අරගලය අල කරන්නේ කව්ද?


අරගලයේ මුල ඉදලා ඔතන ඉන්න බහුතරයක් පිරිස තමන්ගේ ජාතිය,ආගම, දේශපාලනය පැත්තක දාලා තමන්ට පුලුවන් හැම වෙලාවෙම එතනට ආවා තමන්ගේ රැකියාවෙන් තමන්ට ලැබෙන ආදායම් මාර්ගයෙන් පවා පොඩ්ඩක් නිවාඩුවක් අරන්. ඒ වගේම හැමදාම හවසට ඔතනට එන බහුතරයක් මිනිස්සු එන්නෙත් නිර්පාක්ෂිකව. අන්න ඒ නිසා මේ අරගලයට නිර්පාක්ෂික උන් එන්නේ නෑ කිව්වොත් ඒක බොරුවක්.

හැබැයි ඔතන උදේ දවල් රෑ පැල් බැදගෙන අරගල භූමියේ සති ගණන් ඉන්න සමහරු ගැන පොඩ්ඩක් හොයලා බලන්න. උන්ට කන්න බොන්න ඔතනින් හම්බ උනාට ජීවත් වෙන්න සල්ලි හම්බ කරන්නේ කොහොමද කියලා ඔතනම ඉදලා. එක්කෝ උන් දේශපාලන පක්ෂයක් විසින් එවපු ගෙවීම් ලබන පිරිසක් නැත්නම් ඇත්තටම කරන්න රස්සාවක් නැතුව එදා වේල පිරිමහගන්න එන පිරිසක්. ඔන්න ඔය පිරිසගෙන් තමයි අරගල භූමිය බේරගන්න ඕනි හොදට හොයලා බලලා. මොකද අරගලයේ මූලික අරමුණ gota gohome, gohome rajapaksha’s, give our stolen money back (මේකට 225 ම අදාලයි)

හැබැයි දැන් ඒ අරමුණු වලින් දෙවෙනි එකේ කොටසක් වෙලා තියෙනවා. අනික් ඒවා තාම එහෙමම කරගන්න තියෙනවා.

එහෙම තියෙද්දි දැන් ඔය සමහරක් අරගලේ අළුතෙන් පැලපදියන් වෙච්ච අය අරගලයේ මූලික අරමුණු අතරේ තමන්ගේ අරමුණු ඉෂ්ට කරගන්න යනවා.

මුලදි අරගලය පටන් ගනිද්දි ආපෝ අපි එකෙක් වත් ඔය අරගලයට නෑ ඒක ජනතාවගේ නිර්පාක්ෂික අරගලයක් කියලා statement දීපු අය දැන් දැන් කියන කතා පොඩ්ඩක් බලන්න. අන්න ඒ කතා වලට තමයි hijak කරන්න හදනවා කියන්නේ.

ඒ වගේම රනිල් සහයෝගය දෙනවාලු අරගලයට. ඒ ඌට ජනාධිපති වෙන්න තියෙන කෑදර කමට. මේ වෙලාවේ ගෝථාභය ගියොත් එයා ජනාධිපති ඒනිසා එයාහේ හෙන්චයියෝ දැන් අරගලයට අහසින් පාත්වෙලා ඕක නග්ගලා ගන්න හදයි.

කෝ අරගලය භූමියේ රනිල් වගේ මහබැංකු හොරකම කරපු රටේ ජාතික ආරක්ෂාව බල්ලට දාලා මිනිස්සු සියගණනක් මරන්න වක්‍රාකාරයෙන් උදව් කරපු මිනිහට ලොකු විරෝධයක් නෑනේ.

දැන් අරගලය ගෝථාභයට ලඝු වෙලා තියෙනවා. හරිනම් වෙන්න ඕනි අරගලය තවත් ශක්තිමත්ව ranil go home කියන එකත් ඔතනට ගන්න එක.

රටේ අගමැති කම ජනාධිපති කම අරන් රට කරන්න 225න් අඩුවෙන්ම හොරකම් කරපු රටම පිලිගන්න එකෙක් දෙන්නෙක් හොයාගන්න පුලුවන් වෙයි. අන්න උන් පාර්ලිමේන්තුවේ නැත්නම් රටේ මිනිස්සු පිලිගන්න හොරෙක් නොවන කෙනෙක් ජාතික ලැයිස්තුවෙන් දාලා හරි හොරෙක් නොවන රට කරන්න පුලුවන් කෙනෙක් තෝරාගන්න පුලුවන්. ඒත් ඒකට බල කිරීමක් වෙන බවක් නම් පේන්න නෑ.

