ඉවසන්න තවත් ඉවසන්න


ඔබ නිවැරැදි නම්

එය ඉවසන්නට බැරිව
මුලින් ඔවුන් බනිවි
ඒත් ඔබ ඉවසන්න

එයත් ඉවසන්න බැරිව
දෙවනුව ඔවුන් නින්දා කරාවි
ඒත් ඔබ ඉවසන්න

එයත් ඉවසන්න බැරිව
තෙවනුව ඔවුන් පහරදේවි
ඒත් ඔබ ඉවසන්න

එයත් ඉවසන්න බැරිව
සිව්වනුව ඔවුන් ජීවිතය තොර කරන්න යාවි
ඒත් ඔබ ඉවසන්න

ඉවසලා ඉවසලා බැරිම තැන තවත් ඉවසන්න

එවිට ඔවුන්ට ඔවුන්ගේ වැඩපිලිවෙල ගැන කලකිරේවි
ඔවුන්ට ඔබ ගැන ගරුත්වයක් ඇතිවේවි
ඔවුන් ඔබ අගය කරාවි

ලොව විශාලතම බැටරිය.


ඇමෙරිකාවේ Missouri ප්‍රාන්තයේ පිහිටා ඇති Taum Sauk Hydroelectric Power Station ජල විදුලි බලාගාරය ඉතාමත් අපූරු එකක්. මෙම බලාගාරයෙන් නිපදවන විදුලි බල ප්‍රමාණයට වඩා වැඩි විදුලි බල ප්‍රමාණයක් උපයෝගී කරගෙන නැවත මෙම ජලාශයටම එම ජලය පුරනවා. මේක බැලූ බැල්මටම පෙන්නේ මෝඩ විකාර කතාවක් වගේ.

මෙම බලාගාරයට ජලය සපයන ජලාශය ස්වභාවික එකක් නොවේ. මෙය කන්දක් උඩ කොන්ක්‍රීට් වලින් කෘතිමව නිපදවපු ටැංකියක් කිව්වොත් වඩා නිවැරිදියි. මෙයට ජලය සපයන එකම ස්වභාවික ජල මාර්ගයක්වත් පිහිටා නැහැ.

විදුලි බලාගාර වල නිපදවන විදුලිය ගබඩා කර තබා ගන්න බැහැ. සිදුවන්නේ ඉල්ලුමට අවශ්‍ය ප්‍රමාණයට සරිලන ලෙස විදුලිය එම මොහොතේම නිපදවා පද්ධතියට එක් කිරීමයි. නමුත් ඉල්ලුමට සරිලන ලෙස නොකඩවා විදුලිය සැපයීමට නම් සෑම විටම පද්ධතියේ ධාරිතාවය වැඩි කර යුතුයි.

Peak time යනු අධික විදුලිය පරිභෝජනයක් ඇති වේලාවයි (රාත්‍රී 6 – 9 සහ උදෑසන). මේ වේලාවට අවශ්‍ය විදුලි ඉල්ලුම සැපයීමට තාප බලාගාර ක්‍රියාත්මක කර විදුලිය නිපදවිය යුතුයි. මෙය ලාභ දායක නැහැ. ඒවගේම Off Peak time යනු එතරම් විදුලිය පරිභෝජනය නොකරන වේලාවක්. මේ වේලාවට අක්‍රිය කල නොහැකි සුර්ය, සුළං, ජල වැනි බලාගාර විදුලිය බොහොමයක් පරිභෝජනය නොවන නිසා අපතේ යනවා ඒවා ගබඩා කර ගත නොහැකි නිසා.

Peak time එකේදී ඉහත ටැංකියේ ජලය භාවිතා කර ඊට පහලින් ඇති බලාගාරයේ ජල විදුලි ටර්බයින කරකවා විදුලිය නිපදවා පද්ධතියට එක් කරනවා. ඉවත් වන ජලය බලාගාරය ආසන්නයේ වෙනත් ටැකියකට එකතු වෙනවා. මේ නිසා තාප බලාගාර භාවිතය අවම වෙනවා.

Off Peak time එකේදී පද්ධතියෙන් අපතේ යන (සුළං, සුර්යය බලාගාර) විදුලිය උපයෝගී කරගෙන මෝටර් ආධාරයෙන් පහල ටැංකියේ ඇති ජලය නැවත ඉහල ටැංකියට පුරවනවා.

මේ නිසා සැබවින්ම සිදුවන්නේ අපතේ යන විදුලිය භාවිතා කර මෙම විශාල ජල ටැංකිය පුරවා නැවත ඉල්ලුම වැඩි විට එම ජලයෙන්ම නැවත විදුලිය නිපදවීමයි. මේ නිසා තාප බලාගාර වලින් විදුලිය නිපදවන අධික වියදම ඉතිරි වෙනවා. එම නිසා මෙම බලාගාරයේ නිපදවන විදුලිය සැබෑ ජල විදුලි බලාගාරයකටත් වඩා වටිනවා.

ඇත්තටම බැලුවම මේ විශාල ජල ටැංකිය අපතේ යන විදුලිය ගබඩා කර තබා ගෙන අවශ්‍ය වේලාවට මුදා හරින යෝධ බැටරියක්!!

සිංහලපීඩියා

රජය කොරෝනා අරමුදල ගැන විනිව්ද භාවයකින් කටයුතු කරන්නේ නැත්තේ ඇයි?


කොරොනා වෙනුවෙන් සටන් කරන්න ශ්‍රීලංකා රජය ආරම්භ කල සමාජ ආරක්ෂණ අරමුදල වෙත මේ වෙනවිට රුපියල් මිලියන 1500ක පමණ මුදලක් ලැබිලා තිබ්බත් ඒ මුදල් වියදම් වෙන පාටක් වියදම් කරන පාටක් පේන්න නෑ.

