පොහොර කාබනිකද? රසායනිකද?


කාබනික පොහොර විතරක් භාවිතා කරලා අපේ අම්මයි අප්පච්චි දෙන්නා අක්කර බාගයක එළවළු, පළතුරු, කුළුබඩු, පළාවර්ග ඔක්කොම 50ක් වගා කරලා තියෙනවා පහුගිය ටිකේ.

හාල් ටික කුඹුරෙන් ගන්න නමුත් ඒවට නම් රසායනික පොහොර මෙච්චර කල් භාවිතා කරලා තියෙනවා. නමුත් කාබනික පොහොර යොදලා අස්වැන්න ටිකක් අඩුවීමක් බලාපොරොත්තු උනත් ඒක හොදයි කියලා තමයි එයාලා කියන්නේ.

හැබැයි එයාලගේ මතය තමයි කාබනික පොහොර හදාගන්න පුළුවන් අයට තමන්ගේ ගෙවත්තේ හොදට වගාකටයුතු කරගෙන යන්න පුළුවන් ඒත් එකපාරටම රසායනික පොහොර තහනම් කරාම මිනිස්සු ගන්න කාබනික පොහොරත් අවශ්‍ය තරමට නොමති උනාම මිනිස්සුන්ට තමන්ගේ වගාවට පොහොර නැති නිසා අස්වැන්න අඩු වෙන නිසා මේ හදිසි තීරණය නම් මෝඩ තීරණයක් කියනඑක.

කාබනික පොහොර හදන වැඩ පිලිවෙලක් හදලා ඊට පස්සේ ක්‍රමයෙන් මිනිස්සු ඒකට හුරු කරලා රසායනික පොහොර තහනම් කලානම් හොදයි කියන එක තමයි එයාලගේ මතය

ගුරුවරුන්ට සාප කරන්නට පෙර


කොරෝනා ව්‍යසනය ලංකාවට ආවට පස්සේ රටේ රජය කලේ කාලෙන් කාලෙට රට වහපු එක.

ඊට පස්සේ සෞඛ්‍ය අංශවලට සහ ආරක්ෂක අංශ වලට අවශ්‍ය පහසුකම් සහ උපදෙස් ඕනි තරම් රජයේ ගානේ ලැබුණා.

ආරක්ෂක අංශ වලට කොරෝනා ව්‍යසනය මැඩපවත්වන්න කරන අමතර කැපකිරීම් වලට පඩි වැඩි කරන්න, අතිකාල ගෙවන්න අර දීමනා මේ දීමනා දෙන්න කියලා ඉල්ලීම් ලබා ගන්න වැඩ වර්ජන කරන්න බෑ.

හැබැයි සෞඛ්‍ය සේවයේ ඉන්න අය ඒ ඉල්ලීම් වෙනුවෙන් කී සැරයක් රෝගින් අපහසුතාවට පත් කරලා වැඩ වර්ජන කරලා ඒ ඉල්ලීම් ලබා ගත්තාද?

එයාලා වෙනදට වඩා ලොකු කැපකිරීමක් කලා තමයි ඒවගේම එයාලට ලැබියයුතු දේ එයාලා කොහොමහරි ලබාගන්න කටයුතු කලා.

නමුත් පාසල් දරුවන්ට පාසල් වැහුවාම එයාලගේ අඩාල උන අධ්‍යාපනය නැවත ලබා දෙන්නේ කොහොමද කියලා මේ රජයට අධ්‍යාපන ඇමතිලාට ඒ ඒ අමාත්‍යාංශ වල අයට කිසි අවබෝධයක් සහ දැනුමක් තිබ්බේ නෑ.

පුද්ගලික ගුරුවරු zoom වලින් උගන්නන්න ගත්තාම තමන්ගේ ආදායම දිගටම ලබාගන්න ඒක පාසල් වල ලමයින්ටත් උගන්නන්න පාසල් ගුරුවරු පෙළබුනේ නිරායාසයෙන්.