ගෝටාගෝගම නිර්පාක්ෂිකම වියයුතුය. ඩීල් නැති වියයුතුය. මේ කාරනා ඇත්තටම වියයුතුද නැද්ද යන වග තේරුම් ගැනීම ඔබ සතුය.

අරගලයේ මුලික අරමුණු ජයගන්නා තෙක් අරගලය පැවතිය යුතුය. එයට අපි සියල්ල එකා මෙන් ආගම, ජාතිය, දේශපාලනය පසෙක දමා එකතු විය යුතුය.

කුට්ටම් මාරුව


2002 ඉදලා 2022 වෙනකන් අපි කරලා තියෙන්නේ

මහින්ද එලවලා රනිල් ගෙනාපු එකයි
ඒ ආපු රනිල් එලවලා ආපහු මහින්ද ගෙනාපු එකයි විතරයි

උන් දෙන්නම කරලා තියෙන්නේ මාරුවෙන් මාරුවට රටේ සල්ලි හොරාකාපු එක විතරයි

යකෝ අපිම ගිහිල්ලා අපිටම ගහගෙන අපිම බේරේ වැවට පනින්න ඕනි අපි මේ කරගත්ත දේට

හිල් ඇති කලේට වතුර පුරවමු


වතුර බෝතලේ හිලක් තියෙනවා කියලා වතුර පුරවන්නේ නැතුව හිටියොත් බෝතලේ තියෙන වතුරත් හිලෙන් එලියට ගිහින් බොන්නවත් වතුර නැති නිසා මිනිස්සුන්ට මැරෙන්න වෙන්නේ.

බෝතලේ හිල වහනකන් හරි අලුත් බෝතලයක් ගන්නකන් හරි තියෙන බෝතලේට වතුර දාන්නම වෙනවා ජීවත් වෙන්න ඕනි නම්. මොකද වතුර නැතුව ජීවත් වෙන්නම බෑ.

බෝතලේ හිල වහන්න එකපාර බෑ. ජනාධිපති අයින් උනා කියලා ආයෙමත් තාවකාලික ජනාධිපති කෙනෙක් පත් වෙන්නේ පාර්ලිමේන්තුවේ ඉන්න කෙනෙක්. ඊට අස්සේ අළුත් ජනාධිපති කෙනෙක් පත් වෙන්නෙත් පාර්ලිමේන්තුවෙන්ම තමයි.

දැන් 225ම එපා කිව්වාට මේ හදිසියේ පාර්ලිමේන්තුව විසුරුවා හරින්නත් බෑ විසුරුවා හැරියත් මාස කීපයක් යනවා අළුත් පාර්ලිමේන්තුවක් හදන්න. ඒකට කෝටි 1000ක් විතර වියදම් වෙනවා. මැතිවරණයක් තියලා මේක විසදනකන් අපිට මේ තියෙන ක්‍රමයට යන්න වෙනවා.

එතකන් රටේ ආනයන වියදම් වලට ඕනි මුදල් ලංකාවට නැත්නම් මීට වඩා දරුණු තැනකට ලංකාව පත් වෙනවා.

ඒ නිසා ලංකාවට ඩොලර් එන මාර්ග ඔක්කෝම මේ වෙලාවේ පුලුවන් තරම් සක්‍රීයව තියාගන්නම වෙනවා

ඔය හිල් වහනකන් අපි වතුර පුරවමු. නැතනම් හිල වැහෙනකන් වතුරත් නැති නිසා මිනිස්සුන්ට මැරෙන්න වෙන එක අනිවාර්යයි.මොකද දැනටමත් රෝහල් වල බෙහෙත් නෑ. තව ටික දවසකින් බලශක්තිය නැති නිසා රටේ නිෂ්පාදනය බිද වැටෙනවා. අපනයන ආදායම අඩුවෙනවා. හැබැයි රටට තියෙන ආනයන වියදම ගෙවන්න ඩොලර් නෑ.

කසාවත් සහ වොශින් මැශීන්


අරගල බිමට පැමිණෙන සියළුම කසාවත් බුද්ධ පුතුන් නොවේ

දේශපාලකයන්ගේ වොශින් මැශීන්ද පැම්ණ කලබල ඇතිකල හැක.