අන්න ඒනිසා රටේ මිනිස්සු අතර සැකයක් ඇතිවෙලා තියෙනවා මේ අරමුදලේ මුදල් සුනාමි සහන අරමුදලෙ වගේ අයථා ගණුදෙනු වලට ලක්වෙලා දේශපාලකයෝ ගසාකනවාද කියලා.

ඉතින් ඒ නිසා රජය මේ වෙලාවේ මේ අරමුදලට ලැබුණු මුදල් වගේම ඒ මුදල් වියදම් වෙච්ච විදිහ සහ ඉස්සරහට වියදම් වෙන්න තියෙන දේවල් වගේම තව කොච්චර මුදලක් ඒ සදහා අවශ්‍යද කියලා විනිවිද භාවයකින් යුතුව ජනතාවට කියනවා නම් මේ කිසිම සැකයක් ඇති වෙන්නේ නෑ ජනතාවට ආණ්ඩුව ගැන සහ මේ වැඩ පිළිවෙල ගැන.

ඒකට තවත් හේතුවක් තියෙනවා. මෙච්චර මිලියන දහස් ගණනක් අරමුදලට ලැබිලා තියෙද්දිත් රටේ රෝහල් කාර්ය මණ්ඩලවලට අවශ්‍ය පහසුකම් තාමත් ලැබිලා නෑ. ත්‍රිවිධ හමුදාවට සහ පොලීසියට කිසිම පහසුකමක් ලැබුණු බව පෙන්න නෑ.

ඒ නිසා ජනතාව එකතුවෙලා මුදල් සම්මාදම් කරලා ඒ අවශ්‍ය මාස්ක්, ග්ලවුස්, ආරක්ෂිත මුහුණු ආවරණ සහ ආරක්ෂිත ඇදුම්, විෂබීජ හරණ කුටි එක්ක රෝගීන්ට අවශ්‍ය ආහාර පාන ඇදුම් පැලදුම් ඇතුළු සියළුම දේ ලබාදෙන නිසා මිනිස්සුන්ට ආණ්ඩුව ගැන සැකයක් ඇතිවෙන එක අහන්න දෙයක් නෙවෙයි.

අනික කන්න බොන්න සල්ලි නැති රස්සාවක් කරගන්න බැරි මිනිස්සුන්ට තාමත් කන්න බොන්න ආධාර කරන්නෙත් මිනිස්සු එකතුවෙලා. ඒ නිසා දැන්වත් ආණ්ඩුව මේ මුදල් වලට මොකද උනේ කියනවානම් ලොකූ දෙයක්.

බෞද්ධ සංස්කෘතියේ මොකද වෙන්නේ…?


TV එකේ වැඩසටහනක් යනවා “මොකද වුනේ” කියලා. එක එක චරිත ගෙනැල්ලා නිවේදකයා අහනවා “මොකද වුනේ..?” කියලා. අතීතයේ වෙච්ච දෙයක් කියන්න හරි ලේසියි. අනාගතයේ වෙන දෙයක් කියන්න අමාරුයි..ඒත් ගහේ දෙපෙත්තෙන්, ගහ හැදෙනව ද නැද්ද කියනවා වගේ සමහර ප්‍රපංච වල අනාගතය ගැන කල්තියා කියත හැකි.

මම හොඳටම දන්න ඉස්සරහට වෙන සහ දැනුත් වෙමින් පවතින දෙයක් ගැන අනාවැකියක් පල කරන්නම්. 2050 වගේ වෙද්දි මේ අනාවැකිය 100% ක් සංතෘප්තව සිද්ධ වේවි.

“මේ අද අපි හාස්‍යයට ලක් කරන මිත්‍යාව මූලික කරගත්තු ආගමික නිකායන්, ඒ කාලෙ වෙද්දි සාමාන්‍යකරණය වෙනවා. අපේ ඊලඟ පරම්පරාව අපට බැන බැන ඒ ගමන යනවා. අන්තිම කාලෙ වෙද්දි අපටත් හිතෙන්න ගන්නවා ‘මේ කතාවෙ ඇත්තක් තියෙනව නේද..?’ කියලා.”

දැන් සිස්ටම් එක යන විදිහට මේක වෙන්නම ඕන. ඒක අනිවාර්ය දෙයක්. අද දක්වා බෞද්ධ සංස්කෘතියේ විකාශනය ගැන අධ්‍යයනය කලොත් මේ වෙලා තියෙන දේවල් වලට හේතුව හොයාගත හැකි.

දැන් අපි කතා කරමු “මොකද වුනේ..?” කියලා.

මේ මගේ මතය.

1900 ගණන් වල අග භාගය වෙනකම්ම අපේ රටේ ඉතාම විශිෂ්ට ධර්මධර විනයධර හාමුදුරුවො වැඩ වාසය කලා. මේ ස්වාමීන් වහනසේලාට ධර්මය ගැන නිශ්චිත අදහසක් තිබ්බා. ඒ නිශ්චිත අදහස ශත වර්ෂ ගණනාවක් තිස්සේ පෝශණය වුන අදහස් වල එකතුවක්. ධර්මයට විරුද්ධ වෙනස් මතයක් ආවොත් ඒක ඉක්මනට ලත් තැනම ලොප් කරන්න මේ හාමුදුරුවන් සමර්ථ වුණා. මේ ස්වාමීන් වහන්සේලා ලංකාව තුල පමණක් නොවෙයි, විදේශ රටවල පවා කීර්තියට පාත්‍ර වෙනවා.

