ඉවසන්න තවත් ඉවසන්න


ඔබ නිවැරැදි නම්

එය ඉවසන්නට බැරිව
මුලින් ඔවුන් බනිවි
ඒත් ඔබ ඉවසන්න

එයත් ඉවසන්න බැරිව
දෙවනුව ඔවුන් නින්දා කරාවි
ඒත් ඔබ ඉවසන්න

එයත් ඉවසන්න බැරිව
තෙවනුව ඔවුන් පහරදේවි
ඒත් ඔබ ඉවසන්න

එයත් ඉවසන්න බැරිව
සිව්වනුව ඔවුන් ජීවිතය තොර කරන්න යාවි
ඒත් ඔබ ඉවසන්න

ඉවසලා ඉවසලා බැරිම තැන තවත් ඉවසන්න

එවිට ඔවුන්ට ඔවුන්ගේ වැඩපිලිවෙල ගැන කලකිරේවි
ඔවුන්ට ඔබ ගැන ගරුත්වයක් ඇතිවේවි
ඔවුන් ඔබ අගය කරාවි

ලොව විශාලතම බැටරිය.


ඇමෙරිකාවේ Missouri ප්‍රාන්තයේ පිහිටා ඇති Taum Sauk Hydroelectric Power Station ජල විදුලි බලාගාරය ඉතාමත් අපූරු එකක්. මෙම බලාගාරයෙන් නිපදවන විදුලි බල ප්‍රමාණයට වඩා වැඩි විදුලි බල ප්‍රමාණයක් උපයෝගී කරගෙන නැවත මෙම ජලාශයටම එම ජලය පුරනවා. මේක බැලූ බැල්මටම පෙන්නේ මෝඩ විකාර කතාවක් වගේ.

මෙම බලාගාරයට ජලය සපයන ජලාශය ස්වභාවික එකක් නොවේ. මෙය කන්දක් උඩ කොන්ක්‍රීට් වලින් කෘතිමව නිපදවපු ටැංකියක් කිව්වොත් වඩා නිවැරිදියි. මෙයට ජලය සපයන එකම ස්වභාවික ජල මාර්ගයක්වත් පිහිටා නැහැ.

විදුලි බලාගාර වල නිපදවන විදුලිය ගබඩා කර තබා ගන්න බැහැ. සිදුවන්නේ ඉල්ලුමට අවශ්‍ය ප්‍රමාණයට සරිලන ලෙස විදුලිය එම මොහොතේම නිපදවා පද්ධතියට එක් කිරීමයි. නමුත් ඉල්ලුමට සරිලන ලෙස නොකඩවා විදුලිය සැපයීමට නම් සෑම විටම පද්ධතියේ ධාරිතාවය වැඩි කර යුතුයි.

Peak time යනු අධික විදුලිය පරිභෝජනයක් ඇති වේලාවයි (රාත්‍රී 6 – 9 සහ උදෑසන). මේ වේලාවට අවශ්‍ය විදුලි ඉල්ලුම සැපයීමට තාප බලාගාර ක්‍රියාත්මක කර විදුලිය නිපදවිය යුතුයි. මෙය ලාභ දායක නැහැ. ඒවගේම Off Peak time යනු එතරම් විදුලිය පරිභෝජනය නොකරන වේලාවක්. මේ වේලාවට අක්‍රිය කල නොහැකි සුර්ය, සුළං, ජල වැනි බලාගාර විදුලිය බොහොමයක් පරිභෝජනය නොවන නිසා අපතේ යනවා ඒවා ගබඩා කර ගත නොහැකි නිසා.

Peak time එකේදී ඉහත ටැංකියේ ජලය භාවිතා කර ඊට පහලින් ඇති බලාගාරයේ ජල විදුලි ටර්බයින කරකවා විදුලිය නිපදවා පද්ධතියට එක් කරනවා. ඉවත් වන ජලය බලාගාරය ආසන්නයේ වෙනත් ටැකියකට එකතු වෙනවා. මේ නිසා තාප බලාගාර භාවිතය අවම වෙනවා.

Off Peak time එකේදී පද්ධතියෙන් අපතේ යන (සුළං, සුර්යය බලාගාර) විදුලිය උපයෝගී කරගෙන මෝටර් ආධාරයෙන් පහල ටැංකියේ ඇති ජලය නැවත ඉහල ටැංකියට පුරවනවා.

