​කුණු කන්ද කුණු උනෙ ඇයි??


කොළඹ කුණු ප්‍රශනය මුලින්ම පටන්ගන්නා අවදියෙ එයට විසඳුමක් දීමට 1996 කොළඹ නගරාදිපති වශයෙන් කරුජයසුරිය මහතාත් එවකට බස්නාහිර පලාත් මහඇමති සුසිල් ප්‍රෙමජයන්ත මහතාත් ලෝක බැංකු ආධාර යටතේ පදුක්කෙ මීපේ ප්‍රදෙශයෙ විද්‍යාත්මක කසල කලමණාකරන වියාපෘතියක් ක්‍රියාත්මක කිරීමට උත්සහා කල අතර එකල දිනෙශ් ගුණවර්ධන මහතා ප්‍රමුක කොටගත් ජවිපෙ රතුවහල් පිරිස ප්‍රදෙශ වාසින් සමග එකතුව අවුරුදු දෙකක් පමණ කලයක් උද්ගෝශන කල අතර ලෝක බැන්කුව එම වියාපෘතිය අකුලාගෙන ගියෙය.එම උත්ගෝශනයෙ ප්‍රතිපලය බ්ලූමැන්ඩල් කුනු කන්ද විය.

2007 කොටිකාවත්ත ප්‍රදෙශයෙ එවකට පරිසර ඇමති පාටලි චම්පික රණවක මහතාගෙ යොජනවකට පිලිසරු කසල ප්‍රතිචක්‍රියකරන වියාපෘතියක් ලෙස විද්‍යත්මක කසල රඳවනයක් නිර්මනය කිරීමට උත්සහා කල අතර එයටත් සුපුරුදු ජනතා උගොශනයම දියත්කලෙය.අවසනයෙ එම වියාපෘතිය දොම්පෙ ප්‍රදෙශයට ග්න ගියතර එම වියාපෘතිය නිසා පරිසරය විනාස වන බවත් ජලය විනාශ වෙන බව පවසමින් මහජන උද්ගොශන දියත් කල් අතර එහෙත් එය එම ස්තානයෙ ස්තාපනය කලෙය.එම ස්තානයට ගිය පරිසර නිලදාරින්ට පවා පහරදි එලව දමා තිබුනි.අදටත් ලංකවෙ එකම විද්‍යතමක කස්ල රදවනය වන්නෙ එය වන අතර කිසිම ප්‍රශ්නයක් උද්ගතවී නැත.
2007 බ්ලූමැන්ඩල් කුණු කන්ද පුපුරා ගිය අතර එය කඩාවැටුන නිසා අධිකරණ නියොගයකින් මීතොටමුල්ලෙ අක්කර දෙකක ඉඩක් කුනුගොඩගැසිමට එවකට අරක්ශක ලෙකම් ඇතුලු කොළබ ලස්ස්න කරනවා කියා උදම් ඇනූ පිරිස මද්‍යා පන්තිකපිරිසට සැප දෙමින් කොළබ මිනිස් දූවිලි බවට පත් වූ මේ මීතොට්මුල්ලෙ ජනතාවට කුනුගොඩ පටවා අත පිසගත්තෙය. අද එම කුනුගොඩ අක්කර අටක් පුරා පැතිරගොස් අවසන්ය.

මේ ආන්ඩුව මෙ අවුරුදු දෙක පුරා මේ ඉලිබදව කුමක් කලෙද අසන පිරිසට මැද ඇගිල්ල දිගුකරමින් කියන්නෙ නොදන්න මගුල් කතා නොකර සිටින ලෙසයි.මේ කුනු ගොඩ දවස් දෙකෙන් ඉවත්කල නොහැක මෙය ඉවත්කිරීමට යන අඩුම කාලය අවුරුදු 10කි.ඒ සඳහා මේ වනවිට ආයොජකයන් සොයාගෙන වියාපෘති සකසා අවසන්ය මුලික අධියරය ක්‍රියත්මක කිරිමට අවුරුදු තුනක් ගතවෙයි. මුලින්ම මේ කුනුගොඩ වර්ධනය වීම නැවැත්විය යුතුය එමෙන්ම කසල ප්‍රතිචක්‍රියකරනයට යොමුකිරීමට වියපෘතියක් මේවන විට ක්‍රියත්මක අතර එම නිසා කසල වෙන්කර ලබදෙන මෙන් මහජනතාව්ගෙන් ඉල්ලා සිටී.එහෙත් එය කරන්නෙද ඉතා අඩුවෙනි. 

කොලඹ කුනුගොඩවිමට ප්‍රධාන වැරදිකරුවන් වන්නෙ බොරු විරොධතා දක්වමින් නිවැරදි ක්‍රියවලියකට ඉඩ නොදෙන රතු වහලුන් සහ කලින් කලට මාරුවෙන කොල සහ නිල් වහල් ජනයින්ය.

එක එක දෙශපලකයින්ගෙ මොඩ සටන්පාටයන්ට රැවටෙන අනෙ අපි ස්වාධිනයි කියමින් පරිසරය පිලිබදව අනියත බියක් ඇත්කරමින් හැසිරෙන උන් මුලින්ම මෙම විරොධතා අකල්ප වලින් ඉවත්විය යුතුය.විරොදතා නිස කලහැක්කක් නොමැත.
උපුටා ගැනීම :- දසුන් රුක්ෂාන් ගෙනි….


හැමෝම මේ රුපියල් 50 නෝට්ටුව දැකල ඇති. නොදැකපු කෙනෙක් නැතුව ඇති.  කියන්න යන්නේ මේ 50 නෝට්ටුවේ ඉන්න වෙස් නැටුම් ශිල්පී රුව මෙතනට ආවේ කොහොමද කියල.

වර්ෂ 1906 පෙබරවාරියේදී සුන්දර දුම්බර මිටියාවත ආසන්න පිහිටි නිත්තවෙල රජමහා විහාරය පෙනෙන මානයේ කිරි උක්කුවා නම් පනික්කි ගුරුන්නාන්සේගේ එකම පුත්‍රයා විදිහට දරුවෙක් මෙලොව එලිය දුටුවා.ගුණයා  නමින් නම් ලබපු ඒ දරුවා පසු කලෙක උඩරට නැටුම ජාත්‍යන්තර තලයට ඔසවා තබන්නට සමත් වුනා. එයට ගරුකිරීමක් විදිහට 1950 දී ශත හතරක වටිනාකමකින් යුතු මුද්දරයකට එතුමාගේ රුව යෙදුනා. මෑතකදී අපි භාවිතා කරන 50 නොට්ටුවට එතුමාගේ රුව යෙදුනෙත් ගෞරවයක් වශයෙන්.

