සිරිපාද ලොජික්


1.  බෙංගමුවෙ දම්මදින්න ලොජික් – මළුවට අවුලක් නෑ බොලව්..  මළුව විතරයි සිරිපාදය..
= ඔබවහන්සේ මළුව තියාගන්න.. කැලේ අපි බලාගන්නන්. හැබැයි නොදන්න මඟුල් කියවලා මිනිස්සු නොමඟ යවන්න එපා. සිරිපාදෙ සුද්ද කරන්න ලැබෙන මුදල් පවා අතුරුදහන් වන විට ඔබවහන්සේගෙ කතාවල ගතයුත්ත ඇත්තෙ කොතනද කියන එක ප්‍රශ්නාර්ථයක්.
2. පුද්ගලික දේපල ලොජික් – මරේ වතුයාය යනු පුද්ගලික ඉඩමකි. පුද්ගලික ඉඩමක ඕන තොයිලයක් අයිතිකරුට නැටිය හැකිය එමනිසා අදාල නැත
= නෑනෙ එහෙම ඕන ඕන දේවල් කරන්න බෑනෙ. පුද්ගලික ඉඩම් වුනාට යම් ප්‍රදේශයකට විශේෂිත කරුණු මත යමක් සිදුකිරීම සීමා කරල තියෙනවා නම් ඒ සීමා කිරීමට අයිතිකරු බැඳිලා ඉන්නවා. ඒක ඔබ මේ රටේ උපදින විට රාජ්‍ය නැමැති සංකල්පයට බැඳෙන නිසා ඔබට පැවරෙන සාමුහික වගකීමක්. 
උදාහරණ – 1. කොළඹ නගර සීමාව තුල ඉදිකිරීම් වලට පනවා ඇති සීමා.
2. ගාල්ල කොටු පවුර තුල ඉදිකිරීම් සිදුකිරීම සීමා කිරීමට පුරාවිද්‍යා දේපාර්තුමේන්තුවෙන් පනවා ඇති සීමා.. etc etc
ආන්න ඒවගෙ සිරිපාද රක්ශිතය අවටත් ඔබලා නොදන්නවා වුනාට ( නොදන්නව වගෙ රඟපානවද මන්දා ) සීමා තිබෙනවා.
3. කණ්ඩලම ලොජික් – කණ්ඩලම හදද්දිත් පරිසරවේදියො කියාගන්න එවුන් කෑගැහුවා, ඒත් දැන් බලහන්කො ඒකේ ලස්සන.. අන්න ඒ වගෙ තමයි මේකත්
= පොඩි කාලේ අම්මල තාත්තල උගන්නලා ඇතිනෙ වීදුරු බඩුවක් බිම දැම්මම මොකද වෙන්නෙ කියලා.. ” ආයෙ හදන්න බෑ පුතේ”… ආන් ඒකෙ සංකිර්ණ අවස්ථා සම්බන්දය තමයි පරිසරය. සංරක්ෂණ මූලධර්ම වල හැඳින්වෙන්නේ irreversible and irreparable damage කියලා. සරල සිංහලෙන් කිව්වොත් නැවත ආපසු හැරවිය නොහැකි, ප්‍රකෘති කල නොහැකි හානිය. එකම අවුල තියෙන්නෙ වීදුරු බඩුවක් අල්ලන පර‍ෙස්සම උඹල ජීවත් වෙන හුස්ම ගන්න පරිසරය ගැන උගන්නලා නොතිබීම.. ඒ ගැන හැඟීමක් නොතිබීම.. ආන්න ඒ උඹලට නැති කැසිල්ල පරිසරයට ආදරය කරන මනුස්සයෙක්ට තියෙනවනන් උපකල්පන මත සීමා වෙලා “ඒක ශෝක් නිසා මේකත් ශෝක් වෙයි” වගෙ කතා කියන්නෙ නැත.
4. සර්ව ශුභවාදි ලොජික් – ඕවා ඔහොම තමයි.. අනෙක් ජීවින් කෙසෙ වෙතත් මිනිස්සු රැකිලා ඉන්න ඕන.. ඒ නිසා ඕවා වෙනවා, පරිරයට හානි වෙනවා.. ඒවා සංවර්ධනය එක්ක කොහොමත් එන අතුරුඵල
= නෑනේ බ්‍රෝ.. මිනිස්සු සංවර්ධනය වෙන්න ඕන , හැබැයි වැස්සට හුස්ම පොදට කෙල කරගෙන යන සංවර්ධනය මොකද්ද ? මේ පොලොවට වැස්සක් වැටෙනවනන් ඒ සිරිපාද කඳු පන්තිය, දුම්බර කඳු පන්තිය හා සිංහරාජය නිසයි. එකා එකා ආඬි හත්දෙනාගෙ කැඳ හැලිය වගෙ “තව රක්ශිත තියෙනවනෙ බොල, ඉතින් මොකද මේ ඉඩම සංවර්ධනය කලාට” වැනි ආත්මාර්ථකාමී මතයක සිටින විට නැවතීමෙ තිත කොතනද ? 
5. දේශපාලනික ලොජික් – බැසිල්ද වික්කෙ ? නෑ ඕයි ෆයිසර්. නෑ ෆයිසර් වෙන්න බෑ මේක මෛත්‍රී..! රනිලයා තමයි ගේම දෙන්නැත්තෙ.. නෑ වෙන්න බෑ මේක බැසිල්ගෙ තමා.
= කාගෙ වුනාම අපිට පාන්ද ? දැන් ඇත්තටම ගැටළුව කවුද කරේ කියන එකද එහෙම නැත්තන් කොහොමද මේක නවත්වන්නෙ කියන එකද ?
පරිසරවේදී Don Supzගෙ සටහනකි..(ගිහාන් ගාල්ලගේ ගෙ වෝල් එකෙන් )

ප්‍රතිචාරයක් ලබාදෙන්න

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න / වෙනස් කරන්න )