තරුණ පරපුර කරන්න ඕනි රටට ඕනි හරිදේ


පාට වලට බදිලා වෙන එකෙක් වෙනුවෙන් මරාගන්න එක වෙනුවට තරුණ පරපුර කරන්න ඕනි රටට ඕනි හරිදේ වෙනුවෙන් තමන්ගේ අනාගතය රටේ දියුණුව වෙනුවෙන් කරන වැඩ වලට එකතු වෙන එක, එහෙම වැඩ දේශපාලකයෝ කරනකන් බලන් ඉන්නේ නැතුව අපි අපිම සංවිධානය වෙලා පටන් ගන්න එක. අපේ අනාගතය වෙනුවෙන් මහන්සි වෙන එක.

දැන් නිදහස ලබලා අවුරුදු 71ක් අපි ඔක්කොම බලන් හිටියා පාලකයො රට හදනකන්. එහෙම එකක් උනේ නෑනේ. පාලකයො රට හැදුවෙත් නෑ රට හදන්නෙත් නෑ මේ කපේට උන් හැදෙනවා මිසක්.

දැන් අපි රට හදන වැඩේ අපේ අතට ගන්න ඕනි. එතකොට පාලනය කරන උන්ට අපිට උදව් කරනවා හැර වෙන විකල්පයක් නෑ. අන්න ඒ වෙනසයි අපිට ඕනි. වට පිට බැලුවානම් ඕන කෙනෙක්ට පේනවා දැන් කොල්ලො කෙල්ලො අවුරුද්දක දෙකක වගේ ඉදලා රට වෙනුවෙන් මාර වැඩ කොටසක් කරනවා.

ගස් හිටවනවා
දුශ්කර පාසල් හදනවා
රෝහල් නවීකරණය කරනවා
දුප්පත් සිසුන්ට උපකාර කරනවා
කසළ පිරිසිදු කරනවා
ලේ සහ අවයව දන්දෙනවා
අසරණ රෝගීන්ට පිහිට වෙනවා
පන්සල් පල්ලි කෝවිල් නවීකරණය කරනවා
පරිසරය ලස්සනට තියාගන්න බලනවා
ප්ලස්ටික් පොලීතීන් වලින් බැහැර වෙනවා

ඒ වෙනස ඉස්සරහට ගෙනියන තරුණ නායකයෝ එයාලගේ දක්ශතා බලලා දේශපාලනයට එනවනම් උන් මොන පක්ෂයකින් ආවත් රට හදයි

Advertisements

පෞද්ගලික වෛද්‍ය විද්‍යාල අරගල ඉතිහාසයෙන් බිදක්


. ත‍්‍රීමාවිතාරණ සොයුරා, රංජිත් පෙරේරා, ඞී. ඞී. බන්දුවර්ධන යන සොයුරන් සමඟ රත්නපුර බස්නැවතුම් පොල අසලදී 1988 ඔක්තෝම්බර් 22 වෙනිදා පැහැර ගනු ලැබීය. පසුව වද බන්ධනයට ලක් කර එදින රාත‍්‍රියේ දී පුළුස්සා වැල්ලවාය කොස්ලන්ද මාර්ගය අසල දමා තිබුණි. ඔහුගේ සිරුර සිගැරැට්ටු කොට වලින් පුළුස්සා, නියපොතු ගලවා, යටිපතුල් පලා, ඇස් උගුල්ලා හිස දෙපසට ගැසූ පරාල ඇණ වල බැදි ලනුවකින් ජීප් රථයකින් මහමඟ දිගේ ඇදගෙන ගොස් මිලේජ්ච ලෙස මරා දමා තිබුණි.

මෙම ඝාතනයේ චෝදනා එල්ල වූයේ සබරගමුව මහ ඇමතිගේ පුත් සුසන්ත පුංචිනිලමේ මහතාටය. මහත් ආන්දෝලනයකට ලක් වූ එම නඩුව රත්නපුර අංක 2 මහාධිකරණයේදී විභාග විය. සුසන්ත පුංචිනිලමේ ඇතුළු කීප දෙනෙකුට එරෙහිව අධිචොදනා 13 ක් යටතේ එම නඩුව පවරා තිබුණි. නඩුව අවසානයේ චෝදනා ඔප්පු කිරීමට නොහැකි වූ නිසා චූදිතයෝ නිදහස් වූහ.

අන්තර් වෛද්‍ය පීඨ ශිෂ්‍ය ක‍්‍රියාකාරී කමිටුවේ ශක්තිය හා බලය ප‍්‍රදර්ශණය කරවූයේ මෙම ඝාතනයයි. ත‍්‍රිමාගේ මළසිරුර හොර රහසේම නිවසට භාර දී නිහඩව අවසන් කටයුතු කිරීමට රජය උත්සාහ කළහ. එහෙත් වෛද්‍ය ශිෂ්‍ය කමිටුව ඊට එකඟ නොවීය.

කොළඹ මහ රෝහලේ වහල මතට නැගුණු වෛද්‍ය සිසු සිසුවියන් ත‍්‍රිමාගේ මළසිරුර ඉල්ලා මාරාන්තික උපවාසයක් ඇරඹූහ. ආණ්ඩුව එයට ද ඇහුම්කන් නොදුන් විට ඔවූහූ සිරුරට පෙට්රල් වත්කර සිය දිවි හානි කර ගැනීමට තැත් කළහ. අවසානයේ දී ආණ්ඩුවට ශිෂ්‍ය ව්‍යාපාරය ඉදිරියේ දණ නැවීමට සිදු විය. කුඩා පෙට්ටියක බහාලූ ත‍්‍රිමාගේ මෘත දේහය සොවින් කදුළු සැලූ සටන් සඟයන්ගේ කර මතින් වෛද්‍ය පීඨයට රැගෙන එන ලදි. එයට අවසන් ගෞරව දැක්වීමට ලක්ෂ සංඛ්‍යාත ජන සංඛ්‍යාවක් පැමිණියහ. ආදාහන පෙළහැර කොළඹ තුන්මුල්ල හරහා දිගු ගමනකින් පසු බොරැල්ල කනත්තට ලඟා විය. අවමඟුලට සහභාගී වූ සංඛ්‍යාව ලක්ෂ තුන ඉක්මවීය. එය ලාංකීය ඉතිහාසයේ විශාලතම ජන සංඛ්‍යාවක් සහභාගීත්වයෙන් පැවැති අවමඟුල විය. මෙම ඝාතනය පෞද්ගලික වෛද්‍ය විද්‍යාලයට එරෙහි සටනේ සංධිස්ථානයක් විය. එම අරගලයේ අනෙක් නියමුවෝ සිය ආදරණීය ශිෂ්‍ය නායකයාට ඔහු ගෙන ගිය අරගලය ජයග‍්‍රහණය දක්වා ඉදිරියට ගෙන යන බවට ශපථ කළහ. නමුත් එය ඝාතක පෙළක ඇරඹුම පමණක් විය. එම අරගලයේ මුල් පෙළ නියමුවන් වූ වෙනුර එදිරිසිංහ, සිසිර කීර්ති ජයවර්ධන, කුමාර කුලතුංග, ලීල් සමරනාත්, සරත් කොල්ලූරේ, නිශාන්ත එදිරිවික‍්‍රම අතුල සේනාරත්න, සුගත් අශෝකා ද සිල්වා යන කොළඹ වෛද්‍ය පීඨ ශිෂ්‍යයන් පැහැරගෙන ගොස් මරා දමන ලදි.

රාජ්‍ය භීෂණය වෛද්‍ය ශිෂ්‍ය අරගලයේ පළමු පෙළ නායකයන් සියල්ල අතුරුදහන් කළ ද ඔවුන් විසින් ගොඩනැගූ අරගලය රට පුරා නොනිවී දැල්විනි. ආණ්ඩුව පවත්වාගෙන යාමට නම් වෛද්‍ය ශිෂ්‍ය ප‍්‍රශ්නය විසදිය යුතු විය.