එහෙම නොකලා නම් අද වෙනකන් පාසල් දරුවෝ ගෙදරට වෙලා නිකරුනේ කාලකන්නි වෙනවා. මොකද අධ්‍යාපන අමාත්‍යාංශය අද වෙනකන් zoom වලින් උගන්නන්න කියලා කිසිම චක්‍රලේඛයක් එවලා නෑ ගුරුවරුන්ට.

Online උගන්වන්න තමන්ගේ පුද්ගලික දුරකථනය සහ ඩේටා කාඩ් දාගෙන සිග්නල් තියෙන තැන් හොයහොයා තම පුද්ගලික ධනය වැය කරලා මෙච්චර කල් ලමයින්ට ඉගැන්නුවාට කිසිම ඉල්ලීමක් කරලා නෑ පඩි වැඩි කරන්න ඩේටා දීමනාවක් දෙන්න කියලා.

ලංකාවේ රාජ්‍ය සේවයේ ඉහලම අධ්‍යාපන සුදුසුකම් තියාගෙන අඩුම පඩි ගන්නේ ගුරුවරුන් හැබැයි මේ වෙලාවේ පඩි වැඩි කරන්න කියලා නෙවෙයි මේ වර්ජනය කරන්නේ කියලත් මතක තියාගන්න එයාලට බනින්න සාප කරන්න කලින්.

සටහන රෝහණ කේ අමරකෝන්

නිදහස් අධ්‍යාපනය සහ සෞඛ්‍ය රැක ගතයුත්තේ ඇයි


ලංකාව කියන්නේ ඒක පුද්ගල සමාන්‍ය වාර්ශික ආදයම ඩොලර් 4102ක් වගේ පහළ මැදි ආදායම් ලබන රටක්. ඒ කියන්නේ ලෝකේ හොම්බෙන් යන රටවල් වලට කිට්ටුව තව ටිකක් කෙල උනොත් හොම්බෙන් යන්න වෙන රටක්.

රටේ මුළු දළ දේශීය නිශ්පාදිතය ඩොලර් බිලියන 88ක් වගේ තමා වෙන්නේ 2021 වෙද්දි. ඒ කියන්නේ ටෙස්ලා අයිතිකාර එලෝක් මස්ක් වගේ තව නව දෙනෙක් ඉන්නවා ලංකාවේ මුළු දල දේශීය නිශ්පාදිතයට වඩා සල්ලි තියෙන.

රටේ දල දේශීය නිශ්පාදිතයෙන් 6% අයවැය හිගයක් පවතින රටක්. ඒ කියන්නේ රටේ මුළු ආදායමට වඩා වියදම වැඩි රටක්. ඒක පියවාගන්න දේශීය සහ ජාත්‍යන්තර ණය ගන්න රටක්.

රටේ දල දේශීය නිශ්පාදිතයෙන් 86%ක් රාජ්‍ය ණය තියෙන රටක් හෙවත් ඩොලර් බිලියන් 75ක් ණය රටක්.

ලංකාවේ මනුස්සයෙක් දවසකට උපයන සාමාන්‍ය මුදල රුපියල් 2247යි. ඒ කියන්නේ ඩොලර් 11ක් විතර.

හැබැයි දවසට ඩොලර් 2කට වඩා අඩුවෙන් උපයන මිනිස්සු 4%ක් ඉන්නවා. දවසට ඩොලර් 5කට අඩුවෙන් උපයන මිනිස්සු 45%ක් ඉන්නවා. සරලව කිව්වොත් දවසට රුපියල් 1000ක් හම්බ නොකරන මිනිස්සු 49%ක් ඉන්න රටක්.

අන්න ඒ දුප්පත්ම 49% අමතරව මධ්‍යම පන්තියේ ඉන්න අයගෙනුත් 20% වගේ තමන්ගේ ආදායමෙන් යන්තම් ජීවිතය ගැටගහගෙන ඉන්න රටක්.

එහෙම බැලුවාම රටේ 69%ක් මිනිස්සුන්ට නිදහස් අධ්‍යාපනය සහ නිදහස් සෞඛ්‍ය නැත්නම් අන්ත අසරණ වෙන රටක්.