එමනිසා ඔවුන්ට අනුකම්පා කරන්න ඔවුන්ට සිනහවකින් තේ කෝප්පයකින් පමනක් සංග්‍රහ කරන්න

අපි අපේ මේ සටන ජයගන්නාතුරු අවිහිංසාවාදය පවත්වාගමු

අරගලයට ජය

“2089 වෙද්දි ලංකාව කොහොම තියෙයිද? “


අද අගමැති ජාතිය අමතමින් : අපි යුද්ධේ ඉවර කරපු නිසා තමයි අද උඹලා මෙහෙම හරි උද්ඝෝෂණ කරන්නේ, ඒ නිසා 2024 ආයේ ගෝඨට දෙන්න. කලගුණ අමතක ජාතියක් වෙන්න එපා.

2024 ස නැවත ජනපති

2029 ස’ ජාතිය අමතමින් : අපි යුද්ධේ ඉවර කරපු පරම්පරාවේ මිනිස්සු. එදා අපේ අයියත් මේ දේවල් මතක් කරා. අපි යුද්ධේ නිසාමත් නෙවේ මෙතන ඉන්නේ. මිනිස්සුන්ට ආදරේ නිසා. ඒ නිසා ඔයාලා 2029 බැසිල්ට දෙන්න

2029 බැසිල් ජනපති

2034 බැසිල් ජාතිය අමතමින් : මේක කලගුන දන්න රටක්. යුද්ධේ ඉවර කරපු අපේ අයියලා දෙන්නම දෙපාරක් ජනාධිපති වුනා. මේ වෙලාවේ රටේ තරුණයන් පාරට බහින එක වැරදි, ඒ නිසා මේ පාරත් මට දෙන්න

2034 නැවත බැසිල් ජනපති

2039 ලොක්කලා තුන්දෙනාම හැරමිටෙන් ඇවිත් ජාතිය අමතමින් : අපි යුද්ධේ ඉවර කරලා මේ ලොකේ දාලා යන්න හදන්නේ. හැබැයි අපි යුද්දේ දිනපු එක උඹලා අමතක කරන ජාතියක් වෙන්න එපා. ඒ නිසා අපේ නාමල් පුතාට චන්දේ දෙන්න

2039 නාමල් ජනපති

2044 නාමල් ජාතිය අමතමින් : අපේ තාත්තලා අද ජීවතුන් අතර නෑ. මෙතන ඉන්න ළමයින් ඔයාලගේ අම්මලගෙන් අහලා බලන්න අපේ තාත්තලා යුද්ධේ දිනපු හැටි. ඒ නිසා මෙදාපාරත් මට දෙන්න

2044 නාමල් ජනපති

2049 නාමල් ජාතිය අමතමින් : අපේ තාත්තා ජනාධිපතිවෙලා ඒ බැටන් එක දුන්නේ මල්ලිට. අපි යුද්ධේ දිනපු පරම්පරාවක් හැටියට ඒක දිගටම පවත්වගන්න ඕන. ඒ නිසා 2049 යෝශිත චන්දේ දෙන්න

2049 යෝෂිත ජනපති

2054 යෝශිත ජාතිය අමතමින්: බලන්න අපි පරම්පරාවක් විදිහට මේ එන ගමන. යුද්ධේ දිනපු අපිට කවදාවත් මිනිස්සු අගෞරව කරලා නැහැ. දෙපාරක් අපිව ජනපති කරා. ඒ නිසා මේ පාරත් මට චන්දෙ දෙන්න

2054 ආයේ යෝෂිත ජනපති

2059 යෝ ජාතිය අමතමින් : අපිට නම් බල තණ්හාවක් නැහැ. යුද්ධේ කාලේ අපි ජිවිත පරදුවට තබලා සටන් කරේ. ඒ නිසා 2059 අපේ චිචී මල්ලිට චන්දේ දෙන්න

2059 චිචි ජනපති

2064 චිචී ජාතිය අමතමින් : ගතවූ වසර 55 ම මේ රට රජකලේ රාජපක්ශලා. ඒ තමයි යුද්ධේ දිනපු හයිය. අපි පසුබහී කියලා හිතනවා නම් විහිලුවක්. ලංකාවේ මිනිස්සුන්ට එහෙම ලේසියෙන් යුද්ධේ අමතක කරන්න දෙන්න බෑ. ඒ නිසා මට ආයේ චන්දෙ දෙන්න.

