කරේ තියන් යන උන්


රනිල් වික්කමසිංහ කරේ තියන් යන උනුත්

සජිත් පුතානො කරේ තියන් යන උනුත්

අප්පච්චි කරේ තියන් යන උනුත්

සර් කරේ තියන් යන උනුත්

ලප කුමාර කරේ තියන් යන උනුත්

එකම ගොන් නාම්බන් පිරිසකි

ඔය හැම එකාම උන්ගේ යහපත ගැන මිස

ජනතාවට කල සේවයක් නැත

ඒත් කරේ තියන් යන උන්

තමන්ගේ එක කුස උපන් සහෝදර පිරිසටත්

තමන්ගේ බත් පත බෙදාගෙන කෑ යාළු පිරිසටත්

වඩා උන්ගේ මහ අම්බරුවා ලොකුකරගෙන ඇත.

මද්ද


දැක්කේ කැකිරී ගෙඩියයි යන එන පාරේ
ටක්කෙට මතක නෑ රසකර කෑ කාලේ
සැකයක් ඇති උනත් කට කෙල ඇත බේරේ
මද්දට හසුවුනයි මගෙ හොඩවැල දැන් හිරවේ

වනජීවී මහත්තුරු එනකන් දින හතරක්
මද්දට හිරවු හොඩවැල කම්බිම පොට හතරක්
කන්නට තිය බොන්නට බැරි හැටි විතරක්
මටනම් හිතුනේ මගෙ මැටි කම ගැන විතරක්

පොටවල් හතර කපලා හොඩ වැල ලිහුවා
කුණුවූ තුවාලේ මොන මොනවද ගෑවා
බේත් සැරට බඩ බොකු ඔක්කාරෙට ආවා
නෑ නෑ ඒ නිර්වින්දන සැරටයි කීවා

මිනිහා උනත් එක එක ජාතියේ ඇත්තේ
දුප්පත්කම නිසයි මද්දක් අටවනු ඇත්තේ
කට්ටක් උනත් වනවජීවිය මේ පැත්තේ
බෝසත් මිනිස්සුයි අප රක්කේ මේ පැත්තේ

හොඩයේ ලොකු හිලකි බොන්නට බෑ වතුර
ගස් අතු කඩන්නට හොඩයෙන් බෑ නිතර
අහුවෙන තණකොළයි දැන් කන්නෙම නිතර
මරණය අත ලගයි බව දැනෙනවා මිතුර

රෝහණ කේ අමරකෝන්

ඉහලට යන්න වී කරලක් මෙන් නැවෙන්න


ලෝයර් කෙනෙක් උනාම සමහරු හැසිරෙන්නේ ශ්‍රේෂ්ඨාධිකරණයේ නඩුකාර උන්නාන්සේ වගේ

දොස්තර කෙනෙක් උනාම සමහරු හැසිරෙන්නේ හිපොක්‍රොටික් වගේ

ආගමික පොත් 10ක් කියෙව්වාම සමහරු හැසිරෙන්නේ ආගමික නායකයාටත් උපදෙස් දුන්නේ තමන් වගේ

ආචාර්ය උපාධියක් ගත්තාම සමහරු හැසිරෙන්නේ සියල්ල දත් මහෝෂධ පණ්ඩිතයා වගේ

අන්මත ගරු නොකරන අන් අය පහත් කොට සලකන තමන්ගේ පුහු මාන්නය ලෝකෙට පෙන්න අය මේ ලකේපංකාවේ බොහෝමයි

නමුත් විය යුත්තේ

තමන් දන්නා ප්‍රමාණය ලොව ඇති සියළු දැනුමෙන් ඉතා අල්ප ප්‍රමාණයක් බව දැන පැසුනු වී කරලක් මෙන් නිහතමානී වීම සහ අන් මත ගරු කිරීම සහ අන් අයගේ දැනුමෙන් දෙයක් උකහා ගැනීමයි