කොරෝනා වලට වඩා භයානක ජාතිවාදය නැමති වයිරසයෙන් බේරෙමු


කොරෝනා නිසා මිය යන කෙනා අවසානයේ උරුම කෆන් රෙද්දත්, පාංශුකූලයවත්, දෙවියන්ගේ ආශිර්වාදවත් නොලැබීම නිසා මිය යන කෙනා අපාගත වන්නෙ නැත.

යහපත් ජීවිත ගතකල මිනිස්සු දෙව්ලොවට එනවාට දෙවියන්ට ඔය එකක් වත් තිබ්බාද කලාද යන වග අදාල කර නොගනී.

දෙවියන් හොද මිනිසුන් ආශ්‍රය කිරීමට ප්‍රිය වෙයි. අනික් මිනිස්සුන්ගේ ජීවිත සුරැකීමට ගන්නා තීරණ ආගමික තීරණ සමග පටලවා ගැනීමෙන් වලකින්න.

ජාතිවාදී දේශපාලකයන් මෙතෙක් මියගිය නවදෙනාගේ සහ සැක සහිතව මියගිය දෙදෙනාගේ පවුල් වලට ඇති නොවූ ගැටළු මිය නොගොස් යහතින් ඉන්න උන්ගේ ඔළුවලට දමා මීලග චන්දය ගොඩයෑමට නියමිතයි.

රජය කොරෝනා අරමුදල ගැන විනිව්ද භාවයකින් කටයුතු කරන්නේ නැත්තේ ඇයි?


කොරොනා වෙනුවෙන් සටන් කරන්න ශ්‍රීලංකා රජය ආරම්භ කල සමාජ ආරක්ෂණ අරමුදල වෙත මේ වෙනවිට රුපියල් මිලියන 1500ක පමණ මුදලක් ලැබිලා තිබ්බත් ඒ මුදල් වියදම් වෙන පාටක් වියදම් කරන පාටක් පේන්න නෑ.

අන්න ඒනිසා රටේ මිනිස්සු අතර සැකයක් ඇතිවෙලා තියෙනවා මේ අරමුදලේ මුදල් සුනාමි සහන අරමුදලෙ වගේ අයථා ගණුදෙනු වලට ලක්වෙලා දේශපාලකයෝ ගසාකනවාද කියලා.

ඉතින් ඒ නිසා රජය මේ වෙලාවේ මේ අරමුදලට ලැබුණු මුදල් වගේම ඒ මුදල් වියදම් වෙච්ච විදිහ සහ ඉස්සරහට වියදම් වෙන්න තියෙන දේවල් වගේම තව කොච්චර මුදලක් ඒ සදහා අවශ්‍යද කියලා විනිවිද භාවයකින් යුතුව ජනතාවට කියනවා නම් මේ කිසිම සැකයක් ඇති වෙන්නේ නෑ ජනතාවට ආණ්ඩුව ගැන සහ මේ වැඩ පිළිවෙල ගැන.

ඒකට තවත් හේතුවක් තියෙනවා. මෙච්චර මිලියන දහස් ගණනක් අරමුදලට ලැබිලා තියෙද්දිත් රටේ රෝහල් කාර්ය මණ්ඩලවලට අවශ්‍ය පහසුකම් තාමත් ලැබිලා නෑ. ත්‍රිවිධ හමුදාවට සහ පොලීසියට කිසිම පහසුකමක් ලැබුණු බව පෙන්න නෑ.

ඒ නිසා ජනතාව එකතුවෙලා මුදල් සම්මාදම් කරලා ඒ අවශ්‍ය මාස්ක්, ග්ලවුස්, ආරක්ෂිත මුහුණු ආවරණ සහ ආරක්ෂිත ඇදුම්, විෂබීජ හරණ කුටි එක්ක රෝගීන්ට අවශ්‍ය ආහාර පාන ඇදුම් පැලදුම් ඇතුළු සියළුම දේ ලබාදෙන නිසා මිනිස්සුන්ට ආණ්ඩුව ගැන සැකයක් ඇතිවෙන එක අහන්න දෙයක් නෙවෙයි.

අනික කන්න බොන්න සල්ලි නැති රස්සාවක් කරගන්න බැරි මිනිස්සුන්ට තාමත් කන්න බොන්න ආධාර කරන්නෙත් මිනිස්සු එකතුවෙලා. ඒ නිසා දැන්වත් ආණ්ඩුව මේ මුදල් වලට මොකද උනේ කියනවානම් ලොකූ දෙයක්.

තිරසාර සංවර්ධනද? විනාශකාරී සංවර්ධනද? පරිසරය සමග අපි කොතනද?