What the Buddha Taught කියන බෞද්ධාගම ගැන සම්බන්ධ වන ප්‍රකට කෘතිය රචනා කරපු වල්පොල රාහුල ස්වාමීන් වහන්සේ,

ඇමෙරිකාව, එංගලන්තය, ස්කොට්ලන්තය, ප්‍රංශය, ජර්මනිය, ඉතාලිය, ජපානය ආදී රටවල් විශාල ප්‍රමාණයක ධර්ම ප්‍රචාරය සඳහා මූලිකත්වය ගත්තු මඩිහේ පඥ්ඥාසීහ මහ නායක හාමුදුරුවෝ,

Meditation on breathing, Life of the Buddha, භාවනා දීපානිය, සම්බෝධි ප්‍රාර්ථනා, ධම්සභාව, බුද්ධ ධර්මය, Meditation Sur La Respiration, මෛත්‍රී භාවනාව, ආනාපානසති භාවනාව, සමත භාවනාව ආදී පොත් රචනා කරපු, ධම්මපදය ඉංග්‍රීසියට පරිවර්තනය කරමු බලංගොඩ ආනන්ද මෛත්‍රී හාමුදුරුවෝ,

බෞද්ධ දර්ශනයේ හරය සම්බන්ධව වටිනා කෘති රැසක් ලියපු රේණුකානේ චන්ද්‍රවිමල හාමුදුරුවෝ,

වගේ විදග්ධ හාමුදුරුවරු විශාල ප්‍රමාණයක් සහ ඒ අනුව ගිය භික්ෂූන් වහන්සේලා මේ බෞද්ධ ආගමික රටේ, ස්ථාවර බෞද්ධ පදනම මේ මම කියන සංක්‍රාන්ති සමයේදී පරිස්සම් කරගෙන හිටියා.

ඒ වගේම මම වඩාත්ම ගරු කරන දේ තමයි මේ හාමුදුරුවරුන්ට වාණිජමය අරමුණක් තිබුණෙ නෑ. රේණුකානේ චන්ද්‍රවිමල හාමුදුරුවන්ගේ “පටිච්ච සමුප්පාද විවරණය” කියන පිටු 264 ක් පමණ තියෙන පොතේ මිල අදටත් රුපියල් 290 යි. ( මම ඒ පොත මිලදී ගනිද්දිම එතන එහා පැත්තේ තිබුණා “මහමෙව්නාව” කියලා අසපුවක පොතක්. පිටු 200 ක් පමණ තිබුණු පොතේ මිල රුපියල් 800 ගාණක්. ) ඉතින් මේ හිමිවරුන්ගේ අව්‍යාජ අරමුණ වුනේ ධර්මය බෙදා හැරීම කියන එකට තවත් නිදසුන් මොකට ද..?

නමුත්1900 අන්තිම කාලේ, 2000 න් පස්සේ මේව වෙනස් වුනා. ජනප්‍රියත්වය පස්සේ යන රැලි ඇති වෙන්න ගත්තා. තමන්ගේ ආගම අදහගෙන පාඩුවේ ඉන්නවා වෙනුවට, දේවාල කඩන්න හාමුදුරුවරු මිනිස්සුන්ව පෙළඹෙවුවා. ඒ හාමුදුරුවරුන්ම, හාමුදුරුවන්ව දේශපාලනයට ගෙනාවා.

දේශපාලනේට ආවට පස්සේ එතනින් එහාට ඒ ගැන කතා කරන්න දෙයක් තිබ්බෙ නෑ. සංඝ සමාජයම පල්ලම් බහින්න ගත්තා. අරූ මෙහෙම කරනවනම් මම මෙහෙම කරාම මොකද කියලා ඔක්කෝම එක රොත්තට වල ගහන්න ගත්තා.

අපේ පරම්පරාවට දැනුම් තේරුම් එන්නෙ ඒ වගේ නහින දෙහින කාලෙක.

අපට ආගමික දැනුමක් දෙන්න ඕන ගමේ පන්සලේ හාමුදුරුවරු ඒ ජොබ් එක කලේ නෑ. පංසලට ගියත් මොකක් හරි ආමිස වැඩක් කරල දුන්නා මිසක් ප්‍රතිපත්ති සම්බන්ධ ආගමික කතිකාවත් පංසලේ තිබුණෙ නෑ. අපේ කාර්යබහුල අධ්‍යාපනයත් අපේ ආගම ගැන අපට ඉගෙන ගන්න තියෙන වෙලාව උදුරගන්නවා.

ඒ වෙනුවට අපි දැක්කේ මොනවද..?

අපි දැක්කේ දේශපාලනේ කරන හාමුදුරුවරු, අපි දැක්කෙ ජාතිවාදය වපුරවන හාමුදුරුවරු, අපි දැක්කේ අදාල නැති සිද්ධි වලදි පවා Agressive වෙන හාමුදුරුවරු, අපි දැක්කේ ‍රෑට පංසලේ අඩිය ගහන හාමුදුරුවරු, අපි දැක්කෙ ගෑණු එක්ක නිදාගන්න හාමුදුරුවරු, අපි දැක්කේ ටීවී එකේ බණ කියන හාමුදුරුවරු, අපි දැක්කේ බණ කියන්න සල්ලි ගන්න හාමුදුරුවරු, අපි දැක්කේ සිගරට් බොන හාමුදුරුවරු, අපි දැක්කේ මයික් ඉස්සරහ චණ්ඩි පාට් දාන හාමුදුරුවරු. අපි දැක්කේ අබතෙල් පූජා කරන හාමුදුරුවරු. අපි දැක්කේ පෑන් වලට පිරිත් පැන් කවන හාමුදුරුවරු. අපි දැක්කේ කවි බණ කැසට් විකුණන හාමුදුරුවරු.

ඔව් ඔබ කියාවි. “අපේ පංසලේ මේ හාමුදුරුවොනම් එහෙම නෑ” කියලා.

බලන්නකෝ ඒ කතාවම අරගෙන.