එබැවින් ආණ්ඩුව සිය පෞද්ගලීකරණ ප‍්‍රතිපත්තිය තාවකාලිකව හකුලා ගනිමින් පෞද්ගලික වෛද්‍ය විද්‍යාලය ජනසතු කරන ලදි. තවත් රජයේ වෛද්‍ය පීඨයක් දේශයට උරුම කර දීමට වෛද්‍ය සිසු අරගලයට හැකි විය. ඒ කැළණිය විශ්ව විද්‍යාලයේ රාගම වෛද්‍ය පීඨයයි.

ලාංකීය ඉතිහාසය තුළ ශිෂ්‍ය අරගලයක් කම්කරු පන්තිය ඇතුළු පොදු ජනතාව සමඟ බද්ධ වී ඉතාමත් සංවිධානාත්මකව සමස්ථ ශ‍්‍රී ලංකාව පුරාම පැතුරුණු දීර්ඝකාලීන බහු ජන අරගලයක් දක්වා පෙරට ගොස් ජයග‍්‍රහණය අත්පත් කර ගැනීම පිළිබඳව පළමු අත්දැකීම පෞද්ගලික වෛද්‍ය විද්‍යාල අරගලය බව සනිටුහන් කිරීමට හැකි වීම, එකී අරගලයට නායකත්වය දී දිවි පිදූ සියල්ලන්ගේත් අරගලයේදී අපරිමිත ධෛර්යෙන් යුතුව කටයුතු කළ සියල්ලන්ගේ ගෞරවය පිණිස වනු ඇත.
උ.ගැ.

The Golden Decades of Sri Lanka 🇱🇰


දේශපාලන වහල් බවින් අන්ධ වූවන්ට නොව නිදහස් අදහස් දරන්නන්ට දැන ගැනීමටයි මේ ටික.
(අතීත කාමය නෙ⁣වේ , සත්‍යයකි )
JR බලයට එනකොට ලංකාවට නිදහස ලැබිලා යාන්තමින් අවුරුදු 28යි.

ඒ වෙනකොට අපි ඔරුවල වානේ සංස්ථාවේ ඇල්පෙනෙත්තේ ඉඳලා පාලම් කාප්ප දක්වා වානේ භාණ්ඩ දේශීයව නිපැදුවා.

ඉන්දියාවට වෙනම වර්ගයේ උදැල්ලක් කිඹුලා ලකුණෙන් තලය මහත ලංකාවේ හැදුවා. ඒවා එක දිගටම ඉන්දියානු ගොවියට ලංකාවෙන් යැවුනා.

UniC රේඩියෝව හදලා ආසියාවේ රටවල් වලට අපනයනය කරා.

රටේ හැම ගමකම weaving mills දාලා අපේ රෙදි පිලි අවශ්‍යතාවය ගම් මට්ටමින්ම සපුරා ගත්තා.

එතකොට මදුරු දැල් තිබුනා ඩියුරෝ කියලා සවි ශක්තිය අතින් ඉහලයි.

දාසලා රාණි, සඳුන් සබන් දේශීය අමු ද්‍රව්‍ය වලින්ම නිපදවලා පිට රටටත් අපයනය කලා. අදත් චෙන්නායි වල බර්මා බසාර් ගිහිල්ලා අහලා බැලුවොත් රාණි සබන් වලට ලොකු ඉල්ලුමක් තියනවා.

අපේ ගෙවල් වල විතරක් නෙමේ කඩවල් හෝටල්වල භාවිතා උනේ පැරකුම් condensed milk.
ලංකාවෙම තණ බිම් වලින් අපේ කිරි අවශ්‍යතාවය සපුරා ගත්තා. මුස්ලිම් ගොවි මහත්වරු පොලොන්නරුවේ විශාල වශයෙන් කිරි නිපැදවූවා 🐄 🐄 . දැං ඒ ඔක්කොම වගේ පිටරටින් තොරම්බල් බඩු ගේන්න පුරුදු වෙලා.

ඒ කාලේ ⁣Proton car ලංකාවේ ගහන්න ඉඩක් ඉල්ලනකොට අපි දුන්නෑ මොකද අපි Upali Fiat එක හදන නිසා තව නොබෝදිනකින් saloon car එකක් ලෝකෙට හඳුන්වා දෙන්න කියලා බලාපොරොත්තු තිබුණු නිසා.

වරායෙන් අපනයනය වූ බඩු අතර පලයාකාට් සරොම් තොග ගණන් (containers ප්‍රසිද්ධ නැති යුගයක) ඩියුරෝ රෙදි පිලි තොග ගනන් යැවුවා,

ලංකා සිල්ක්, බතික් අපේම අමුද්‍රව්‍ය වලින්. St.Bridget එකේ Sistersලා පට පණුවන්ගෙන් සිල්ක් නූල් අරන් රෙදි නිපදුවා. පස්සේ මේ වැඩේ චීනෙන් ගේන්න මුස්ලිම් මුදලාලිලාට බාර දුන්නා.

ලේලන්ඩ් වාහනේ ලංකාවට ඉන්දියාවෙන් එනකොට දාලා එව්වෙ කැළණි ටයරය ලොකුවට made in Sri Lanka 🇱🇰 කියලා ලියලා.

බරවාහන දේශීයව හදාගන්න කාලය අත ලඟ කියලා හීන දැක්කා.
ලංකාව, සෝමාලියාවක් වෙලා තිබුනා කියන අය ලංකාවට ආසියාවේ ස්විට්සර්ලන්තය කියපු කාලක් තිබූ බව දන්නැතුව ඇති.

චොකලට් 🍫 කර්මාන්තය පටන් අරං පිටරටවල පවා කොකෝවා වැව්වා ලංකාපුත්‍රයන් යටතේ ඒ රටවල මිනිස්සු වැඩ කරා. අපිට එහෙව් යුගයක් තිබුනා.

එවකට ආසියාවේ තෙවෙනි නිශ්පාදන ආර්ථිකය තිබුණු කවරදාකවත් ලෝකෙ එක එකාට වහල්කම් නොකරපු ජාතියක ප්‍රධානම ආදායම් මාර්ගය වහල් සේවය මෙන්ම සාඩම්බර ලාංකික ගැහැණිය අරාබියට විකුණලා දැම්මා. (පස්සෙ ආපු එකදු ජනාධිපති කෙනෙක්ටවත් මේ රටේ ගෑණු වහල් සේවයට යවන එක නවත්තන්න උවමනාවක් තිබුනෙ නෑ. එකම එක්කෙනෙක් ඒ වැඩේ ටිකාක් විතර control කරා එච්චරයි)

සිංගප්පූරුව හදන්න පෙර ලී ක්වාන් කියනවා මම මලක්කාවේත් ලංකාවක් හදලයි පස්ස බලන්නේ කියලා. (ලී ක්වාන් ගේ Third world to first world පොත බලන්න).

කුඩා දරුවන් වූ අපි නිතරම අධ්‍යාපන චාරිකා ගියා අපේ දේශීය කර්මාන්ත ශාලා නැරඹීමටයි. අද ලුණු ටිකත් ඉන්දියාවෙන්.

මේ කිවූ කිසිම දෙයක් නාදුනන මා කීවාට පිළිනොගන්න. කරුණු ⁣තව දුරටත් සොයාබලා විශ්වාස කරන්න.

එකල අපිට තිබුණු ලොකුම ප්‍රශ්නයක් තමා ඉන්දියාවෙන් සහ මාලදිවයිනෙන් බෝට්ටුවල ⛵ නැගලා නීති විරෝධී සංක්‍රමණිකයන්ගේ පැමිණීම. අද 1977ට පස්සේ, අපි ⛵වල පාවෙලා ජීවිත පවා නැති කරගෙන වෙන රටවල් වලට පනින ලැජ්ජා නැති ජාතියක් වෙලා. කවදද වැරදිලා තියෙන්නේ?

ස්තූතියි Dr ප්‍රසන්න කුරේ..

– Hamzah Rahmath –

ඇත්තටම ඔබ සහනාධාර ගතයුතු කෙනෙක්ද?


