපය මා වෙත ලබාදුන් ශානුකා පලාමුරේ අක්කාට ස්තුතිය පිරිනමන්නට කැමතියි.

(005)

තම මියදුනු දරුවා වළලන ඉතියෝපියනු මවක්.මෙම ඡායාරූපය මා වෙත ලබාදුන් ඉන්දියානු ජාතික මොහොමඩ් සිරාජුඩීන් මහතා වෙත ස්තුතිය පිරිනමන්නට කැමතියි.

(006)

වන්නි යුධබිමේ තනිවූ මහළු මවක්, 2008 මාර්තු මස ශ්‍රි ල0කා යුධහමුදා මාධ්‍ය ඒකකය මගින් ගන්නාලද ඡායා රූපයක්.

(007)

අවසන් සටනට සැරසෙන සෙබලුන් ,2008 මාර්තු  මස ශ්‍රි ල0කා යුධහමුදා මාධ්‍ය ඒකකය මගින් ගන්නාලද ඡායා රූපයක්.

(008)

සරල ගති පැවතුම් ඇති ඉරාන ජනාධිපති මොහොමඩ් අහමඩිනෙජාඩ් මහතාගේ ඡායාරූපයක්…

(009)

ලොව ප්‍රකට ක්‍රිකට් තරු ළමා කාලයේදී මෙන්න මේ වගේලු…

asammatahaya

(010)

ඇමරිකානු හමුදා සෙබළියක් තම මාස 7ක ඉරාක මෙහෙයුම් කාළයක් අවසන් කරමින් තම මව්බිමට පැමිණි මොහොතේ තම සුරතල් දියණිය හමුවේ තමන්ගේ ආදරය මුදාහැරි දුක්බර මොහොතක්…(2007 වසර)

(011)

අතිදුර්ලභ ඡායාරූපයක් ගන්නට මටත් පිනක් තිබුනා. මේ තියෙන්නේ (පිරිමි)ගෝනුස්සෙක් තම සහකාරිය විසින් ගෝනුසු පැටවුන් උගේ පිටමත බිහිකළ පසු පැටවුන්ගේ ආරක්ෂාව සහ ‍රැකවරණය උදෙසා උන් පිටමත දරාගෙන ගමන් කරන දසුනක්. මම මේ ඡායාරූපය ගත්තේ සබරගමුව සරසවිය තුලදී 2012/ 07/18 දින.

asammathaya

(012)

එකම පුද්ගලයෙක් තමන්ගේ ජීවිත කාලය අතරතුර වෙනස්වීමට ලක්වන ආකාරය පෙන්වන ඉතා දුර්ලභ චායාරූපයක්.

asammathaya

(013)

පවස නිවන්නට ජල බිදුවක් නොමැති කල මිනිසා කෙතරම් අසරණවේද?

asammathaya

(014)

මිනිසාගේම ක්‍රියාකාරකම් නිසා අපගේ වටාපිටාව පමණක් නොව මහ සමුදුර පවා අපවිත්‍රවී ඇති අයුරු බලන්න.

asammathaya

(015)

මේ කුඩා දරුවෙක් සීසර් සැත්කමකින් එලියට ගත්ත අවස්තාවක්, බලන්න අපි අම්මගේ කුස තුල හිටියෙත් මෙන්න මෙහෙම තමයි.

asammathaya

(016)

මේ කුඩා අලි පැටියෙක් (කළලයක්), බලන්න කොච්චර ආදරේ හිතෙන අලි පැංචෙක්ද කියලා…

_63583186_picture743

(017)

මව් සෙනෙහස නොමැති වුවද පිය සෙනෙහස ලබනනාවූ ඉන්දියානු බිලින්දෙක්.

asammathaya(018)

ටෝනේඩෝ අවස්ථාවක්, කැලිෆොර්නියා මුහුදු වෙරල 2013 ජූනි

asammathaya(019)

“බොන්නට දිය බිදක් නොමැති මාහට කුමට මාහට විසිතුරු අරුමෝසම්”,

නියගය නිසා බොන්නට ජලය නොමැති කමින් දුක් විදින ඉතියෝපියානු දරුවෙක්.

aasammathaya(020)