හාමුදුරුවො කෙනෙක් “හොඳ වගේ පෙනුනම” අපි ඒක විශේෂයක් විදිහට දකින තරමටම, සංඝ සමාජය පල්ලමට බැස්සා.

දැන් මේ විදිහේ තැනකදී අපට කල්පනා වෙනවා “යකෝ මේ බුද්ධාගම කියල දැන් තියෙන්නෙ අමු බොරුවක් නේද..?” කියන කාරණය.

මෙන්න මෙහෙම හිතනකොටම ඔබව ඩැහැගන්න බලාගෙන ඉන්නවා “රැඩිකල්” ය කියලා හඳුනගන්න සෙට් එකක්.

ඒ සෙට් එක කරන්නෙ මොකක්ද..?

බුද්ධාගමට එහි සෑම ඇදහීමකටම වැටෙන්න ගහනවා. සිදුහත් කුමාරයගෙ ලිංගික ජීවිතය ප්‍රශ්න කරනවා. දලදාව ඌරු දතක් ය කියනවා. තාර්කික ස්වරූපයෙන් නැතුව සාහසික විදිහට, තක්කඩි විදිහට ආගම හාස්‍යයට ලක් කරනවා.

තරුණ පරම්පරාවට ආගමේ බරපතල කඩාවැටීම නිසා “මේවා හරි වගේ” කියලත් හිතෙන්න පටන් ගන්නවා.

දැන් ඔන්න අපට පේන මාවත් දෙකක් තියෙනවා.

  1. බුද්ධාගම දැන් යන විදිහනම් වැරදියි
  2. අර රැඩිකල් කල්ලිය “හරි” ත් වගේ. ඒ වුනාට අනේ මන්දා….

ඔන්න ඔය දෙක අතරේ අපි දෝලනය වෙද්දී එනවා “රහතන් වහන්සේ නමක්” ය කියා ගත්තු කෙනෙක්. ඩයල් එක අර අන්ත දෙකටම බනිනවා.

අපි පොරව මුලින් විශ්වාස කරන්නෑ. අපි දන්නවා පොර කරන්නේ බොරුවක් බව. ඒත් පොර ඒක දිගටම කියනවා.මාධ්‍ය ආයතන වලින්, Public Figures ඔවුන්ගේ පොදු ජන ආකර්ශණයත් Use කරමින් පොරව පුම්බනවා.

මේ බොරුව ඇත්ත විදිහට පැල කරනවා.

පොර අපට හෙන මැජික් වගේ පේන බුද්ධ ධර්මයක් දේශනා කරනවා. පොර හෙන Chill එකේ ඉන්නවා. පාටි දානවා. මහා සද්දෙට හිනා වෙනවා. You Tube චැනල් එකක් කරගෙන යනවා. තව තව Youtube Channel කරන කොල්ලො කෙල්ලො ටික අල්ලගන්නවා. කෝටි ගණන් වටින මාලිගා වගේ පංසල් හදනවා.

අපි ඉබේම ඒකට ඇදෙන එක අහන්න දෙයක් නෙමෙයි. ඒ වගේ දේවල් වලින් ඉක්මනට අපේ ආගමික රික්තය පුරවනවා.

ඊට පස්සේ ඒකට විවේචන එනවා. ඒකට විවේචන එද්දි ඒ පිරිස වෙනුවෙන් තව ධර්මය කණ්ඩායමක් එනවා. එයාලා ගිහියන්ට සියලු කම් සැප අත අරින්න කියනවා. Sex කරනකොට මිනිහගෙ ඇඟ දකින එක තුච්ඡ වැඩක් බව කියනවා. ගෑණියෙක්ගේ කාර්යය ස්වාමිපුරුශයාගේ සියලු කාර්යයන් ඉශ්ට කර දීම බව කියනවා. ගෑණු ඉන්නේ ඒක වෙනුවෙන් බවට බණ කියනවා.

මේ අන්ත දෙකටම ඇති පදම් ශ්‍රාවකයො ඉන්න බව අපි අමතක කල යුතු නෑ.

මේවට විරුද්ධව, රජයට, “මහනායක හාමුදුරුවො” ය කියලා හඳුන්වන අයට පියවර ගන්න පුලුවන්.

ගිහිල්ල දණ ගහලා සමාව ගත්තට පස්සෙ, මහා නායක හාමුදුරුවොත් “මීක්” සද්දයක් දාන්නෙ නෑ. තමන් බලවත් බව පෙන්නන එක විතරයි එයාලගෙ අභිප්‍රාය. සමාව ගත්තම ඒ බලවත් බව පරිස්සම් කියලා සහතිකයි. ඉතින් එතනින් එහාට ක්‍රියාමාර්ග කුමට ද..?

දේශපාලන අරමුණු වලට මේ හැම ප්‍රෝඩා කාරයෙක්ම Use වෙනවා. ඒක තමා මේ නිකායන්වල පැවැත්ම තීරණය කරන්නේ. මේ හැම බොරුකාරයෙක්ම හැම ආණ්ඩුවක් යටතේම සුවෙන් සැපෙන් ඉන්නේ මේ නිසා.

අපට මේ මොහොතේදී කරන්න පුලුවන් දේවල් කිහිපයක් තියෙනවා.

  1. මේ නිකායන් වලින් ඈත් වෙන එක.
  2. අනිත් අයත් ඈත් කරන එක.
  3. මේවට විරුද්ධව පියවර ගන්න සංඝ අධිකාරියට සහ දේශපාලන අධිකාරියට බල කරන මහජන මතයක් හදන එක.

අවසාන වශයෙන්..,

  1. ස්වයං අධ්‍යනයකින් බුද්ධ දර්ශනය පිළිබඳ දැනුම ලබා ගන්න එක.

මේ 4 වෙනි එක ඉතා වැදගත් බව මම විශ්වාස කරනවා. මේ මිත්‍යාවෙන් මිදෙන්න. ධර්මය ඔබම හදාරන්න.