1995 වසරේදී ශ්‍රී ලංකා සමෘද්ධි අධිකාරිය පිහිටුවන්නෙ එවකට 28.8%ක් ව පැවති ලංකාවේ දිළිඳුකම අඩු කිරීමේ ව්‍යාපෘතියක් ලෙසටය. එසේ ආරම්භ කරන ලද සමෘද්ධි ව්‍යාපෘතියේ මුඛ්‍ය අරමුණු වූයේ මුළු ලංකාවම ආවරණය වන පරිදි දිළිඳු පවුල් හඳුනාගෙන ඔවුන්ට සහනාධාර දී ඔවුන්ට යම් ආදායම් මාර්ගයක් හදාගැනීමට තැන්පතුවක්ද ආරම්භ කොට ‘දිළින්දන්’ යන නාමකරණයෙන් ඔවුන්ව ගළවා ගැනීමටය.

නමුත් සමෘද්ධි සහනාධාරයේ මුඛ්‍ය පරමාර්ථය ඉටු වීද?

1999 වසරේදි සමෘද්ධි ප්‍රතිලාභ ලැබූ පවුල් ගණන මිලියන 1.7කි. එය ලංකාවේ සමස්ත පවුල් ඒකක ගණන අනුව ප්‍රතිශතයක් ලෙස 30%කි.

2013 සිට 2018 දක්වා සමෘද්ධි ප්‍රතිලාභ ලැබූ පවුල් ගණන අනුපිළිවෙළින් පහත පරිදි වේ.

2013- පවුල් 1,477,173
2014- පවුල් 1,479,811
2015- පවුල් 1,453,078
2016- පවුල් 1,404,655
2017- පවුල් 1,388,242
2018- පවුල් 1,388,543

දශක දෙකක් ගෙවී ඇත. 2018දි සමෘද්ධිය ලබන පවුල් ගණන ලංකාවේ සමස්ත පවුල් ඒකක වලින් ප්‍රතිශතයක් ලෙස 27.6%කි. 2016දි එය 28.1%කි. ඉළක්කම් මෙසේ වූවාට 1995 වසරේදි ලංකාවේ දරිද්‍රතාව වූ 28.8% ප්‍රතිශතය 2016 වන විට 4.1% දක්වා අඩු වී ඇති බව ඔබ දන්නවාද? නමුත් සමෘද්ධිය ලබා ගන්නා පවුල් සංඛාවෙහි ප්‍රතිශතය ඉළක්කම් දෙකෙන් එක දක්වා අඩු වී නැත.

ඉතින් සමෘද්ධියෙන් වැඩක් නොවූයේ යැයි යමෙක් කියන්නෙ නම් එය පුස්සකි.නමුත් සමෘද්ධිය තව දුරටත් ලැබෙන්නෙ සැබෑ දිළින්දන්ටද යන්න ප්‍රශ්නාර්ථයක් ඔබ හමුවේ තබන්නට කැමැත්තෙමි.

අප මේ සිටින්නෙ 2019 වසරේ ආරම්භයේය. 1995 වසරේ ආරම්භ කර 1996 වසරේ සිට සමෘද්ධි ප්‍රතිලාභ වැඩසටහන ආරම්භ කර දැනට වසර 23කි. කාරණා එසේ වෙද්දි සමෘද්ධි ප්‍රතිලාභ වැඩසටහනේ රැඳී සිටින කාලය අනුව පවුල් වර්ගීකරණය කළහොත් ලැබෙන ප්‍රතිඵල ඇස් අදහා ගත නොහැකි තරම්ය.

•අවුරුදු 5ට අඩු කාලයක් සමෘද්ධි ප්‍රතිලාභ ලබන පවුල් – 7.5%
•අවුරුදු 5 සිට 9 දක්වා සමෘද්ධි ප්‍රතිලාභ ලබන පවුල් – 17.5%
•අවුරුදු 10 සිට 14 දක්වා සමෘද්ධි ප්‍රතිලාභ ලබන පවුල් – 18.2%
•අවුරුදු 15-19 දක්වා සමෘද්ධි ප්‍රතිලාභ ලබන පවුල්- 26.3%
•අවුරුදු 20ට වඩා සමෘද්ධි ප්‍රතිලාභ ලබන පවුල්- 30.5%

ඒ අනුව සමස්ත සමෘද්ධි ප්‍රතිලාභ වලින් 57%ක්ම තවමත් ලබන්නෙ මෙම සමෘද්ධි වැඩසටහන ආරම්භයේදි ප්‍රතිලාභ ලැබූ පවුල් වීම මහා පුදුමයකි. ඒ පවුල් තවමත් සමෘද්ධියක් ලැබීමට සුදුස්සන්ද? අවුරුදු 15-20ක් සමෘද්ධියක් ලබමින් ජීවත් වීමට තරම් ඔවුන් අලස නම් සැබවින්ම මෙම සමෘද්ධි ප්‍රතිලාභ සංකල්පයේ ඇති ප්‍රගමනය කුමක්ද? එසේත් නැත්නම් රටේ සිටින සැබෑම දිළින්දන්ට ලැබිය යුතු අවස්ථාවන් සමහරක් කුහකයන් විසින් අහුරා තිබීම මහා පාපයක් නොවේද?

අප දේශපාලනඥයින්ට සෑම විටකම ඇඟිල්ල දික් කරමු. නමුත් අප අපෙන් විය යුතු යුතුකම් ඉටු කර ඇත් දැයි අප සිතා බැලිය යුතුය. හොඳින් අවට සමාජය දෙස බලන්න. සමහරවිට ඔබේ පවුලත් සමෘද්ධි ප්‍රතිලාභීන් විය හැකිය. සිතන්න…

ඔබ සැබවින්ම සමෘද්ධි ප්‍රතිලාභියෙක් විය යුත්තෙක්ද? ඔබ අහුරන්නෙ තවත් අහිංසක පවුලක් වෙනුවෙන් වෙන් විය යුතු ප්‍රතිලාභ නොවේද? ඔබ “මෙන්න අපේ සමෘද්ධිය කපා හරින්නට යනවෝ” කියා මොර දීමට සුදානමින් සිටින පිටතට හෙන සල්ලිකාර හදවතින් දුප්පත් මනුස්සයෙක්ද?

පහුගිය දවසක විශයභාර ඇමතිවරයා වන දයා ගමගේ මහතා වේදිකාවක කියූ කතාවක් මට මතක් විය. දැනට සමෘද්ධි සහනාධාර ලබන ලක්ශ 14ට අමතරව තවත් ලක්ශ 8ක් පොරොත්තු ලේඛණයේ සිටින බවත් ඔවුන්ටද සමෘද්ධිය ලබා දීමට ඔහු ක්‍රියා කරන බවත් ඔහු ප්‍රකාශ කර සිටියේය.

ගරු දයා ගමගේ ඇමතිතුමනි,

වැඩේ හොඳය. නමුත් ඔබ එයට අලුතින් ලක්ශ 8කට දෙන්නට කලින් කළ යුතු වැඩක් ඇත. ඔය සහනාධාරය ගන්නා ලක්ශ 14න් දැන් සමෘද්ධිය අවශ්‍ය නැති ලක්ශ 7ක් වත් සිටින බව මාගේ විශ්වාසයයි. එය එසේ නොවේ නම් 1995 දි ලංකාවේ දරිද්‍රතාවය වූ 28.8% ප්‍රතිශතය 2016 වන විට 4.1%ක් දක්වා පහත වැටීමේ ඉළක්කම් අගයද බොරුවක් විය යුතුය.

ගරු අමාත්‍යතුමනි,

නැවත කියමි. ඔබගේ අමාත්‍යාංශයට අයවැයෙන් වෙන් කෙරෙන මුදල් වලින් ඔබ කරන්නට යන වැඩ සම්බන්ධයෙන් ඔබට වගකීමක් ඇත. දෑස් හැර බලා වැඩ කරන්න.