අන්න ඒ නිසා තමයි රටේ නිදහස් අධ්‍යාපනය සහ නිදහස් සෞඛ්‍ය රැක ගන්න ඕනි. මොකද පුද්ගලික පාසල්වලට පුද්ගලික විශ්වවිද්‍යාල වලට පුද්ගලික රෝහල් වලට යන්න සල්ලි තියෙන 31%ක් මිනිස්සුන්ට පුළුවන් උනාට 69%ක් මිනිස්සුන්ට එහෙම කරන්න බෑ.

එතකොට රජයක් උනාම කරන්න ඕනි 31%කට සහන සලසන එකද 69%කට සහන සලසන එකද?

පුද්ගලික සහ මුදල් ගෙවා අධ්‍යාපනය සහ සෞඛ්‍ය ලබා දෙන්න එපා කියන එක නෙවෙයි මෙච්චර වෙලා කිව්වේ. ඒවා තියෙන්නෙ ඕනි සල්ලි තියන අයට වියදම් කරලා ලබාගන්න.

හැබැයි එහෙම වියදම් කරන්න බැරි බහුතරයක් වෙනුවෙන් නිදහස් අධ්‍යාපනය සහ සෞඛ්‍ය රකින්න අපි හැමෝම එකතු වෙන්න ඕනි.

කොතලාවල පනත මගින් වෙනම අධ්‍යාපන ක්‍රමයක් හදන එක වෙනුවට දැනට තියෙන අධ්‍යාපන අමාත්‍යාංශය, උසස් අධ්‍යාපන අමාත්‍යාංශය, විශ්වවිද්‍යාල ප්‍රතිපාදන කොමිෂන් සභාව කියන ආයතන තුනට යටත්ව මුදල් ගෙවා ඉගෙන ගන්න ලමුන් වගේම මුදල් නොගෙවා ඉගෙන ගන්න ලමුන්ටත් අවස්ථාව ලැබෙන ක්‍රමයක් හදනවානම් මේ රටට කොච්චර වටිනවද?

රෝහණ කේ අමරකෝන්

කොතලාවල පණත


මේ තමයි කොතලාවල පණත

  1. උසස් අධ්‍යාපන අමාත්‍යාංශය
  2. අධ්‍යාපන අමාත්‍යාංශය
  3. විශ්ව විද්‍යාල ප්‍රතිපාදන කොමිෂන් සභාව
  4. වෘත්තීය ප්‍රමිති ආයතන (උදා. SLMC, IESL)
  5. විශ්ව විද්‍යාල සනාතන සභාවන් හා පාලක සභාවන්

මේ ඔක්කොම ආයතන වල බලය, එක මණ්ඩලයකට දුන්නොත් කොහොමට තියෙයිද?

ඒ මණ්ඩලයේ 10 දෙනා ගෙන් 5 දෙනෙක් හමුදා නිලධාරීන්. දෙදෙනෙක් ආරක්ෂක ඇමතිගේ ලේකම්ලා. ඉතුරු තුන් දෙනාත් අඩු වැඩි වශයෙන් දේශපාලන පත්වීම්.

තාම ඉවර නෑ… තව තියෙනවා.

  1. දැනට ලංකාවෙ ක්‍රියාත්මක වෙන 1978 විශ්ව විද්‍යාල පණත මේ මණ්ඩලයට බලපාන්නෙ නෑ.
  2. ඕනෑම පුද්ගලික විශ්ව විද්‍යාලයකට, මේ මණ්ඩලයෙන් අනුමැතිය අරගෙන, කොතලාවල විශ්ව විද්‍යාලයට අනුබද්ධ වෙලා “උපාධි පිරිනැමීමේ තත්වය” (Degree Awarding Status) ලබා ගන්න පුලුවන්.
  3. මේ මණ්ඩලයෙන් අනුමත කරන උපාධි වලට ප්‍රමිති ආයතන වල පිලිගැනීමක් අවශ්‍ය නෑ. තමන්ගෙ උපාධි ප්‍රමිතිය හොඳයි කියලා ඒ මණ්ඩලයටම තීරණය කරන්න පුලුවන්.
  4. මේ මණ්ඩලය වග කියන්නෙ ආරක්ෂක ඇමතිට විතරයි. මුදල් නියාමනය, විගණනය තමන්ම කර ගන්නවා. තමන්ගෙ උපාධි වල මිල තීරණය කරන්නෙත් මේ මණ්ඩලය විසින්මයි.
  5. විශ්ව විද්‍යාල විතරක් නෙමෙයි, පාසල් පිහිටුවන්න, ඒවල විෂය නිර්දේශය තීරණය කරන්න, විභාග පවත්වන්නත් සම්පූර්ණ බලතල මේ මණ්ඩලයට හිමියි. අධ්‍යාපන අමාත්‍යාංශය අදාලම නෑ.
  6. තව ලස්සන වගන්තියක් ගැනත් කියන්න ඕනෙ.
    විශ්ව විද්‍යාලය ඇතුලෙ සිදුවෙන ඕනෙම විරෝධතාවයක්, “”තමන්ට සුදුසු යැයි හැඟෙන ඕනෑම පියවරක්”” අරගෙන මර්දනය කරන්න ආරක්ෂක ඇමතිට සම්පූර්ණය බලය තියෙනවා. ඒ කියන්නෙ ඕනෑම අසාධාරණයකදි ඔලුව නමාගෙන ඉන්න පුලුවන්.