රටක සංවර්ධනය කියන එක අනිවාර්යයෙන්ම වෙන්න ඕනි. ඒ හරහා තමයි රටේ මිනිස්සුන්ට රැකියා අවස්ථා වැඩිවෙලා විරැකියාව තුරන් වෙලා අතේ මිටේ වැඩිපුර මුදල් ගැවසිලා මිනිස්සුන්ගේ ජීවන තත්වය උසස් මට්ටමකට ගේන්න හැකියාව ලැබෙන්නේ.

ඒක රජයකට තනියම කරන්න පුළුවන් දෙයක් නෙවෙයි. හැබැයි රජයට පුළුවන් ඒ සංවර්ධනය ලගා කරගන්න අවශ්‍ය යටිතල පහසුකම් සහ සේවාවන් හදලා රටේ රාජ්‍ය සජ පුද්ගලික අංශයේ ආයතන වලට ඉතිරි ටික කරගෙන යන්න ඉඩ හදලා දෙන්න පුළුවන්.

අන්න එතනදි රජය ක්‍රියාත්මක කරන සංවර්ධන වැඩ පිළිවෙලවල් පරිසර පද්ධති විනාශ නොකර පරිසරයට අවම හානියක් වෙන විදිහට තිරසාර සංවර්ධන වැඩපිළිවෙලවල් වලට යොමුවිය යුතුයි.

එහෙම නොවුනොත් වෙන්නේ සංවර්ධනය නිසා සිදුවන පරිසර හානිය තුලින් සංවර්ධනය තුලින් බලාපොරොත්තු වෙන ආර්ථික ලාභයට වඩා කිහිප ගුණයක ආර්ථික හානියක් අසමතුලිත පරිසරය නිසා ඇතිවන පලවිපාක වලින් ඇතිවෙන එක.

යම් සංවර්ධන ව්‍යාපෘතියක් කරද්දි පරිසරයට වෙන හානිය තක්සේරු කරන්න රජයේ එක එක ආයතන රාශියක් තියෙද්දිත් ලංකාවේ සිදුවන සමහර සංවර්ධන ව්‍යාපෘති ඒ කිසි දෙයක් කනකට නොගෙන දිගටම පරිසරය විනාශ කරමින් සිටිනු දැකීම ඉතා ඛේදනීය තත්වයක් බව නොකිව යුතුය.

එසේම ඔවුන් මේ විනාශ කරන්නේ අපේ පරිසරය නොව අපගේ අනාගත පරපුරේ පරිසරය බව අමතක නොකළ යුතුය.

මාධ්‍ය තවමත් ……බොළදය


පුංචි පුතු ගැන රෝහිත රාජපක්ෂ ගායනා කරන ගීතයේ කිසිම අඩුවක් නැත. එහි ඇත්තේ ඔහුගේ පුංචි පුතු සහ පවුලේ පිරිස එම දරුවා සමග ගත කරන මතකයන් ගැන කියවෙන ලස්සන රූප පෙලකි.

පුංචි දියණිය ගැන සජිත ඇන්තනි සිය පවුල සමග ගායනා කරන ගීතයේද කිසිම අඩුවක් නැත. එහි ඇත්තේ ඔහුගේ පුංචි දියණිය සහ පවුලේ පිරිස එම දරුවා සමග ගත කරන මතකයන් ගැන කියවෙන ලස්සන රූප පෙලකි.

ගැටළුව ඇත්තේ ජාතික රූපවාහිනියේ මිස මේ ගීත වල ඉන්න අය ගේ නොවේ. ඔවුන් මේවා රූපවාහිනියේ පෙන්වන්න කියා ඉල්ලීම් කර නැත. නමුත් ජාතික රූපවාහිනිය එක් ගීතයක් අසීමිතව ප්‍රචාරය කිරීම තුලින් වන්නේ මිනිසුන් අතර යම් කතිකාවක් ඇති කිරීමයි. ඒ නිසා එකම ගීතය එක එක වැඩ සටහන් වල පෙන්වනවා වෙනුවට විවිධත්වයකින් යුතුව පෙන්වනවා නම් කිසිම ගැටළුවන් නැත.

එවිට අර කිසිවන් නොදන්න කිරි සප්පයින් වෙනුවන් ගීත ගයන දෙමව්පියන් වත් පවුලේ අයවත් අපහසුතාවයට පත් වන්නේ නැත.