රට වැසියනි,

රජයට සේම ඔබටත් වගකීමක් ඇත. වගකීමක් ඇති මිනිසුන් ලෙස ජීවත් වෙමු. නොමිලේ ලැබෙන නිසා සියල්ලම ගෙන තවත් අහිංසකයෙකුගෙ අවස්ථාවක් කරනවාට වඩා මෙවැනි දෙයකදීවත් අවංක වෙමු.
– උපුටා ගැනීමකි –

ශ්‍රීලංකන් පාඩු ලැබීමට හේතුව කුමක්ද?


ශ්‍රී ලංකන් ගුවන් සමාඟම පසුගිය මාස නමය සඳහා ලබා ඇති අලාභය රු. බ්ලියන 40 කට අධික බව දැනගැනීමෙන් පසු මා අතිශයෙන්ම කම්පාවට පත්විය. එමෙන්ම මා හට ලැබෙනා තොරතුරු වලට අනුව මෙම අලාභය මෙම මූල්‍ය වසර අගදී රු. බිලියන 50 ඉක්මවනු ඇතැයි විශ්වාස කරමි. මා ගිය වර්ෂයේ සිට ස්ථිරවම කියා සිටියේ, මෙම අගතියට මුල්වූ ප්‍රධානතම කාරණය නම් මෙම යහපාලන යුගයේ පත්කරන ලද, හැකියාවක් නොමැති, අජිත් ඩයස් / සුරේන් රත්වත්තේ ප්‍රමුඛ පාළනාධිකාරිය විසින් ගනු ලැබූ අමන තීරණවල ප්‍රතිඵල බවය.

ගුවන් යානා මෙහෙයුම් පිරිවැය සඳහා විශාලතම වශයෙන් දායක වන්නේ ඉන්ධන මිල වේ. පහත දක්වා ඇති වගුවෙන් දැක්වෙන්නේ, වාර්ථාගත වැඩ්ම ඉන්ධන මිලගණන් යටතේ වුවද, මහින්ද රාජපක්ෂ ප්‍රමුක රජය විසින් විසින් ශ්‍රී ලංකන් ගුවන් සමාඟම ලැබූ පාඩුව, මෙම යහපාලන රජය යටතේ ශ්‍රී ලංකන් ගුවන් සමාඟම ලබාඇති පඩු වලට සාපේක්ෂව කාර්‍යක්ෂමව කාලමණාකරනය කල ඇති බවයි. දැනට ක්‍රියාන්විත කලමණාකාරිත්වයට, මෙම තත්වය පාලනය කිරීම සඳහා නිසි අවබෝධයක් නොමැති බව සක්සුදක් සේ පැහැදිලිවේ.

පසුගිය රජය යටතේ, එකල කලමණාකාරිත්වය විසින් එයාර්බස් A350 – 900 ගුවණ් යානා ඇණවුම් කිරීමට සාදකවූ ප්‍රධානතම හේතුව වූයේද ශ්‍රී ලංකන් ගුවන්සේවය මුහුණදී ඇති ඉන්ධන පිරිවැය විය. රනිල් වික්‍රමසිංහ රජය විසින්, මෙම එයාර්බස් A350-900 ගුවන්යානා, කිසිම ව්‍යාපාර පදනමක් නොසලකා, නීතිවිරෝධී ලෙස අවලංගු කරණ ලදි. මෙසේ ගත්, මෙම මෝඩ තීරණයෙන් පමණක්, ශ්‍රී ලංකා රජයට රු. බිලියන 17ක් වන්දි මුදල්සේ ගෙවීමට සිදුවිය. ඉන්ධන ආකාර්‍යක්ශම ගුවන් යානා මෙහෙයුම් ඉදිරියටත් පවත්වාගෙන යෑමෙන්, ගුවන් සේවාවට වී ඇති අතිරේක වියදම් සහ අධික පාඩුව ඉදිරිකාලයේදී අපහට දැනගත හැකිවේ.

ඉදිරි දැක්මක් නොමැතිව, ඍජු ව්‍යාපාර සැලැස්මක් නොමැතිව, පසුහිය රජය සමයේ ගත් ව්‍යාපාර තීරණවලට මඩගැසීමට පමණක් අවධානය යොමුකිරීමෙන්, ශ්‍රී ලංකන් ගුවන් සේවයටත්, එසේම රටටත් වී ඇති අගාදය දැන් අප කාහටත් ප්‍රත්‍යක්ශවී ඇත.

ශ්‍රී ලංකන් ගුවන් සේවය දැනට මුහුනදී ඇති අර්බුදයට හේතුසාධක හෝ නිසි විසඳුමක් සෙවීම සඳහා මෙම පාලනාධිකාරිත්වයට දැණුමක් නැතිබව හැඟේ. දැනට අප රට මුහුණපා ඇත්තේද මෙවැනි අරබුදකාරී කාළ පරිඡ්චේදකයටයි. එයට හේතුවී ඇත්තේද දැනට පවත්නා රජයේ අකාර්යක්ෂමතාවයයි.

උපුටාගැනීමකි

Avant Garde මහා පවාදිම


ඇමරිකානු නාවික හමුදාවට පවා හිසරදයක් වූ බටහිර ඉන්දීය සාගරයේ සෝමාලියානු මූදු කොල්ලකරුවන්ව සාර්ථකව මැඩලමින්, ශ්‍රී ලංකා නාවික විරුවන්ගේ වික්‍රමාන්විත මෙහෙයුමක් ගැනයි මේ කියන්න යන්නේ. ලෝක බලවතුන්ගේ ඇස් මවිත කළ එම මෙහෙයුම් නිසා “Sri Lanka” කියූ විට “ලෝක නාවික ආරක්ෂාවේ ප්‍රමුඛයා” ලෙස දිදුළන නමක් ලැබෙමින් තිබුණා. මූදු කොල්ලකරුවන් ශ්‍රී ලංකා ධජය රැගත් නැවක් අහලකටවත් යන්න බිය වුණා.

ඔබට මතක ඇති මීට අවුරුදු කීපයකට පෙර දිගින් දිගටම සෝමාලියානු මූදු කොල්ලකරුවන් විසින් බටහිර ඉන්දීය සාගරයේ නැව් කොල්ල කන බව ප්‍රවෘත්ති වල නිතර කිව්වා. නමුත් හිටි ගමන්ම එම කොල්ල කෑම් අඩු වුණා. එලෙස කොල්ලකරුවන්ව මැඩලා ලෝක නාවික අරක්ෂාව තර කළේ අපේම රටේ නාවික රණවිරුවන් විසින් කියලා ඔබ දැන සිටියාද?

සිංහල බෞද්ධයා වෙබ් අඩවියෙන් මේ කියන්න යන්නේ ඉතිහාස කතාවක් නොවුණත් ඉතිහාසයේ පුංචි කාරණාවක් මුලදිම මතක් කරන්නම්. සිංහලයින් තම මුහුදු සීමාවෙන් ඔබ්බට ගොස් විදෙස් සතුරන්ව මැඩලූ බවට සිංහල ඉතිහාසයේ අවසන් වතාවට වාර්තා වෙන්නේ ක්‍රි.ව. 1123-1186 කාලෙදියි. මහා පරාක්‍රමබාහු රජතුමා මියන්මාරය සහ දකුණු ඉන්දියානු සොළීන්ව නැව් දහස් ගණනන සිංහල සේනාවක් සහිතව ආක්‍රමණය කිරීමයි. එසේ ආක්‍රමණය කළේත් අප රටට වූ හානියක් වෙනුවෙන් වන්දි ලබා ගනීමට විනා විදෙස් රටවල් කොල්ල කෑමට නොවෙයි. මුළු රටම මූදෙන් වටවූ දේශයක පැවතුණු ජාතියක් වශයෙන් මූදු ගමන් යාම මූදුකර සිංහලයින්ගේ ජාන වල කිඳා බැහැලා තිබෙනවා. පසුකාලීනව මෙවන් ගීත තැනුනේත් එනිසා. ඒත් උතුම් බුදු දහමින් ලද පහස නිසා අපේ රටේ මිනිස්සු අර නෝමන්ඩි වරුන් මෙන් විදෙස් රටවල් හෝ විදෙස් නැව් කොල්ල කන තත්ත්වයට පත් වුණේ නෑ.

