අනේ මන්දාලු


බදුර්දීන් අතුරුදහන් වෙලාලු

පොලිස් කණ්ඩායම් 6ක් දාලලු

අපිට පොඩි ආතල් එකක් දෙන්නලු

අනේ ආණ්ඩුව කන කට්ටක්ලු

කරේ තියන් යන උන්


රනිල් වික්කමසිංහ කරේ තියන් යන උනුත්

සජිත් පුතානො කරේ තියන් යන උනුත්

අප්පච්චි කරේ තියන් යන උනුත්

සර් කරේ තියන් යන උනුත්

ලප කුමාර කරේ තියන් යන උනුත්

එකම ගොන් නාම්බන් පිරිසකි

ඔය හැම එකාම උන්ගේ යහපත ගැන මිස

ජනතාවට කල සේවයක් නැත

ඒත් කරේ තියන් යන උන්

තමන්ගේ එක කුස උපන් සහෝදර පිරිසටත්

තමන්ගේ බත් පත බෙදාගෙන කෑ යාළු පිරිසටත්

වඩා උන්ගේ මහ අම්බරුවා ලොකුකරගෙන ඇත.

මද්ද


දැක්කේ කැකිරී ගෙඩියයි යන එන පාරේ
ටක්කෙට මතක නෑ රසකර කෑ කාලේ
සැකයක් ඇති උනත් කට කෙල ඇත බේරේ
මද්දට හසුවුනයි මගෙ හොඩවැල දැන් හිරවේ

වනජීවී මහත්තුරු එනකන් දින හතරක්
මද්දට හිරවු හොඩවැල කම්බිම පොට හතරක්
කන්නට තිය බොන්නට බැරි හැටි විතරක්
මටනම් හිතුනේ මගෙ මැටි කම ගැන විතරක්

පොටවල් හතර කපලා හොඩ වැල ලිහුවා
කුණුවූ තුවාලේ මොන මොනවද ගෑවා
බේත් සැරට බඩ බොකු ඔක්කාරෙට ආවා
නෑ නෑ ඒ නිර්වින්දන සැරටයි කීවා

මිනිහා උනත් එක එක ජාතියේ ඇත්තේ
දුප්පත්කම නිසයි මද්දක් අටවනු ඇත්තේ
කට්ටක් උනත් වනවජීවිය මේ පැත්තේ
බෝසත් මිනිස්සුයි අප රක්කේ මේ පැත්තේ

හොඩයේ ලොකු හිලකි බොන්නට බෑ වතුර
ගස් අතු කඩන්නට හොඩයෙන් බෑ නිතර
අහුවෙන තණකොළයි දැන් කන්නෙම නිතර
මරණය අත ලගයි බව දැනෙනවා මිතුර