Sri lankan Politics


ඩොනල්ඩ් ට්‍රම්ප්ට දවසක් ධවල මන්දිරය තීන්ත ගහන්න අවශ්‍ය විය. 🏛 🎨

තීන්ත ගහන්න කොන්ත්‍රාත්තුව සදහා කොන්ත්‍රාත්කරුවන්ට ඇරයුම් කලා,

චීනා – 🇨🇳
“ඩොලර් මිලියන 3 ක් වියදම් වෙනවා” යනුවෙන් එම කොන්ත්‍රාත් මුදල ඉල්ලා සිටියා. 💵

ජපනා – 🇯🇵
ඩොලර් මිලියන 7ක් වියදම් වෙන නිසා එම කොන්ත්‍රාත් මුදල ඉල්ලා සිටියා. 💴

ලාංකිකයා – 🇱🇰
“ඩොලර් මිලියන 10 ක් වියදම් වෙනවා” යනුවෙන් එම මුදල ලබා දෙන මෙන් ඉල්ලා සිටියා. 💰

පසුව ට්‍රම්ප් චීනට කතා කර
“ඔයා කොහොමද ඩොලර් මිලියන 3 කට ඇස්තමේන්තු මුදල නිර්ණය කෙරුවේ? යනුවෙන් ඇහුවා. එයට ඔහු
ඩොලර් මිලියන 1 තීන්ත වියදම්
ඩොලර් මිලියන 1 සේවක වැටුප්
ඩොලර් මිලියන 1 මගේ ලාභය

පසුව ජපනට කතා කරලා
ඔයා කොහොමද ඩොලර් මිලියන 7 කට ඇස්තමේන්තු කලේ? යනුවෙන් ඇහුවා. එයට ජපනා
මිලියන 3 ක් තීන්ත වියදම්
මිලියන 2 ක් සේවක වැටුප්
මිලියන 2 ක් මගේ ලාභය කිව්වා.

ට්‍රම්ප් ලාංකිකයට කතා කරලා
ඔයා කොහොමද ඩොලර් මිලියන 10 ට ඇස්තමේන්තු කලේ? යනුවෙන් ඇහුවා. එයට ඔහු
මිලියන 4 ක් ඔයාට
මිලියන 3 ක් මට
අපි දෙන්නා එකතු වෙලා මිලියන 3 ක් චීනට දීලා ඒ වැඩේ කරන්න කියමු”. යැයි කිව්වා. ට්‍රම්ප් සැනකින් විමතියට පත් වී වෙන කිසිදු වචනයක් නොකියා කොන්ත්‍රාත්තුව ලාංකාවට පිරිනැමුවා. 🤗🤪

පඩි බාගේ ජයසුන්දර


මිලියන දාහක් ද කොහෙද සල්ලි හම්බ උනා නේද අර ගිණුමට, ඒ සල්ලි වලින් මොකද බං ආණ්ඩුව කරන්නේ?

රටේ මිනිස්සු තාම උන්ගේ සල්ලි වලින් Mask, Gloves, PPE Kits අරන් දෙනවා Mask මහනවා ඉස්පිටිතාල වලට උදව් කරනවා ඒවගේ තියන අඩුපාඩු ටික අවම කරන්න.

ඒ අස්සේ පඩි බාගේ ජයසුන්දර රජයේ සේවකයාගෙන් මාසේ පඩියේ බාගයක් ඉල්ලනවා සල්ලි මදි වෙලාලු.

එතකොට පඩි බාගෙත් අරන්න් අර මිලියන දාහ බැංකුවේ දාලා ඒ සල්ලි කොරෝනා ඉවර වෙනකන් තියන් ඉන්නේ පොලීය අරන් රට දියුණු කරන්න වෙන්න ඇති කොරෝනා ඉවර උනාම.

ලෝකයෙ බලවත් රටවල් බැන්ඩුන් වීරයා එහෙත් අපේ රටේ වාමාංශිකයන් බැන්ඩුන් බූරුවා, ජෝන් කොතලාවල


දා ලංකාවෙ අගමැතිව සිටි සර් ජෝන් කොතලාවල මහතා මේ ඇඟිල්ල දිගු කරන්නෙ එවකට චීනයේ අගමැති චෞ එන් ලායි මහතාටය.මැද සිටින චීන නිලධාරියා පුදුමයෙන් බලා සිටී.

බැන්ඩුන් නුවර පැවති සම්මේලනයෙදි කොතලාවල මහතා චීනය තදින් විවේචනය කලේය.එවිට චීන අගමැති සම්මේලනයෙන් තරහෙන් පිටවිය.