2010 වගේ කාලේ වෙන විට සෝමාලියානු මූදු කොල්ලකරුවන් ලෝකයටම හිසරදයක් වෙලයි තිබුණේ. කොච්චරද කියනවානම් අරාබි අර්ධද්වීපයට ආසන්න සාගරයේදී ශ්‍රී ලංකා නාවිකයින්ව පවා පැහැර ගනිමින් කප්පම් ඉල්ලන්න පටන් ගත්තා. මේ තියෙන්නේ තවත් ප්‍රවෘත්තියක් විතරයි. ඔය වගේ සිදුවීම් ගණනාවක් වෙද්දී ශ්‍රී ලංකා රජයට අප රටේ නාවිකයින්ව බෙරා ගන්න සෝමාලියානු මූදු කොල්ලකරුවන් සඳහා විශාල මුදලක් කප්පම් වශයෙන් ගෙවන්න වෙන්න ඇති. මෙලෙස කප්පම් ගෙවන්න වීම අපේ රටට දරා ගන්න බැරි පාඩුවක්.

ඉහත සිතියමේ දැක්වෙන්නේ පසුගිය කාලයේ සමස්ත ලෝකයේම සිදුවූ නාවික කොල්ල කෑම්. මෙහිදී සාමාන්‍ය ධීවර බෝට්ටු වල සිට ඩොලර් බිලියන ගණන් වටිනා නැව් අයත් වෙනවා. වැඩිපුරම සිදුවුණේ අරාබි මුහුද ආශ්‍රිතව. මේවා මැඩලීමට අරාබි, යුරෝපා, පකිස්තාන්, ඉන්දීය නාවික හමුදාවන්ට තියා ලොව ප්‍රබලතම හමුදාවක් ලෙස සැලකෙන ඇමරිකානු නාවික හමුදාවටවත්ත් නොහැකි වෙලයි තිබුණේ. එසේම නැව් වලට යවන එකී රටවල සී මාර්ශල් වරුන්ගෙන් ඵලදායී සේවයක් ඉටු වුණේ නෑ. ඊට හේතු තිබුණා…

1. හොලිවුඩ් චිත්‍රපට වලින් ලෝකයට පෙන්වන සුදු ජාතික සොල්දාදුවන් ජීවිතය පරදුවට තියලා රට වෙනුවෙන් දිවි පුදන බවක් පෙන්නුවත් සත්‍ය ලෝකයේදී ඔවුන් පුදුමාකාර ලෙස බියගුළුයි. වැඩිය ඕන නෑ පසුගියදා කැනඩා පාර්ලිමේන්තුවට එල්ල වූ ප්‍රහාරයේදී එහි සිටි විශේෂ හමුදා භටයින් පන කඩාගෙන දුවන හැටි මෙතනින් බලන්න. ඉතින් සුදු ජාතික සොල්දාදුවන් කාල බීල සැපට ඉන්නවා මිස මූදු කොල්ලකෑම් වැනි ක්ෂණික ගරිල්ලා ප්‍රහාර වලට සහ “Close Combat” වලට මුහුණ දීමට සුදුසු නෑ. ඔවුන් අරාබි රටවල සටන් කරන්නේ තනිකරම ඩ්‍රෝන් ප්‍රහාර කිරීම මගිනුයි.

2. ඊගාවට ඇමරිකන් සහ යුරෝපීය කළු ජාතික හමුදා භටයින් සටනේදී දක්ෂ වුවද ඔවුන්ගේ විශ්වාසනීයත්වය පිළිබඳව ප්‍රශ්නයක් බටහිර රටවල් වලට තියෙනවා. මොකද කියනවානම් සෝමාලියානු මූදු කොල්ලකරුවන්ද කළු ජාතිකයින් වීමයි. ඉතින් ඩොලර් බිලියන ගාණන නැවක් මූදු කොල්ලකරුවන් අත් පත් කරගනිද්දී ඔය කළු ජාතික සී මාර්ශල් ලා වෙනම ඩීල් ගැසීම් වාර්තා වී තිබෙනවා.

3. ඊගාවට අප්‍රිකානු හමුදා භටයින්ට අදාලවත් තියෙන්නේ ඉහත 2 කාරණාවයි.

4. අරාබි / පකිස්ථානු හමුදා භටයින්ගේ ආගමත්, මූදු කොල්ලකරුවන්ගේ ආගමත් එකම නිසා ඔවුන් මගිනුත් වැඩි දෙයක් සිදුවන්නේ නෑ. ඔවුන් කරන්නේත් අන්‍යාගමිකයන්ගේ නැව වෙනුවෙන් දිවි පරදුවට තියා සටන් නොකර, එය තමන්ගේ ආගමික මූදු කොල්ලකරුවන්ට අත් පත් වෙන්න ඩීල් ගහන එක.

ඉහත දැක්වෙන්නේ ඉන්දීය සාගරයේ නැව් කොල්ලකෑම් අතින් අවදාන කලාපය. මේ කලාපයේ ආරක්ෂාව දැඩි අනතුරක තිබූ අතර, වරින් වර USS Bulkeley වැනි ප්‍රහාරක නැව් පැමිණියත්, දියාගෝ ගාසියා නැමැති ඉන්දියන් සාගරයේ ඇති බ්‍රිතාන්‍ය කඳවුරෙන් ආරක්ෂාව ලබා දුන්නත් එය ප්‍රමාණවත් වුණේ නෑ.
2011 මුල් භාගයේ දිනෙක මෙම ලෝක ආරක්ෂක තත්ත්වය සම්බන්ධයෙන් එවකට ශ්‍රී ලංකා ජාතික ආරක්ෂාවේ මහ බලවතෙක් තම මූලස්ථානයේ දැඩි කල්පනාවක නියැලෙමින් සිටියා. ඔබ දන්නවා ඒ වන විට ශ්‍රී ලංකා නාවික හමුදාව ලෝකයේ දරුණුතම ත්‍රස්තවාදී කණ්ඩායම මර්දනය කරලා තිබුණේ. ඔහුගේ ඉලක්කය වූයේ ශ්‍රී ලංකා නාවික හමුදාව යොදා ගනිමින් මෙම සෝමාලියානු මූදු කොල්ලකරුවන්ව මැඩීම. එහිදී ශ්‍රී ලංකා නාවික හමුදාවට තිබෙන සම්පත් සහ අභියෝග ආදිය (SWOT) පිළිබඳව ඔහුගේ ඔළුවේ වැඩ කරන්න පටන් ගත්තා.
මරාගෙන මැරෙන බෝට්ටු වලින් ආපු කොටි ත්‍රස්තවාදීන්ට, අද්මිරාල් වසන්ත කරන්නාගොඩ මහතාගේ නායකත්වයෙන් යුත් ශ්‍රී ලංකා හමුදාව සාර්ථකව මූන දී තිබුණා.

ඉතින් ඊට වඩා බියසුළු ආකාරයේ ගරිල්ලා ප්‍රහාර එල්ල කරන සෝමාලියානු කොල්ලකරුවන්ව මර්දනනය කරන්න අපේ වීරෝදාර නාවික භටයින්ට හොඳින් අත්දැකීම් තිබුණා. කුඩා බෝට්ටු යොදා ගනිමින් නාවික සංග්‍රාම කිරීමේ දක්ෂතාවයෙන් ලෝකයේ තවමත් අංක 1 ට ඉන්නේ ශ්‍රී ලංකා නාවික රණවිරුවන්. ඒ වන විටත් ශ්‍රී ලංකා නාවික හමුදාව විසින් යම් සීමාවන්ට යටත්ව නාවික ආරක්ෂාව සැපයූ අතර මසකට රටට ලැබුණේ ඩොලර් මිලියන 8 ක් විතරයි. මෙය වැඩිදියුණු කරමින් කරන් ගියොත් අපේ රටට මහා ධනස්කන්ධයක් උපයාගත හැකි වෙනවා.
නමුත් සෝමාලියානු කොල්ලකරුවන්ව මැඩීම සඳහා ශ්‍රී ලංකා නාවික හමුදාවට සෘජුවම කටයුතු කළ නොහැකියි. ඊට හෙතු වුණේ මෙන්න මේවා.