රෝහණ කේ අමරකෝන්

පෙම්වතියන්_වර්ග


  1. කුළුඳුල් පෙම්වතිය
    මේ ඔබගේ ප්‍රථම පෙම්වතියයි. ජීවිතයට අමතක නොවන මතක රැසක් හිමිකරදුන් තැනැත්තියකි. කෙසේවෙතත් මැය සමඟ ඇතිවන ප්‍රේම සම්බන්ධතාවය කෙලවී වී යාමට ඇති ඉඩකඩ බොහෝ සෙයින් වැඩිය. එහෙමත් එකෙක් දිගටම අල්ලාගෙන සිටීමට සමත් වේ. පසුකාලීන ප්‍රේම සම්බන්ධතාවලදී මැය නිසා කොල්ලාට බොහෝ ප්‍රශ්න කරදර වලට මුහුණ පෑමට සිදුවේ. කෙසේ වෙතත් සුන්දර එකියකි.
  2. ලොකුසීන් පෙම්වතිය
    ඉන්නේ අලි පුකෙංය. කොල්ලා මැයගේ පස්සෙං ගොස් මැයව සෙට් කරගත් නිසා ඔහුටද ගොබ්බා සේ ඉඳීමට සිදුවේ. පෙම්වතා කිසියම් අවස්තාවක ලොකු සීන් එකක් දැමීමට යන විට ‘ මම නෙමෙයිනෙ, තමුසෙනෙ මගෙ පස්සෙං ඇවිත් යාලු උනේ ‘ මැයෙන් අසාගැනීමට සිදුවේ. ඉතාමත් කෙටිකාලීන සම්බන්ධතාවක් ඇති පෙම්වතියකි.
  3. සන්තාප පෙම්වතිය
    මැය සමඟ ඉතාමත් ප්‍රවේසමෙන් කටයුතු කල යුතුවේ. සුළු දෙයින් පවා කම්පනය වී දොම්නසට පත්වී කඳුළු සලයි. හාවියන් වැනිය. මුහුනේ හිනාව අල්පය. සියුමැලිය. ශරීරය සීතලය. හිත බොහෝ දුරට තරමක් හොඳය. එතරම් විනෝදකාමී නොවන අතර හුදෙකලාවට පෙම්කරයි. තේරුම් ගැනීමට තරමක් අපහසුය.
  4. ලෙඩ පෙම්වතිය
    ලෙඩ පෙම්වතියන් දෙයාකාරයක් වේ. කොටසක් ඇත්තටමය අනෙකුන් පොයියට ලෙඩය. ඇත්තටම ලෙඩ උන් නම් පවුය. කෙසේ වෙතත් දෙපිරිසම අවුරුද්දේ වැඩි කාලයක් රෝගී තත්ව වලින් පීඩා විඳිමින් කාලය ගෙවයි. ආතල් දැමීමට පෙම්වතාට අවකාශයක් හිමි නොවන අතර එසේ යැයි කියා පෙම්වතියව හැරයාමට තැත් කලහොත් කිසිදු හිතක් පපුවක් නැති අසමජ්ජාතියෙකු ලෙස විරුදාවලී ලබන්නට ඔහුට සිදුවේ.
  5. නොදුටු පෙම්වතිය
    පෙම්වතා මැයව සියැසින්වත් රූපරාමුවකින්වත් දැක නැත. අන්තර්ජාලය මගින් හෝ දුරකතන මාර්ගයෙන් දෙදෙනා ප්‍රේම සන්නිවේදන කටයුතු පවත්වාගෙන යයි.
    මුණ ගැසීමට ආරාධනා කලද එම ආරාධනා කිසිවක් පිලිගන්නේද නැත. බොහෝ විට කොල්ලාව ගොනාට අන්දා ව්‍යාජ ලෙස තවත් කොල්ලෙකු විසින්ම පෙම්වතියක් සේ රඟපා බයිට් කරනවා විය හැකිය.
  6. නිශාචර පෙම්වතිය
    සෙට් කරගන්නටනම් එපාය. බැරි වෙලා හෝ යාලු උවහොත් පෙම්වතාට නිදාගැනීමට සිදුවන්නේ නැති ය. රාත්‍රී ගෙවී ගොස් පසුදා පහන් වන තුරුම පෙම්වතා සමඟ සංවාදයේ යෙදෙයි. ජංගම දුරකතනයේ night time pacage සක්‍රීය කරගෙන ඇත. Hutch සිම් එකක් භාවිතා කිරීමට වැඩි ඉඩකඩක් ඇත. වැඩක් නැති එකෙකුට මිස අනෙක් කිසිවෙකුට පෙම්වතිය කරගැනීමට යෝග්‍ය නොවේ.
  7. ෆ්‍රීඩම් පෙම්වතිය
    පවුල සමඟ සම්බන්දතාවය දුර්වලය. මැය වටා ඇති වැට ඉනි බාධක ඉතා අඩුය. පහසුවෙන් ලඟා විය හැකි ඉලක්කයකි. කියන දේකට නොපැකිලව මනාපය දෙයි. නමුත් මැය සමඟ කාලය ගතකිරීමට මිල මුදල් මනාව උවමනා වේ. පරම්පරාවෙන් උරුම වතු පිටි දේපල හෝ යාන වාහන නොමැති අයෙක්නම් මෙවැනි පෙම්වතියක් සොයා නොගත්තාට කම් නැත.
  8. දෙමාපිය පෙම්වතිය
    ගමන් බිමන් මව හෝ පියා සමඟ ය. නිදාගන්නේ මවගේ කාමරයේය. ආහාර පාන කැවීම පෙවීම, කක්ක දැමූ පසු පස්ස සේදීම ආදී සියලු කටයුතු සිදුකරන්නේ දෙමව්පියන් විසිනි. හදිසි අවස්තාවක උව දුරකතන ඇමතුමක් ලබාගතහොත් ‘ අම්ම ලඟ ඉන්නව දැං කතා කරන්න බෑ ‘ කියයි. මෙවැනි පෙම්වතියක් සමඟ කල් ගෙවීමට නම් ඔබට මනා ඉවසා දරා ගැනීමේ හැකියාවක් තිබිය යුතුය.
  9. ලිංගික පෙම්වතිය
    ( අදහස් ප්‍රකාශයෙන් වැලකී සිටිමි. ඔබේ යටි සිතට දැනෙන දේ මා කීවා යැයි සිතා ගත්තාට කම් නැත. )
  10. අමද්‍යප පෙම්වතිය
    තරමක් සැර එකියකි. පරුෂ වචනද දනී. මත්ද්‍රව්‍ය භාවිතයට දැඩිව විරුද්ධය. එසේ උවද මැයට සෙට් වන්නේම අමු බේබද්දන්‍ ය. සෙට් කරගත් පසු ඔහුට නානාප්‍රකාර කරදර බාදක හින්සා පීඩා තර්ජන වලට මූණ පෑමට සිදුවේ. බාදක මැඩගෙන ගේම ගසන උන් බහුතරයක් මැද මැය වැන්නියන් නිසා මත්ද්‍රව්‍ය සටන අතහැර සිරිමත් වැනි යහපත් දරුවන් වන පෙම්වතුන්ද සිටියි.
  11. පම්පෝරි පෙම්වතිය
    නැති දෙයක් නැතිය, නොදන්නා දෙයක්ද නැතිය. සෑම දෙයින්ම අග තැන්පත්‍ ය. හැම දෙයකම හොඳම ඒවා ඇත්තේ ඇගේ පවුලේ උන්ටය. උන් බෙට්ටක් දැම්මත් එයද ඉස්තරම් ය. මැයගේ පම්පෝරියේ අයුරට කසාදයක් කරගන්නවානම් ඇයට ගැලපෙන්නේ ඩිකැප්‍රියෝ වැනි එකෙකි. පෙර ආත්ම වල පාපකර්ම සිදුකල පුද්ගලයන්ට සෙට් වේ.
  12. සංවත්සර පෙම්වතිය
    එක්තරා ආකාරයක බෝම්බයකි. අහු උනොත් කුඩු ය. අති විශිෂ්ට ඝණයේ මතක ශක්තියක් ඇති එකියකි. බෙල්ල පලමුව සිපගත් දිනය, දෙදෙනාම එකට ලැට් එකට ගිය දිනය, මංගල බොක්ස් චිත්‍රපට දර්ශනය ආදී එකී මෙකී නොකී දහසක් දින වකවානු ඔලුවේ තබාගෙන ඒවා සැමරීමට අවශ්‍ය යැයි මැසිවිලි නගයි. ‘ බබා ඔයාට මතකද අද දවස මොකද්ද කියලා ? ‘ යන්න නිතර දෙවේලේ උදේ පාන්දරට අසනා පැනයකි. මේ කිසිවක් මතකයේ තබා නොගන්නා පෙම්වතා ඉතාමත් අභාග්‍යසම්පන්න ඉරණම් වලට ගොදුරු වේ.
  13. ෂොපින් පෙම්වතිය
    ඉතා සුලබ සත්ව විශේෂයකි. බොහෝ විට හොඳ සල්ලිකාරයෙකු සමඟ සෙට් වේ. ඉතින් එදා පටන් සතියට අවම හතරපස් වතාවක්වත් කඩසාප්පු වන්දනාවේ යෙදෙයි. පෙම්වතාව ඉතාමත් චාටුවෙන් හා ප්‍රීතියෙන් තබාගැනීමට ගුප්ත හැකියාවක් ඇත. පෙම්වතා මොක කෙරුවත් කිසිවිටෙක බනින්නේ නැත. ඒ ඇයගේ දීමනා කපාහරී යැයි බියෙනි. කෙසේ වෙතත් මැය වැන්නියක් සෙට් උවහොත් ජංගියේ සිට නියකටර් එක දක්වා ඇයට අවශ්‍ය සියළුම දේ ඔබටත් නොදැනී ඔබගෙන් ගලවාගනී.
  14. විචිකිච්චා පෙම්වතිය
    සෙට් ඌවොත් සැනසිල්ල සහමුලින්ම නැතිවී චුත වී බොක වී වියැකී යයි. ඔබ මොක කෙරුවත් සැකය. කුමක් පැවසුවත් ඇය සිතන්නේ ඔබ ඇයට වංචාවක් බොරුවක් කරනවා කියා ය. හැබැයි පුතේ ඔබේ අල්පෙනිත්තක තරම් හෝ වැරැද්දක් ඇය සොයාගත්තොත් එදාට ඔබට බඩු බනිස් ය. මේ සම්බන්දතාවයේදී ඔබට ප්‍රේම කිරීමට වඩා තර්ක කිරීමට සිදු වේ.
  15. බඳිනකල් බෑ පෙම්වතිය
    තම ආත්මගරුත්වය පිලිබඳ නොසෑහෙන හිතනා පෙම්වතියකි. ඔබ මොන දේ කිරීමට අවැසි යැයි පැවසුවද ඇය කියනුයේ බැන්දට පස්සෙ කරමු කියාය. කොටින්ම කෙටි පණිවිඩයකින් ආදර හාද්දක් එවීමටද ඇයට හැකියාවක් පවතින්නේ කසාදයෙන් පසුවය. බාගදා ඊට හේතුව පෙම්වතා පිලිබඳ පවතින සැකය විය හැකිය. කෙසේ වෙතත් විවාහය තෙක් ඇය සමාජයේ සිටිනා වෙනම ගැහැණියක් හා ඔබ වෙනම පිරිමියෙකි.
  16. FCID පෙම්වතිය
    පුතේ සෙල්ලම් කරන්නටනම් හදන්න තියා හිතන්නවත් එපාය. යටිකූට්ටු ගේම් විශාරද පෙම්වතියක් ය. තමන්ගේම යහලුවෙක් ලවා ආදර ලීලාවෙන් තම පෙම්වතාට පණිවුඩ යවා ඊට ඔහුගේ ප්‍රතිචාර බැලීම ප්‍රසිද්ධ උපක්‍රමයකි. දෙයියනේ කියා මැයවැන්නියන්ට සෙට් වන්නේද එවැනි ගෝත වැඩ වලට පටස් ගාලා හසුවන බූරුවන් ය. එදාට ඉතිං සදා සොත්ති ය.
  17. බොලඳ පෙම්වතිය
    ලව් කිරීමට නම් අගනේය. හරිම ගොං ය. සාමාන්‍ය දැනීම බිංදුවකි. සත පහක සමාජ අවබෝධයක් නැති ය. මවක සේ පියෙකු සේ සෑමදේම ඔබ විසින් පහදා දිය යුතුය. එසේ පහදා දුන් පසු ඔබටද ඇර වෙනකෙකු හා යෑමට ඉතා ඉහල සම්බාවිතාවක් ඇත. ප්‍රවේසමෙන් ගනුදෙනු කිරීම මැනවි.
  18. ධාර්මික පෙම්වතිය
    ඉතාමත් සංවරය විනයගරුකය ප්‍රියමනාපය. ඔබට ඔබගේ ජීවිතයට නොමනා අවවාද අනුශාසනා නිරන්තරයෙන් පාහේ ලබාදේ. දැඩි මතදාරී ඇත්තියකි. පන්සලට පල්ලියට කෝවිලට පෙම්වතාද කැටුව යයි. සාමකාමී සැහැල්ලු ආදර සම්බන්ධතාවයක් මැය සමග පවත්වාගෙන යාමට හැකිය.
  19. පටිපාටිගත පෙම්වතිය
    සෑම ක්‍රියාවක්ම සිදුකරන්නේ කාල වකවානුවකට අනුව පටිපාටිගතවය. සෙට් වනවානම් ඔබගේ ටයිම් මැනේජ්මන්ට් අංශය ඉතා ඉහළ ස්තානයක තිබිය යුතුය. දවසේ සෑම වෙලාවකම ආදරය නොකරන අතර කාලසටහනකට අනුව යොදාගත් වේලාවන්හීදී පමණක් පෙම් සුව විඳීමට හැකිය.
  20. අන්දොස් පෙම්වතිය
    ඇයද ඔබට ලව් ය, ඔබද ඇයට ලව් ය, දෙදෙනාම සෙට් වීද සිටින්නේ ය. නමුත් ඔබ දෙපලට කතා කිරීමට හෝ මුණ හැසීමට හෝ පණිවුඩ හුවමාරු කරගැනීමට කිසිදු හැකියාවක් නැත. දෙදෙනා දෙපසකට වී අර මගේ එකා යැයි පවසමින් ඔහේ වාසය කරයි. බොහෝ විට අමතර පංති වල මෙවැනි පෙම්වතියන් බහුලව වාසය කරයි.
  21. සමාජ මාද්‍ය පෙම්වතිය
    රිලේශන්ශිප් ඉස්ටේටස් දමා, යන එන සෑම තැනකදීම යුගල චායාරූප ගෙන, ඒවා ප්‍රසිද්ධ මාද්‍යට මුදාහැර ලෝකයාට ෂෝ දැමීමට මෙන් ආදරය කරයි. බොහෝ විට මැය එසේ හැසිරෙන්නේ මැයගේ පරණ පෙම්වතෙකුට රිදවීමට හෝ මැයගේ යහලුවන්ට ඊර්ශ්‍යා සිතීමටය. ඇය එසේ සිතුවත් අනෙකුන් ඒවා පඩේකට මායිම් කරන්නේ නැත. සමාජයට විහිළුවකි.
  22. රිලේශන්ශිප් ගෝල්ස් පෙම්වතිය
    එක හා සමාන යුගල ඇඳුම්, යුගල හිස් වැසුම්, යුගල දත් බුරුසු ආදී නොයෙක් බහුබූත දේ යුවල බාවිතා කරයි. එය ඇයට ෆුල්ම ආතල් එකකි. මීට් වීමට පැමිනෙන්නේද දෙදෙනාම එකම වර්ණයෙන් යුත් සළුපිලි වලින් සැරසීමෙන් ය. රැල්ලට සුද්දන් සිදුකරන සෑම පුකක්ම තම පෙම්වතා හා අත්හදාබැලීමට අවැසි එකියකි. ජීවිතයට සුන්දර මතකයන් රැසක් එකතු කරනා පෙම්වතියකි.
  23. ඩබල් ගේම් පෙම්වතිය
    ( නම කියූ සැනින් ඔබට අවබෝධයක් එතැයි සිතමි. එනිසා අදහස් ප්‍රකාශයෙන් වැලකී සිටිමි. )
  24. වියදම් පෙම්වතිය
    සෙට් කරගන්නවානම් බඩු මේවාය. පෙම්වතාගේ සෑම දෙයටම නොපැකිලව ලොස් නැතුව වියදම් දරන්නීය. ඇඳුම් පැලඳුම්, පංති ගාස්තු, රීලෝඩ් එකේ පටන් බස් ටිකට් එක දක්වා සියළුම වියදම් පිරිමහන්නේ මැය විසිනි. එලකිරි කෙල්ලන් ය.
  25. බේබදු පෙම්වතිය
    තවත් එක්තරා ආකාරයක එලකිරි පෙම්වතියන් විශේෂයකි. වර්තමානයේ බහුලව දකින්නට හැකියාව ඇත. දුම් පානයේදී ඩන්හිල් පමණක් බොයි. වයින් බීමට වැඩි කැමැත්තක් දක්වන අතර බියර් ද බොන උන් සිටියි. බේබදු පෙම්වති තනතුරේ උපරිමේටම පිය නැගූ පෙම්වතියන් ගල් අරක්කු උව පැකිලීමකින් තොරව භාවිතයට ගනියි. ජීවිතේ ආතල් සොයනා උන් ය.
  26. ට්‍රැවලිං පෙම්වතිය
    ඔබට වාහනයක් හෝ තැපැල් නයින්ටියක්වත් නොමැතිනම් සෙට් කර නොගත්තාට කමක් නැතිය. ට්‍රැවලිං ඊස් ලයිෆ් ය. ඔබට ආදරේ කරන්නේ ට්‍රැවලිං වලට පසුවය. සති අන්තයේ කොහේ හෝ දුර ඈත පලාතක අස්සකට රිංගීමට අවශ්‍යය. ඔබ ඇයගේ අවශ්‍යතාවය ඉටු කිරීමට අපොහොසත් උවහොත් හැකි එකෙක් සොයාගෙන ඇය සංචාරය කරයි.
  27. මෝටිවේශනල් පෙම්වතිය
    හොඳ එකියන් ය. ජීවිතේ නස්පුක් වන අයුරින් කෙලවාගත් උන් සමග සෙට් වේ. පසුව ඔවුන්ට අවවාද අනුශාසනා ලබාදී ඔවුන්ගෙ ජීවිතය සාර්ථකත්වය කරා ලඟාකරගැනීමට වෑයම් කරයි. එය ඇයට ආත්ම තෘප්තියකි. සෙට් පී ගොඩ යන උන් සේම සෙට් වී මැයටද යනේන මං නැති කරන සුපිරි ඩයල් සිටී.
  28. තරහ පෙම්වතිය