2064 චිචී නැවත ජනපති

2069 චිචී, යෝ, නාමල් හැරමිටෙන් ස්ටේජ් නැගලා ජාතිය අමතමින් : අපිට බල තණ්හාව නෑ. අපි බලය ගත්තෙ යුද්ධේ ඉවර කරන්න ඕන නිසා. අපි අද විශාම යනවා. ඒ නිසා චිචීගෙ පුතා නිර්වාන්ට චන්දේ දෙන්න.

2069 නිර්වාණ් ජනපති

2074 නිර්වාන් ජාතිය අමතමින් : අපේ සියා යුද්ධේ ඉවර නොකලා නම් උඹලට අද මෙහෙම රැස්වීම් වලට එන්න බැහැ. අපේ තාත්තලා බාප්පලා මහන්සිවුන හැටි ඔයාලගේ අම්මලගෙන් අහලා බලන්න. ඒ නිසා මේ පාරත් මට චන්දේ දෙන්න.

2074 නිර්වාණ් නැවත ජනපති

2079 නිර්වාණ් ජාතිය අමතමින් : අපෙ සීය ගැන ඔයාලා අහලා ඇති. එයා තමයි මේ රටේ යුද්ධේ ඉවර කලේ. එයා බලය දීලා ගියා එයාගේ මල්ලිට. අනික අපේ තාත්තා. එයාට වුනත් ජනපතිකම හිමිවුනේ අපේ බාප්පගෙන්. යුද්ධේ දිනපු අපි පලා ගිහින් නෑ. ඒ නිසා 2079 මගේ සහෝදරයා වන කේසරට චන්දේ දෙන්න

2079 ඛේසර ජනපති (නාමල්ගේ පුත්)

2084 ඛේසර ජාතිය අමතමින් : මට දැන් වයස 65 යි. මන් තාම තරුණයි. අපේ සීයලා යුද්ධෙට ගියෙත් මෙහෙම වයසක. අපි වුනත් ඉදිරියේදි යුද්ධයක් ආවොත් ඒකට මුහුණ දෙන්න යුද්ධේ දිනපු නායකයින්ගේ ලෙ තියන නායකයෙක් පත් කරගන්න ඕන. ඒ නිසා මට චන්දේ දෙන්න.

2084 ඛේසර නැවත ජනපති.

2089 ඛේසර ජාතිය අමතමින් : මීට අවුරුදු 100 කට කලින් ඔයාලට මතක ඇති. ඔයාලගේ ආච්චිලගේ ආච්ච්චිලගේ ID නැතිවුනා. ඒ යුගය නිමා කරේ අපේ පරම්පරාව යුද්ධේ කරලා. ඒ නිසා …See More

සටහන : Hamza Haniffa

අරගලය කරන්නන් වාලේ නොකරන්න


මේ වෙලාවේ රටට ඉක්මනින්ම ඕනි මේ අර්බූදය විසදගන්න IMF, World Bank, Asian Development Bank සහ අනෙක් මූල්‍ය, ණය ලබාදෙන රටවල් සහ ආයතන සමග විශ්වාස වන්තව වැඩ කරන්න පුලුවන් ජනාධිපතිකෙනෙක් සහ ඇමැති මණ්ඩලයක්. ඒ නිසා ඒ අය පත්කරගන්න එක සති දෙකක් තුනක් ඇතුලත කරගන්නම වෙනවා. ඒ වගේම ඒ අය පත්කරගන්න වෙන්නෙත් මේ ඉන්න 225න්ම තමයි.

එහෙම නැතුව පාර්ලිමේන්තු මැතිවරණයක් ඉල්ලලා ජන බලය සමග ඇවිත් රට හදන්නම් කියන සජිත්ගේ මෝඩ ආතල් මේ වෙලාවේ හරියන්නේ නෑ. මොකද මැතිවරණයක් තියලා ආණ්ඩුවක් හදන්න තව මාස තුනක් වත් යයි.

මේ තියෙන ප්‍රශ්න ටික විසදගන්න අපිට තියෙන්නෙත් සති දෙකයි උපරිම තුනයි. මේ වෙලාවේ මැතිවරණයක් ඉල්ලන්නේ රටේ තත්වය ගැන අබමල් රේණුවක තරම් වත් දැනුමක් නැති ගොන්නු ටිකක්.