1. ශ්‍රී ලංකා නාවික හමුදාව කියන්නේ ජාතික ආරක්ෂක අංශයක් මිස ලාභ ලබන ආයතනයක් නොවෙයි. ශ්‍රී ලංකාවේ පමණක් නොවෙයි, ලෝකයේ බොහෝ පිළිගත් හමුදාවන්හි නීති අනුව ආයුධ කටයුතු යොදාගෙන ව්‍යාපාර වල යෙදෙන්න බෑ. එලෙස නීති සැකසී තිබෙන්නේ හමුදාවේ එකම් අරමුණ ජාතික අරක්ෂාවට සීමා කිරීමටයි.

2. ජාත්‍යන්තර මූදු නීති අනුව ශ්‍රී ලංකා නාවික හමුදාවට අපේ රටේ මූදු කලාපයෙන් එහාට යන්න අවසර නෑ.

3. යම් හෙයකින් ශ්‍රී ලංකා හමුදාවෙන් මූදු කොල්ලකරුවන්ව මැඩීමට ගොස් වෙනත් රටක දේපළකට හෝ ජීවිතයකට හානි වුවහොත් එය අන්තර්ජාතික අර්බුදයක් බවට පත් වෙන්න පුළුවන්.

4. ශ්‍රී ලංකා නාවික හමුදාව ක්‍රියාන්විතයකට යනවානම් එහිදී සේනාධිනායක තුමාගේ අවසරය අවශ්‍ය වෙනවා. එසේ වූ විට ක්ෂණිකව ක්‍රියාන්විත වලට යෑම සිදුකිරීමට නොහැකියි.

5. ජාත්‍යන්තර මුහුදේ සහ නෞකා මාර්ගවල ගමන් කරන වෙළඳ නෞකා වලට ආරක්ෂාව පිණිස, ඒවා ලියාපදිංචි කළ රටවල හමුදාවන්ට හැර වෙනත් හමුදාවකට ගමන් කළ නොහැකියි. ඒ සදහා ජාත්‍යන්තර අවසර තියෙන සමාගම්වලට පමණයි එම සේවය දෙන්න පුළුවන්.

ඔන්න ඔය ප්‍රධාන කාරනා කීපය නිසා අපේ ශ්‍රී ලංකා නාවික හමුදාවට සෝමාලියානු මූදු කොල්ලකරුවන්ව මැඩීමට නොහැකි බව ඔබට දැන් තේරෙනවා ඇති.

එනිසා සේනාධිනායක තුමා ප්‍රධාන ශ්‍රී ලංකා ආරක්ෂක මණ්ඩලයේ අවසරය සහිතව 2011 ජූනි 24 දින Avant Garde Maritime Services (Pvt) Ltd පිහිටුවනු ලැබුවා. එහි වෙබ් අඩවියට මෙතනින් පිවිසෙන්න. මෙය ශ්‍රී ලංකා රජයට අයත් ආරක්ෂක ව්‍යාපාරයක් (Sri Lanka Government owned business) වන Rakna Arakshaka Lanka Ltd සමග සමූහ ව්‍යාපාරයකට එලඹුණා. (දැන් රක්නා ආයතනයේ කලමනාකරනය සිදුවන්නේ ආරක්ෂක ලේකම් යූ.ඒ.ඩී බස්නායක මහතා විසිනුයි.)

ලෝකයේ බොහෝමයක් සර්ථක නාවික ආරක්ෂක අංශ වන්නේ “සමාගම්”. ඉතිහාසය දෙස බැලුවොත් අට වසර පාසල් දරුවෙක් පවා දන්න අපේ රට ආක්‍රමණය කරපු “පෙරදිග ඉන්දියා වෙළඳ සමාගම” යනුත් සමාගමක්. වර්තමානයේ ලොව සුපතල ආරක්ෂක අංශ ලෙස කිරුළු පැළඳි Lockheed Martin, Raytheon, Boeing, General Dynamics, BAE ආදී සියල්ලම ඇවන්ගාඩ් සේම කිසියම් රජයක අධීක්ෂණය යටතේ පවතින පෞද්ගලික සමාගම්.
බටහිර ඉන්දීය සහ අරාබි බොක්ක ආශ්‍රිත නාවික ආරක්ෂාව පිණිස සේවා සැපයීම ඇවන්ගාඩ් ආයතනය මගින් සිදුවුණා. ඉහත සිතියමේ දැක්වෙන්නේ එලෙස අපේ ලක් පුතුන් ලෝකයටම ආරක්ෂාව ලබා දුන් මූදු මාර්ග. ශ්‍රී ලංකාවේ සුවිශේෂී භූගෝලීය පිහිටීම එයට පහසුවක් වුණා. ඇවන්ගාඩ් ආරක්ෂක ආයතනයේ මෙහෙයවීම සිදුවූයේ හිටපු කීර්තිමත් හමුදා නිලධාරියෙක් වන නිශ්ශංක සේනාධිපති මහතා විසිනුයි.

ලොව දරුණුතම නාවික ත්‍රස්තවාදීන් ලෙස කුප්‍රකට වූ, මූදු කොටි බලකාය සහමුලින්ම මර්දනය කිරීමට නායකත්වය දුන් හිටපු නාවික හමුදා ප්‍රධානීන් රැසක් ස්වෙච්ඡාවෙන්ම ඇවන්ගාඩ් ආයතනය වටා එකතු වුණා. ඒ අතර හිටපු නාවික හමුදාපති අද්මිරාල් ඩී ඩබ්ලිව් ඒ එස් දිසානායක මහතා උපදේශකවරයෙක් ලෙස එහි සිටින අතර නම් සඳහන් කළ නොහැකි සෙන්පතියන් රැසක්ම එයට එකතු වී සිටිනවා. ඔවුන්ගේ නාවික අත්දැකීම් ලබා ගැනීමට බටහිර රටවල් වලින් වාරිෂික ඩොලර් මිලියන ගණන් කොන්ත්‍රාත් පදනමට බඳවා ගන්න පොරකද්දී, අඩු වැටුපට ඇවන්ගාඩ් වටා ඔවුන් එකතු වූයේ, දිවි පරදුවට තියා රැක ගත් ආදරණීය මාතෘ භූමිය, ලෝකයේ මහා බලවතෙක් බවට පත් කළ හැකි බව දැනන් හිටපු නිසයි.

රුපියල් හතලිස්දාහක වගේ වැටුපට නාවික හමුදාවේ හිටපු අපේ කොල්ලන්ට ඇවන්ගාඩ් එකෙන් රු. ලක්ෂකයට එහා වැටුපක් ලැබෙන්න ගත්තා. විශේෂත්වය වුණේ රු. හතළිස්දාහ වැටුප රජය විසින් ගෙව්වේ රටේ ජනතාවගේ බදු මුදලින්. ඒත් අර රු. ලක්ෂයකට එහා වැටුපක් ලැබුවේ ඇවන්ගාඩ් ආයතනය විදේශ නැව් වලට ආරක්ෂාව ලබා දී උපයන විදේශ විනිමය වලින්. මේ ආකාරයෙන් සොල්දාදුවන් 8500 ක් සුපිරි වැටුපට රැකියාවන් ලැබුවා.