හරි සංතෝසයි නේද?

මේ දවස් වල, කඩිමුඩියේ පාර්ලිමේන්තුවේ සම්මත කර ගන්න හදන “කොතලාවල ආරක්ෂක විශ්ව විද්‍යාල පණත” ගැන සාරංශයක් තමයි මේ කිව්වෙ.

ලංකාවෙ දේශපාලකයන්ට සම්පූර්ණයෙන් විනාශ කරන්න බැරි උනු දේවල් 2යි තියෙන්නේ.

  1. නිදහස් අධ්‍යාපනය
  2. නිදහස් සෞඛ්‍ය

මේ පණත සම්මත උනොත්, මෙතනින් එකක් ඉවරයි. හැබැයි අධ්‍යාපනය විකිණීමටත් වඩා භයානක දෙයක් මෙතන වෙනවා. ඒ අධ්‍යාපන මිලිටරීකරණය. පාසල් මට්ටමේ ඉඳලා විශ්ව විද්‍යාල මට්ටම දක්වාම.

නිදහසේ හිතන්න පුලුවන්, හරි වැරැද්ද දකින්න පුලුවන් මිනිස්සු වෙනුවට, අණ පිලිපදින, කොන්ද කඩපු පරම්පරාවක් ඉස්සරහට දැක ගන්න පුලුවන් වෙයි…

උපුටාගැනීමකි

බැසිල් හොද නම් ඇයි මේ වැඩබැරි දාසලා දෙන්නෙක් රට කරන්නේ


මම මේ කල්පනා කලේ මහින්ද ජනාධිපති කාලෙ තිරය පිටුපස ඉදලා යුද්ධය කලෙත් බැසිල් නම්

යුද්ධය අවසන් කරලා මහින්ද ආය ජනාධිපති උනාම තිරය පිටුපස ඉදලා රටේ සංවර්ධන ව්‍යාපෘති කලෙත් බැසිල් නම්

දැන් ඉන්න ජනාධිපති ගෝථාභයට රට කරගෙන යන්න තිරය පිටුපස ඉදලා උදව්කරන්නෙත් බැසිල් නම්

බැසිල් නැත්නම් ඒ දෙන්නාටම මොකුත් කරගන්න බැරිනම්

ඇයි අපි මේ වැඩබැරි ඩබලක් වර්ථමාන ජනාධිපති සහ අගමැති කරගෙන ඉන්නේ. අපරාදේ කලින් කිව්වානම් බැසිල් ජනාධිපති කරන්න තිබ්බේ 2005 නේ

අපිට අළුත් නායකයෙක් ඕනෑ


2010 දි යුද්ධය දිනු මහරජානෝට මිනිස්සු කෘතගුණ සලකන්න දිගටම මුල්පුටුවේ ඉන්න කියලා පාර්ලිමේන්තවෙත් 2/3ක් දෙනවා. ඒත් ඒ බලයෙන් මත්වෙලා ජීවිත කාලෙම මුල්පුටුවේ ඉන්න හදපු මහරජා සහ එයාගේ පිරිවර රට උකසට තියලා ගත්ත ණය වලින් ගසා කන්න පටන් ගත්ත නිසා සහ බලයෙන් මත්වෙලා පිස්සු කෙලින්න ගත්ත නිසා මිනිස්සුන්ට රට බේරගත්ත මහරජා එපා කියලා රජකමේ තව අවුරුදු දෙකක් ඉන්න පුළුවන් කම තියෙද්දි පන්නලා දැම්මා.