නිත්තවෙල ගුණයා ගුරුන්නාන්සේ නමින් ප්‍රකට මෙතුමා වයස අවුරුදු 18 දී නිත්තවෙල රජමහා විහාරයේදී හිස වෙස් පලදී අතර ඉන් අනතුරුව වසර 57 ක් නුවර පෙරහරේ දළදා උපහාරය වෙනුවෙන් නර්තනයේ යෙදුන. සම්පූර්ණ වෙස් ඇදුම් කට්ටලයෙන් සැරසුණු විට ඉතාමත් තේජාන්විත බවයි පැවසෙන්නේ. පෙරහරේ නටා දෑත් එක්කර දළදා සමිදුට වදින දෑතින් කිසි දින අඩව්වක් අල්ලා මුදල් ලබා ගැනීම සදහා ජනතාව වෙත දෑත් දිගු නොකළ උතුමෙක් ලෙසද පැවසෙනවා. සමනල වන්නම සහ මහබෝ වන්නම මෙතුමාගේ ස්වයන් නිර්මාණයි.

දෙහිවල සත්ත්ව උද්‍යානයේ පශු වෛද්‍ය නිලධාරී, ජෝන් හේන්බර්ග් මහතා මෙතුමාගේ නැටුම් දැකීමෙන් අනතුරුව ජර්මනියට යන්න ආරාධනා කල. ඉතිහාසයේ ප්‍රථම වතාවට ශ්‍රී ලංකික උඩරට නැටුම් කණ්ඩායමක් මෙතුමා සමග එලෙස ජර්මනියට ගියේ 1927 දී. පසුව 1957 දී රුසියාවේ මොස්කව් වෙතද 1958 දී ෆිල්ම් ෆෙයාර් උළෙලට ද තවත් රටවල් රැසකට ද ගිය අතර 1947 දී ජර්මනියට ගිය ඔහුට රන් ගෞරව සම්මානයක් ලැබුන. එය වෙස් ඇදුම් පෙට්ටියේ තැන්පත් කල එතුමා කොළඹ වරයට ගොඩ බැස්සේ හැඩු කදුලින්. ඒ රන් සම්මානය කිසිවෙකු සොරාගෙන ඇති නිසා. එය අදටත් අබිරහසක්.  මේ අසහාය කළා කරුවා 1979 දෙසැම්බර් 26 වෙනිදා සදහටම දෙනෙත් පියාගත්තා.

​ගැහැනිය..


දෙවියන්වහන්සේ ගැහැනිය නිර්මාණය කිරීමෙ කාර්ය යේදී  සය වන දින මධ්‍යම රාත්‍රීයත්  එලැඹින..

දේවදුතයෙක් ඔහු වෙත පැමින “ඇයි මෙතරමි කාලයක් මෙි වෙනුවෙන් ගත කරන්නේ ..?”
“ඔබට අනුමාන කල හැකිද  මැයව කෙතරමි සංකීර්ණ පිරිවිතර (specifications ) ප්‍රමාණයක් අඩංගු කරමින් එකලස් කරාද කියලා.?”
“මැය ඔනෑම දුශ්කර තත්වයක් ,අවස්ථාවක් මැද්දේ උවත්  ක්‍රීයාත්මකයි..

මැයට එකවර දරැවන් කිහිප දෙනෙකු උවත් වැලද ගත හැකියි..

මැයගේ එක් වැලදගැනීමකින් තැලුනු දනහිසේ සිට බිදුනු හදවත දක්වා සියල්ල සුවපත් කල හැකියි..

මෙ සියලු  කල යුත්තේ ඇයගේ අත් දෙකෙන් පමනයි..

ලෙඩවූ විට ඇයම පිලියමි කරගනිමින් දිනකට පැය 18ක් වැඩ කරියි…”
පැහැදීමට පත් දේවදූතයා  “මෙ සියල්ල මැයගේ අත් දෙකෙන් පමනක් ..? හිතාගන්න වත් බෑ.!! එකකොට මෙ සමිමත ආකෘතියක් (standard model ) ද..???”
දේවදූතයා මදක් ලංවී ඇයව ස්පර්ශ කලේය.. “මැයව මෙතරමි මෘදු ස්වභාවයෙන් නිර්මාණය කලේ ඇයි සමිඳාණන්වහන්ස..?
“ඔවි.. ඇය මෘදුයි ..ඒත්, මම ඇයව ශක්තිමත් කර තිබෙනවා. ඇයට මුහුණ දී ජයගත හැකි දේ ඔබට හිතාගන්න වත් බෑ ”
“ඇයට සිතන්න පුලුවන්ද ?” දේවදුතයා විමසීය.
“ඇයට සිතන්න පමණක් නොව ඇයට තර්කානුකූලව කරැනු ඉදිරිපත් කරන්නත් පුලුවං”
දේවදුතයා ඇයගේ කමිමුල් ස්පර්ශ කලේය.. “ස්වාමීනි, මේ නිර්මාණයෙන් යමක් කාන්දු වෙනවා පෙනවා!  ඔබ මැය මත බොහෝ බර තබා ඇති නිසා විය හැකියි”
දෙවියන්වහන්සේ එය නිවැරදි කරමින් ” ඒ කදුළු”
” ඒ කුමක් වෙනුවෙන් ද?”
“කඳුළු යනු ඇගේ ශෝකය ,ඇයගේ සැක සංකා, ඇගේ ප්‍රේමය, ඇගේ තනිකම, ඇගේ දුක් වේදනා සහ ඇගේ අභිමානය ප්‍රකාශ කිරිමක් වේ.” …
දේවදුතයා තව තවත් පැහැදීමට පත් වි “සමිඳාණන්වහන්ස .. ඔබෙි බුද්ධීප්‍රභාව ශ්‍රේෂ්ඨයි.. ඔබ සියල්ල කල්පනා කළා.කාන්තාවක් නියත වශයෙන්ම විශිෂ්ටයි ”
“ඇත්ත වශයෙන්ම ඇයට පිරිමියෙකු පුදුමයට පත් කල හැක…

ඇයට දුක් කරදර කන්දරාවක බර රැගෙන යාමේ හැකියාව ඇත.

ඇයට ආදරය සතුට සහ අදහස් සිරකරගෙන සිටීමෙ හැකියාව ඇත..

කැමොරදීමට සිතෙන විට සිනාසීමෙ හැකියාව ඇත..

හඩන්නට සිතෙන විට ගීතයක් මුමුනයි..

සතුටක් ඇතිවු විට හඩයි.. බියක් ඇතිවු විට සිනා සෙයි..

ඇය විශ්වාස කරන දේ සඳහා සටන් වදියි.

ඇගේ ආදරය කොන්දේසි විරහිත වේ.

ඥාතියෙකු හෝ මිතුරෙකු මිය ගිය විට සිත බිදී යන මුත් ඇය ජීවිතය ඉදිරියට ගෙන යෑමට  ශක්තිය ලබා ගනියි ” දෙවියන්වහන්සේ කීය..
“එසේ නමි මැය පරීපුර්ණ කෙනෙක්.. ”
” නැත .. මෙහි එක් දුර්වලතාවයක් ඇත…. ඒ  ඇයට නිතරම අමතක වෙනවා තමන් කෙතරමි වටීද යැයි කියා !!  ”
“උපුටා ගැනීමකි”

​මීමුරේ විනාශයි වගකිව යුත්තේ කවුද?