දවසට හත් අට වරක් වත් වලියක් දාගනියි.ගේම ඉල්ලා තරහා වීම ඇයගේ ආතල් එකයි.එසේ නොවන දවසක් තිබුණහොත් එය ඇගේ ජීවිතයේ අසම්පූර්ණ දවසක් සේ දැනෙයි. පෙම්වතාටත් මෙය හුරුය. සම්බන්ධතාවය දීර්ඝකාලීන එකක් දක්වා ගමන් කිරීමට වැඩි ඉඩකඩක් ඇත.

  1. ඉංග්‍රීසි පෙම්වතිය

අපේ අම්මේ අහලකින්වත් යන්නට එපා ය පඩ ෂෝ ලෝකයකි අහන්නේ ඉංග්‍රිසි සින්දු ය. කන්නේ නම් දැරූ තැන්වලිනි. සරලකම ලැජ්ජාවක් සේ දකියි. අනවශ්‍ය ලෙස ඉංග්‍රීසි භාෂාව භාවිතා කරයි. ඉතා ශබ්දනගා පිරිස ඉන්නා තැන්වලදී කතා කරයි.වටේ ඉන්න මිනිසුන් “මේ මොන හුත්තක්ද” ආකාරයේ බැලුම් හෙලයි. වලියක් ගිය පසු පෙම්වතාට බනින්නේද ඉංග්‍රීසියෙනි. “යු නො බබා. අයි රියලි හේට් ඉට් බබා. ප්ලීස් ලීව් මි එලෝන්” ගගා පෙම්වතාට නිතර පාහේ තපලයි

  1. තහංචි පෙම්වතිය

ඔබත් සමග සෙට් වන්නේ නීති රීති හා රෙගුලාසි මාලාවකට ඔබ ඔබගේ අවනතභාවය ප්‍රකාශ කිරීමෙන් අනතුරුවය. එතැන් පටන් ඇගේ කීමට ඔබට නටන්නට සිදුවනවා ඇත. ඇයට අවැසි විට එම නීති ඇයට වාසිදායක ලෙස සංශෝධනයන්ට භාජනය කරයි. සෙට් වුණා යනු ඔබ හිරේ විලංගුවේ වැටුනා හා සමානය. ඈත්වී සිටීම යෝග්‍ය ය

  1. මනෝ පෙම්වතිය

මැය කොල්ලෙකුට ලව්ය. එම කොල්ලාද මැයට ලව් ය. එහෙත් දෙදෙනාට දෙදෙනා තවමත් එකිනෙකාට අදහස් හුවමාරු කරගෙන නොමැති නිසා දුරින් හිඳ සිතින් පමණක් පෙම් කරයි. වෙන එකෙක් හා සෙට් වන්නේද නැතිය. බොහෝ විට අවසානයේ ආදර කතාව ගොළුවතින්ම නිමවී යයි. සමාජය තුළ වැඩියෙන්ම පාහේ දැකින්නට ලැබෙන පෙම්වතියන් කොටසකි

උපුටාගැනීමකි ☹️😋

නූතන මව්වරු


ඇන්දෙ නෑ රෙදි හැට්ට හරි නැද්ද මන්දා
බැන්දෙනැහැ ගෙඩිකොන්ඩ කොන් වෙයිද මන්දා
නිදි මරනු බැරි හින්ද පැම්පර්ස් දැම්මා
ලේත් කිරි කරන් බර දස මසක් වින්දා

වඩාගෙන යන්නෙ නැහැ වැඩි දුරක් නුඹව
ගෝකාර්ට් එක ගත්තා විසි දහයි ගණන
පහසුවයි මන් බැලුවෙ හැමවිටම නුඹට
අනේ මොන කෝලම්ද ඇහුන මගෙ කනට

නොතිබ්බට මුව පුරා කළු පාට මොට්ටු
නොලිව්වට ගේ පුරා බාලගිරි මට්ටු
එල්ලුවේ නැතිඋනත් අඹ කොහොඹ අතු
හැබැයි නුඹ රකිමි මම පන තියනතුරු

අත් කකුල් බකල් බව නැන්දලා කිව්වා
අත ගගා අඹරවා ඇද අරිනු බැලුවා
අනේ ඔය පුංචි අත් රිදෙයිදෝ සිතලා
නැන්දලා එද්දි නුඹ නිදි කරව ගත්තා

රෑට නුඹ නැගිටලා හොඳටෝම ඇඬුවා
තනියෙන්ම නිදියන්න මන් පුරුදු කෙරුවා
නින්දෙනුත් යටි හිතින් නුඹ ගැනම සිතුවා
අනේ මුන් අම්මලද නැන්දලා ඇහුවා

දස මසක් නුඹ දරන් හිටපු බර හින්දා
හුඟක් බඩ ඇවිත් දැන් ලෙඩ වෙයිද මන්දා
මගෙත් තරුණම කාලෙ තව ගෙවෙන හින්දා
රෑට පැය බාගයක් ජිම් එකට දිව්වා

ළමයෙකුත් හම්බුනා නොවැයි මේ ලඟදි
තාම කෙල්ලෙක් වගේ හැසිරෙන්න නොවටී
අඳින්නෙත් ඩෙනිමමයි හරි නෑනෙ නංගී
කිව්ව තව ගෑනියෙක් පෙරේදා මගදී

දහක් දුක් විඳ උගත් රැකියාව හින්දා
තුන් මහෙන් පසු නැනී කෙනෙක් ගෙන ආවා
අප්පච්චි එක්ක මන් එක්වෙලා හොයනා
හැම සතේ නුඹේ හෙට දවසටම ලිව්වා

මමත් මගෙ ජීවිතේ සතුටින්ම විඳලා
නුඹට යහපත් හෙටක් හදනවා මතුදා
නාකි වීලා අපට වාරු නැති වනදා
අපිට අපි අද යමක් ඉතුරු කර ගත්තා

සම්ප්‍රදායෙන් මිදී ලෝකෙ දුටු හින්දා
ජීවිතේ රසමිහිර හරිහැටිම වින්දා
නාකි වී කුහකකම් නොකරන්න හිතලා
මෝස්‌තර හැම එකම අරන් මම ඇන්දා

නිදිවරන් දහ දුකක් වින්දෙ නැති හින්දා
සිව්වරම් දෙවිවරුත් තරහයිද මන්දා
පපුව පුපුරන තරම් ආදරේ පුරනා
බුදුවෙන්න පතන් නැති මම නුඹේ අම්මා… ❤️

(උපුටා ගැනීමකි)

ලංකාවේ නිවන සහ පිටරට නිවන අතර වෙනස


උදේ පාන්දරම පිටරට හාමුදුරුවෝ නමක් ඉංග්‍රීසියෙන් භාවනා වැඩ සටහනක් කරනවා Youtube එකේ දාලා තියෙනවා දැක්කා. කියන දේ හරි පැහැදිලිව සන්සුන්ව ජීවිතයේ සැනසීම ගැන කියලා දෙනවා. අත් හැරීම ගැන කියලා දෙනවා.