ඇවන්ගාඩ් ආයතනය විසින් සී මාර්ශල් වරුන්ට ලබා දෙන ආයුධ ගොඩබිම තැබීම රටට අනතුරුදායක් නිසා ඒවා ගබඩා කර තැබූයේ මූදේ නැවකයි. එහි ආරක්ෂාව මෙහෙයවූයේ ශ්‍රී ලංකා නාවික හමුදාව විසින්. සෝමාලියානු කොල්ලකරුවන් ඇතුළු විදේශ සතුරන්ගෙන් එම ආයුධ රැක ගත යුතු නිසා එම නැව රාජ්‍ය රහසක් ලෙස තබා ගත්තා.
මේ නැව ගබඩාවක් හා නැවතුම් පොලක් විදිහටයි තියාගන්නෙ. ගල්ෆ් ඔෆ් ඒඩන් සහ රතු මුහුද හරහා යන මේ සමාගම් වලින් ආරක්ෂාව ගන්නා නැව් වලට ආයුධ සන්නද්ධ ආරක්ෂකයින් උපරිමය 4 කට යටත්ව ගාල්ලෙන් නැව්ගත වෙනවා. ආපහු අවදානම් කලාපෙන් පස්සෙ නැවෙන් බහිනවා. ඒ කෙලවරෙත් මේ වගේ තවත් නැවක් ස්ථානගත කරලා තියෙනවා. කාලයක් “ලංකා මහපොල” කියන නැව මේ සඳහා රතු මුහුදේ ස්ථාන ගත කරලා තිබුණා.

ඉන්දීය සාගරයේ ගමන් කරන විදේශ නැව් වලට ආරක්ෂාව ඇවසි වූ විට ඇවන්ගාඩ් ආයතනයෙන් ආරක්ෂාව ඉල්ලීම එන්න එන්නම වැඩි වුණා. එහි සේවය කළ විශ්‍රාමලත් ශ්‍රී ලංකා හමුදා නිලධාරීන්ට සටන් බිමේ අත්දැකීම් තිබීම, ත්‍රස්තවාදය මිලිටරිමය වශයෙන් අවසන් කළ එකම රට වීම, අරාබි මූදේ සේවයේ යෙදෙද්දී ශ්‍රී ලංකා හමුදා නිලධාරීන්ගේ (විශේෂයෙන්ම සිංහලයින්ගේ) පක්ෂපාතීත්වය ගැන කිසිදු ගැටළුවක් නොතිබීම, සෝමාලියානු කොල්ලකරුවන්ගේ උත්සාහයන් සාර්ථක ලෙස මර්දනය කිරීම ආදී හේතු බොහෝමයි.

මහ බලවත් පකිස්ථාන් සහ ඉන්දීය නාවික හමුදා නිලධාරීන් පවා අපේ රටෙන් පුහුණුව ලබා ගැනීමට පොර කෑවා. පසුගිය කාලයේ ඔවුන් ලංකාවට පැමිණි අයුරු මාධ්‍ය විසින් වාර්තා කළා ඔබට මතක ඇති. පසුගිය දා ශ්‍රී ලංකාවට පැමිණි චීන සබ්මැරීනයත් මේවාට සම්බන්ධ පුහුණුවක් බව සමහරුන් පවසනවා.

ඩොලර් මිලියන 8ක් ලෙස නාවික අරක්ෂාවෙන් රටට ලැබුණ මුදල, ඇවන්ගාඩ් ආයතනයේ ප්‍රතිඵලයක් වශයෙන් ශ්‍රී ලංකාව මසකට ඩොලර් මිලියන 65 ක විදේශ විනිමයක් ඉපයීමට පටන් ගත්තා. එම මුදල අපේ රටේ මුදලින් නම් ආසන්නව රු. 8,450,000,000.00
වසර කීපයක් යද්දී ලෝක බලවතුන්ගේ ආරක්ෂක සමාගම් පරයමින්, ලෝකයේ පුංචි තිතක් බඳු ශ්‍රී ලංකාවේ ආරක්ෂක අංශයක් ලොව ප්‍රමුඛතම ආරක්ෂක බලවතා බවට පත් වුණා. එය සමහර රටවල් වල ඇස් වල කටු අනින්න වගේ වුණා.

සේනාධිනායක තුමාගේ සිට ආරක්ෂක නිලධාරීන් දක්වා සියල්ලෝම දැඩි ප්‍රතිපත්තියක සිටිමින් රටේ ජාතික ආරක්ෂාවට අත නොතැබීම හේතු කොටගෙන ඇවන්ගාඩ් ආයතනය විස්මිත ලෙස දියුණුවක් අත් පත් කර ගත්තා. මෙය නිර්මාණය කිරීමට මුල් වූ එදා සිටි ආරක්ෂක බලවතා හෝ වෙනත් දේශපාලඥයින් මෙය ප්‍රචාරය කරමින් පටු දේශපාලන වාසි ගන්න හැදුවේ නෑ. මෙහි ආයුධ මෙහෙයුම් කටයුතු ජාතික රහසක් සේ රැක ගත්තා. ඒ ශ්‍රී ලංකාවේ දිගුකාලීන අභිවෘද්ධිය පිණිස ඇවැසි “strategic plan” වලට මුල් තැන දෙමිනුයි.

නිව්යෝක් ටයිම්ස් පුවත්පතෙන් මෙම ආයතනය ගැන ලොවටම පැවසීමට ළඟදී සූදනම් වුණා. ඊට පෙර 2013 මුලදී එංගලන්තයේ ගාඩියන් පුවත්පත අපේ රටේ සුපිරි කොල්ලන් ගැන මහ ඉහලින් මෙලෙස වර්ණනා කළා.

“Avant Garde Maritime Services (AGMS), a Sri Lankan company that works in partnership with the country’s government, is one of the major operators of floating armouries. The company’s chairman, Nissanka Senadhipathi, said there were “thousands of weapons” on his company’s ships. AGMS charges US$25 a day to store the weapons and ammunition, with 800 to 1,000 movements on and off the armouries each month. Sri Lanka has established itself as a leader on the armouries, which are partly run by the country’s navy and have been approved by Security Association for the Maritime Industry.”

ඇමරිකාව ඇතුළු ලෝකයේ බලවත්ම නාවික හමුදාවන්ගේ කනෙන් රිංගමින්, බටහිර ඉන්දීය සාගරය යටත් කරගනිමින් ඩොලර් බිලියන ගනනින් යුත් නැව් මහ දවලේ හයිජැක් කරපු සෝමාලියානු චන්ඩින් එකා දෙන්නා අතුරු දන් වෙන්න පටන් ගත්තා. හිටි ගමන්ම මහ මුහුදේ මතු වී තම සැලසුම් සුණු විසුණු කරන, ඡවි වර්ණනයෙන් ඉන්දියානුවන්ට සමාන වුවත් ඉන්දියානුවන් බව නොපෙනෙන මෙම පුදුමාකාර මිනිසුන්ට සෝමාලියානු කොල්ලකාර නායකයින් පන බයක් දැක්වුවා.
මේවායේ ප්‍රතිඵලයක් වශයෙන් 2014 දී පසුගිය වසර 8 ටම සාපේක්ෂව නැව් කොල්ලකෑම් අඩුම වසර ලෙස වාර්තා වුණා. ලෝකයේ නැව් කොල්ලකෑම් 44% කින්ම පහල බැස්සා. නැව් කොල්ලකෑම් 124 ක් වුණ අතර ඒවායින් සොමාලියන් කොල්ලකරුවන්ට හැකි වූයේ 11 ක් පමණයි. එනම් ඉතිරි කොල්ලකෑම් 113 ම සිදුවී ඇත්තේ ඇවන්ගාඩ් ආයතනයේ සේවා සැපයීමේ මායිමට පිටස්තරවයි. එනම් නැගෙනහිර ඉන්දීය මූදු සීමාවේ. “සිංහල බෞද්ධයා” වෙබ් අඩවි ලිපියේ මුලදීම දැක්වූ සිතියම සමග සංසන්දනය කර බැලූ විට එහි ප්‍රගතිය පැහැදිළි වේවි.