මීට දෙවසරකට පෙර මීමුරේ පිළිබඳ ලිපියක් ලියන්නට ගිය අපට දැනුණේ අසා තිබු පරිදි අමුතුම දෙයක් මීමුරේ දක්නට ඇත්දැයි යන සැකය පමණි. ගංගා, ඇළ දොළ, කඳු මිටියාවතින් ඔබ්බට නොගියාවූ ඒ ගම්මානයේ අපේ රටේ අහුමුලුවල ඇති දුෂ්කර ගම්මානවලට පමණක් සීමා වූ ඒ සුන්දරත්වය එ දවස ද රැඳී තිබුණේ අප සිත් සතුටු කරවමිනි. ගැමි සුන්දරත්වය මෙන්ම සරල සුන්දර ජීවමාන ගම්මානයක සුවඳ එදා මීමුරේ ගමනේදි මම සැබැවින්ම අත්වින්දෙමි.

කාලය බොහෝ දේට පාර කපන්නා සේ බොහෝ දේ මේ කෙටි කාලය තුළ අප කෙරෙන් දුරස්ව ගොස් හමාර ය. මෙදා මම මීමුරේ ගමට නොගියෙමි. එදා සිට සමීප හිතුමිතුරන් වූ මීමුරේ ගමේ පාසල් ගුරුභවතුන් දකින්නට නැවත වරක් මීමුරේ යන්නට මා සිත් වුවද, ගමනේ දුෂ්කර බව ඒ ආසාවන්ට ඉඩ දුන්නේ නැත. එහෙත් පසුගිය දිනක ඔවුහු අහම්බෙන් මා සොයා පැමිණියහ. ගමනේ විස්තර පවසන්නට පෙරාතූව මගේ හිත රැඳි මීමුරේ ගම ගැන විමසන්නට මට සිතුණේ ගම පිළිබඳ පසුගිය කාලයේ මා සවනතට වැටුණු යම් යම් දේ නිසාවෙනි.
“දැන් මීමුරේ ගමේ එදා තිබුණු ලස්සන නැහැ. සංචාරකයෝ ඇවිත් අපේ ගම විනාශ කරලා…..” මා ලද පිළිතුර එසේ විය. මම තව තවත් ඒ ගැන තොරතුරු විමසුවෙමි.
“ ගමේ මේ විස්තර කිව්වට වැඩක් නැහැ. හෙට අනිද්දා දවස් තුනක නිවාඩුවක් එනවා. ඇවිත් ඇස් දෙකෙන්ම බලන්න ගමට වෙන දේ…. සති අන්තයේ ගමට බස් දෙතුන් සියයක් එනවා. මේ අය ඇවිත් ගමේ ලස්සන තැන් විඳිනවා නෙවේ විනාශ කරලයි යන්නේ. ඒත් දැන් මේ ගමේ මිනිස්සුත් මේ දේවල්වලට හුරුවෙලයි ඉන්නේ. එදා ගහක් කොළක් හිටවලා කීයක් හරි හම්බ කරගත් උදවිය අද මේ ක්‍රමයෙන් පහසුවෙන් සල්ලි හම්බ කරනවා.

කොච්චරද කිව්වොත් කිසිම දුරකතන පහසුකමක්වත් නොතිබුණු මී මුරේ ගමේ ඇත්තෝ අද මේ ව්‍යාපාරයට බැහැලා තියෙන්නේ අන්තර් ජාලයත් හවුල් කරගෙන. ඒත් මේ අය දන්නෙ නැහැ මේ පිටිපස්සෙන් ගමට අැතිවෙලා තියෙන හානිය…….” එය දිගු කතාවක මූලාරම්භයක් පමණි. දුරකනතනයක් නොමැති ගමේ අන්තර්ජාලයෙන් අද බොහෝ දේ සිදුවෙන අයුරු මම පිරික්සුවෙමි. ගැමි සුවඳ වහනය වන මී මුරේ ගමේ නොසිතු නොමැති ප්‍රතිරූප අන්තර් ජාලය පුරාම විසිරි ඇත්තේ අපූරු ආකාරයට ය.
පහසුවෙන් සල්ලි
‘Stay at night ‘Meemure’, you have stay in ‘Tent’ over the night’ ඒ එක් තැනකය. තවත් තැනක මෙසේ විය. ‘Yaman, soorya arana water world tour, ‘ Hike to Lakegala’,’Nawarathna water fall tour’ මීමුරේ ගමේ සජීවත්වයෙන් තොර බොහෝ දර්ශන ඇතුළත් කරමින් වෙබි අඩවි පුරා පිටු පිරවී ඇත්තේ සංචාරකයන්ගේ මන දොළ පිනවන චාරිකා ය. රාවණා දඬු මොනරෙන් පිටත්ව ගිය ඉතිහාසයක් ඇති මීමුරේ ගම සැබැවින්ම අලංකාරය.
එදා බොහෝ සෙයින් හු‍ෙදකලා වු මේ ගම්මානය ටිකෙන් ටික ලෝකයාට විවර වෙන්නට වූයේ ගමට ඇති පදමට දුන් ප්‍රසිද්ධියත් සමඟ ය. පසුව සූර්ය අරණ ළමා චිත්‍රපටයට මෙහි දර්ශන පසුතල ඇතුළත් වූයෙන් රට ගැන නොතකා මුදල් ඉපයීමේ අභිලාෂයෙන් කටයුතු කළ සමහරුන්ගේ උකුසු ඇස් මේ දෙසට යොමු වූයේ නිරායාසයෙනි. එහෙත් මේ හු‍ෙදකලා ගමේ සංචාරක කර්මාන්තයක් කරගෙන යෑමට තරම් කිසිදු විශේෂත්වයක් නැති බව දන්නේ මේ ගමට එක් දවසක්වත් හෝ ආගිය අයෙකු පමණි.
“2014 මැද භාගයේ සිට තමයි මේ ගම ටිකෙන් ටික වෙනස් වෙන්න පටන් ගත්තේ. අද මේ ගමේ සංචාරක කර්මාන්තය කෙරෙන්නේ තරගෙකට වගෙයි. එක්කෙනෙකුට එක්කෙනෙක් නොදෙ‍වැනි ආකාරයෙන්. ගමේ අය වගේම පිට පළාත්වලින් අයත් ඇවිත් මේ සංචාරක කර්මාන්තය බොහෝම ජයට කරගෙන යනවා.
අද මීමුරේ ගම සම්පූර්ණයෙන්ම වෙනස් වෙලා නොවේ, විනාශ වෙලා කිව්වොත් හරියටම හරි. එදා මේ ගමේ මිනිස්සු තරම් ආගන්තුක සත්කාරයට කැමති අය කොහේවත් නැතුව ඇති. ගමට කෙනෙක් ආවොත් බත් වේලක් නොදී යවන්නේ නැහැ. ඒත් අද මේ ගමේ බත් වේලත් විකුණන තත්ත්වයට පත්වෙලා. අද කෑම වේලක් දෙන්නෙත් රුපියල් 200 කට. විශේෂයෙන්ම සති අන්තයේ මේ ගමේ අස්සක් මුල්ලක් නෑර මස් පුච්චනවා.