…………………………………………………………..

2015 දි රයිගමයයි ගම්පලයයි වගේ ඩබලක් ආවා ඒ රටට හැමෝම එකතු කරන් යහපාලනය කියලා එකක් රටේ හදන්න. උන් යසට පාලනයක් ඇතුව බඩ වියත සරිකරගත්තා මිසක් ජනතාවට නම් වෙච්ච යහපාලනයක් නෑ.

සංහිඳියාව කියලා එකකුත් කොනකින් ඇහුනා අන්තිමට සංහිඳියාවේ ඉන්න එක කෙසේ වෙතත් යුද්ධය නැති රටේ ආය බෝම්බ පිපිරිලා මිනිස්සු බරගානක් මැරුණා. තවපොඩ්ඩෙන් එක ජාතියක් රටෙන් එලවන ගානටම ආවා. දැන් ඒ රටේ මිනිස්සු ඒ ජාතිය විශ්වාස කරන්නේ නෑ. සංහිඳියාව කියන වචනය භාශාවෙනුත් අයින් කරලා ඉන්නේ.

…………………………………………………………..

2019 දි ඉස්සර රට කරපු කෙනෙක්ගේ නෑයෙක් ආවා ඒ රටට වියතුන් එක්ක ඒ රට හදන්න , ඒ ආපු වියතුන් රට කරන හැටි දැක්කාම මිනිස්සුන්ට වියතුන් එපා උනා විතරක් නෙවෙයි වියත් මිනිස්සුන්ට රටේ ඉන්නත් එපා කලා. දැන් ඒ රටේ මිනිස්සු වැඩිය ඉගෙන ගන්නේ නෑ වියතෙක් උනොත් ලෝකෙට මූන දෙන්න බැරි නිසා.

හැබැයි එයා කියන්නේ එයා තමයි හොදටම කරේ කියලා. එයා කොච්චර හොදට කරාද කිව්වොත් එයා සහ එයාගේ වියත්තු ගහපු ගැසට් වලින් කියපු කතා වලින් දාපු පෝස්ට් වලින් රිවස් නොකලේ තෙල් මිල වැඩි කරපු එක විතරයි ද මන්දා.

…………………………………………………………..

දැන් 2024 ට එයාගෙම (හැම එකකින්ම 10% කොමිස් ගන්න) මල්ලි හරි (අවුරුදු 10ක් ම දේශපාලන කරලත් මෙලෝ වැඩක් නොකරපු) අයියගේ පුතා හරි ගේන්න හදනවා.
අනික් පැත්තෙන් තාත්තගේ පම්පෝරිය ගැනයි තමන්ගේ ඉංග්‍රීසි දැනුම ගැනයි කියවන උද්ධච්ච මනුස්සයෙක් එන්න හදනවා.
පස් සැරයක් අගමැති වෙලත් රට ගොඩ ගන්න බැරි වෙච්ච ගම්පලයත් ආපහු එන්න හදනවා.
රටේ තරුණ කැරලි දෙකක් කරපු අය නම් බලන්නේ මුල් පුටුවට එන්න නෙවෙයි තමන්ගේ 3% වැඩි කරගන්න මිනිස්සුන්ගේ ඔලුවට කතා කරන්න.

…………………………………………………………..

ඇයි අපිට බැරි මෙච්චර කල් බලයේ ඉදලා රටට කිසි දෙයක් නොකර රට ණය උගුලක හිර කරලා වලපල්ලට ඇදලා දාපු ඒ නිසාම මිනිස්සුන්ට එපාව්ව්ලා එලවපු අය ආපහු රටේ ඉහලම පුටුවට පත් නොකර ඉන්න.