මේ නිසා සැබවින්ම සිදුවන්නේ අපතේ යන විදුලිය භාවිතා කර මෙම විශාල ජල ටැංකිය පුරවා නැවත ඉල්ලුම වැඩි විට එම ජලයෙන්ම නැවත විදුලිය නිපදවීමයි. මේ නිසා තාප බලාගාර වලින් විදුලිය නිපදවන අධික වියදම ඉතිරි වෙනවා. එම නිසා මෙම බලාගාරයේ නිපදවන විදුලිය සැබෑ ජල විදුලි බලාගාරයකටත් වඩා වටිනවා.

ඇත්තටම බැලුවම මේ විශාල ජල ටැංකිය අපතේ යන විදුලිය ගබඩා කර තබා ගෙන අවශ්‍ය වේලාවට මුදා හරින යෝධ බැටරියක්!!

සිංහලපීඩියා

දෙවනගල ඉඩම් කොල්ලය මුස්ලිම් අන්තාවදයේම එක් මුහුණුවරක්


මාවනැල්ල දෙවන ගල විහාරස්ථානයට අයත් ඉඩම් මුස්ලිම් ජනතාව අනවසරයෙන් අත්පත්කරගෙන විහාරස්ථානයේ හිමිවරුන්ට තර්ජනය කිරීම පිලිකුලෙන් හෙලා දකිමි.

කරුණාකර නිසි බලධාරීන්ගේ අවධානය මේ වෙත යොමුවේ යැයි මම විශ්වාස කරන අතර මේ විහාරස්ථනය රැකගැනීමට අපි සියළුදෙනාම එකතු වියයුතු කාලයයි මේ.

මුහුදු මහා විහාරය, කූරගල විහාරයත් අපට අමතකවී ඇති නිසා නැවතත් ඒ පිළිබදවද අපි අවධානය යොමුකළයුතු කාලය එලඹ ඇත.

කණගාටුවෙන් උනත් අපිට කීමව සිදුව ඇත්තේ මෙය මුස්ලිම් අන්තාවදයේම එක් මුහුණුවරක් බවයි. මේ සිදුවීමට සියළුම් මුස්ලිම් වරුන් අදාල නොවේ. සහරාන් මෙන් මුස්ලිම් අන්තවාදය වපුරන සුළුතර මුස්ලිම් පිරිසක් නිසා සමස්ථ මුස්ලිම් ප්‍රජාවම අපහසුතාවයට පත්වීම මුස්ලිම් ප්‍රජාවද ප්‍රතික්ෂේප කලයුතුය.

ගල්කිස්සෙ වෙරළට වැලි පුරවන්න මිලියන 890ක් වියදම් උනාට ඒකෙන් පාඩුවක් උනේ නැහැ


වගකීමෙන් කියන්න ඕන ගල්කිස්සෙ වෙරළට වැලි පුරවන්න මිලියන 890ක් වියදම් උනාට ඒකෙන් පාඩුවක් උනේ නැහැ කියන එක.

වරාය නගර ව්‍යාපෘතිය වගේ ඒවට අපි මුහුදෙන් වැලි ගොඩක් ලබාගත්තා, මෙසේ වැලි දිගින් දිගටම ලබා ගත්තම අපි එක්ක මුහුද තරහවෙනවා, එහෙම තරහ නොවෙන්න නම් අපි ආයෙම යම් වැලි ප්‍රමාණයක් මුහුදට පූජා කළයුතු වෙනවා.

ඒ අනුව තමා මිලියන 890ක් වියදම් කරල වැලි පූජා කලේ….ඒ පූජා කරපු නිසා තව අවුරුදු 10කට අපට සුනාමියක් එන්නෙ නෑ..මුහුදෙන් අනතුරක් වෙන්නෙ නෑ.
එහෙම සුනාමියක් ආවනම් වෙන පාඩුව මිලියන 890කට වඩා බොහෝම වැඩියි.

ඒ නිසා දුරදිග හිතලා මේ කරපු වැඩේ අපි අගයන්න ඕන.

කරුණු නොදන්නා හිස් මිනිස්සු මේ වැඩේ විවේචනය කලාට කරුණු දන්න අපට එසේ කරන්න බැහැ…ඉස්සර වගේ නෙමෙයි දැන් වැඩකට නැති වැඩ වෙන්නෙ නැහැ.
ඒවා අධීක්ෂණය කරන්න ගෝඨා,මහින්ද,චමල්,බැසිල් කියන සිව් දෙනා වගේම ඒ අයට මඟහැරුනොත් නාමල් ඉන්නවා. ඒ නිසා අප බිය වියයුතු නැහැ.