කෙටිකාලයකින් විසදන්න ඕනි ප්‍රශ්න ටික විසදලා ඉවර වෙලා මැතිවරණයක් තියලා ආණ්ඩු පස්සේ හදන්න පුලුවන්. එතකන් මේ සති දෙක තුන ඇතුලත විසදන්න ඕනි ටික විසදන්න කියලා බල කරමු

අප්‍රේල් විප්ලවය


එදා

බත් පැකට් එකට ගල් බෝතලයට
රුපියල් පන්සීය දෙනවා කිව්වට
බස් පිටින් පුරවන් ගෝල්පේස් ආවට
දුන්නා උන් සබ්බුව උඹලාට ගානට

අද

අතින් වියදම් කරන් පුවරු සිතුවම් කරන්
අහිමි කරමින් තිබෙන රටක් පෙරදැරි කරන්
අන්ත දූෂිතම වූ හොරු රැලක් පන්නමින්
අප්‍රේල් විප්ලවය මුවදොරම පුරවමින්

රෝහණ කේ අමරකෝන්

උන්ඩියල් සහ හවාලා මගඩිය රටට කෙලවන හැටි


මිත්‍රවරුනි ,

උන්ඩියල් හවාලා කියන වචනවත් අහල තිබුනේ නැති සාමාන්‍ය ජනතාව ඒ දෙසට හැරෙව්වෙ අසාමාන්‍ය ලෙස ඩොලර් පාලනය කරන්න ගිය රජය විසින්මයි.දැන් මිනිසුන්ට රස වැටිලා… දැන් ඈත් කරන්න අමාරුයි….නමුත් උණ්ඩියල් ක්‍රමය පිළිබඳ අභ්‍යන්තර කතාව සමහරු හිතනවටත් වඩා අසුන්දරයි භයානකයි. විනාශකාරියි.

උණ්ඩියල් උණ්ඩියල් කිව්වට සමහරු මේ ගැන විස්තර දන්නේ නැහැ .නොදන්නා අයට දැනගන්න පලකෙරෙන පහත සටහන ඒ ගැනයි.

මොකද්ද උණ්ඩියල් සහ හවාලා කියන්නෙ? කෙටියෙන්ම කිව්වොත් මුදල් විශුද්ධිකරන‍ය වෙන ක්‍රම දෙකක්. මේක ඔබ අතරින් බහුතරයක් කරනවා ඇති. මේක කියෙව්වොත් ඔබට තේරෙයි ඔබ කල ඇති පව් දුරදිග නොබලා.

උණ්ඩියල්, හවාලා වෙන්නෙ මෙහෙමයි.
අපි හිතමු ඩුබායි ඉන්න අමරට ලංකාවෙ එයාගෙ නෝන සාමා ට සල්ලි එවන්න ඔන කියල. අමර හම්බ කරන්නෙ පිරිසිදු සල්ලි දාඩිය මහන්සියෙන්. අපි හිතමු එයාට ලංකාවෙ බැංකුවකින් දෙන්නෙ ඩොලර් එකට රු.200යි කියල. ඒ ගාණට වඩා උණ්ඩියල් මුදලාලි දෙනවා. අපි හිතමු 250/- ක් කියල. උණ්ඩියල් මුදලාලිලා හැම රටේම වගේ දැන් ඉන්නවා. අමර යනවා උණ්ඩියල් මුදාලාලි ළගට.එයා දෙනවා ඩොලර් 100ක්. දැන් උණ්. මුදලාලි කතා කරනවා ලංකාවෙ ඉන්න එයාගෙ නියෝජිතයාට.අපි හිතමු එයාගෙ නම “වෙලේ සුදා” කියලා. දැන් ඩොලර් 100×250 =25000ක් සාමාට දෙන්න කියල ඩුබායි වල ඉන්න උණ්ඩියල් මුදාලාලි සුදාට කියනවා. සුදා සාමාගෙ ගිණුමට ඒ ගාන දානවා. සාමා සතුටුයි. අමරට සතුටුයි බැංකුවට වඩා වැඩි ගාණක් ලැබුනා.එයාල දැන් සීන් එකෙන් අයින් වෙනවා.