අන්තීමට උන් වහන්සේ සතුව තියන ධනය ගැන කියනවා (සිවුරු දෙකයි, පාත්තරයයි, කුඩයයි, උපැස් යුවලයි). ඒවත් දායකයො මීට ටික කාලෙකට කලින් දීපු ඒවා. උන්වහන්සේට කිසි දෙයක් පූජා කරන්න එපා ඒ සල්ලි වලින් අසරණ මිනිස්සුන්ට සතුන්ට සලකන්න කියලා.

ඉතින් විදේශිකයන් බුදුදහම වැලද ගන්න එක සාධාරණයි. මොකද ඒ මිනිස්සුන්ට ඕනි හිත නිවන දහමක්, ජීවිතයේ අරමුණ කියලා දෙන සැනසීම කියලා දෙන දහමක්.

ඒත් ලංකාවේ.

හුහ් සමහර ප්‍රසිද්ධ පන්සල් වල සමහර ප්‍රසිද්ධ හාමුදුරුවන්ගෙ විචිත්‍ර ධර්ම දේශකයාණන් වහන්සේලාගේ කාලීන බණ තමා අහන්න ඕනි.

අම්මපා ඒ බණ අහලා ඉවර වෙලා ගෙදර ගිය ගමන් කසාද බැදපු උන් ජාතිය ආගම බේරගන්න ඇද කඩනවා. නොබැදපු උන් බදින්න කලින් කෙල්ලගේ පතිවත හරිද බලනවා.

තවත් සමහරු කඩු පොලු අරන් ආගම රකින්න යනවා. තවත් උන් පන්සලේ ගඩොල් කොන්ක්‍රීට් ගොඩ ගහනවා. ඔය උපාසක උපාසිකාවෝ එකෙක්වත් රකින සිල් පදේකුත් නෑ.

ඔය අස්සේ ඒ බණ කියපු කෙනා දායකයන්ගේ පින් වලින් අළුත්ම ඇපල් පෝන් ගන්නවා. අර හබ් එකේ මේ හබ් එකේ premium subscription ගන්නවා. සුපිරි මන්ධිර වගේ පන්සල් හදාගෙන සුපිරි කාර් වලින් එන උපාසිකාවොන්ගේ පව් කමා කරනවා මාරුවෙන් මාරුවට.

ඔය අස්සේ මේ බුදුන් තුන් වරක් වැඩි රටේ සමහර පන්සල් වල හාමුදුරුවන්ට දානේ වේලක් හොයාගන්න දායකයෝ නෑ. පන්සලේ බණ පොත් ටික කාවෝ කාලා, ගොඩනැගිලි ගරා වැටිලා. ඒත් ඒ හාමුදුරුවෝ පුළුවන් හැටියට ජීවත් වෙන ගමන් හොදට බණ භාවනා කරනවා. එන දායකයන්ට සසරින් එතර වෙන හැටි කියනලා දෙනවා.

මේ බුදුන්ගේ ධර්ම රාජ්‍යය කියලා කියපු රටේ ඇත්ත තත්වය ඕක තමයි.

ඔබේ වටිනාකම හඳුනා ගන්න.


මරණ මංචකයේ උන්නු එක්තරා පියෙකු ඔහුට තම සීයා ගෙන් උරුම වූ වසර සිය ගණනක් පැරණි අත් ඔරලෝසුවක් තම පුත්‍රයාගේ අතෙහි තබා මෙසේ පැවසුවා.

“පුතා මගේ මරණින් පස්සේ මේ ඉතා පැරණි අත් ඔර්ලෝසුව ඔයාට. ඒත් ඔයා ඊට කලින් නගරයේ අවහන්හලට ගිහින් මේ අත් ඔර්ලෝසුව එයාලා මිලදීලා ගන්නේ කීයටද කියලා අහගෙන එන්න..”

නගරයේ අවහන්හලට ගිහින් පැමිණි පුතා එය ඔවුන් ඩොලර් පහකට මිලදී ගැනීමට කැමති වූ බව තම පියාට දැන්වූවා.

“දැන් එහෙනම් පුතා ඔයා නගරයේ තියෙන ඔරලෝසු හදන තැනට ගිහින් මේ අත් ඔර්ලෝසුව එයාල ගන්නේ කීයටද කියලා අහගෙන එන්න..” මහලු පියා තම පුතාට උපදෙස් දුන්නා.

නගරයේ ඔර්ලෝසු හදන ස්ථානයට ගිහින් පැමිණි පුතා එය ඔවුන් ඩොලර් පහළොවකට මිලදී ගැනීමට කැමති වූ බව තම පියාට දැන්වූවා.

“හරි එහෙනම් පුතා ඔයා දැන් නගරේ කෙළවර තියෙන කෞතුකාගාරයට ගිහින් එයාලා මේ අත් ඔර්ලෝසුව කීයටද මිලදීගන්න කැමති කියලා අහගෙන එන්නකෝ..”

කෞතුකාගාරයට ගිය පුතා නැවත තම පියා වෙත බොහොම කලබලෙන් දිව ආවා.

“තාත්තේ තාත්තේ… එයාලා මේ අත් ඔරලෝසුව ඩොලර් මිලියනයකට ගන්නවා කීවා.” පුතා සතුටින් කෑ ගැහුවා.

අපට කවදාවත් හැමතැනම වටිනාකමක් හිමි වෙන්නේ නෑ. අපිට වටිනාකමක් හිමිවෙන්නේ අපිට හරි තැන විතරයි. ඔබේ වටිනාකම හඳුනන මිනිස්සු හැමදාම ඔබව අගය කරාවි. ඉතින් ඔබේ වටිනාකම නොහඳුනන තැන්වලින් නොහඳුනන මිනිසුන්ගෙන් ඈත් වෙන්න. හරි තැන තෝරා ගන්න. ඔබේ වටිනාකම හඳුනා ගන්න.

උපුටාගැනීමකි

කෝරෝනා මම උබට ආදරෙයි අහස තරම්


කෝරෝනා උබ නිසා ජීවිතේ පලවෙනි වතාවට ගොඩක් දේවල් අත් දකින්න ලැබුනා අපිට


# නිකමට මාස්ක් එකක් නොදාපු අපිට මාස්ක් නැතුව එලියට බහින්න බැරි කලා
# පෝලිමට පිලිවෙලට ඉන්න බැරි අපිට පෝලිමට ඉන්න පුරුදු කලා