ගමේ ක්‍රමයට මස් මාළු බාබකියු කරනවා කියලා එන අයට මස් පුච්චලා දෙනවා. මේ නිසා සති අන්තයේ ගමට කුකුල් මස් කිලෝ දෙතුන් සියයක් විතර ගේනවා. අද මේ ගමට මත්පැන් වගේම විවිධ මත්ද්‍රව්‍ය ගේන්නත් පටන් අරගෙන. විශේෂයෙන්ම කුඩු ගංජා, කේරල ගංජා වගේ දේවලුත් ගේන්න පටන් ගත් නිසා උඩුදුම්බර පොලිසිය හුන්නස්ගිරියෙ පොලිස් මුර පොළක් දැම්මා.
මෙතැනින් වාහන පරීක්ෂා කර ගමට ආවත් ඒවාත් විධිමත්ව කෙරෙන්නේ නැහැ කියල තමයි චෝදනාව. දුම්කොළයි පුවකුයි එකතු කරගෙන හදන බාබුල් කියන බුලත් විටත් මේ ගමේම විකුණනවා. මේවා මේ විදියට කරන්නේ ගමේ අයත් මේවට කිසිම විරුද්ධත්වයක් නැති නිසා. ඒ අයටත් මේක හොඳ සල්ලි හොයන ක්‍රමයක් වෙලා……” එසේ පැවසූයේ ගමට හිතැති ගමේ අයෙකි.

භයානක ක්‍රියා
මේ ගමට එන පිටස්තරයන්ට රැයක් පහන් කරන්නට තරම් ඉඩකඩ මේ ගමේ නැත. මේ නිසා තැන නොතැන බලා එන සංචාරකයන්ට පහසුකම් සපයන්නට සිදුව ඇත්තේ ගමේ කෙතේ ය. නැතිනම් ගමේ දේවාලය අසලය. බර ගණන්වලට මේ පැකේජ විකුණා ගෙන කන මීමුරේ සංචාරක මඟ පෙන්වන්නන් නැති දේ ඇති කර පෙන්නමින් අපූරුවට මුදල් ගරා ගන්නා ආකාරය විස්මිත ය.
“ගමට එන මේ අයව දිය කැරැල්ල, ලකේගල නග්ගනවා බස්සනවා කියනවා. සූරිය අරණ ගඟේ කිමිද්දෝනවා කියනවා. ඒත් මෙවා හරිම භයානක ක්‍රියා. මේ අයට කිසිම ආරක්ෂාවක් නැහැ. මේ ළඟදි ලකේගලින් වැටිලා කෙනෙක් මැරුණා. තවත් අයෙක් බීලා එන අතර මඟදි තෙහෙට්ටුවට මැරුණා. තවත් කෙනෙක් ඔයේ ගිලිලා මැරුණා. සමහරු ඇඩ්වෙන්චර් කියලා කිසිම ජීවිතාරක්ෂක පුහුණුවක් නැතුව ගමේ ඇවිදිනවා.
මොනවා හරි කරදරයක් වුණොත් මේ අයට ප්‍රථමාධාර දෙන්න විදියක් නැහැ.රෝහලකට ගෙනියන්න පැය තුනක් විතර යනවා. ජීවිතාරක්ෂක පුහුණු ගම ඇතුළේ නැහැ. එන අය එන්නේ මේ කිසිත් නොදැන. මේකට මූලිකම හේතුව අද ගම ගැන මවලා තියෙන්නේ අමුතුම ආකාරයේ ප්‍රතිරූපය. එදා හු‍ෙදකලාව තිබුණ ගම අද අමුතුම සද්දයකින් පිරිලා. ගොඩාක් අය නාන්න යන්නේ ගමට ගැළපෙන ඇඳුම් ඇඳගෙන නෙවේ.
එදා කුඹුරු කොටාගෙන වේල පිරිමහ ගත්තු උදවිය අද කුඹුරේ කබානා ගහලා කුඹුරෙම තාවකාලික වැසිකිළි පවා ගහගෙන. අන්තිමට මේ උල්පත්වල වතුර යන්නේ ඔයට. සමහර වෙලාවට පිරිමි ළමයි එක්ක තරුණ ගෑනු ළමයි දෙතුන් දෙනෙක් එනවා.
ඇවිත් මොනවා කරනවද කියලා කිසිම කෙනෙක් නැහැ හොයලා බලන්න. අපිට දුක ඒ අය ගැන නෙවේ. මේවා නොදැකපු ගමේ ළමයිනුත් අද ගොඩාක් වෙනස් වෙලා. ගුරුවරු ගොඩාක් වෙහෙස වෙලා ඉගැන්වුවත් අද ගමේ දරුවෝ පාසල් යනවා එනවා හොරයි. මේ දරුවෝ ගයිඩ් වැඩේ කරගෙන යනවා, පාසල් එන්නැතුව. ඒකෙන් කීයක් හරි අතමිට මොළවා ගන්නවා. මේ නිසා මවුපියනුත් මේවට එකඟයි……..” ගමේ වත්මනෙහි සිදුවන දේ ගැන සංතාපයට පත් ගැමියෙක් අප හා පැවසීය.
මීමුරේ ගම මුල් කර ගෙන ඇති මෙම සංචාරක කර්මාන්තය නිසා අද ගමේ පාසල් දරුවන් පත්ව ඇති තත්ත්වය ශෝචනීයය. දිය කඳුරුවලට බැස ලුණු පොට්ටනියෙන් කූඩැල්ලන් කඩමින් සැතැපුම් ගණනක් මහ මඟ ගෙවා මේ පාසල් දරුවන්ට අකුරු කරන්නට ගුරු භවතුන් යන්නේ ගමේ දරුවන්ට යහපත් අනාගතයක් උරුම කරන්නටය. එහෙත් අතොරක් නැතුව ගමට ගාටන්නා වූ නන්වැදැරුම් සංස්කෘතිය නිසා අද මේ සෑම දේම කණපිට පෙරළෙන්නට ගතවන්නේ සුළු මෙහොතකි.
“මේ ගමේ පාසල් තුනක් තියෙනවා. ඇත්තෙන්ම මේ දරුවන්ට පොත පතින් හිඟයක් නැහැ. ඒත් සමහර එන්.ජී.ඕවලින් මේ දරුවන්ට උදවු කරන්නට එනවා. පාසල්වල අඩුපාඩු සම්පූර්ණ කරනවට අපිත් කැමැතියි. ඒත් මේ එන්.ජී.ඕ විවිධ අයහපත් දේට සම්බන්ධ අය.
මේ පළාතේ කෑම්ප් සයිට් කරන අය තමන්ගේ කෑම්ප් වලට කවුරු හරි ආවහම කරන්නේ මේ ගමේ දරුවන්ට උදවු කරන්න කියලා ඉල්ලන එකයි. මේ අය ළඟ විවිධ දේ තියෙනවා. ගුරුවරු විදියට අපිට මේ දරුවෝ මේවා කියන්නේ නැහැ. මේ ළමයි හරි දක්ෂයි රහස් ආරක්ෂා කරන්න. සමහර දරුවෝ තමයි මේ ගමට එන අයට මත්පැන් අලෙවි කරන්නේ. ඒ අය හයර් එකට රුපියල් 2000 ක් අරගෙන ටවුමෙන් මත්පැන් ගෙනත් දෙනවා.
ඉස්සර මේ ගමට විදුලිය තිබුණේ නැහැ. ඒත් දැන් ගමට විදුලිය ඇවිත් තියෙන නිසා ගමේ කඩ දෙකේ අයිස් පැකට් විකුණනවා. මේ නිසා දැන් ගමේ ළමයින්ගේ දත් පවා දිරාපත් වෙලා. ‍‍‍‍‍‍‍‍‍‍‍‍‍‍‍‍ කඳවුරු බිම් ගණනාවක් තියනවා. ඒත් මේවා කරන්නේ කුඹුරුවල. ප්‍රාදේශීය සභාවෙන් මේවා නතර කරන්න කිව්වත් තවමත් මේවා කුඹුරුවල කරගෙන යනවා. මේවා වැඩ කරන්න පුළුවන් කුඹුරු. ගමේ කඩ දෙකක් තියෙනවා. මේවායේ විකුණන්නේ ගමේ හාල් නෙවේ.