දැන් උණ්ඩියල් මුදලාලි සුදාට 25000ක් ණයයි. දැන් උණ්ඩියල් මුදලාලි මේ සල්ලි දෙනවා ඩුබායි වල ඉන්න තව කෙනෙකුට තමුන්ගෙ කමිශන් එක තියාගෙන.අපි හිතමු එයාගෙ නම මාකදුරේ මධූෂ් කියල. දැන් මධූෂ් ළග සුදාගෙ සල්ලි 25000/ ට කිට්ටු ගාණක් තියෙනවා උණ්ඩියල් කමිශන් අයින් කරාම. දැන් ඉතින් මාකදුරේ මධූෂ් විසින් ඒ සල්ලි වලට වෙලේ සුදාට එවන්නෙ මොනාද කියල අමුතුවෙන් කියන්න ඕන නෑ නෙ..

මෙන්න මේක තමයි ජාත්‍යන්තර නීති විරෝධී භාණ්ඩ ජාවාරම් කරුවන් තම මුදල් ගණුදෙනු කිරීම සදහා underground banking එහෙමත් නැතිනම් කිසිදු රෙකෝඩ් එකකට අහු නොවී බෑන්කින්ග් කිරීමට හදා ගත් ක්‍රමවේදය. මේ විදියට ගණුදෙනු වෙන්නෙ මත් කුඩු සල්ලි විතරක් නෙවෙයි. ත්‍රස්තවාදී මුදල්, Human trafficking හෙවත් මිනිස් ජාවරම් වලින් එන මුදල්, ගණිකා වෘත්තීයට කාන්තාවන් , දැරිවියන් විකිණීමෙන් එන මුදල් , මිනිස් අවයව ජාවාරමෙන් එන මුදල්. නොයෙක් ආකාරයෙන් නීති විරෝධී ජාවාරම් වලට මුදල් ගණුදෙනු සදහා හොද තෝතැන්නක් තමයි මේ උණ්ඩියල් සහ හවාලා ක්‍රම කියන්නෙ.

ඉතිං බැංකු පද්ධතියෙන් සාධාරණ අගයක් අපගේ ඩොලරයට ගෙවනවානම් අපි ඇයි මේ වගේ ජාවාරම් කිරීමට අපේ සල්ලි දෙන්නේ.හිතන්න එපා ඔබට ඒ පාපයෙන් ගැලවෙන්න පුලුවන් කියලා. කොටින්ම උණ්ඩියල් ,හවාලා ගණුදෙනු තියෙන තාක්කල් ඔබේත් මගේත් රටට කුඩු එන එක නවත්වන්න බෑ. සහරාන්ලට බෝම්බ හදන්න සල්ලි එන එක නවත්තන්න බෑ.ISIS ව්‍යාප්ත වීම නවත්ත්වන්න බෑ. පුංචි ගෑණු ළමයි ගණිකා සේවයට විකිණීම නවත්වන්න බෑ.
ඔබ දාඩිය මහන්සියෙන් හම්බකරන පිරිසිදු සල්ලි වල තැවරෙන්නෙ මොනාද?

මෙතන කියවෙන්නම ඕන නමුත් නොකියවුන දේ තමයි මේ ක්‍රමයට ඔබ “යවන” එක ඩොලර් එකක් වත් ලංකාවට යන්නෙ නැති බව. ඒ වෙනුවට වෙන්නේ ලංකාවේ දැනටමත් රුපියල් වලින් තියෙන වෙලේ සුදාගේ කළු සල්ලි සුදු වෙලා ඔබේ පවුලට ලැබිලා රට ඇතුලෙම කැරකෙන එක.

ඔබ දාඩිය මහන්සියෙන් හම්බු කරන ඩොලර් ඔය රටේම තියෙන මාකඳුරේ මධුෂ්ගේ විදෙස් ගිණුමේ තැන්පත් වෙනවා. වෙනත් වචන වලින් කියනව නම් ලංකාවේ හොරු කියල ඔබ එලවන්න හදන දේශපාලකයන් ඇතුළු අපරාධ කාරයන්ට එයාලගෙ කළු සල්ලිත් සුදු කරගෙන ඒවත් අරන් රට පනින්න ඔබ උදව් කරනවා. අමතක කරන්න එපා මේ black market එක ප්‍රසිද්ධියේ ප්‍රමෝට් කරපු මුදල් ඇමති කෙනෙක් තමයි බැසිල් රාජපක්ෂ කියන්නෙ. එයාලා ඇත්තටම ආස පිටරට ඉන්න ඔයාලා උණ්ඩියල්, හවාලා ක්‍රම වලින් ලංකාවට සල්ලි එවනවට තමයි ..