# එකාට එකා පෙල්ලගෙන ඉස්සරහට යන්න හදපු අපිට දුරින් ඉන්න පුරුදු කලා


# සුපර් මාකට් එකෙන් බඩු ගත්ත අපිට ගෙදර ලගටම බඩු ගෙනත් දෙන ක්‍රමයක් හැදුවා


# වෙනදට පොශ් තැන්වලට ගිහින් අස්ප ගනන් දීල කෑම අරන් පොටෝ දාපු අපිට ගෙදර හදපු කෑම වල පොටෝ දාන තැනට වැඩ සිද්ධ කලා


# මල් පැලයක් වත් ගෙදර හදපු නැති අපිට ගෙදර එලවළු පැලයක් හදන තැනට ගෙනාවා


# උදේටයි හවසටයි විතරක් දැකපු අම්මා තාත්තා පවුලේ අය එක්ක පැය විසි හතරම ඉන්න වෙලාවක් හදලා දුන්නා


# මෙච්චර කල් උයන්න බැරිවෙලා හිටපු කෙල්ලොන්ට අම්මලා අත්තම්මලා ගෙන් කුකරි කෝස් එකක් නොමිලේම හම්බ උනා


# රෑට ජ්ම් ගිහින් ඇවිත් පුකට අව්ව වැටෙනකන් නිදන් හිටපු කොල්ලොන්ට ගෙදර වත්තේ ජිම් එකේ ශෙඩුල් එක තාත්තලා දුන්නා


# මේකප් නැතුව උනත් ගෑනු ළමයින්ට ලස්සනට ජීවත් වෙන්න පුළුවන් කියන එක ඔප්පු කලා


# හැමදාම රෙදි හෝදන එක එච්චර අමාරු වැඩක් නෙවෙයි කියලා කොල්ලොන්ට ඔප්පු කලා


# බුලත්විට කාගෙන තැන තැන කෙල ගහන උන්ට ආය ජීවිතේට කෙල ගහන්න බය හිතෙන තැනට වැඩ කලා


# සිගරට් අරක්කු කුඩු ගංජා බිව්වාම ඇබ්බැහි වෙනවා කියපු උන්ට සති මාස ගනන් ඒවා නොබී ඉන්න පුළුවන් කියලා ඔප්පු කලා


# අපි වෙනුවෙන් රට වෙනුවෙන් චන්දේ ඉල්ලන්න ඉන්න එකෙක් වත් කරදරයක් උනාම උබල අපි ගැන බලන්නේ නෑ කියලා ඔප්පු කලා


# කොච්චර දේවාල පස්සේ ගියත් පිහිටක් ගන්න අන්තිමට දෙයියොන්ටත් අපේ පිහිට ඕනි බව ඔප්පු උනා


# ග්‍රහලෝක අස්සේ හැංගිලා කේන්දර වල අපල කියලා උබලා රවට්ටපු ජෝතිශවේදියෝ පට්ට හොරු ටිකක් කියලා ඔප්පු කලා


# උතුරේ වෙනම රටක් ඉල්ලපු හමුදාව පන්නන හදපු දෙමළ ජාතිවාදියෝ ටිකට අන්තිමට හමුදාවෙම සහයෙන් ජීවිත බේරගන්න උනා


# කොච්චර විද්‍යාව දියුණු උනත් සමහර ආගම්වල ඉන්න ගොබ්බ පූජකයෝ නිසා මිනිස්සුන්ගේ බ්‍රේන් වොශ් කරවලා කියලා ඔප්පු උනා


# වෙන රටවල් කොරෝනා වලින් මැරෙන ගාන නිවුස් වලට කියද්දි අපේ රටේ ඇදිරි නීතිය කඩලා හිරේ ගිය ගාන කියන තැනට වැඩ සැලැස්සුවා


# එක ගොනෙක් නිසා රැලක්ම මැරෙන්න පුළුවන් කියලා ඔප්පු කලා


# හැමදේම ගොඩ ගහන් හිටපු අපිට අල්ලපු ගෙදර මනුස්සයා කාලද බීලද කියලා හොයලා අඩුපාඩු මග හැරගන්න බෙදා හදා ගන්න පුරුදුකලා


# කොච්චර සල්ලි තිබ්බත් වැඩක් නෑ කෙල උනාම හැමෝටම කොතනදිත් එකම විදිහට සලකන තැනට වැඩ පත්කලා


# සමහර ලෙඩ හැදෙන්නේ දුප්පත්ද? පෝසත්ද? මොන ජාතියේද? මොන ආගමේද? මොන පලාතෙද? ගෑණුද? පිරිමිද? සුදුද? කලුද? උසද? කොටද? කෙට්ටුද? මහතද? කියලා නෙවෙයි කියලා ඔප්පු කලා


ඉතින් කොරෝනා උඹනම් අපිට ජීවිතයේ ඇත්ත ඇතිසැටියෙන්ම කියලා දුන්න නියම පොරක් බං


Rohana K Amarakoon

නන්දා මාලනී


ඇගේ නම, නන්දා මාලනී❤️

අගමැතිවරයා ප්‍රමුඛ (සම්භාවනීය) අමුත්තෝ උත්සවයේ ආරාධිතයෝය. මේ පිරිස අතර ශ්වේත වර්ණ සාරියක් ඇඳගෙන හුන් කාන්තාවගේ රුව කොටහේනේ ගම්මුන්ට හොඳට හුරු පුරුදුය. ඈ නන්දා මාලිනීය. වාරය පැමිණි විට ඇය වේදිකාවට ගොඩ වී මයික්‍රෆෝනය අතට ගත්තේ මුව පුරා සිනාවක් තවරාගෙනය. බොහෝ දෙනෙක් සිතුවේ ඈ බොදු ගීතයක් ගයනු ඇති බවය. එනමුත් බොදු ගීතයට පෙර ඈ සිය ජීවන ගීතය මෙසේ ගැයුවාය.

‘කොටහේනේ හැට දෙකේ වත්ත මගේ ගම. උප්පත්තියෙන්ම මට උරුම වෙලා තිබුණේ දුප්පත්කම විතරයි. මගේ තාත්තා කෝට් බාසුන්නැහේ කෙනෙක්. පුංචි කා‍ලේ අපට කන්න අඳින්න නැති වුණාම දීපදුත්තමාරාමයේ නායක හාමුදුරුවෝ අපට උදව් කළ හැටි මට කවදාවත් අමතක වෙන්නේ නෑ.’

මේ කතාව අසාගෙන් හුන් අගමැතිවරයා කම්මු‍ලේ අත තියා ගත්තේය. (සම්භාවනීය) අමුත්තෝ මුව නොපියා නන්දා මාලිනිය දෙස බැලුවේ විශ්මයෙනි. ගී ලොව මිණි කිරුළ දරා සිටින ඈ මුඩුක්කුවක උපත ලැබුවායි අසන්නට ලැබිම ඔවුන් විශ්මයට පත් කැරන්නට ඇත. හැරත් ඒ කතාව නොබියව කීමට තරම් නන්දා මාලිනියට මේ සා ආත්ම ශක්තියක් නිහතමානීකමත් ලැබුණේ කොහොමදැයි අමුත්තෝ කල්පනා කරන්නට ඇත.

අපේ කල්පනාවේ හැටියට නන්දා මාලිනියගේ මධුර ස්වරයෙන් ගයන ගී අසා තිබුණද ඇගේ ජීවන ගීතය ඔබ නොඅසන්නට ඇත. මේ කතාව හරියට හින්දි චිත්‍රපටයක් මෙනි. එනමුත් අපේ වීරවරියගේ කතාවේ සත්‍ය පිටපතයි මේ.

මිරිහාන ආරචිචිගේ නන්දා මාලිනි පෙරේරා මෙලොව එළිය දුටුවේ රිදී හැන්ද මුව දරාගෙන නොවේ. එක්දහස් නවසිය හතළිස් තුනේ අගෝස්තු විසිතුන් වැනිදා ඈ උපන්නේ අන්ත දරිද්‍රතාවකින් පෙළුණු පවුලකය.

නව දෙනකුගෙන් යුත් පවුලක ඈ සිව්වැනි දරුවා වූවාය. නන්දාගේ මව ලියනගේ එමලින්ය. පියා වින්සන්ට් පෙරේරාය. ඔහු සන්නාලියෙකි. පනහ දශකයේ ලංකාවේ සුප්‍රකට නිමි ඇඳුම් කම්හලක් වූ හයිඩ්‍රමනි සමාගමේ ඔහු රැකියාව කළේය. නිවාඩු පාඩුවට අමතර ආදායම් උපයා ගැනීමට වින්සන්ට් පෙරේරා ගෙදරද ඇඳුම් මසා කොටහේනේ වතුවල හුන් අයට වික්කේය. මේ නයින් ඔහු ‘කොටහේනේ කෝට් බාසුන්නැහේ’ ලෙස ප්‍රසිද්ධියට පත්වූයේය.

‘ඒ කා‍ලේ තාත්තා මහන ඇඳුම් වත්තේ ගෙවල් ගානේ ගිහින් විකුණුවේ මම. මේ ඇඳුමේ බකල් හයියයි. බොත්තම් හොඳයි. ලස්සනට මහලා තියනවා කියලා කියමින් මම ඇඳුම් වික්කා. ඇඳුම් මල්ල කරතියාගෙන යන මාව ඒ කා‍ලේ ගමේ ගෙවල් ඇතුළටවත් ගත්තේ නෑ. දොරකඩ ළඟ ඉන්න කියලා හෙට්ටු කර කර බොහෝ අඩු මුදලකට ඇඳුම් ඉල්ලනවා. ජීවත් වෙන්න ක්‍රමයක් නැති නිසා ඔවුන් ඉල්ලන ගණනටම ඇඳුම් දෙන්න සිද්ධ වුණා. ඒ මුදලත් මට ලැබුණේ එක සැරේ නෙවේ. මම දෙතුන් වතාවක් ගිහින් පින්සෙණ්ඩු වුණාමයි සල්ලි ලැබුණේ. එදා මට එහෙම මදිපුංචිකම් කරපු අය අද මම දැක්කාම කටපුරා හිනාවෙලා ගේ ඇතුළට එන්න කියලා දොරවල් ඇරගෙන බලා ඉන්නවා. මට ඒ ගැන තරහක් හෝ කම්පාවක් නෑ. ජීවිතේ කියන්නේ දුක සැප දෙකටමයි. මම දැන් ප්‍රසිද්ධ නිසා මේ අය මට ගරු සත්කාර කළත් මම නම් එදා සිටි නන්දා මාලිනීමයි’

නිහතමානීකමෙන් කිරුළු පළන් සිටින මේ මහා ගායිකාව කියන්නේ තනතුරු තිබුණද නැතිවුණද ජීවත් වීමේ කලාව උපේක්ෂා පාරමිතාව පිරීම බව පසක් කැරමිනි.

කුකුළු කොටුවක් මෙන් ඉඩ නැති නන්දා මාලිනිලාගේ ගේපැ‍ලේ තිබුණේ එක කාමරයකි. ආලින්දය, සාලය, කුස්සිය යන මේ කියන කෝකටත් තිබුණේ එක බිමකි. ගෙදර තිබූ එකම ඇඳ වෙන්කැර තිබුණේ දහඩිය කඳුළු වගුරා දරුවන් උස් මහත් කිරීමට මහන මැෂිම පාගා ගෙදරට එන තාත්තා වෙනුවෙනි. නන්දා පැදුර රැගෙන නිදන්නට යන්නේ සාලයේ මේසය යටටය. ඒ හැංගි මුත්තන් සෙල්ලම් කිරීමට නොවේ. මේසය යටට නොගියොත් නිදා ගැනීමට ඒ නිවසේ වෙන ඉඩක් නැති නිසාය.