මේ කඩ වලටත් ටවුමෙන් නාඩු, සම්බා ගේනවා, එන අයට උයලා දෙන්න. කඳවුරු බිම් වල රෑ 10 – 11 වෙනකම් සද්ද. ඩොලැක්කි සංස්කෘතිය ගම පුරාම. ගමේ මස් නැති නිසා සමහර කඩ කිලෝ ගණනින් මස් මාළු ගෙනත් තැන්පත් කරනවා. මේ නිසා මේවා හොඳ තත්ත්වයෙන් නැහැ. මේවා තමයි එන අයත් කන්නේ. මීමුරේ ගම හොයාගෙන එන අයට සමහරු නිවැරැදි තොරතුරු දෙන්නැහැ. සමහරු හයර් එක ගන්න එන පිරිස් ඩැහැ ගන්න හදනවා. මේ නිසා ගම බලන්න එන අය අප්‍රසාදයෙන් යන අවස්ථා ඕනැ තරම්………..” අප හා එසේ පැවසුවේ ගමේ විදුහල්පතිවරයෙකි.
මුදලට වඩා රට ගැන , ගම ගැන තකන්නෝ අද මේ මීමුරේ ගමේ විරලය. සති අන්තයේ ගමේ පන්සලේද නවාතැන් සපයන්නට සිදුව ඇත්තේ නැවතත් පැමිණෙන්නවුන් හරවා යැවීම මිනිසත්කමට නොවටිනා දෙයක් නිසාය. කිතුල් ගසකට ගොඩ වී රා කළයක් පෙරාගෙන පැවැති සංස්කෘතිය අද මේ ගමේ දක්නට නැත. කිතුල් මලක් කපා කිතුල් පැණි ටිකක් කිතුල් හකුරු ටිකක් වක් කළ කාලයට ඔවුන් ආයුබෝවන් කියා ඇත.

එදා මීමුරේ තරම් ඉස්තරම්ම කිතුල් පැණි හෝ කිතුල් හකුරු සෑදූ ගමක් තවත් තිබුණේ නැත. එහෙත් අද සංචාරක කර්මාන්තය නිසා ගම්මුන් මේ රැකියා අතහැර බොහෝ කල් ය. එහෙත් පැමිණෙන අයගේ අවශ්‍යතා උදෙසා ඔවුහු බාල හෝ කලවම් වර්ගයේ කිතුල් රා, කිතුල් පැණි මෙන්ම කිතුල් හකුරු සාදා වැඩි මුදලට විකුණති.
එළිවෙනකම් සද්ද
“ රා බෝතලයක් හොයා දෙන්න. ඒකට අරක්කු බෝතලයක් දෙන්නම්” යන තත්ත්වයට මේ ගැමියන් වැටී ඇත්තේ සිය සාම්ප්‍රදායික දේ ඔවුන් විසින්ම බැහැර කළ නිසාවෙනි. ඉඳහිට විදේශිකයෙකු සුන්දර පරිසරය අත්විඳින්නට පැමිණියද බොහෝ දේශීය සංචාරකයන් පැමිණෙන්නේ හුදු විනෝදය තකා ය. නැතිනම් අන්තර් ජාලයේ අතිශයෝක්තියෙන් කර ඇති වර්ණනාව නිසා මය.
මී මුරේ ගමට නැවතත් යා යුතුමද? මම දෙවරක් සිතා බලන්නට තීරණය කළෙමි. නැවත වරක් මා යතොත් මාද කරන්නේ ඒ වරදම ය. හු‍ෙදකලා වූ මීමුරේ ගමක් නැවතත් අපට දැකිය නොහැකිය. එය සක් සුදක් සේ පැහැදිලිය. එහෙත් ඒ ගමේ වැසියන්ට තවදුරටත් නිදහසේ දිවි ගෙවීමට ඇවැසි ය.
ගමට උරුම වු සංස්කෘතිය රැක ගැනීමට අවැසිය. ගමේ වෙල් යායේ පැහෙන සුවඳැල් හාලෙන් ඉදෙන බතේ රස බලන්නට ඔවුනට ඇවැසිය. දිය කඳුරුවලින් එතෙර වී ලුණු පොට්ටනියෙන් කූඩැල්ලන් ඉවත්කරමින් පාසල් යන යුගය ඔවුනට ඇවැසිය. එසේනම් මීමුරයට යන්නවුන් එහි යායුත්තේ පා සටහන් පමණක් ඉතිරි කරමින් සිතුවිලි පමණක් ආපසු රැගෙන එන ලෙසින් බව අප අමතක නොකළ යුතුය.
මම නැවතත් අතීතයට පියමං කළෙමි. ඒ ලිපිය අවසන් කරන්නට ප්‍රථම මේ ගමේ සුවිශේෂත්වයක් පමණක් සටහන් කරන්නටය. මීමුරේ දරුවන්ගේ එකම ඉල්ලීම මීට වසරකට පෙර සිළුමිණ අපි මහක් ආසාවෙන් ඉටුකළේ ඒ දරුවන්ගේ පාසල් දිවියට හෝ මිමුරේ ගමට දශමයකින් හෝ හානියක් නොවන්නටය.