අද ඉංදියාව චීනය සමග අමනාපයෙන් සිටියත් එදා මිතුරන්ය.කොතලාවල මහතාගෙ කතාවෙන් ඉංදීය අගමැති නේරු අසතුටට පත්වී ඇයි ඔබ මට ඒ කතාව කිරීමට පෙර පෙන්නුවෙ නැත්තෙ යැයි විමසීය.එවිට කොතලාවල මහතා කීවේ තමුසෙ මට තමුසෙගෙ කතා පෙන්වනවද කියලයි.

ඒ කතාවෙන් පසු ලෝකයෙ බලවත් රටවල් කොතලාවල මහතාව බැන්ඩුන් වීරයා ලෙස හැඳින්විය.එහෙත් අවාසනාවට අපේ රටේ වාමාංශිකයන් එතුමාට කීවේ බැන්ඩුන් බූරුවා කියලයි ( මේ රූපය ලබා ගත්තෙ Old Images of Ceylon පිටුවෙනි)


ප.ලි – 1962 වර්ෂයෙදි ඉංදියාව හා චීනය අතර දේශ සීමා යුද්ධයක් ඇතිවිය.

එවිට කොතලාවල මහතා ඉංදියාවෙ අගමැති නේරුට දුරකතනයෙන් කතා කොට ඇසුවලු මතකද මං තමුසෙට ඔය චීන්නු ගැන බැන්ඩුන් වලදි කිව්වා…තමුසෙ එතකොට මට හිනාවුනා

සටහන රන්ජන් ඇටිගල්ල

අරයගේ මෙයාගේ වහලෙක් නොවී, තමන්ගේ ප්‍රදේශයට වැඩක් කරන්න පුළුවන් හොදම එකා පාර්ලිමේන්තු යවමු


ගෝථාභය රට කරන්නේ විනයගරුක ත්‍රිවිධ හමුදාව සහ ඒ ඒ ක්ශේස්ත්‍රයේ සුපිරි වැඩ්ඩෝ මුල් කරගෙන.

මහින්ද ? රනිල්?
එයාලත් එහෙම තමයි රට කලේ සහ කරන්නේ. එක එක හොරකම් වල කෙල පැමිණි සුපිරි වැඩ්ඩෝ මුල් කරගෙන.

දැන් අපි මොකද කරන්න ඕනි.
අපිද? අපි ඉතින් මීහරක් වගේ ඔය ඉන්න උන්ටිකම පර්ලිමේන්තුවේ යවලා ඔහේ වෙන දෙයක් වෙද්දෙන් කියලා බලන් ඉන්නවද? නැත්නම් පාට පක්ෂ බලන්නේ නැතුව තමන්ගේ ගමට වැඩ කරන්නේ කව්ද කියලා බලලා අන්න එයාව පාර්ලිමේන්තුවේ යවන එකද?

වෙනසක් කරමු.
මහින්දගේ, රනිල්ගේ, අනුරගේ අරයගේ මෙයාගේ වහලෙක් නොවී, තමන්ගේ ප්‍රදේශයේ චන්දේ ඉල්ලන තමන්ගේ ප්‍රදේශයට වැඩක් කරන්න පුළුවන් හොදම එකාට උදව් කරමු.

රෝහණ කේ අමරකෝන්

Made in Sr lanka ඒකලෙම තිබ්බානම්


මේ ඉස්සර Made in Sr lanka
කවුරුත් දන්න ඩෙල්ටා ටොෆි, කැන්ඩොස් චොක්ලට් වල අයිතිකරු වෙන්නෙ උපාලි විජේවර්ධන මහත්මයා..


පළවෙනි බිස්නස් එක වෙන්නෙ සීනි බෝල හදන එක. තාත්ත අතඇරල දාපු සීනි බෝල හදන මැශින් එක ගෙනත් සීනි බෝල හදන්න පටන් ගන්නවා. මුලින්ම අතින් හදන්නේ.

උපාලි විජේවර්ධන ශ්‍රී ලංකාවේදී ඔරලෝසු, රේඩියෝ සහ TV එකලස් කරලා බෙදා හරින ව්‍යාපාරයක් ආරම්භ කළා. මේ විදිහට බෙදා හැරපු භාණ්ඩ වලට තමයි “UNIC” කියන බ්‍රෑන්ඩ් එක නිර්මාණය වුණේ.

ඔහු තමයි ආසියාවේ මුලින්ම වාහන සහ ඉලෙක්ට්‍රොනික් උපකරණ එකලස් කිරීමේ කර්මාන්තශාලා ඉදිකලේ. ඒ කාලෙ ආසියාවෙ අනිත් රටවල් ඒව කරන්න හිතලවත් නැහැලු.

“උපාලි ෆියට්” “උපාලි මැස්ඩා” කියන්නෙ ලංකාවේ හදපු කාර්. පොඩි ආඩම්බරයක් ආව නේද හිතට?