නැවතත් කියන්නෙ මෙතන මිලියන 890ක් පාඩු උනේ නෑ…බිලියන ගණනක් ලාබ උනා මිසක. 

ඒවා අධීක්ෂණය කරන්න ගෝඨා,මහින්ද,චමල්,බැසිල් කියන සිව් දෙනා වගේම ඒ අයට මඟහැරුනොත් නාමල් ඉන්නවා. ඒ නිසා අප බිය වියයුතු නැහැ.”
අනිවාර්යයෙන්ම 

ලංකාවේ බොහෝ පිරිසක් හදිසියේම අසනීප උනේ ඇයි??


කොරෝනා ව්‍යසනයත් එක්ක ගෙදරට හිර වෙන්න සිද්ධ උන අපේ ගොඩක් අය වැරදි ආහාර පුරුදු සහ ව්‍යායාම අඩුකම නිසා බෝ නොවන මාරාන්තික රෝග ලෙස හදුන්වන හදවත් රෝග, අධික රුධිර පීඩනය, දියවැඩියාව, වකුගඩු රෝග සහ අක්මාවේ රෝග තත්වයන් බොහෝමයකට මුහුන දෙන්න සිද්ධ වෙලා.

සමබර ආහාර වෙනුවට අධික තෙල්, සීනි සහ රසකාරක අඩංගු ආහාර නිතර නිතර ගැනීමත් ව්‍යායාම අඩුකම නිසා තමයි මේ සියල්ලටම හේතුව.

ඉතින් කොරෝනා නිසා මියගිය ගණන 9ක් උනාට මේ බෝ නොවන මාරාන්තික රෝග නිසා ඉදිරි දවස් වල මිය යන ප්‍රමාණය වැඩිවෙයි කියලා තමයි කියන්නේ.

ඒනිසා අපි කෑමෙන් බීමෙන් පරිස්සම් වෙන ගමන් ඇගපත් මහන්සි කරන වැඩ හැමදාම කරලා නීරෝගීව ඉන්න බලමු.

මම රහත්! ඇයි ඔයාට අවුල්ද?


එක එක කාලෙට එක එක පලාත් වලින් එක එක ජාතියේ භික්ෂූන් යැයි කියාගන්නා පුද්ගලයෝ සහ ඔහුගේ අනුගාමිකයෝ පිරිසක් ඇවිත් මම රහත් මම අපේ හාමුදුරුවෝ රහත් කියලා මහා සද්දයක් දාලා සමාජයේ මහා කැලඹ්මක් ඇති කරනවා.

සමහරු ඒක පිලිඅරන් අනික් සියල්ල අත්හැරලා දාලා ඒ රහත් කියන කෙනා පස්සේ යනවා. තවත් සමහරු ඒ රහත් කියන කෙනාගේ හැසිරීම ප්‍රශ්න කරනවා.

ඔය ප්‍රශ්න කිරීම් වලට තරහ ගිය අර රහත් කියන කෙනා සමාජයටයි ඩමාජ මාද්‍යජාලා වලටයි රහත් බව පැත්තක තියලා අම්මා මුත්තා මතක් කරලා බනින්න ගන්නවා. අන්න එතකොට හොර රහත් බව එලිවෙනවා.

ඉතින් මේවගේ හොර රහත් අය ගේ හොර බොරු ඔක්කෝම එලි කරා වගේ රහත් නොවුනත් පන්සල් වල ඉදන් බිස්නස් කරන, බීලා පිස්සු කෙලින, හොර ගෑනු තියාගෙන ඉන්න, පන්සලට එන මින්ස්සූ සූරා කන දුසිල් මහනුන් එලි කරන එකත් අපි හෑමෝම කරන්න ඕනි.

ඊට පස්සේ අපේ ඉන්න මහානායක හිමිවරුන්ට බල කරලා කියන්න ඕනි වහාම විනය සංඝායනාවක් කරලා දුසිල් මහනුන් සාසනයේන් පන්නලා දාලා මේ බුද්ධ සාසනය මතු පරපුරටත් රැක ගන්න දැන් දැන්ම වැඩ පටන් ගන්න කියලා