එදා මීමුරේ පාසල් දරුවන්ගේ කොළඹ චාරිකාව සංවිධානය කළ සිළුමිණ අප හා එම සංවිධායක කණ්ඩායම මේ දරුවන්ගේ ජීවිතයේ තිබූ එකම ආසාව වූ කොළඹ පෙන්වා තෑගිබෝග දී ගමට නැවතත් සේන්දු කෙරුවෙමු. එදා මේ ගමේ මවුපියන් කොළඹ ගොස් පැමිණි මේ දරුවන් පිළිගත්තේ කිරිබත් කැවුම් උයා දෙපා තවමිණි. මෙවන් සිරිත් විරිත් මීට පෙර අප අසා තිබුණේ නැත. එවන් අසමසම සංස්කෘතියකට උරුමකම් කියන්නාවූ මීමුරේ ගම රැකීම අපගේ ද යුතුකම හා වගකීම වන්නේ ය.

උපුගැනීමකි : සුභා­ෂිණි ජය­රත්න (Silumina – සිත්මල් යාය)

​සංරක්ෂණයට මුවාවී කැස්බෑ සංරක්ෂණ මධ්‍යස්ථාන වල කෙරෙන පාපකර්මය…



කැස්බෑ සංරක්ෂණ මධ්‍යස්ථාන නමින් පවත්වාගෙන යන්නාවු ස්ථාන ඔබ දැක, අසා ඇතුවාට සැකයක් නැත. දකුණු වෙරළ තීරයේ සිට වර්තමානය වන විට ගල්කිස්ස දක්වා බටහිර වෙරළ තීරය තුලත් නිවාස, හෝටල් හෝ සිමෙන්ති ටැංකි දෙක තුනක් අටවාගත හැකි ඔනෑම ගුබ්බෑයමක කැස්බෑ සංරක්ෂණ මධ්‍යස්ථාන නාමයෙන් පවත්වාගෙන යන්නාවු ජවාරම් ගුහා දක්නට ලැබේ.

දශක දෙකක පමණ සිට සංරක්ෂණයේ නාමයෙන් මෙලෙස පවත්වාගෙන යන ව්‍යාපාර ලංකාව තුල පවත්නා නීතියට සම්පුර්ණයෙන්ම පාහේ පටහැනි ක්‍රියාකාරකමක් වූවත් දේශපාලනික බලපෑම් මත මෙය වර්තමානය වන විටත් කිසිඳු බාදාවකින් තොරව ක්‍රියාත්මක කෙරෙන ජවාරමකි.
ලොව සාගරවාසී කැස්බෑ විශේෂ හතෙන් පහක් බිත්තර දැමීම සඳහා ලංකාවේ වෙරළ තීරයන් කරා ඇදේ. Loggerhead (Caretta caretta), Hawksbill (Eretmochelys imbricata) , Green (Chelonia mydas) , Olive Ridleys (Lepidochelya olivaecea), Leatherback ( Dermochelys coriacea). මෙලෙස මුහුදු වෙරළෙහි මෙම කැස්බෑවුන් දමන බිත්තර එකතු කර “සංරක්ෂණ මධ්‍යස්ථානයයන්” හි තබා පැටවුන් බිහිවු පසු නැවත මුහුදට මුදා හැරීම සහ විවිධ අනතුරු නිසා ආබාධිත කැස්බෑවුන් රැක බලා ගැනීම සිදුකරන බවත් මේ සංරක්ෂණ මධ්‍යස්ථාන පවත්වාගෙන යන්නවුන් පවසයි. නිසි පාලනයක්, නීතියකට යටත් කිරීමක් හෝ අවම තරමින් රටේ පවත්නා නීතියවත් නිවැරදි ආකාරයෙන් ක්‍රියාත්මක නොවීම හේතුවෙන් මෙලෙස පවත්වාගෙන යන මධ්‍යස්ථානයන්හි සිදුවන අකටයුතුකම් , නොමනා ක්‍රියාකාරකම් බොහෝය.
සංරක්ෂණයක්ද ?

——————————-
කැස්බෑ සංරක්ෂණ මධ්‍යස්ථාන පවත්වාගෙන යන්නවුන් අවට ප්‍රදේශය තුල සිටින ධීවරයන් ඇතුළු තවත් පුද්ගලයන්ට කැස්බෑ බිත්තර සඳහා යම් ගෙවීමක් සිදුකරයි. වෙරළේ දමන බිත්තර එකතු කරගෙන කැස්බෑ සංරක්ෂණ මධ්‍යස්ථාන වෙත ලබාදීම මොවුන්ගෙ කාර්යභාරයයි. මෑතකදි මා කල විමසීමකදි බිත්තරයකට රුපියල් 30 ක මුදලක් ලබාදෙන බව දැනගැනීමට හැකි විය. ඇතැම්විට කැස්බෑ විශේෂය අනුව මේ මුදල වෙනස් වේ. බැලු බැල්මට මේ ක්‍රියාපටිපාටිය තුල ගැටලුවක් දක්නට නොමැති නමුත් මෙය අතිශයින්ම හානි දායක ක්‍රියාවලියක මූලාරම්භයයි.
ඒ ඇයි?

————
ස්වාභාවිකව පවත්නා බිත්තර කූටීරයක් විවිර කර බිත්තර එලියට ගැනීමේදි කැස්බෑ බිත්තර නිරාවරණය වන පරිසර තත්වයන් විචලනය වීමකට ලක්වේ, මෙය බිත්තරවල ගොනුවෙහි සංයුතිය වෙනස් වීමට බලපෑම් ඇති කරයි. කැස්බෑවුන් යනු චලතාපී සත්ව කොඨ්ඨාසයකි. බිත්තර කුටීරය තුල පවතින උශ්ණත්වය මෙන්ම බිත්තර ස්ථානගත වී ඇති ආනතිය බිත්තරය තුල ඇති කලලයෙහි ලිංගිකත්වය තීරණය කිරීමට බලපාන සාධක වේ. එමෙන්ම බිත්තර කුටීරයේ ගැඹුර සහ හැඩය විශේෂය‍ෙන් විශේෂයට වෙනස්කම් දරයි. නමුත් බිත්තර එකතු කර නැවත “සංරක්ෂණ මධ්‍යස්ථාන” වල වල දමන්නවුන් හට මේ ගැන අවබෝධයක් නැත, අවබෝධයක් ලබා ගැනීමට උවමනාවක්ද නැත. මේ හේතුවෙන් බිත්තර ගොන්නකින් පිටතට පැමිණෙන කැස්බෑ පැටවුන් අතර ලිංගිකත්වය‍ෙ අතිශයින් අසම ව්‍යප්ත අනුපාතයක් හටගනී.. එම නිසා සංරක්ෂණ මධ්‍යස්ථාන තුලදි බිත්තර වලින් පිටතට පැමිණෙන පැටවුන්ගෙන් 97% පිරිමි පැටවුන් වීමද, ගැහැණු පැටවුන් අතිශයින්ම දුර්ලභ වීමද සිදුව ඇත.. මේ අවස්ථාව‍ෙන් ප්‍රයෝජන ගන්නා මධ්‍යස්ථාන කරුවන් ගැහැණු පැටවුන් දුර්ලභ බැවින් ඉපදුනු පසුව සාගරයට මුදා හැරීම සිදු නොකොට සිමෙන්ති ටැංකියක වසර පහක් පමණ රඳවා ගනී… එමෙන්ම මධ්‍යස්ථාන තුල කෘතිම කුටීරයන්හි නැවත බිත්තර තැන්පත් කිරීමේදි බිත්තර අතර දුර ප්‍රමාණය මිනුමට ලක් නොකිරීම හේතුවෙන් එක් බිත්තරයක උශ්ණත්වය ලඟ ඇති අනෙකට බලපෑම් සිදුකරන අතර දිලීර බැක්ටීරියා ආසාධන පැතිර ගොස් මරණ අනුපාතිකය ඉහල දමයි.
බිත්තර සිද්ධිය පමණද?