පුංචි කාලයේ සිටම නන්දා මාලිනිට තාත්තා ගැන තිබුණේ මහා භක්තියකි. ඒ ගෙදර බුදුන් වූයේ තාත්තාය. බුදුන් හැර නන්දා මාලිනිය වන්දනාමාන කැරෙන තවත් චරිතයක් මෙලොව වෙතොත් ඒ ඇගේ තාත්තාය. නන්දා මාලනියට සංගීතය කියා දුන් බොහෝ ගුරුවරු හුන්නද ඈට ජීවිතයේ රිද්මය කියා දුන් මහා ගාන්ධර්වයා තාත්තාය.

‘මගේ පරමාදර්ශය තාත්තා අප ජීවත් කරවන්න ඔහු ගත් උත්සාහය කිසි දෙයකට සම කරන්න බෑ. ඔහු පුදුමාකාර ධෛර්යවන්ත මනුෂ්‍යයෙක්. ඒ කා‍ලේ තාත්තාට ලැබුණේ සතියේ පඩිය. ඔහු ඒ මුදල අතට ගත්තාම මුළු සතියම ජීවත් වෙන්නේ කොහොමද කියලා සැලසුම් කර අරපරිස්සමට වියදම් කරනවා. මට මේ සා දුර ගමනක් ඒමේදී තාත්තාගේ දිවියෙන් ලැබුණු පාඩම් අනන්තයි. අප්‍රමාණයි’ ඈ කියන්නීය.

තාත්තා දුක්මහන්සියෙන් හම්බ කැර ගත් කාසි පනම් බොහෝ අරපරිස්සමෙන් වියදම් කිරීමට නන්දා මාලිනී වගබලා ගත්තාය. එකල ගෙදරට අවැසි හාල් තුනපහේ, එළවළු, කරවල ගෙනෙන්නේ තොටළඟ ‍පොළෙනි. පැටි වයසේ හුන් ඈ මව හෝ වැඩිමහලු සොයුරියක සමග ‍පොළට
යන්නීය. කොටහේනේ අතුරු පාරවල්, වැටකඩුලු අතරින් ඇති කෙටි පාරකින් ඈ යන්නේ පාද යාත්‍රාවෙනි. ලාබෙට තිබෙන එළවළු දෙක තුනක් මල්ලට දමා ගන්නා ඕ ගෙදර යන ගමන් ග්‍රෑන්ඩ්පාස් මහ වගුරේ (වර්තමාන සුගතදාස ක්‍රීඩාංගණය පිහිටි බිම) හොඳට වැවී තිබෙන පළා නෙලන්නීය.පෙරේරා පවු‍ලේ සියලු සාමාජිකයන්ගේ බඩට කෑමක් වැටෙන්නේ රාත්‍රී වේ‍ලේදීය. අම්මා කෑම පිස අහවර වූ විට බෙදීමේ වැඩේ පැවරෙන්නේ ලොකු අක්කාටය. පිඟන් ටික එකට තබා ඕ සම සේ බත් හා වෑංජන බෙදන්නීය. බඩ පිරුණත් නැතත් ලැබුණු බත් හැන්ද සියල්ලෝම කා සැණහුනේ වැඩිපුර ඉල්ලුවාට දෙන්නට මුට්ටියේ දංකුඩවත් නැති බව දන්නා නිසාය.

‘අපි සරල ජීවිතයකට හුරු හුනේ නැතිබැරිකම නිසා. කෑවේ එක වේලයි. අඳින්න මහ ලොකු ඇඳුම් ගොඩක් තිබුණේ නෑ. හැබැයි තියන ඇඳුම පිරිසිදුවට මැදලා පිළිවෙළකට ඇන්දා. අද වුණත් මට මහ ලොකු ඇඳුම් තොගයක් නෑ. මගේ ජීවිතය හරිම චාම් සරලයි’ ඈ කීවාය.

පන්සලට ගියද, මළ ගමට ගියද, රජ ගෙදරට ගියද, සිනමා සම්මාන රාත්‍රියකට ගියද ඈ අඳින්නේ ශ්වේත වර්ණ සාරියයි. නන්දා මාලිනිය ශ්වේත වර්ණයෙන් පමණක් සැරසීමට පටන්ගෙන දැන් තිස් අවුරුද්දක් ගෙවිලාය. කොටහේනේ මුඩුක්කුවේ හුන් අසල්වැසියාටද මහේශාඛ්‍ය රජ මැදුරේ හුන් ජනාධිපතිවරයාටද දක්වන සැලකිල්‍ලේ උස් මිටිකම් ඈට නැත. තරාතිරම කුමක් වුවද කොයි කාටත් ඇගේ නිරහංකාර සිනාව කොයි කාටත් සමානය.ලක්ෂ ගණන් වටිනා සාරිද රන් රිදී මුතු මැණික් පිරුණු අභරින් සැරසුණු ගායිකාවන් නානා විදි කොණ්ඩා මෝස්තරවලින් සැරසෙන විට නන්දා මාලිනිය කොහේ ගියද යන්නේ කොණ්ඩය තනි කරලට ගොතා ගෙනය. ඈ කොණ්ඩයට මෝස්තරයක් දමා ඇත්තේ නම් ඒ විවාහ වූ දිනයේ පමණි.

මධුර මනෝහර සිය ස්වරයෙන් මුළු රටක් මෝහනයට පත් කළ ඇය මේ සා නිහතමානී වූයේ කෙසේද?

‘මම කවදාවත් මුල අමතක කළේ නෑ. අමතක කරන්නෙත් නෑ. දුප්පත්කම මම මගේ ගමනට ආශිර්වාදයක් කර ගත්තා මිසක් ලැජ්ජාවට පත්වන කාරණාවක් ලෙස හිතුවේ නෑ’ ඈ කියන්නීය.

නන්දා මාලිනි අකුරු කරන්නට ගියේ ගෙදර පෙනෙන තෙක් මානයේ පිහිටි කොටහේනේ ගුණානන්ද විදුහලටය. ඒ පාසල නම් කැර ඇත්තේ මිගෙට්ටුවත්තේ ගුණානන්ද හිමි නමටය. උන්වහන්සේ එකල වැඩ හුන්නේ කොටහේනේ දීපදුත්තමාරාමයේය. බෞද්ධ කොඩිය මුල් වරට
එයැවුණේද ඒ බිමේය. ගුණානන්ද විදුහ‍ලේ ඉගෙන ගත් නන්දා සපත්තු නොපැළඳුවාය. දරුවන්ට සපත්තු ජෝඩුවක් මිලදී ගන්නට කෝට් බාසුන්නැහේට කාසි නැතිය. ඒ බව දන්නා ඈ තාත්තාගෙන් කවදාවත් සල්ලි නොඉල්ලුවාය. නානා මාදිලියේ වළලු, මාල, අරුංගල්
විකුණන්නට වත්තට එන වෙළෙඳුන් දෙස ඈ නොබැලුවාය. අයිස්පලම්, කඩචෝරු, බූන්දි ගැන නොසිතුවාය. ‘තාත්තාට කාසි තිබෙනවා නම් අපට අරන් දෙනවනේ’ යැයි ඕ කල්පනා කළාය. සල්ලි නැතිනම් කෝට් බාසුන්නැහේ දරුවන්ට ඒ බව කියයි. එසේ නොමැතිව ඒවා කන්න හොඳ නෑ යනුවෙන් බේගල් නොකියයි. තාත්තාගේ මේ ක්‍රියාවෙන් ඈ ජීවිතයට පාඩමක් ඉගෙන ගත්තා. ඒ ඇත්ත ඇති සැටියෙන් කීමටය.

නන්දා මාලිනී පාසල් යන විට මිරිවැඩි සඟල ලෙස දැම්මේ ‘කට්ට සෙරෙප්පු’ ජෝඩුවකි. ලීයෙන් නිම කැර ඇති මේ සෙරෙප්පු විවිධ වර්ණයෙන් පාට කැර තිබේ. මිල සත තිහකි. ‘කට්ටා සෙරෙප්පු’ දමා ඇවිදින විට දුර තියාම ඈ එන විට ‘ටකස් ටකස්’ ශබ්දය ඇසේ.
මේ නයින් පාසල් ළමෝ නන්දාට ‘කට්ටයා’ යනුවෙන් නම් පට බැන්දහ. ඈ ඒ ගැන කම්පා නොවූවාය.

මෙකල ‘කට්ටයාගේ’ කටහඬ පිළිබඳ මාග්‍රර්ට් පෙරේරා පන්ති භාර ගුරුතුමිය අවධානයෙන් හුන්නාය. සතියකට වරක් හැම බදාදාවකම පැවැත්වෙන සමිතියේ ගී කවි කියන නන්දා මාලිනී ‘හැදෙන ගහ දෙපෙත්තෙන් පෙනෙන’ බව පසක් කළාය.

හය වැනි පන්තියේ අකුරු කරන නන්දා දීප්තිමත් අනාගතයකට උරුමකම් කියන බව අවබෝධ කැර ගෙන හුන් මාග්‍රර්ට් පෙරේරා ගුරුතුමිය ඈ කැටුව රේඩියෝ සිලෝන් හි (වර්තමාන ශ්‍රී ලංකා ගුවන් විදුලි සංස්ථාව) සරස්වතී මණ්ඩපයට ගියාය. ඒ වැඩසටහන මෙහෙය වූවෝ කරුණාරත්න අබේසේකර හා සරත් විමලවීරය. බොහෝ කාලයක් යනතුරු නන්දාට සිද්ධ වූයේ අනුන් කියන ගීවලට අත්වැල් දෙන්නටය. එනමුත් ඕ ඒ ගැන කල්පනා නොකළාය. ‘මම කොහොම හරි තනියම සිංදුවක් කියනවා’ ඈ අදිටන් කැර ගත්තාය. නන්දා මුලින්ම ගැයූ ගීතය ලීවේ අශෝක කොළඹගේය. සංගීතය ඩී.ඩී. ඩැනීගෙනි. ‘බුදු සාධු බුදු සාධු මම සඳුන් ගසක් වෙන්නම්. සමන් වැළක් වෙන්නම්…..’.