මනසින් උසස් තිරිසනා

ඉහත ජායාරුපය පිලිබදව ඔබට යම් නිගමනයකට එන්න පුලුවන්ද? මෙතන ඉන්නේ අන්ධ පුද්ගලයින් දෙදෙනෙක්, මොවුන් දෙදෙනා බැංග්ලෝර් නුවර පන්සලකට ගිය අවස්තාවේ, ඔවුන් වතුර පිපාසයකට වතුර කරාමයක් ලගට ගිය අවස්තාවේදි ඔවුන්ට වතුර කරාමය ඇර ගන්න අපහසු වුන වෙලාවේ මොවුන් දෙදෙනාගේ සහයට මේක දැක්ක වදුරෙක් පැමින ඔවුන් දෙදෙනාට ජල පිපාසය සන්සිදුවා ගැනිම සදහා වතුර කරාමය විවෘත කරදුන් දුර්ලභ ජායාරුපයකි.

මිනිස්සුන් ගේ මනුස්සකම තිරිසන් සතු තත්වයට පත් වන මේ කාලේ, තිරිසන් සතාගේ හැදියාව උතුම් බෝසත් කුලයට පත්විම අරුමයක් නෙවේ, මට මේ පිංතුරය දැක්කම මතක් වුනේ අප මහා බෝසතානන් වහන්සේ වදුරු කුලයක ඉපිද ජල පිපාසිත තම අනුගාමික පිරිසගේ පිපාසය සන්සිදවිම සදහා දිය රකුසෙකුගෙන් බේරා ගෙන පිපාසය සංසිද වු නලපාන කතා වස්තුවයි, මෙයත් ඊට හාත් පසින්ම සමාන පුවතකි.

(021)

අම්මා…….

ශිල්පියාගේ නම සඳහන් නොවන මෙම ඡායාරූපයෙන් දැක්වෙන්නේ ඉරාක දැරියකි. ඉරාක යුද සමයේ මවුපියන්ගෙන් වෙන් වූ මෙම දැරිය වයස අවුරුදු තුනේදී අනාථ දරු සැරැකුම් මධ්‍යස්ථානයක් භාරයට ගැනිණ. එහි මිතුරු මිතුරියන් කොතෙක් සිටියද අම්මාගේ උණුසුමේ අඩුව ඇයට හොඳින්ම දැනිණ. හැබැහින් ඒ උණුසුම විඳ ගන්නට නොලැබෙන බව දන්නා ඇය තමාගේ මතකයේ ඇති අම්මාගේ රුව චිත්‍රයට නැගුවාය. පසුව එයින් හෝ මව් උණුසුම ලබනු සඳහා චිත්‍රයේ සිටින අම්මාට තුරුළු වී ගුලි වී සිටියේ සිතින් අම්මා මවා ගනිමිනි.ඉරාක වීදි දරුවන්ගේ ඡායාරූප ප්‍රදර්ශනයකදී මෙම ඡායාරූපයට පළමු වන ස්ථානය හිමි වුවද එහි හිමිකරු පැමිණ ජයග්‍රාහී ත්‍යාගය සහ අදාළ මුදල ලබාගත්තේ නැත. මාස 6ක කාලයක් ගතවුවද ඒ සඳහා කිසිවකු ඉදිරිපත් නොවූ බැවින් ජයග්‍රාහී මුදල මෙම දැරිය සිටින අනාථ දරු සුරැකුම් මධ්‍යස්ථානයට පිරිනමන ලදී.

(022)