මම මෙහෙම හිතලා මේ ලඟදි ආරම්භ කලා රේණුකානේ චන්ද්‍රවිමල හාමුදුරුවන්ගේ පොත් ටික කියවන්න. ටිකක් සංකීර්ණයි. කම්මැලියි. නමුත් උවමනාවෙන් කියෙවුවොත් නොතේරෙන එකක් නෑ.

මගේ යාලුවෝ බොහොමයක් ඉන්නවා මේ විදිහට ධර්මය තනිවම හදාරන. ඒ අයට ආරාධනා කරනවා හොඳ කෘතීන්, සබැඳි ආදිය පල්ලෙහායින් Comment කරන්න කියලා.

ඉතින් අපිම කියවලා ඉගෙන ගමු. හදාරමු.

මගේ අනාවැකිය වෙන එක වලක්වන්න, වෙන Option එකක්නම් අපට ඉතුරු වෙලා නෑ.

| මහේල හෙට්ටිආරච්චි

නාදුණන සොල්දාදුවා


දිනය හරියටම 2009 මැයි මාසේ 17 වෙනිදා එළිවෙන ජාමය,හරියටම කියුවොත් අවුරුදු 11කට කළින් අද වගේ දවසක, එල්ටීටීඊ කදවුරු බිදගෙන ඉදිරියට ආපු හමුදා සේනංක මුළු උතුරු-නැගෙනහිරම නිදහස් කරගෙන මුලතිව් වලින් හමුවෙලා.නන්දිකඩාල් බිම් කඩට එල්ටීටීඊය කොටු කරල තිබුන අවස්ථාව.මේ රවුමෙන් සලකුණු කරපු බංකරයේ ඉඳල නන්දිකඩාල් කළපුව අතර දුර මීටර් 300 – 500 විතර..

දැනුවත් වුන විදිහට, ඒ සිමාව තුල ප්‍රභාකරන් තමන්ගේ අවසාන ගැලවීමට රඳවාගත් අවසාන මිනිස් පලිහ වුන 50,000 පමණ දෙමළ ජනතාවක් රඳවාගෙන ඉඳල තියෙනවා. මේ අතරතුර කොළඹ තත්වය වුනේ, ගෝඨාභය වටා යුඑන් සහ බටහිර තානාපති කාර්යාල අධික ලෙස පීඩනය යොදමින් ප්‍රභාකරන් ජීවග්‍රහයෙන් ලංකාවේ මුහුදු සිමාවේ නවතා තිබු ඇමෙරිකානු යුද නැවට පැටවීමේ මෙහෙයුමද ක්‍රියාත්මකයි.ඒ වෙනකොට හමුදාපති සරත් ෆොන්සේකා ඒකාබද්ධ මෙහෙයුම් කාර්යාලයේ වගකීම් වලින් ඉවත් වෙලා,මොකද එතුමා චීන නිළ සංචාරයකට සහභාගී වෙලා.නමුත් එතුමා මෙම බටහිර/ඇමරිකානුඅත පෙවීමකට සූදානමින් සිටින්න කියලා අවශ්‍ය උපදෙස් හමුදාවටත් දන්වලා තිබිලා තියෙන්නේ.නමුත් ගෝඨාගේ නියෝගය වෙලා තිබුනේ, ඉක්මණට ගහල දාපන්, මෙතන මම බැලන්ස් කරගන්නම් කියන ස්ථිර වචනය.

නමුත් ආරක්ෂක ලේකම්ට වුනත් බටහිර බලපෑම අල්ලන් හිදීම දරාගැනීමේ උපරිමයට ලඟා වෙමිනුයි තිබ්බේ. තානාපති කාර්යාල පීඩනය ක්‍රියාන්විතයේ යෙදුණු නිලධාරීන්ටත් නොතිබුනත්, ඔවුන්ට ඉවෙන් වගේ දැවැන්ත බටහිර මැදිහත්වීමක සලකුණු දැනෙන්න ඇති. කොහොම වුනත්, වැඩිපුර මිනිත්තුවක හෝ ප්‍රමාදය, ප්‍රභාකරන් තවදුරටත් ජිවත් වෙනවද නැද්ද කියන එක තීරණය කරනවා.ඒ කොටස කිවේ, ප්‍රමාද වෙන මිනිත්තුවක් රටේ දෛවය වෙනස් කරන්න ඇති කල හැකි බලපෑම ගැන අදහසක් ගන්න.

ඒ වෙනකොට, LTTE විශේෂ බලකාය හෙවත් කළු කොටි දියත් කරපු ප්‍රභල ප්‍රහාර රැළි 2කින් අපේ පිහිටුම කි.මි.1 වඩා පස්සට අරගෙන නැවත ඔවුන් දෙසට පීඩනය යොමු කරමින් ආපු ගමනකයි අපේ පිරිස ඉඳල තියෙන්නේ. රැයක් එලිවීම, තවත් එවැනි රැල්ලක් හෝ අවදානම් සිමාව උන්ගෙන් අපිට මාරු වෙන්න ඉඩකඩ උපරිමයි. මේ කියන බංකරය මේ බෙදුම් රේඛාවේ තීරණාත්මක තැනක්. ඕක කඩපු ගමන් පිටිපස්සේ ඉන්න මිනිස් පලිහෙන් 2/3කට වඩා දොර ඇරෙනවා. ඊට පස්සේ විවෘත වෙන්නේ, තැනිතලා සහිත අභියෝගයන්.