නන්දාගේ මිහිරි කටහඬ වෑයර්ලසයෙන් මුළු රටටම ඇසුණි. ගොඩෙහි තිබුණත් මඩෙහි තිබුණත් මැණික මැණිකමය. එහි වටිනාකමේ අඩුවක් නැත්තේය. මෙකල රේඩියෝ සිලෝනි හි ‘සුපර් ස්ටාර්’ ගීත තරගයක් තිබුණි. එය නම් කැර තිබුණේ ‘එයාර් ශිප් ගීත තරගය’ යනුවෙනි. ජයග්‍රාහකයාට ලැබෙන්නේ බොම්බායට යාමට ගුවන් ප්‍රවේශපත්‍රයකි. ආරියසේන මිල්ලවිතානාචිචි නිෂ්පාදනය කළ එයාර් ශිප් ගීත තරගයේ නිවේදකයා ‍ප්‍රොස්පර් ප්‍රනාන්දුය. මේ තරගයේ ‘සුපර් ස්ටාර්’ වූයේ නන්දා මාලිනීය. දෙවැනියා වික්ටර් රත්නායකය. බොම්බායට යාමට ගුවන් ප්‍රවේශ පත්‍රය ලැබුණු විට නන්දා කල්පනා කළේ නිකරුණේ රට යනවාට වඩා ඒ මුදලෙන් ගෙදරට යමක් කැර ගන්නට මගක් ගැනය. ඈ පියා සමග ගුවන් ප්‍රවේශ පත්‍ර සමාගමට ගියාය. එහි හුන් ලොකු මහත්තයකු හමු වී නන්දා මෙසේ කීවාය.

‘සර් අපි හරිම දුප්පත්. ඉන්දියාවට ගිහින් අපට තේරුමක් නෑ. මේ ටිකට් එකේ සල්ලි දෙනවා නම් අපට හරිම වටිනවා’

මේ ‍පොඩි කෙල්ලගේ ආයාචනය ඇසූ ඔවුන්ගේ හද උණුවිය. ඔවුහු ඈට ප්‍රවේශ පත්‍රයේ මුදල දුන්හ. සල්ලි ලැබුණු ඈට රටක් රාජ්‍යයක් දිනුවාක් මෙන් සතුටක් දැනුණි. ඒ සමග කලක් හිතේ තියාගෙන තිබූ කාරණාවක් මතක් විය.

‘තාත්තේ අපි බොමු රස සරුවත් දෙකක්’ නන්දා කීවාය.

ඈ ඊළඟට කල්පනා කළේ මේ මුදලින් කැරෙන දේ ගැනය. ‘තාත්තා ‍පොල්කටු අඟුරු ඉස්තිරික්කයෙන් ඇඳුම් මදින්නේ පුදුමාකාර දුකක් විඳලා. මම තාත්තාට විදුලි ඉස්තිරික්කයක් අරන් දෙනවා’ නන්දා තාත්තාට කීවාය.

‘විදුලි ඉස්තිරික්ක ගහන්න ගෙදර ලයිට් තියනවාද ළමයෝ’ තාත්තා ඇසුවේ ඇගේ හිස පිරිමදිමිනි. ‘එහෙනම් අපි ලයිටුත් ගනිමු’ ඈ යෝජනා කළාය. අතට ලැබුණු මුදලින් ගෙදරට විදුලියත් විදුලි ඉස්තිරික්කයත් ගත් නන්දා ඉතිරි වූ මුදලද වෙන් කළේ තාත්තාට උණු වතුර බෝතලයක් මිලදී ගන්නටය.

‘රෑ වෙනකම් තාත්තා ඇඳුම් මහන නිසා තේකක් හදලා දාලා තියන්න පුළුවන්’ ඕ මවට කීවාය.

නන්දා මාලිනිගේ ජීවිතයේ හැරවුම් ලක්ෂය සිද්ධ වූයේ එක්දහස් නවසිය හැට දෙකේදීය. ඒ ‘රන්මුතු දූව’ චිත්‍රපටයේ පසුබිම් ගීතයට තෝරා ගැනීම නිසාය. ඒ චිත්‍රපටයේ සංගීත අධ්‍යක්ෂණය කළ පණ්ඩිත් ඩබ්ලිව්.ඩී. අමරදේව නන්දා මාලිනීව තෝරා ගත්තේය. ‘ගලන ගඟකි ජීවිතේ’ ගීතය කීමට නන්දා මයික්‍රෆෝනය ළඟටවත් උස නැති නිසා සංගීතය පටිගත කළ මර්වින් රුද්‍රගෝ ඈට ලී පෙට්ටියක් ගෙනැවිත් දුන්නේය. පෙට්ටිය උඩ නැග කියූ ගීතයට ඈට සරසවි සම්මාන උළෙ‍ලේදී හොඳම ගායිකාව ලෙස සම්මානයට පාත්‍ර වූවාය. එතැන් සිට ඈට සම්මාන ලැබුණේ ගඟ ගලන්නාක් මෙනි. ජනපති සම්මාන, සරසවි සම්මාන දුසිම් ගණන් පමණක් නොවැ ගත වූ සිව් අවුරුද්දේම පිටපිටම ජනතා සම්මානයට පාත්‍ර වූ ගායිකාව ඇයයි. බලයට පත් වූ රාජ්‍ය නායකයෝ තමන්ට නැති වංශයක් මවා පාන්නට ඉතිහාසය අලුතෙන් ලියන
රටක මුඩුක්කුවක උපන් නන්දා මාලිනිය මේ කියන කතාව බොහෝ දෙනාගේ ඇස් ඇරෙනු ඇත.

‘මනුෂ්‍යයකු පීඩාවට පත් කිරීම හේතුවෙන් ලබන වේදනාව පුංචි කා‍ලේ මම හොඳට ලැබුවා. මම ජීවිතේ පන්නරය ලැබුණේ දුප්පත්කමින්. අතීතය අමතක කරන කිසිම කෙනෙකුට අනාගතයක් නෑ. අපි වැරදි වැඩ කරන්නේ නැතිනම් ඇත්ත කියන්න බය වෙන්න ඕනේ නෑ.
කොටහේනේ මුඩුක්කුවක ඉපදුණු මම මේ තරම් දුර ආ ගමන ගැන කල්පනා කරන කොට දැනෙන්නේ ලොකු සතුටක්. මට මේ තරම් දුර ගමනක් යන්න ලැබුණේ උත්සාහය හා කැප කිරීම නිසා.මගේ තාත්තාගෙන් ලැබුණු නිවැරදි මගපෙන්වීම නිසයි.අද සල්ලි තිබුණා කියලා මගේ ජීවිතේ ලොකු වෙනසක් වෙලා නෑ. මම මගේ දුවලා දෙන්නා පාසල් යැව්වෙත් පයින්. ගෙදර වාහන තිබුණත් අපි ළමයි හැදිය යුත්තේ ‍පොළොවේ පය ගහලා ජීවත් වෙන්න ඕන විදියට. මම ඉපදුණේ මුඩුක්කුවක. මගේ තාත්තා කෝට් බාසුන්නැහේ කෙනෙක් කියන එක මට ආඩම්බරයක් මිසක් ලැජ්ජාවක් නොවේ’ නන්දා මාලිනී කියන්නීය.

මීට සති කීපයකට ඉහතදී ඈ පන්නල මාස් ඇඟලුම් කම්හ‍ලේ උත්සවයකට ගියේ ප්‍රධාන අමුත්තිය ලෙසය. ගීතයෙන් තරුණ සිත් සුවපත් කළ මේ මහා ගායිකාව ගැන සිත පැහැදුණු තරුණියෝ ඇගේ කටහඬ ඇසීමට මහත් සේ ප්‍රිය කළෝය. නන්දා මාලිනිය සිය ජීවන ගීතය ගැයුවාය. ‘ගාමන්ට් එකක වැඩ කරන එක ලැජ්ජාවකට කාරණාවක් නොවේ දුවේ. මගේ තාත්තත් කෝට් බසුන්නැහේ කෙනෙක්’ ඈ කීවාය. තරුණියෝ ඒ කතාව අසා අලුත් හුස්මක් ගත්හ. මහා ආත්ම ශක්තියක් තම සිරුරට ඇතුළු වෙනවාක් මෙන් ඔවුනට දැනුණි.

නන්දා මාලිනී අද හෙළයේ මහා ගායිකාවකි. ඇගේ මධුර ස්වරයෙන් ගැයෙන ගී මිනිසුන්ගේ සිත් සුවපත් කැරෙන දිව ඔසුවක් වැනිය. ජීවිතය වූ කලී රෝසමල් ඇතිරූ මාවතක් දිගේ වැටී ඇති මාවතක් නොවේ යැයි පසක් කැරෙන ඇගේ ජීවන ගීතය ජීවිතය ජය ගන්නට වෙර දරන ඔබට පරමාදර්ශී කතාවකි. ඒ ලෝකයටම ඇතේතේ එක නන්දා මාලිනියක් වීම නිසාය.