ඉරාක සිරකරුවා සහ පුතු……

2003 වසරේදී පුලිට්සර් සම්මානයෙන් පිදුම් ලැබූ මෙම ඡායාරූපය ඇසෝසියේටඩ් පේ‍රස් හි ඡායාරූප ශිල්පියෙකු වන ජීන් මාක් බූජුගේ කැමරා කාචයේ සටහන් වූවකි. ඉරාක සිරකරුවකු වූ අන් නජාෆ් යුද කටයුතුවලදී සිදු කළැයි සැලකෙන වැරදි කීපයකට වරදකරු වීම නිසා ඔහුට ඇමෙරිකානු රජයෙන් මරණ දඬුවම උරුම වී තිබිණි. ඔහුට තම ජීවිතයේ අවසන් වතාවට පුතු දැක ගැනීමට ලැබුණු අවස්ථාව මෙයයි. මේ පිළිබඳ කිසිත් නොදත් දරුවා පිය උණුසුමට තුරුළු වී සුවසේ නිදා ගත් ආකාරය ජීන්ගේ කැමරාවට හසු විය. දරුවා සමග කතා කිරීමට විනාඩි 2ක් පමණක් ලබා දුන් හමුදා නිලධාරීන් මෙම අවස්ථාව දුටු පසු නජාෆ්ට විනාඩි 20ක පමණ කාලයක් ලබා දී තිබිණි. මෙම දසුන අවසානයේ අන් නජාෆ් ඇමෙරිකානු 101 වෙනි එයාබෝන් හමුදාංශය විසින් දඬුවම් දීම සඳහා රැගෙන යන ලදී. ඉන්පසු ඔහු කිසි දිනෙක සිය අඹුදරුවන් හෝ මව්බිම දුටුවේ නැත. මෙම ඡායාරූපය වෙනුවෙන් 2013 වසරේ මාර්තු 31 වන දින පුලිට්සර් සම්මානය ලබා ගත් ජීන් මාක් බූජු 1995 සහ 1999 වසරවල ද පුලිට්සර් සම්මාන ලැබූ ඡායාරූප ශිල්පියෙකි.

(023)

ජල ගැල්ම……

ඇමෙරිකානු ජාතික ප්‍රවෘත්ති ඡායාරූප ශිල්පිනියක වන ඇනී වෙල්ස්ගේ කැමරා කාචයේ සටහන් වූ පුලිට්සර් සම්මාන ලාභී ඡායාරූපයයි මේ. මෙය ද පේ‍රස් ඩිමොක්‍රැට් නම් ප්‍රාදේශීය පුවත්පතේ පළවූවකි. කැලිෆෝනියාවේ සැන්ටා රෝසා ප්‍රදේශයේ ඇති වූ දරුණු ගංවතුරින් ගසාගෙන යන තරුණ ගැහැනු ළමයෙකුගේ ජීවිතය හමුදා ජීවිතාරක්ෂක නිලධාරියෙකු විසින් බේරා ගන්නා ආකාරය ඉන් නිරූපණය වේ.තරුණියගේ ජීවිතය බේරාගෙන, ගුවන් මගින් විපතට පත් වූවන් බේරා ගනිමින් සිටි ගුවන් හමුදාවට භාර කළ ඔහු නැවත වරක් දැඩි ජල පහර තුළින් පිහිනා ගියේ තවත් ජීවිතයක් බේරා ගනු සඳහාය. නමුත් මෙම නිලධාරියාට තවත් ජීවිතයක් බේරා ගන්නට හැකි වූයේ නැත. ඒ දැඩි ජල පහර ඔහුගේ ජීවිතය රැගෙන ගොස් ගං පතු‍ලේ සැඟ වූ බැවිනි. ජීවිතය හැර යන්නට තත්පර කීපයකට පෙර මෙම නිලධාරියාගේ වගකීම ප්‍රදර්ශනය කරනු සඳහා ලබාගත් මෙම ඡායාරූපයට 1997 වසරේ පුලිට්සර් සම්මානය ලැබිණි. පුලිට්සර් සම්මානයක් ලැබිමේ සතුට වෙනුවට ඇනී වෙල්ස්ගේ දෑසින් ඒ මොහොතේ ගලා ගියේ මෙම නිලධාරියා වෙනුවෙන් ඉනූ උණු කඳුළුය.

10 thoughts on “තෙවෙනි ඇස

    • අනිවාර්යයෙන්ම ඔබගේ කතාව මම පිලිගන්නවා. හැමදාම මිනිස්සුන්ගේ ඔලුවට මොනවාමහරි දෙයක් දෙනවා වගේම අමුතු දෙයෙක් දැක්කාම ඒක බෙදාහදා ගන්නත් එක්ක තමයි මම මේ වගේ දේවල් ඉදලා හිටලා දාන්නේ.

      බොහෝම පින් ඔබගේ ඔවදනට සහ මග පෙන්වීමට.

ප්‍රතිචාරයක් ලබාදෙන්න

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න / වෙනස් කරන්න )