ඔව් අපි සබරේ අම්බානකට රැග් උනෙමු


ඔව් අපි සබරේ අම්බානකට රැග් උනෙමු

හොස්ටල් වෙනුවට ගමේ කුකුල්කූඩු වැනි පොඩි ගෙවල් වල එකෙකුට හැරෙන්නට මදි කාමරයේ 4ක් ජීවත්වී රැග් උනෙමු

හැතැම්ම 2-3 ඈත් හොස්ටල්වල සිට බස් නැති පාරවල්වල ගාටමින් ලෙක්චර් එන්නට රැග් උනෙමු

වතුර නැතිකාලයට හොස්ටල් එකට දවස් දෙකකට සැරයක් වතුර බවුසරය එනතුරු නාන්නට රෙදි හෝදන්නට පමනක් නොව පුක හෝදන්නට වතුර එන තුරු බලා සිට රැග් උනෙමු

සමනල වැව විදුලි බලාගාරය හදන්නට පැමිනි විදේශිකයන් ඉදිකල 20-25 ක් ඉන්නට හැකි කුඩා ශාලාවල 60-70ක් ගාල්වී අම්බානකට රැග් උනෙමු

ලෙක්චර් කරන්නට ගුරුවරු නැතිකොට මාස ගනන් ලෙක්චර් හෝල් එකට ගොස් හැරී ඇවිත් රැග් උනෙමු

Visiting Lecturer කෙනෙක් ආ දවසට ලෑලි පුටුවේ පැය 10-12 එක දිගට ඉදගෙන රැග් උනෙමු

කැන්ටිම වැසූ දවසට ගමේ කඩෙන් දෙගුණයක් මුදල් දී කෑම අරගෙන ගන්නට බැරිඋන් එක්ක එක පත බෙදාගෙන කා රැග් උනෙමු.

කැම්පස් එකට පහසුකම් ලබාදෙන්න කියා ඉල්ලමින් පිකටින් කර අව්වේ වැස්සේ අම්බානකට රැග් උනෙමු

කැම්පස් එකට සමත් උනත් දුර නිසා එන්න බැහැකියන, පහසුකම් නෑ කියා එන්න බැහැ කියන එවුන් වෙනුවෙන් පලාතෙන් පලාතට ගොස් වැඩමුළු පවත්වා උන් කොහොමහරි කැම්පස් ගෙන්නා ගන්නට අතේ පිච්චිය වියදම් කරගෙන රැග් උනෙමු

සාමාන්‍ය පෙල උසස්පෙල විභාගයන්ට දුශ්කර පාසල් වලට ගොස් සම්මන්ත්‍රණ පවත්වා උන්ට විභාගය ගොඩයන්නට උදව්කරන්න අම්බානකට රැග් උනෙමු

ආර්ථික අපහසුතා ඇති සහෝදර සිසුන්ට ඉගෙනගන්නට මහපොලට අමතරව මුදලක් ලබා දෙන්නට, කලා උලෙලවල් කරන්නට කැට හොල්ලමින් පාරේ රැග් උනෙමු

උපාධිය ලබාගත් පසු රස්සා හොයන්නට ගියාම සබරේ කියූ පමනින් අපිව reject කරන ආයතනවලට අපේ හැකියාව සහ දැනුම කුමක්දැයි පෙන්වා අමාරුවෙන් රස්සාවක් හොයාගන්නට අම්බානකට රැග් උනෙමු

රස්සාවක් හොයාගත් පසු අපේ හැකියාව පෙන්වා අපේ පොඩි උන්ටත් අපේ ආයතනවලට උන්ටත් තැනක් ලබාදෙන්න රැග් උනෙමු

එහෙව් රැග්වූ අපිට අලුතෙන් කැම්පස් එකට එන එකාට අලුතෙන් රැග් දෙන්නට ඇවැසි නැත. මොකද එන එකාටත් අපි රැග්වූ තරමටම නැතත් ඊට පොඩ්ඩක් අඩුවෙන් වත් අපි රැග්වූ දේටම රැග් වෙන්නට වන බව අප දන්නා නිසාය.

මහාලොකුවට රැග් ගැන අද කතාකරන සමහර අය අපිට අම්බානකට ආණ්ඩු, පරිපාලනය රැග් කරද්දී කොයි ලෝකයේ සිටියාදැයි අපිත් හොයන්නෙමු.

අපි රැග් උනෙමු ඒත් ඒක ඉවරය සබරේ ඉන්න උන් තාමත් රැග් වෙති.

ප්‍රතිචාරයක් ලබාදෙන්න

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න /  වෙනස් කරන්න )

Google photo

ඔබ අදහස් දක්වන්නේ ඔබේ Google ගිණුම හරහා ය. පිට වන්න /  වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න /  වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න /  වෙනස් කරන්න )