ඒ වෙනකොට, විශේෂ බලඝණයන් සහ ස්නයිපර් කණ්ඩායම් ඔවුන්ට නියමිත සමාන්තර වැදගත් කමින් යුතු මෙහෙයුම් වල අතිශයින්ම කාර්යබහුලයි. මේ ඉලක්කය දීලා තිබ්බේ, 58 සේනාංකය බාරව හිටපු ශවේන්ද්‍ර සිල්වාට, ඔහුගෙන් මේ කාර්යය බාර වෙලා තියෙන්නේ, බ්ලු චැනල් අන්වර්ථ නාමයෙන් යෙදුණු 586 (හෝ වෙනත් බ්‍රිගේඩ් එකක්) 9 වන ගැමුණු හේවා බල සේනාංකය බාර වෙලා හිටපු එවකට ලුතිනන් කර්නල් ලාල් චන්ද්‍රසිරිගේ කණ්ඩායමට. ඒ ඔහු ඊට නියමම සුදුස්සා නිසා (ඊටත් හේතු විශාල ප්‍රමාණයක් තියෙනවා). ඔහුගෙන් මේ වගකීම පැවරෙන්නේ ඔහුගේ බලඇණියේ තුල නිර්මානය කල අටේ කණ්ඩායමට.මිට අදාලව රෑ 2ක් ඔවුන්ට බරපතල පුහුණුවක් ලබා දෙන්නත් කටයුතු කරලා තියෙනවා. කොහොම හරි, මේ 8 , 4 ඒවා 2ට බෙදිලා දෙපැත්තෙන් මීට සමාන්තර බංකර් පේළිය රෑම කඩල, මේකට විතරක් එළිවෙනකන් ගේමක් දීලා. අවතක්සේරු කරන්න එපා, LTTE විශේෂ බලකාය හෙවත් කළු කොටි අතිශයින්ම කාර්යක්ෂමයි, සහ ඔවුන්ගේ ප්‍රහාරක බලය ඉතාම ඉහලයි. එදා එලිවෙනකොටත් මේක ගලවගන්න බැරි වීම බොහෝවිට යුද්ධයේ හැරවීම් ලක්ෂයක් වෙන්න තිබ්බලු.

ඔතන අටේ ඉඳල තියෙනවා සාජන් හෝ කෝප්‍රල් කෙනෙක් (නම නොදන්නා නිසාම ඔහුට නාදුණන සොල්දාදුවා කියලා හදුන්වමු). මෙයා කියල තියෙන්නේ, ” සර් ටෙරාල ගහන විදිහට ඕක සුසයිඩ් එකකින් මෙහා ගලවන්න කිසිම විකල්පයක් නැහැ, මගේ අම්ම තාත්ත වයසයි, සහෝදරයෝ නැහැ, මම බැඳලත් නැහැ. අඩුපාඩුවකට තියෙන්නේ ගෙයක් නැති එක විතරයි. ඒකට අවුලක් නැහැ සර්, මම මේක ඉරපායන්න කලින් සර්ට මේක කඩල දෙනවා ” ඒ තමයි 9 වන ගැමුණු හේවා බල සේනාංකය බාරව හිටපු එවකට ලුතිනන් කර්නල් ලාල් චන්ද්‍රසිරිට ලැබුණ අවසාන පණිවිඩය..

පැයක් ඇතුලත බංකරේ ඇතුළෙන්ම පිපිරීමක් ඇවිල්ල එතන හිටපු ටෙරාලගේ විශේෂ බලඝනයේ 10, 15ක් පිරිසත් එක්කම අපේ කොල්ලගේ ජීවිතෙත් අවසන් වෙලා තියනවා.මේ අටේ කණ්ඩායමේ ඔහුත් සමග හිටපු කෝප්‍රල් සම්පත් පවසන ආකාරයට , අපේ එක්කෙනෙක් ඒකට පනින එකෙන් මෙහා එක ගලවන්න බැරි නිසා ඔවුන් අසරණ වෙලා හිටපු බව සහ මේ නාදුනන සොල්දාදුවා කෝප්‍රල් සම්පත්ට එයාගේ නේම් ටැග් එක ගලවල එයාගේ අම්මට දෙන්න කියලා භාර දීල.තමන්ගේ ජීවිතය කැප කරමින් මෙම ක්‍රියාවට පිටත් වූ බව..

මේ විදිහට, පරාර්ථය වෙනුවෙන් ස්වාර්ථය කැපකළ නාදුදන සොල්දාදුවන් දහස් ගානක් නිසා, විශේෂයෙන්ම දෙමළ ජනතාවටත්, මුස්ලිම්, සිංහල ඇතුළු, සමස්ථ ජාතියම අද නිදහසේ හුස්ම ගන්න බව ආශ්වාස ප්‍රාශ්වාසයේ යෙදෙන හැම මොහොතක සිහියට ගන්න. අද මම ඔබ, ඔබේ දරුවන් ගන්න හුස්මක් හුස්මක් පාසා අප ඔවුන්ටත් ඔවුන්ගේ දෙමව්පියන්ට සහ දරුවන්ටත් ණය බව අමතක නොකරන්න.

අවසානයේ යුද්ධය අවසන් වීමෙන් පසුව, ලු.ක. චන්ද්‍රසිරි මහතාගේ පුද්ගලික මැදිහත්වීමෙන් ඔවුන්ගේ දෙමාපියන්ට නිවසක් තනා දී තිබෙනවා. පපුවට අත තියාගෙනයි ඔවුන් මෙවැනි ආකාරයට කැප කිරීම් කළවුන් ගැන කථා කරන්නේ.මතක තබාගන්න මෙවැනි හසලක ගාමිණි කුලරතනල පන්නයේ, නම නොකියවෙන නාදුනන සොල්දාදුවන් දහස් ගනනක් ඔබට මට හෙට උපදින දරුවන්ට සුරක්ෂිත සාමයෙන් පිරි රටක් උදා කරදීම සදහා මෙවැනි තීරණාත්මක කඩයිම් බොහොමයක් දිවි පුදා පසුකරදුන් බව…

මුලින් ඉගෙනගනින් රට බේරගත්ත මිනිස්සුන්ට ගරැ කරන්න.