————————————-
ස්වාභාවික තත්වයන් තුලදි බිත්තර කුටීරයෙන් ඉවතට පැමිණෙන කැස්බෑ පැටවුන් ඉතාමත් කඩිනමින් වෙරළේ සිට මුහුද කරා ඇදී ගොස් පැය 48 ක් පමණ එක දිගට පිහිනීම සිදුකරයි. මේ සංසිද්ධිය බාලක උන්මාදය/ ළදරු උන්මාදය (juvenile frenzy) ලෙස හැඳින්වේ. පරිණාමය විසින් දායාද කර ඇති ශක්තිවන්තයා උචිත විමට නම් මේ කඩයිම පැටවුන් පසුකල යුතුවේ. මෙලෙස අඛන්ඩව පැය ගනනාවක් පිහිනීමට අවශ්‍ය ශක්තිය බිත්තරයෙන් ලැබෙන පෝශණය මඟින් ඔවුන් ලබාගනී. ගැඹුරු මුහුද කරා පිහිනා යන මේ පැටවුන් විවේකය ලබන්නේ පැය 48 පසුවීමත් සමඟයි. ඉන්පසු ඔවුන් ආහාර සොයා යෑම අරඹයි. මේ ගමන අතරතුර විවිධ උවදුරු මත විනාශ වන පැටවුන් සංඛ්‍යාව අදික වුවත් සැලකියයුතු ප්‍රමාණයක් ජීවිතය රැකගනී. බිත්තරයෙන් එලියට පැමිණි විගස පාථෘවියේ විද්‍යුත් චුම්බක තරංග තම ජෛව පද්ධතියට ග්‍රහණය කරගන්නා මේ අපුරු සත්වයින් ලොව ගැඹුරුම සයුරු තීරයන්හි පිහිනා ගියත් නැවත බිත්තර දැමීම සඳහා ලංකාව නැමැති දූපතට නැවත පැමිණෙන්නේ එලෙස ග්‍රහණය කරගත් විද්‍යුත් චුම්බක තරංගයන් ඔස්සේය.
ස්වාභාවික සංසිද්ධිය එසේ වූවත් සංරක්ෂණ මධ්‍යස්ථානයැයි කියාගන්නා ජාවාරම් කඩ බිත්තර තුලින් එලියට පැමිණෙන පැටවුන් කඩිනමින් මුහුදට මුදා හරිනු වෙනුවට දින කිහිපයක් සිමෙන්ති ටැංකියකට කොටුකර තබයි.
මේකෙන් වෙන හානි මොනවාද ?

————————————————–
1. බිත්තරයෙන් පැමිණි පැටවාට ගැඹුරු දියඹ සොයා පිහිනීමට අවශ්‍ය ශක්තිය බිත්තරයෙන් ලබා දෙන්නෙ පැය 48 ක් වැනි කාල රාමුවකටය. එවිට සිමෙන්ති ටැංකියක ඔබ මොබ පීනන පැටවකු දින කිහිපයක් ගතකල විට ඒ ශක්තිය වැය වී හමාරය. ඉදින් ඔහු/ඇය නැවත ගැඹුරු දියඹ සොයා පිහිනන්නේ කෙලෙසද? උචිතයා අනුචිතයා සියල්ලෝම ජීවත් වීමට ඇති හැකියාව අතිශයින්ම සීමිත වේ.
2. සිමෙන්ති ටැංකියකට දමන විට සියළු විශේෂ මෙන්ම සියළු පැටවුන් එකට කොටුකරයි. එවිට වර්ගයා නැසීම, භක්ෂනයට ගොදුරු වීම සුලභ වේ. මා මෑතකදි නිරීක්ෂණය කල විට මෙවැනි ටැංකි තුල සිටින පැටවුන්ගෙ ගාත්‍රා සපා කෑමට ලක්වී තිබීම සුලබ ලෙස නිරීක්ෂණය කරන ලදි. මේ හේතුවෙන් නැවත ජීවත්වීමට ඇති සම්භාවිතාව තවත් පහලට යයි.
3. සංරක්ෂණ මධ්‍යස්ථාන මෙලෙස කුඩා පැටවුන් රඳවා ගනුයේ මුදල් අයකර සංචාරකයන්ට ඔවුන්ව මුදා හැරීමට ලබාදීම සඳහාය.. ඇතැම්විට මුහුදටම ඔවුන්ව අතහරි. නමුත් පෙර කී පෘථිවි විද්‍යුත් චුම්බක තරංග ග්‍රහණය කරගැනීම සඳහා වෙරළ කඩයිම ඔවුනට වැදගත් වේ.
4. පැටවුන් සාමාන්‍යයෙන් මුදා හැරිය යුත්තේ රාත්‍රි කාලයේදි වනමුත් මධ්‍යස්ථාන කරුවන් සංචාරක ආකර්ශනය සඳහා දිවා කාලය මෙයට යොදා ගනී. පැටවුන්ට ජීවත් වීමට ඇති හැකියාව තවත් එලෙස අවම වේ.
නීතිය ?