ඉතින් මෙහෙම කරොත් ගෑස් තෙල් තියා පිට රට වල තියෙන pharmaceutical companies වලට ගෙවල අත්‍යවශ්‍ය ඖෂධ ටික ගෙන්නන්න වත් ලංකාව ඇතුලේ ඩොලර් නැති වෙනවා. ඒ කියන්නේ ඔබ මේ ක්‍රම වලින් ලංකාවේ ඉන්න ඔබේ පවුල රුපියල් වලින් පොහොසත් කලාට ඔවුන්ට ලංකාවේ හදන්නෙ නැති සියලු දේ අහිමි කරනවා!

මීට අමතරව උන්ඩියල් ක්‍රමයේ තව හානියක් තමා ඩොලර් එකේ අගය දිනපතා වැඩි කිරීම. රජයට දෙන්න ඩොලර් නෑ කියලා දන්න උන්ඩියල් මුදලාලි බය නැතුව bank rate එකට වාඩා රුපියල් 40,50/= අය කර ගන්නවා ඩොලර් ලංකාවේ ව්‍යාපාරිකයන්ට ලබා දෙන විට. එම නිසාම රට ඉදන් සල්ලි එවන අයටත් වැඩි අගයක් ඩොලර් එකට ගෙවන්න පුලුවන් ඩොලරයට රට තුල ඇති වැඩි ඉල්ලුම නිසාම. රටට මේ හරහා ඩොලර් එන්නෙත් නෑ එම නිසා දිනපතාම ඩොලරයේ අගය ඉහල ගිහින් බඩු මිළ ඉහල යනවා.

මෙහි ඇති භයානකම දේ ඩොලරය 1000/=ට ගියත් උන්ඩියල් මුදලාලිට පාඩුවක් නෑ.. ඔහුගේ ලාබේ වෙන්නේ ඩොලර් විකුණන මිළ සහ මිළ දී ගන්න මිළ අතර වෙනස හා commission එක.ඉතින් එයා දිගටම බිස්නස් එක කරනවා.

විවිධ දේශපාලන පක්ශ විසින් legal මාර්ගයේ ලංකාවට සල්ලි එවන්න එපා කියන දේ ප්‍රමෝට් කරනවා. ලංකාවේ ඉන්නෙ හොරු කියලා රට ඉන්න අය සල්ලි උන්ඩියල්,හවාලා කරනවා. ඔව් මම දන්නවා ඒ මාර්කට් එකට බැස්සාම ආයෙ legal මාර්ගයට හැරෙන්න ඔයාලා ආස නෑ කියලා. ඔයාලා කොච්චර හොරු එළවන්න අරගල කරත් ඔයාලා කරන්නෙ ඒ හොරුන්ව හිතාගන්න බැරි විදියට ශක්තිමත් කරන එක කියලා තේරුම් ගන්න. උන්ඩියල් හවාලා කරන එකෙන් කෙලවෙන්නෙ බැසිල්ට හෝ මහින්ද හෝ ගෝඨාභයට නෙමෙයි . ඔයාගෙම ලංකාවේ ඉන්න දරුවට.. පෝළිම් වල මැරිලා වැටෙන තාත්තලා තමයි ඒකෙ victims වෙන්නෙ. සල්ලි වියදම් කරලවත් ගන්න බඩු නැත්නම් ඔයාගෙ ලංකාවේ ඉන්න බිරිද, දරුවා කන්නෙ සල්ලි කොළද?