ඈ ගයන්නීය මෙසේ..

“දහසක් ඉපදී මිය යන ‍පොළොවේ
මමත් මියෙන්නට උපන් කෙනෙක් වෙමි
මම මළ බව මුළු රටට දැනෙන ලෙස
මිය යන්නට මම පෙරුම් පුරන්නෙමි”

(අන්තර්ජාලයෙන් උපුටාගැනීමකි )

හරකෙක් නැතිවෙලා පැමිණිලි කරන්න ගිය මොණරාගල මහ දිසාපතිතුමා


මෙය දශක දෙකකට පමන පෙර ඇසූ සත්‍ය කතාවක්.

හීන්බන්ඩාගේ රැවුල හා ගැමි පෙනුම නිසා ඔහුට ඇත්තේ වයසට වඩා මහලු පෙනුමක්. ජාතික ඇඳුම ඇන්දත් නිතර බුලත්විට කෑම නිසා පිරිසිදු බවක්නම් පෙන්නුම් නොකරයි. කුරුනෑගල දිසාවේ ඈත පිටිසර ගමක හැදී වැඩී තාමත් එහිම පදිංචි හීන්බන්ඩා සති අන්තයේ සුපුරුදු පරිදි ගෙදර එනවිට ඔහුගේ තිරික්කලයේ බඳින නාම්බන් වස්සා හොරු ගෙනිහින් තිබුනි.

සෑම සෙනසුරාදාවකම උදේ නගරයේ පොලට ගොස් ගෙදර අයට සතියක් කෑමට අවශ්‍ය එලවලු, තුනපහ, සමග බුලත් විට කෑමට අවශ්‍ය හුනු දුම්කොල ආදිය ගෙන ඒම ඔහුගේ සිරිතයි. ගොන් වස්සා නැතිවීම ගැන පැමිනිලි කිරීමට පොලිසියට යාමට සිතා හිටි හෙයින් ඔහු උදයෙන්ම නගරයට ගියේය. නගරයේ කුඩා කඩයකින් ලැවරියා දෙකක් කා තේ කෝප්පයකින් සප්පායම් වී රට දුම්කොල බුලත් විටක්ද කටේ රුවා ගත්තේය….

පොලිසියට ගොඩවනවිට උදේ නවයත් පසුවි ඇතිබව දුටුවේ එහි බිත්ති ඔරලෝසුවෙනි.

පැමිනිලි අංශයට දුර තියාම එබිකම් කල හීන්බන්ඩා එහි ආලින්දයේ වූ පුටු දෙකින් එකක වාඩි විය. එහා මෙහා ගමන් කරන පොලිස් නිලධාරීන් හැරුනුවිට මේසයක පුටුවක සිට රාජකාරි කරන නිලදාරියෙක් ඔහු දුටුවේ නැත. සෑහෙන වෙලාවක් ගිය පසු පොලිස් නිලධාරියකු ඔහු ඇමතීය…

“ඇයි ලොකු උන්නැහේ…”

“පැමිනිල්ලක් දාන්ට රාලහාමි…”

“පැමිනිලි ලියන රාලහාමි තාම ඇවිල්ල නෑ… එනකම් ඉන්ට වෙයි. හා… බුලත් විට කනව නේද…. මිදුලෙ කෙල ගහනවා හෙම නෙවෙයි….”

තවත් පැය බාගයක් පමන ගියවිට පොලිස් කාන්තාවෝ දෙදෙනෙක් අල්ලාප සල්ලාපයේ යෙදෙමින් හිමින් ගමනින් ඔහු සිටින තැනට ආහ.
එහි වූයේ පුටු දෙකකි. එකක හීන්බන්ඩා ඉඳගෙනය….

“ලොකු උන්නැහැ පොඩ්ඩක් ඔතන ඕනෑ..” කියන්ටත් ඔහු නැගිට පුටුව ඉඩ දුනි.

විනාඩි දහයක් පමන ඕපාදූප කතාකිරීමෙන් පසුව එක් පොලිස් කාන්තාවක් හීන් බන්ඩා දෙස බැලීය….

“මේ උන්නැහැ මොකද…”

“පැමිනිලි ලියන රාලහාමි එනකම් නෝනා….”

“අද පැමිනිලි ලියන්නේ මමයි… මොකක් ගැනද පැමිනිල්ල….”

“මගෙ හරකෙක් හොරු ගෙනිහිං නෝනා….”

“හයියෝ ලොකු උන්නැහේ… හරකෙක් නැති උනානම් ගමේ ඇවිදල හොයාගන්නව මිසක් මෙහෙ ආවෙ අපිට වද දෙන්නද….”

“හා.. හා… එනව බලන්න…”

මෙසේ කියූ පොලිස් කාන්තාව ඇගේ මේසයේ පුටුවේ ඉන්දගත්තාය. පැමිනිලි කරුට ඉඳ ගැනීමට පුටුවක්ද එහි නැත.

හීන් බන්ඩා හිටගෙනම පැමිනිල්ල ඉදිරිපත් කලේය.

“ලොකු උන්නැහේ ඉස්සරහට ඇවිල්ලා කෙලින් ඉන්න…. වටපිට බලන්නයි වැනෙන්නයි එපා… මට තව වැඩ තියෙනවා…”

“තමාගේ නම…?”

“දිසානායක මුදියන්සේලාගේ හීන්බන්ඩා”

“පදිංචිය…?”

“හෙට්ටිපොල…”

“වයස…?

“54 යි…”

“රැකියාවක් කරනවද…”

“ඔව් නෝනා…”

“මොකක්ද….?”

“මොනරාගල නෝනා….”

“”හයියෝ… වද දෙනවා… ලොකු උන්නැහේ… අහන ප්‍රස්නෙට උත්තරේ දෙනවකො… රැකියාව මං ඇහුවෙ …?”

“දිසාපති කන්තෝරුවෙ නෝනා….”

“හයියෝ… හැමනෙනවා… සාජන් මහත්තයා මේ බලන්නකෝ…. පැමිනිලි ලියන්නෙ කොහොමද අහන ප්‍රස්නෙට නෙවෙයිනෙ උත්තර දෙන්නෙ….

ඇතුලේ ශාලාවෙන් එලියට ආ සාජන් මහතාද ඇයට සහාය විය….

“මේ නාකියා… අපිට වැඩ තියෙනවා…. ඔය නෝන අහන ප්‍රශ්නෙට උත්තරේ දෙනවා….”

“මොකක්ද රැකියාව…?”

“දිසාපති කන්තෝරුවෙ නෝනා….”

“දිසාපති කන්තෝරුවෙ කියල බෑ ලොකු උන්නැහේ…. එතන මොකක්ද කරන්නෙ කියල කියන්න ඕනැ…

ලොකු උන්නැහැ එතන පියන් කෙනෙක්ද, කම්කරුවෙක්ද, ක්ලාක් කෙනෙක්ද, එහෙම නැත්තං මහ දිසාපතිද කියල කියන්න ඕනැ….”

“නෝන එහෙම ලියාගන්නකො…”

“මොකක්ද…”

“මහ දිසාපති කියලා…”

“ලොකු උන්නැහැ මේ…. විහිලු කරන්ටත් ගත්තද…. එතන කරන රස්සාව කියනවා මට ලියාගන්ට….”

“නෝන… මහ දිසාපති කියල ලියාගන්ටකෝ…. ” කියමින් හීන් බන්ඩා මහ හඬින් සිනාසුනේය…

හීන් බන්ඩාගේ මහා සිනාවටත්, අවසන් පිලිතුරටත් නලල රැලි ගන්වාගත් පොලිස් නිලධාරිනියට දෙපතුල දිගේ දැනුනු හිරි වැටීමක් මුලු සිරුර පුරාම ගමන් කරනු දැනුනි….

අසුනෙන් නැගිටගත් පොලිස් නිලධාරිනිය වහා දිවගියේ ස්ථානාධිපතිවරයාගේ කාමරයටයි….

තත්පර ගනනකින් ස්ථානාධිපතිවරයා හීන් බන්ඩා ඉදිරියට පැමිනියේය….

“මේ මහත්තය කවුද….” ස්ථානාධිපතිවරයා විමසීය…

“මම ඩී ඇම් හීන් බන්ඩා…. මොනරාගල මහ දිසාපති. මම පදිංචිය හෙට්ටිපොල. මම උදේ නවයට පොලිසියට ආවෙ මගෙ හරකෙක් නැතිවෙලා පැමිනිල්ලක් දාන්න. දැන් වෙලාව එකොලහමාරයි.. දැන්නම් මගෙ හරක මට නැති උනත් කමක් නෑ… ඕවයිසී මහත්තයා ඔයාගෙ නිලධාරීන්ට කියාදෙන්න මිනිස්සුන්ට ආචාරශීලීව රාජකාරි කරන හැටි….”

“අනේ… දහස් වාරයක් සමාවෙන්න සර්….

සර් ගෙදර යන්න…. මම හරකා හොයලා දෙන්නම්….”

හීන්බන්ඩා මහ දිසාපති තුමා පොලටත් ගිහින් ගෙදරට එනවිට නැතිවූ හරකා කඩුල්ලේ කනුවක බැඳ සිටිනු දක්නට ලැබුනි….

සටහන – Padma Kumara…