පෙරකී සිද්ධි වලට අමතරව නීති විරෝධි ලෙස වැඩුණු කැස්බෑවුන් රඳවා තබා ගැනීම සිදු කරයි. එලෙස රඳවා තබාගන්නා කැස්බෑවුන් අඩි 6×5, 4×4 ප්‍රමාණයේ සිමෙන්ති ටැංකි වල රඳවා ගනී. නිදහසේ පිහිනා යෑම උරුම කරගත් මේ සත්වයින් මෙලෙස නීති විරෝධීව තබාගන්නට ඉඩ ලබා දෙන්නේ කවුද ?
තවද එක් මධ්‍යස්ථානයක සම්පූර්ණයෙන් වැඩුණු සුදු කැස්බෑවකු රඳවා තබාගෙන සිටිනු දක්නට ලැබේ. අබාධයක් නැති මේ සත්වයා මෙලෙස රඳවාගෙන ඇත්තේ ඇයි දැයි විමසු විට ලැබුණු පිලිතුරු නම් මුදා හැරියොත් මෝරුන්ට බිලිවන බවයි. මීටර් 1.2 පමණ වන මේ කැස්බෑවා රඳවා ඇත්තේ පිටකටුවවත් නොවැසෙන තරම් ජලය ඇති අඩි 5×5 පමණ සිමෙන්ති ටැංකියක් තුලය. ඇල්බිනෝවකුට ස්වභාවධර්මය‍ෙන් ඇති උරුමය විසඳා ගන්නට ඉඩ නොදී මෙලෙස තබා ගත හැකිද? එය සදාචාරාත්මක ද ? ඇල්බිනෝ ජානයන් මෙතෙක් පැවතියේ ස්වභාවධර්මය විසින් එය ඉදිරියට ගෙනා නිසා නම් මෙලෙස රඳවා තබා ගැනීම සුදුසුද? එය සුදුසු වුවත් වසර 300 පමණ ආයු ඇති මේ සත්වයන් හැරෙන්නට ඉඩ නැති ටැංකියක එය ගත කල යුතුද? එයත් යුතු නම් පෞද්ගලික මධ්‍යස්ථාන කරුවකුට ඇල්බිනෝ කැස්බෑවකු තබා ගැනීමට ඇති නීති ප්‍රතිපාදන මොනවාද?
අපෘෂ්ඨවංශින් ඉහල පුටුවල සිටිනතාක් මේ සත්වයින් දුක් විඳිනු ඇත, සංරක්ෂණයේ නාමයෙන් ජාවාරම් සිදුවනු ඇත…ඔවුන් වඳ වීම තවත් කඩිනම් වනු ඇත. ස්ථානීය සංරක්ෂණයත්, විතැන් සංරක්ෂණයත් සිදු කල යුතු තැන් නොදත් ගොබ්බයන් වන ජීවියේ ඉහල පුටුවල ඇති තාක් වන ජීවයට සාධාරණයක් ඉටු නොවනු ඇත.
ඔබ පරිසරයට ආදරය කරන්නෙක් නම් මෙය කියවා අන් අයද දැනුවත් කරන්න

උපුටාගැනීමකි

​වතුර සේනාරත්නට වඳින ගාථාව


ප්‍රේමදාසංච  විවේචනං – කණිට්ඨ0 ශිෂ්‍ය  නායක0

පදක්කමේන අහිමින්චං  – මහා වීරන්ච ලක්ඛනා 
කුමාරතුන්ගේන බැංකු  ගිනුමේන  –  සල්ලි අරගන්න  ගච්චති 

චන්දිකානං  කදුළු  පිහිං  – මහා  කරුණා  ලක්ඛනා
විජයා  කුවේණි  හනිමූනේන  – පදීප අල්ලේන  ගච්ච්ති 

ආම්ස්ට්‍රෝනං  චන්ද්‍ර  ගමනං  – චතුරං  චන්දේන ඉර්දී  බලං 

අයින්ස්ටයිනේන  ලෙච්ච්රන්ති  –  මහා බුද්ධි පකට කරන් 

ඉන්ක්‍රඩිබලේන  හල්කේන  – චතුරගෙන්  ගුටිකා  හඬන් ..
පථමං  නියන්ඩතාලන්ච  – පථමංච  ඩයිනෝසර0

පථමං බිග්  බෑන්ගේන – සේනාරතනා ඉධා ගතා 
මහා  මුක්හං පුරිසං – බතලේන හිටවන්චනා 

ඔච්ච්රන් චතුරං පුළුවන්  –  සේනාරතනා නමෝ  නම

උපුටා ගැනීමකි

සියලු නිර්මාණශිලී අදහස් by Sathsara Vimukthi 😃

 

රනිල් ගේ ආණ්ඩුව කියනා මහින්දගේ ණය බොරුව


රනිල් ගේ ආණ්ඩුව කියනා පරිදි මහින්දගේ ණය රුපියල් බිලියන 8475ක් නම් එය ඩොලර් බිලියන (ඩොලරය 150 ලෙස සලකා, 8475/150=) 56.5ක් වෙනවා. එහෙත් එය පිළිගත හැකි දෙයක්ද? මේ සා විශාල ණයක් යුරෝපීය රටකටවත් ලබාගැනීමට ඉතා අපහසු ය.

මහින්ද කියන ආකාරයට ඔහු ලබාගත් ණය මෙසේය. රුපියල 132 ක් ලෙස සලකා.

1. මත්තල ගුවන් තොටුපළට ඩොලර් මිලියන 190යි. (රුපි. මිලියන 190*132=25080යි).. එනම් රුපි.බිලි. 25.080 යි.
2. හම්බන්තොට වරායට ඩොලර් මිලියන 426යි. (රුපි. මිලියන 426*132=56232 යි) ., එඑනම් රුපි. බිලි. 56.232 යි.
3. නොරොචොලේ බලාගාරයට ඩොලර් මිලියන 1340 යි. (රුපි.මිලියන 1340*132=176880යි)., එනම් රුපි.බිලි. 176.880 යි.
4. කොළඹ මාතර අධිවේගී මාර්ගයට ඩොලර් මිලියන 630 යි. (රුපි. මිලියන 630*132=83160 යි)., එනම් රුපි.බිලි. 83.160 යි.
5. කොළඹ කටුනායක අධිවේගීමාර්ගයට ඩොලර් මිලියන 248 යි. (රුපි.මිලියන 248*132=32736යි). එනම් රුපි.බිලි. 32.736යි.

දැන් මේ ඔක්කෝගෙම එකතුව රුපි බිලි. 374.088 යි.

රුපියල් බිලියන 374ක් රුපියල් බිලියන8475ක් ලෙස හදුන්වන්නේ කෙසේද? මෙය කොයි තරම් ජනතාව මුලා කිරීමක්ද? මිහින්ද ගත් ණයට වැඩියරුපියල් බිලියන 8101 ක මුදලක් මහින්ද විසින් ණය ගත්තේ යැයි පවසන්නේ කෙසේද?

අනෙත් අතට රුපියල් බිලියන 8475 ක් යනු ඩොලර් බිලියන 56.5කි. ඩොලර් බිලියන 56.5ක් සිංගප්පූර්වටවත් ලබාගත නොහැකි ණයකි.

මෙවැනි බොරු ඇත්තටම පරාජය කළ යුතුය.

උපුටාගැනිමකි