මිත්‍රවරුනි , පිටරට සිටිනා ශ්‍රී ලාංකිකයනි,

ඔබ ලාභයක් වෙනුවෙන් කරන්නෙ නොදැනුවත්ව ශ්‍රී ලංකාව බංකොලොත් රාජ්‍යයක් කර ඔබේම පවුලේ අයටත් රටටත් බත් වෙනුවට සල්ලි කන්නට වෙන රටක් නිර්මාණය කිරීමයි.බෙහෙත් හිඟය නිසා බෙහෙත් නැතිව සල්ලි බී ජීවත් වන්නට ලංකාවේ සිටින ඔබේ තාත්තට පුලුවන්ද ? රජයකින් පලි ගන්නවා කියා ඔබ කරන්නෙ ලංකාවේ සිටින ඔබේම සාමාන්‍ය මිනිසුන්ගෙන් පළි ගැනීමකි. වත්මන් මජර පාලනය එළවීමට අප තැබූ මේ පියවර දැන් ආපස්සට හැරවීමක් නැත. අපි එය කරමු. ඔබට හැකිනම් තේරුම් ගන්න. ශ්‍රී ලංකාවේ හිරවී සිටින සියලු වැසියන්ගෙ ඉරණම මේ වෙලාවේ විසදීම තවදුරටත් ජාත්‍යන්තර ණය මත නොරැදෙනු ඇත. එය ඔබ අතේ බව වටහා ගන්න.

ස්තූතියි.

Madhujith Dilanath Ranathungaගෙ ලිපියක් ඇසුරෙන් Gi Han Galle Age

#Tag පරපුරේ අරමුණ


ගෝථාභය ගැන රාජපක්ෂලා ගැන 225 ගැන #Tag ටික trending ආවා කියලා අපිට පිට රටවල් වලින් ගත්තු ණය කපාහරින්නේ නෑ ඩොලර් පිනට දෙන්නෙත් නෑ. ඒ ටික මේ ඉන්න හොරු ටික පන්නගන්න අපිට ලෝකෙත් එක්ක කරන්න පුලුවන් බලපෑම ගැන හොද තක්සේරුවක් ලබාදෙයි.

දැන් අපි ඔය #Tag එක්කම #visitsrilanka #travelsrilanka #cometosrilanka වගේ විදේශික සංචාරකයන් අපේ රටට ගෙන්න ගන්න පුලුවන් #Tag ටිකකුත් trending ගේන්න. සංචාරකයන් ආවොත් ඩොලර් තව රටට හම්බවෙයි. මේ විදුලිය නැති ඩීසල් නැති ජරමර අස්සේ සංචාරකයන් ගෙන්න ගන්නත් අමාරුයි ඒත් අපි උත්සාහ කරමු ලංකාවට සංචාරකයන් ගෙන්න ගන්න. එක මේ ආර්ථික අර්බූදයෙන් ගොඩ එන්න පොඩි හරි උදව්වක් වෙයි.

ජනාධිපති එක්ක මේ දූශිත දේශපාලකයන් පන්නන්න ඕනි තමයි හැබැයි ඒ අස්සේ රටේ ආර්ථිකයට වැටෙන්න දෙන්න බෑ.

ඒ නිසාඔයාලා අපි ගත්ත ලංකාවේ ලස්සන චායාරූප එක්ක #visitsrilanka #travelsrilanka #cometosrilanka ටික දාලා trending ගේමු. ඒවා දැකලා එක සංචාරකයෙක් ගෙන්න ගන්න පුලුවන් උනත් අපිට ලැබෙන්නේ මේ අවස්ථාවේ රටට වටින ඩොලර් කිපයක්.

ඔය ඩොලර් ආවොත් රෝහල් වලට බෙහෙත්, වාහන වලට තෙල් වගේම විදුලිය ගන්න ඒවා උදව් වෙයි

සටහන : රෝහණ කේ අමරකෝන්

පලි : බලමු කී දෙනෙක් මේක කියවලා තේරුම් ගනීද නැත්නම් රැල්ලට යයිද කියලා. කියනදේ තේරෙන කී දෙනෙක් මේක share කරයිද කියලා

225 ම එපාද?


225ම එපා කිව්වම අහනවා දැන් ඉන්න එකා එහෙම එකෙක් නේද කියලා

යකෝ දැන් ඉන්න එකා 225න් 7/8 කගේම නෑදෑ වෙන එකෙක්.

අන්න එහෙම නොවන දැන් පාර්ලිමේන්තුවේ ඉන්න සහ ඉස්සර හිටපු හොරාකාපු එකෙක්ගේ වත් ගෑවුනේ නැති අළුත්ම පොරක් දේශපාලනය ගැන ආර්ථිකය හැසිරවීම ගැන ඒ ඒ විශයන් වල ප්‍රායෝගික දැනුමක් ඇති අය ඊලග පාර්ලිමේන්තුවට පත් කරපල්ලා ජනාධිපති කරපල්ලා