පළමු එකලස් කරපු කාර් දෙක දීල තියෙන්නෙත් ඩඩ්ලි සේනානායක මැතිතුමාට හා කැළණිය පන්සලට.

ලංකාවේ උපාලි ෆියට් කාර් 500ක් එකලස් කරල තියෙනවා. ඒවායින් 499කම මුල් පාට සුදු අනිත් එක තමයි ඔය පහළ ෆොටොවේ තියෙන කාර් එක! ඒකේ ගොල්ඩ් කලර් එකට හේතුව තමයි උපාලි විජේවර්ධන මහත්තයා තමන්ගෙම පාවිච්චියට තමයි ඒක හදාගත්තෙ.

උපාලි මැස්ඩා රථය ඒ කලේ සුඛෝපභෝගි රථයක්. එකක මිළ රු.90,000/=යි. ලංකාවේ බෙහෙවින් ජනප්‍රිය වූ ඒ රථ අපනයනය කරන්නත් එයාල
සැළසුම් කරලා තිබිල තියනව.

ඒ වගේම ඔහු “උපාලි ඒවියේෂන්” ආයතනය ආරම්භ කළා. මේ තමයි ශ්‍රී ලංකාවේ මුල්ම දේශීය ගුවන් සේවා සහ හෙලිකොප්ටර් සේවා සමාගම.

කැන්ඩොස් චොක්ලට් සාර්තක වනවාත් සමගම උපාලි සමූහය “පාරිභෝගික භාණ්ඩ” නිෂ්පාදනයට පටන්ගන්නව. “සිකුරු”, “ක්‍රිස්ටල්” සහ “ටිංගල්” කියන සබන් වර්ග තුන බිහි වෙන්නේ ඒ තුලින්.

ඒ වගේම 1981 අවුරුද්දේ බිහි වුණු උපාලි පුවත්පත් සමාගම “දිවයින” සහ “අයිලන්ඩ්” පුවත්පත් මුද්‍රණය කරමින් පුවත්පත් කලාවට ප්‍රවේශ වෙනවා.

ඒත් ඔය අතරේ 1970 දී ශ්‍රී.ලං.නි.පක්ෂය සමසමාජ
කොමියුනිස්ට් පක්ෂ සමග බලයට ආ සැණින්ම ධනපතියන්ට අපේ කම්කරුවන්ගේ ශ්‍රමය සූරාකෑමට ඉඩනොදිය යුතුයි යන තේමාව යටතේ ඒ සියලුම කර්මාන්ත ශාලා වහලා සේවකයොත් අනාථ කලා.

ලංකාවෙ සමාජවාදී ආර්ථික ප්‍රතිපත්ති නිසා ඔහු අන්තර්ජාතික ව්‍යාපාර වලට පිවිසිලා වැඩි කාලයක් යන්න කලින් ඔහුට මැලේසියාවේ කොකෝවා වගාවක්, නිව් යෝක් නුවර මූල්‍ය සමාගමක් සහ සිංගප්පූරුව පුරා ව්‍යාපාර ගණනාවක හිමිකරු වෙන්න පුළුවන් වෙනවා.

උපාලි සමූහ ව්‍යාපාරය වඩාත්ම සාර්ථකව පැතිරිලා තිබුණු කාලයේ ලෝකය පුරා සේවකයන් 33,000කටත් වඩා ඔහුට අයත් සමාගම් වල සේවය කරමින් සිටියා. මේ සේවක සංඛ්‍යාව අද තියෙන විශාලම ආයතන එක්ක බැලුවත් කරට කර තියෙන අගයක්.

1983 අවුරුද්දේ පෙබරවාරි 13 වැනිදා, ඔහු ගමන් කරමින් හිටපු ඔහුගේ සුප්‍රසිද්ධ Learjet ජෙට් යානය මලක්කා සමුද්‍ර සන්ධිය ආශ්‍රිත තැනකදී අතුරුදහන් වෙලාලු.
අදටත් එය නොවිසඳුණු අභිරහසක්!

ඔහු විදේශ රටක අදටත් ජීවත් වෙන බවට පවා කටකතා ඇති වෙලා තියෙනවා. තවත් සමහරු කියන විදිහට ඔහු සිරගත කරල කියාලත් කතාවක් තියනව,

කොහොම උනත්,
උපාලි විජේවර්ධන අද ජීවත්ව සිටියානම්, ස්ටීව් ජොබ්ස්, මාර්ක් සකර්බර්ග්, බිල් ගේට්ස්ට වඩා ඉහලින් සිටින ධනවතෙකු වන බව නොවනුමානයි.