අත්තිඩියෙ රණවිරු සෙවනේ දැනටත් නේවාසිකව ප්‍රතිකාර ගන්න රණවිරැවො 65ක් විතර ඉන්නවා.

ඒ අතරින් එක රණවිරැවෙක් ඉන්නවා එයාගෙ ඇස් දෙකම නෑ කන් ඇහෙන්නෙත් නෑ කකුල් දෙකත් නෑ. එවුනාට තාමත් හුස්ම ගන්නවා.

එයාව බලන්න එයාගෙ අම්මා තාමත් එනවා. අම්මා ආවත් එයාට අම්මා ආවා කියලා කියන්න බැරි නිසා දොස්තර මහත්තයා එයාගෙ කොන්දෙ ඇගිල්ලෙන් අම්මා කියලා ලියනවා එතකොට එයා දැනගන්නවා එයාව බලන්න එයාගෙ අම්මා ඇවිත් කියලා. අම්මා යද්දී යනවා කියලා ලියනවා. එතකොට එයා දැනගන්නවා අම්මා යනවා කියලා.

අපි නිසා තමයි ඒ කොල්ලා එහෙම දුකක් විදින්නෙ.තව කීදෙනෙක් ආබාධිත උනාද. ඒක නිසා මුලින් ඉගෙනගනින් රට බේරගත්ත මිනිස්සුන්ට ගරැ කරන්න.

.ඒ මිනිස්සු අත පය , ජීවිතේ නැතිකරගෙන සටන් කරපු නිසා තමයි අපි අද නිදහසේ හුස්ම ගන්නෙ.

Credits – කොරෝනා page

බුද්ධි අංශවල වටිනා කම දැන් වත් තේරුණාද?


බුද්ධි අංශ කියන්නේ මොනාද එහි ක්‍රියාකාරීත්වය කොහොමද කියලා අපි කවුරුවත් දන්නේ නෑ. එහි ක්‍රියාකාරීත්වය හරියටම දන්නේ ඉතින් බුද්ධි අංශයේ ඉන්න සාමාජිකයන්ම තමයි.

ලෝකේ ප්‍රසිද්ධ මෝසාඩ්, KGB, CIA, RAW, ISI, MI 6 වගේම අපේ රටේ SIB නැත්නම් රාජ්‍ය බුද්ධි අංශය, ත්‍රිවිධ හමුදා සහ පොලිස් බුද්ධි සේවාවන් කරට කර සේවය කරනවා කියන එක අතිශෝක්තියක් නෙවෙයි.

තිස්වසරක යුද්ධය කාලේ අවසාන භාගයේදි කොටින්ගේ ආයුධ නැව් දුසිමක් විතර මුහුද මැදදි අල්ලලා ගිල්ලපු, කොටින්ගේ ප්‍රධානම මුදල් සපයන්නා වූ කේපී මැලේසියාවේදි අල්ලගෙන ලංකාවට කුදලගෙන ආපු එක වගේ දේවල් කරලා තියෙන්නේ ලෝකේ බොහොම සීමිත බුද්ධි සේවාවන් ප්‍රමාණයක්, ඒ වගේම කරුණා අම්මාන් ප්‍රභාකරන්ගෙන් වෙන් කරලා දාන්නත් ඔවුන්ට හැකි වුනා.

ඒ වගේම පහුගිය කාලේ බුද්ධි අංශ අඩපන කරලා දාපු එකේ විපාකත් අපි දැක්කා යුද්ධය ඉවර වෙලා අවුරුදු 10කට පස්සේ ලංකාවේ බෝම්බ පුපුරලා මිනිස් ජීවිත සියගානක් මැරෙනකොට.

දැන් බුද්ධි අංශ ආය පණ ගහලා නැගිටලා මත් කුඩු, මත්ද්‍රව්‍ය අල්ලන මෙහෙයුම් එක්ක ත්‍රස්තවාදීන්ට ආය නැගිටින්න බැරිවෙන්න වැඩ සිද්ධකරලා තියෙන්නේ.

ඒ අස්සේ රටේ ආරක්ෂාව කියන්නේ ඇසට පෙනෙන සහ නොපෙනන සියල්ලගෙන්ම රට ආරක්ෂා කරන එක නිසා රටේ ආරක්ෂාවට තර්ජනයක් වෙන ත්‍රස්තවාදි කටයුතු වගේම රටේ මිනිස්සුන්ට තර්ජනයක් වෙලා තියෙන කොරොනා උවදුර රට පුරා පැතිරෙන එක නවත්වන්නත් ඔවුන් සටනට බැහැලා ඉන්නේ.

කොරෝනා රෝගීන් හදුනා ගත්පසු ඔවුන් සමග සම්බන්ධතා පවත්වපු සියළුම දෙනා හොයාගෙන නීරෝධායනය කරන්න යවන ගමන් රට පුරා කොරෝනා පැතිරීම වලක්වා ගැනීම ඔවුන්ගේ මූලික රාජකාරිය කරගෙන ඔවුන් අපිට අදත් නිහඩ සේවයක් කරනවා මේ මොහොතෙත්.

ඉතින් ඔබට දැන්වත් බුද්ධි අංශවල වටිනා කම තේරුණාද? ඔවුන් අදත් හෙටත් අපි අතරම සිට අපේ ආරක්ෂාවට කටයුතු කරනු ඇත.

උඹත් පිං පඩි කාරයෙක්ද?


ඔබ රැකියාවක් කරන කෙනෙක්ද? එහෙනම් ඔබ රැකියා ස්ථානයේදි ඔබගේ රාජකාරිය ඔබ 100% ම ඉටු කරනවාද?

