මේක අමුතු මිනිස්සු ඉන්න රටක්


පොල් ගෙඩිය බිදින කොට පෙරළෙන පැත්ත අනුව
අළුත බැදපු කසාද ජෝඩුවගේ පවුල් ජීවිතේ
තීරණය කරන මිනිස්සු ඉන්න රටක්,

පෝරුවෙදි මනමාලිට ඔළුව කැක්කුමක් ආවොත්
ඒකෙන් ඒ කෙල්ලගේ පතිවත ගැන
තීරණය කරන මිනිස්සු ඉන්න රටක්,

මදුසමය දවසේ ඇද රෙද්ද ලේ වලින් රතු පාට වෙනකන්
බලන් ඉන්න මිනිස්සු ඉන්න රටක්,

කුළය බලලා ශාසනේට ඇතුල් කර ගන්න
ශ්‍රාවකයෝ ඉන්න රටක්,

තමන්ගේ රට ඇතුලේදිත් මවු භාෂාවෙන් කථා කරන එක
මදි පුංචි කමක්
කියලා හිතන මිනිස්සු ඉන්න රටක්,

චන්දෙට අපේක්ෂකයෝ තෝරද්දි කුලේ අනුව ලිස්ට්
එක හදන උන් ඉන්න රටක්,

පාර අතු ගාන මනුස්සයා පොඩි මිනිහෙක් විදියටත්
දොස්තර මහත්තයා මහා ලොකු මිනිහෙක් විදියටත්
දකින මිනිස්සු ඉන්න රටක්,

හිතලා තීරණයක් ගන්නවා වෙනුවට
කාගේ හරි වචෙනෙකට තීරණ ගන්න
මිනිස්සු ඉන්න රටක්,

හොරකමට බය නැති හොරකමත් සාධාරණීකරනය කරන
මිනිස්සු ඉන්න රටක්,
නීතියක් තිබ්බට ඒක ක්‍රියාත්මක
කරන් නැති රටක්,

රට වෙනුවෙන් තමන්ට වගකීමක්
තියෙනවා කියලා පිළිනොගන්න
මිනිස්සු ඉන්න රටක්,

කුණු දාන එක අපේ වැඩක්
කුණු අයින් කරන එක ආණ්ඩුවේ වැඩක්
කියල හිතන මිනිස්සු ඉන්න රටක්,

තමන් වැඩ කරන කොම්පැණියට
කඩේ යන මාධ්‍යයවේදීන්
ඉන්න රටක්,

වැරැද්දට විරුද්ධ වෙන එක
කොහේවත් යන ලෙඩක් ඇගේ දා ගන්නවා කියලා
හිතන මිනිස්සු ඉන්න රටක්,

හැම දේකම තියෙන්නේ
හොදක් නරකක් නෙමෙයි
පවක් පිනක් කියලා
හිතන මිනිස්සු ඉන්න රටක්,

උත්සාහ කරලා වරදින එකාට
හිනාවෙන්න බලාගෙන ඉන්න
මිනිස්සු ඉන්න රටක්,

අතීතේ ගැන පුරසාරම් දෙඩෙවුවට
වරථමානේ හිස් වෙච්ච
මිනිස්සු ඉන්න රටක්,

ලෝකෙන් ණයට අරන් හරි
කන කෑම වල ගනන් අඩු කරන්න
ඕන කියලා
හිතන මිනිස්සු ඉන්න රටක්,

උඹලා හිතවද,
මේ කපේට දියුණු වෙයි ද ?
මේ කපේට වෙනස් වෙයිද ?

-වරුණ තිලකරත්න

One thought on “මේක අමුතු මිනිස්සු ඉන්න රටක්

ප්‍රතිචාරයක් ලබාදෙන්න

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න /  වෙනස් කරන්න )

Google photo

ඔබ අදහස් දක්වන්නේ ඔබේ Google ගිණුම හරහා ය. පිට වන්න /  වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න /  වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න /  වෙනස් කරන්න )