ඇයි අපිට බැරි රටේ ප්‍රධාන දේශපාලන පක්ෂ 5න් ඉදිරිපත් කරන කෙනෙක් නැතුව ඊට පිටින් ඉදිරිපත්වන කෙනෙක් රටේ මුල්පුටුවට ගේන්න.

රෝහණ කේ අමරකෝන්

පිටකෝට්ටේ හැදෙන රුපියල් බිලියන තුනක කුරුළු උද්‍යානය


ලෝකේ හතර අතෙන් ඩොලර් බිලියන ගණන් ණය ගන්නව. අරන් මෙලෝ වැඩකට නැති projects වලට රුපියල් බිලියන ගනන් වියදම් කරනව.

ඉහල පුටුවල ඉන්න මිනිස්සුන්ට රටේ priorities තෙරුම් ගන්න හැකියාවක් නැද්ද?

ණය ගත්තත් කමක් නෑ ඒව ආපහු ගෙවන්න පුලුවන් විදියේ ආයෝජනයකට වියදම් කරනව නම්. රටේ කර්මාන්ත නගා සිටුවන්න වියදම් කරනව නම්.

රටක් දියුනු කරනව කියන්නෙ නගර අලංකරණය කියල හිතන් ඉන්න මිනිස්සු ඉන්නකන් ඉතින් මේක හැමදාම එකම තැන තමයි.

අනික බෝඩ් එකේ නම් කියලා තියෙන්නේ රුපියල් බිලියන තුනක් නැත්නම් කෝටි 300ක් නැත්නම් මිලියන 3,000ක් ලක්ෂ වලින් නම් 30,000ක්.

හැබැයි මිනිස්සුන්ට කියන්නේ රුපියල් බිලියන 1ක් වියදම් කරලා මේක හදනවා කියලා. එතකොට හොර පාරෙන්ම රුපියල් බිලියන දෙකකට විදලා.

හොදම දේ කියන්නේ හදන්න දීලා තියෙන කට්ටිය ආණ්ඩුවේ ලොකු අයගේ ගජ මිතුරු ව්‍යාපාර වලට.

ඔය අස්සේ ආණ්ඩුවට සල්ලි නෑ කියලා තෙල් මිල වැඩි කරනවා. රටට අත්‍යාවශ්‍ය දේවල් ආනයනය තහනම් කරනවා. රට ඇතුලෙන් ගත්ත ණය ටික ගෙවාගන්න මුදල් අච්චු ගහනවා දවසට රුපියල් බිලියන 200ක් විතර.

ලකේපංකාවම තමයි

Dick, Danny & Dis


සිගරට් ගහපු නිසා නෙවෙයි මුන් තුන්දෙනාව ටීම් එකෙන් පැන්නලා ලංකාවට වෙනම වෙන් කරලා එව්වේ අනික් ටීම් එකේ අය එක්ක සම්බන්ධ වෙන්න කලින්.

මුන් තුන් දෙනා ටීම් එකෙන් පැන්නුවේ Bio bubble එකෙන් පිටට ගිය නිසා. ඒ කරපු ගොබ්බ වැඩේ බරපතල කම නොතේරෙන අපේ අය උන් තුන්දෙනා වෙනුවෙන් කවි ගී ලියනවා තාම.

පොඩ්ඩක් මේ ටිකත් කියවලම තේරුම් ගනිල්ලා උන්ව සුද්ද කරනවා වෙනුවට උන්ට තරග තහනමක් දාන එක හොදයි කියලා හිතෙයි.

මුන් තුන්දෙනා ගෙන් එකෙක් හරි කොරෝනා හදන් ආවානම් එදා රෑ එලියට ගිය වෙලාවේ ඇවිත් සද්ද නැතුව ටීම් එකත් එක්ක හිටියානම් තව දවස් කීපයක් ලංකාවේ මුළු ටීම් එකටම මැච් ගහන්න වෙන්නේ නෑ තව මාසෙකට. එංගලන්තයේ ටීම් එකටත් නිරෝධනයට යන්න වෙනවා පළවෙනි එක්දින තරගයෙන් පස්සේ මොකද උන් අපිත් එක්ක සෙල්ලම් කරපු නිසා කොරෝනා බෝවෙන්න හැකියාවක් තියන නිසා.