“මොසාඩ්” නැමැති නම ඇහෙද්දී ඊශ්‍රායලයට හතුරු කම් කරන ඕනම කෙනෙක්ට සුළු දිය පහ වෙනවා වගේම, “ඇවන්ගාඩ්” නැමැති නම ඇහෙද්දී මූදු කොල්ලකරුවන් බියෙන් පලා යන තත්ත්වයකුයි තිබුණේ. මේ ආකාරයෙන් තවත් වසර කීපයක් ගියානම් ලෝකයේ ප්‍රධානතම නාවික ආරක්ෂාව සපයන්නා බවට ඇවන්ගාඩ් ආයතනය පත් වෙනවා. ඒ විතරක් නෙමෙයි එයින් රජයට ලැබෙන මුදලින් පමණක් රටේ විදේශ වියදම් දැරීමට හැකියාව ලැබෙනවා. හිටපු ආරක්ෂක ලේකම් තුමා විශ්‍රාම යද්දී “ආරක්ෂක ලේකම්” නැමැති ශ්‍රී ලංකා රජයට අයත් ගිණුමේ රුපියල් බිලියන 8 ක මුදලක් තිබුණේ නිකම් නෙමෙයි.

නමුත් පසුගිය දා රූපවාහිනී කැමරා දාගෙන කරපු විකාර වැඩේ නිසා මේ සියල්ලම උඩු යටිකුරු වුණා. ඇවන්ගාඩ් ආයතනයේ සේවයේ නියැළී හිටපු විශ්‍රාමික රණවිරුවන්ගේ නම් ලයිස්තු පවා ජාත්‍යන්තර මූදු කොල්ලකරුවන් අතට පත් වුණා. නාවික හමුදාවේ පූර්ණ ආරක්ෂාව සහිතව රහසිගතව ගාලු වරායේ තිබූ ආයුධ ගබඩාව සහිත මහනුවර නැමැති නෞකාව හෙළි වීමෙන් එය විදෙස් සතුරන්ගේ ප්‍රධාන ඉලක්කයක් බවට පත් වුණා. අපේ රටෙන් නාවික ආරක්ෂාව ලබා ගැනීමට එදා ලෝක බලවතුන් පොර කෑවා, ඒත් අද “ශ්‍රී ලංකා වෙපන්ස් උඹලගෙ ආණ්ඩුවෙන්ම සීල් කළා නේද? උඹලගෙ ආණ්ඩුවට විශ්වස නැති වෙපන්ස් අපි විශවාස කරන්නේ කොහොමද?” ආදී ලෙස අහනවා.

අරලියගහ මන්දිරයට චාරිකවක් ගිය නොදරුවන් එහි භාණ්ඩ අතට අරන් නටපු ආකරයට, රණවිරුවන් සම්බන්ධ වී සිටින ආරක්ෂාව අතින් ඉතාමත් සංවේදී මර්මස්ථාන සමග සෙල්ලම් කරන්න ගියාම වෙන දේ අමුතුවෙන් කියන්න ඕන නෑනෙ. මේ ගැන ඈවන්ගාඩ් සභාපති නිශ්ශංක සේනාධිපති මහතාගේ ප්‍රකාශය ඇතුළත් හඬ පටය පහතින්.

ශ්‍රී ලංකාවේ අලුත් විධායක ජනාධිපති වරයෙක් පත් වෙද්දී රටේ ආරක්ෂාවට අදාල සියලුම රහස් ගැන ඔහුව පළමු ආරක්ෂක මණ්ඩල රැස්වීමේදීම දැනුවත් කරනවා. ඒ අනුව ඇවන්ගාඩ් ආයතනය ගැන ඔහුව දැනුවත් වෙන්න ඇති. එහෙත් ආරක්ෂක අමාත්‍යවරයා වන ගරු විධායක ජනාධිපති තුමා අද අන්ත අසරණ වෙලා. එතුමාටත් ඉහළින් යමින් කිසියම් පිරිසක් ජාතික ආරක්ෂාව බරපතල අවදානමක ට පත් කරන බව පෙනී යන්නේ පසුගිය දා, රජයටම අයත් සමාගමක් වන රක්නා ආයතනයේ අවි ගබඩාව පවා ජනමාධ්‍ය වලට විවෘත කළ නිසයි.

තත්ත්වය කොතරම් දරුණුද කිවහොත් අර විශ්‍රාමලත් රණවිරුවන්ව මාංචු දමා බන්ධනාගාර ගත කර ඔවුන්ට එරෙහිව ශ්‍රී ලංකා රජයෙන්ම නඩු දාන එක වළක්වා ගන්න, නාවික හමුදාපති අද්මිරාල් සෝමතිලක දිසානායක මහතාට විශේෂ ප්‍රකාශයක් කරන්න වුණා. ඉහත වීඩියෝවෙන් ඒක අහන්න.

දැන් අර රණවිරුවන්ට සහ ඔවුන්ගේ පවුල් වල අයට ජාත්‍යන්තර ත්‍රස්තවාදීන්ගෙන් මරණ වරෙන්තු ලැබිලා ඉවරයි. ඩොලර් මිලියන ගාණක වැඩි වැටුපකට බටහිර බලවතුන්ට සේවය නොකර, අපේම රටේ මතු දියුණුව වෙනුවෙන් එක් වූ විශ්‍රාමලත් රණවිරුවන්ට ලබා දුන් පදක්කම තමයි ඒ.

උපුටාගැනීමකි.

රනිල් අපි අවධියෙන්


රනිල් වික්‍රමසිංහ මහත්තයා ආයෙත් පාර්ලිමේන්තුවේ ජනතාව ගොනාට අන්දන්න උත්සාහ කරනවා දැක්කා. කවුරුවත් ඒ බොරුවට ඒ වෙලාවේ උත්තර දෙනවා නම් දැක්කෙ නැහැ.

මොකද්ද රනිල් මහත්තයා කියන්නේ.

පලමු ගොනාට අන්දන්න කතාව

2018 ඔක්තෝබර් වල විදේශ සංචිත ඩොලර් මිලියන 7900 ක් තිබ්බා. ඒක බිලියනයකින් අඩුවෙලා දින 51 දී

මොකද්ද ඇත්ත

2014 දෙසැම්බර් වල විදේශ සංචිත ඩොලර් මිලියන 8300 ක් තිබ්බා. ඒ 2005 මහින්ද රාජපක්ෂ මහතා බලයට එනවිට තිබුන ඩොලර් මිලියන 2,300 ය වසර 9 ක් තුල ඩොලර් මිලියන 6000 කින් වැඩි වීමක් .

වසර 9න් 4 1/2 ම් මේ රටේ යුද්ධයක් තිබුනා. එසේ තිබිලාත් වසරකට ඩොලර් මිලියන 667 කින් සංචිත වැඩිවෙලා

මේ අවම වේගයෙන් ගියත් රනිල් බලයට නාව නම් අද වන විට විදේශ සංචිත ඩොලර් මිලියන 10,968 ක් විය යුතුයි.

ඉතින් කාටවත් මතක් උනේ නැද්ද අහන්න කොහොමද තිබුන ඩොලර් මිලියන 8,300 ත් 7,900 ට බස්සා ගත්තේ .

10,968 -7900 = 3068

බිලියන 3000 කට වඩා පිටිපස්සෙන් වැඩ බැරි රනිල් මහත්තයා.

දෙවන ගොනාට අන්දන්න කතාව

මේ අවුරුද්දේ ඇමෙරිකානු ඩොලර් මිලියන 5900 ක් ගෙවන්න ඕනේ. මේ ඒ කාලෙ ගත් ණය

මොකද්ද විපක්ෂය මතක් කල යුතුව තිබුනේ

2015 මුදල් ඇමති රවි කරුණානායක මහතා ඉදිරිපත් කල මාධ්‍ය නිවේදනය අනුව 2019 ගෙවිය යුතු ණය ඩොලර් මිලියන 4400 යි

ඒ මුදල ඩොලර් මිලියන 1500 කින් වැඩිකරගෙන තියෙන්නේ මේ අවුරුදු 4 දි නෙමෙයිද ?

අපි අවධියෙන්. ඒ නිසා බොරු කියන්න එපා.