එහෙමත් නැත්නම් රස්සාව කරන්න ගිය වෙලාවේ ඉදලා පැය ගණන් තේ බොන්න, කන්න, පත්තර කියවන්න, ඕපදූප කියවන්න, ශොපින් කරන්න එහෙමත් නැත්නම් ආයතනයේ රාජකාරිය පැත්තක දාලා ඔයාගේම බිස්නස් වැඩක් කරන කාලකන්නියෙක්ද?

තමන්ගේ ආයතනයේ රාජකාරි හරියට නොකර ඒත් මුළු පඩියම අරන් ගෙදර යන ඔයාට කියන්නේ පින් පඩි කාරයෝ කියලා.

ඉතින් ඔයත් හිතල බල්න්න පින් පඩි කාරයෙක් වෙලා ආයතනයෙන් සේවය ගන්න එන මිනිස්සුන්ගෙන් බැනුම් අහන කෙනෙක් වෙනවද?

නැත්නම් හරියට රාජකාරිය කරලා සාධාරණව පඩියක් අරගෙන මිනිස්සුන්ගෙන් හොද නම අහන කෙනෙක් වෙනවද කියලා?

වැඩි හොද කරන්න ගිහින් කෙලවා ගැනීම


ලංකාවේ අපේ මිනිස්සු ගොඩක් පරිත්‍යාගශීලි ඒවගේම ආගන්තුක සත්කාර ඉහලින්ම කරන පිරිසක්.

ඒත් අපේ උන්දැලා මනුස්සයෙක් ට උදව් කරන්න ආගන්තුක සත්කාර කරන්න ගියාම අනික් මනුස්සයාට වදයක් වෙන තරම් කරන්න ගියාම ප්‍රශ්න ඇතිවෙලා හිත් නරක් වෙන්න පුළුවන්.

අපි පොඩි උදාහරණ කීපයක් ගමු.

  1. දන්සල් දීම

මුලින්ම දන්සල දෙන්න පටන් ගන්න සල්ලි එකතු කරනවා පුළුවන් හැම එකාගෙන්ම. ඒ එකතු කරන ගමනේ පොතක ලියාගන්නවා එක එක්කෙනා දුන්න ගාන. ඒක හරි කියමුකෝ දැන් ඒක පෙන්නලා අනිත් එකාගෙන් ඉල්ලනවා අරයත් මෙච්චරක් දුන්නා මෙයා මෙච්චරක් දුන්නා කියලා. නොකියා බල කරලා කියන්නේ උඹත් ඒගානම හරි ඊට වඩා ගානක් හරි දීපන් කියලා. නැතුව ඒ මනුස්සයාට පුළුවන් දෙන ගාන ගන්න එක නෙවෙයි.

දන්සල් දෙන්න ගියාමත් පාරේ යන වාහන බලෙන් පාර මැදට පැනලා පාර මැද නවත්තලා හරි දෙන්න බලන්නේ. නිකමට හිතන්නේ නෑ දන්සල් කන්න ඕනි කෙනා නවත්තලා එයි ඒ නිසා මිනිස්සුන්ට වදයක් වෙලා දන්සල් දෙන්න ඕනි නෑ කියලා.

  1. ගෙදරට අමුත්තෙක් ආවම

ගෙදර අමුත්තෙක් ආවම ඒ මනුස්සයා එන්නේ දුර ඉදලද ලග ඉදලාද කියලා පොඩ්ඩක් බලන්න ඕනි අපි. දුර ඉදලා ආවා නම් පොඩ්ඩක් මූන කට හෝදන්න පහසුකම් දීලා ඉන්න ඕනි මුලින්ම.

අපේ උන්දැලා මුලින්ම කරන්නේ අර ඉහින් කනින් දඩිය පෙරාගෙන ආපු කෙනාට ආපු ගමන් සීනී වැඩිපුර දාලා තේ, කිරි තේ, කෝපී හදලා පොවන එක. ඒකත් හිත හොද කම නිසා කරන ලොකූ වැරැද්දක්. තේ බීලා අර ආපු කෙනා තවත් දාඩිය පෙරාගෙන ඉන්න බැරි කමට එලියට හුලං වදින්න බහින්නේ ඔන්න ඔය නිසා.

ලංකාව කියන්නේ දවස පුරාම රස්නේ තියෙන රටක්. ඒනිසා සීතල කන්ද උඩරට ඇරුණාම අනික් පැතිවල දි තේ වෙනුවට සීතල දෙයක් දෙන එක ඒ මනුස්සයගේ තෙහෙට්ටු නිවා ගන්න හරි උදව් වෙනවා.

  1. ගෙදරට ආපු තරුණ ලමයින්ට පොඩිකාලේ මෙහෙමයි කියලා විහිලු කරන එක.

ගෙදරට තරුණ ලමයෙක් ආවම හානේ මේ ලමයා උස ගිහිල්ලා ලොකු වෙලා ලස්සන වෙලා කියලා කියන එක නම් කමක් නෑ. අපේ උන්දැලා කරන්නේ ආපු ගමන් ඔයා පොඩි කාලේ හොටු පෙරාගෙන මෙහෙම හිටියේ. මගෙ ඇගෙත් චූ කරා කියලා ලැජ්ජා කරන එක.

යකෝ පොඩිඋන් පොඩි කාලේ චූ කරන්නේ නොදැනුවත්ව කමට ඒවා ලොකු උනම කරන්නේ නෑනේ. එහෙනම් පොඩි කාලේ ඔය කියන මහ උන් හරියට වැසිකිකියට ගිහින් තනියම කරගත්ත උන් වෙන්න ඇති.

එහෙම නොකර ඒ ලමයගේ අධ්‍යාපන කටයුතු හරි මේ දවස් වල කරන දේවල් ගැන කතා කරාම හෙන් ගහනවද?