එතකොට england තරගාවලිය ගහන්න වෙන්නේ නෑ අපිට. ඉන්දියාව එක්ක තරගාවලියට නම් අපේ මෙහේ ඉන්න 15ක් සෙට් කරලා දෙන්න පුළුවන්.

England ටීම් එකට ඉන්දියාව එක්ක තියෙන test තරගාවලිය ගහන්න වෙන්නෙත් නෑ. අපේ උන්ගේ ගොන් වැඩ නිසා.

අන්තිමට අපේ උන්ගේ ගොන් වැඩ නිසා මුළු රටක් නින්දා අපහාස විදිනවා විතරක් නෙවෙයි ලංකාවට එන්න තියෙන ලොකු මුදලක් තරගාවලි නතරවීම නිසා නැතිවෙනවා.

අර වීඩියෝ එක දාපු මනුස්සය වෙනම අගය කරන්න ඕනි. ඒ නිසා තමයි මුන් තුන්දෙනා වෙනම වෙන් කරලා ලංකාවට එව්වේ ඔය ප්‍රශ්න මොකුත් වෙන්න කලින්

සටහන : රෝහණ කේ අමරකෝන්

වාරකන් නිසා කැස්බෑවන් මිය ගියා කිව්වේ කව්ද?


කැස්බෑවුන් හා අනෙක් සිටාසියා විශේෂ රැසක් අද වෙද්දි මියගිහින් අවසන්. ආසන්නතම අගයන් වලින් ගත්තොත් අද වෙද්දි කැස්බෑ මරණ 100 ක් පමණ හා සිටාසියා (තල්මස්, ඩොල්ෆින්) මරණ 50 ක් පමණ වෙලා අවසන්. ඔබට මතක ඇති අපි වගේ ඇච්චො බැච්චො ටිකක් එකතු වෙලා කිව්වා මේ මරණ වලින් 10% ක් පමණ තමා වෙරලට ගොඩ ගහන්නෙ අනිත්වා මුහුදු තුල සැගවී යනවා කියල. අසමාන මිය යාම නැත්තං මේ විදිහෙ Mass Mortality Events කවදාවත් ලංකාවෙ වෙලා නැති වෙද්දි මේකට නැවේ සම්බන්ධයක් ඇති බවත් ඒ ගැන පර්යේෂණ විදිමත් කරන්න කියල ඉල්ලුවෙ ඉස්සරහට වෙන හානිය හෝ අවම කරගන්න මිස ලංකාව තියෙන තත්වෙන් තවත් පහලට දාලා සතුටු වෙන්න නෙවෙයි. එහෙත් ආචාර්යවරු, වරියන්, විද්‍යාඥයින්, මහාචාර්යවරුන් වගේම වාරකන් ඇමතිලා පවා සෘජුව හෝ වක්‍රව කිව්වෙ මේක නැවෙන් වූ සිදුවීමක් නිසා සිදුවන මරණ නොවන බව. වාරකන් හෙවත් Off Season එකට මේවා සාමාන්‍ය බවත්, කලබල වීමට අවශ්‍ය නැති බවත්, කියන තරම් යකා කලු නැති බවත්..

ඉතිං මිත්‍රවරුනි, අද වෙද්දි වනජීවි හා වනසංරක්ෂණ අමාත්‍යාංශය විසින් පිලිඅරගෙන තියෙනවා මේ මරණ වෙන්නෙ නැවෙන් වූ රසායන පිටවීමක් නිසා බවට. ඒ වගේම තමන් ඉගෙනගත් රටට ණය නැති මිනිස්සු කිහිපදෙනෙක් දිවා රෑ වෙහෙසුනා මේ ගැන සත්‍ය පවසන්න. අද වෙද්දි කිසිම පට්ටමක් නැති මිනිස්සු කිහිපදෙනෙක් කියපු ⁣දේ ඇත්ත වෙලා අවසන්. ඒ වගේම UN එකෙන් කියල තියෙනවා මේ නැවෙන් ලංකාවට විතරක් නෙවෙයි මුළු පෘථිවියටම බලපෑම් ඇති උන බවට. අදට නැව ගිනි අරගෙන මාසයකටත් වැඩී.ගිනි ගත්තෙ මැයි 20 වෙනිදා.

අවසන් වශයෙන් කියන්න තියෙන්නෙ මෙච්චරයි. තමන් කොපමණ විශිෂ්ඨ පර්යේෂකයෙක්, කතිකාචාර්යවරයෙක් වේවා, මොන ආචාර්ය, මහාචාර්ය පට්ටම ඔබ ගත්තත් වැඩක් නැහැ ඔබ ආත්ම වංචනිකයෙක් නම්. අද වෙද්දි එහෙම ආත්ම වංචාවෙන් ජීවත් උන මිනිස්සු කවුද කියල එලි වෙලා අවසන්. සත්‍ය වශයෙන්ම එහෙම මිනිස්සු තමන්ගෙ මව් රටට බරක්…

සෙතිල් මුහන්දිරම්

ඉංග්‍රීසි වචන අමුවෙන්ම සිංහලට පෙරලීම


සිංහල භාශාවේ එකම දේ ගොඩක් විදිහට පරිවර්තනය කරන්න පුළුවන් වගේම එකම දේ විවිධ ආකාරයෙන් කියන්න පුළුවන් වගේම එකම වචනයකට විවිධ තේරුම් දෙන්න පුළුවන්. ඒ නිසාම සිංහල කියන්නේ වඩාත් අලංකාරවත් භාෂාවක්.

Telephone කියන එක එක විදිහට පරිවර්තනය කලාම බලන්නකෝ කෝකද ලේසි කියලා.

හෙල බසින් – තෙල බනුව
සරල සිංහලෙන් – දුරකථනය
කතාකරන සිංහලෙන් – ටෙලිෆෝනය

ඒ වගේ අපිට ගැලපෙන මට්ටම හොයාගෙන ඒ වචන හදා ගන්න ඕනි. නැතුව හැම ලබ්බටම හෙල බස යොදන්න ගියොත් මෙලෝ සංසාරයක් තේරෙන්නේ නෑ.

ඉංග්‍රීසි වචනේ අදහස වෙනුවට වචනේ ගෙඩිය පිටින්ම පරිවර්තනය ගියාම අමාරුවේ වැටෙන්න වෙනවා.

උදාහරණයක් තමයි key එක යතුර වෙලා තියෙන්නේ. එහෙව් එකේ key ingredients, key points වගේ එකක් කොහොම පරිවර්තනය කරයිද දන්නේ නෑ මේ විදිහට.

මේ ප්‍රවීන ක්‍රීඩා මාධ්‍යවේදී පාලිත පෙරේරා කියපු කතාවක්

මම ලංකාවේ මුල්ම ගුවන්විදුලි ක්‍රිකට් විස්තර විචාරය අවස්ථාවේ…එහි නිශ්පාදකවරුන් ස්ලිප්ස් ක‍්‍රීඩකයන් සඳහා යොදා තිබුණු වචනය වූයේ ‘ලුහුට්ටා.’ කඩුලු රකින්නා ‘වැට රකින්නා’.

මම දැන් කියනවා පළමු ලුහුට්ටා, දෙවෙනි ලුහුට්ටා, තුන්වෙනි ලුහුට්ටා… දැන් මෙන්න ලුහුට්ටන් අතරින් පන්දුව ලුහුටලා හතරේ සීමාවට යනවා…

ටික වේලාවක් යන විට එඞ්මන්ඞ් තිලකරත්න කියල මහත්තයෙක් මගේ පිටට තට්ටු කරල කිව්වා, පාලිත මොනවද ඔය කියවන්නෙ… අර අහන්න… අන්න පැවිලියන් එකේ ඉන්න මිනිස්සු එක දිගට හූ කියනව ඕක අහල කියල.

පසුව ප‍්‍රධාන කාර්යාලයේ උපදෙස් ලැබුණ ගමන් මම වහාම මගේ සුපුරුදු භාෂාව භාවිත කරමින් විස්තර විචාරයේ යෙදුණා. පාරිභාෂික වචන භාවිතය එතැනින්ම ඉවරයි.”