පවිත්‍රා vs කොරෝනා


මනුස්සයෙක්ට අසනීපයක් උනාම ඒගැන සතුටු වෙන එක තිරිසන් ගතියක්.


ඒත් මම පවිත්‍රාට කොරෝනා හැදුන එක ගැන ගොඩාක් සතුටු වෙනවා.


ඒ වෙන මොකක් වත් නිසා නෙවෙයි. උම්මාදීලා, මුට්ටි ගගේ දාලා, කෑගල්ලේ කපුවාගේ පැණි බීලා, අනුරාධපුරයේ අක්කාගේ රතුනූල් දාලා කොරෝනා හොද කරන්න පුළුවන් කියලා මිනිස්සු මුලා කරපු එක අද එයාටම බොරුවක් කියලා ඔප්පු කරන්න පුළුවන් වෙලා තියෙනවා.


මිත්‍යාව හිස් මුදුනින් පිලිගත් මිනිස්සුන්ටම සත්‍යය පෙන්වාදීම හැකිවීම ගැන සතුටුවිය යුතුය.


ඒ කොරෝනා එන්නත් හෝ වෙනයම් සායනිකව තහවුරු කළ දේශීය හෝ විදේශීය බෙහෙතක් පිළිබඳව මිනිස්සුන්ට විද්‍යාත්මකව පිලිගත හැකි පසුබිමක් සකසාදීම නිසාවෙනි.

මිථ්‍යා වෙළෙඳ පොළේ බුදුන්ව විකිණීම!


කොරෝනා මතුකරපු තවත් හොඳ කතිකාවක් තමයි මිත්‍යා ඇදහිලි සහ විශ්වාස.විශේෂයෙන් බෞද්ධයින් විසින් බුද්ධාගම ලෙසට වැරදියට වටහා ගත් ඇදහිලි විශ්වාස රැසක් තියෙන අතර මේවා නිවැරදි කිරීමේ භූමිකාව තියෙන්නේ ඇත්ත වශයෙන්ම පන්සල් වලට නොවේද?

මෙවර මම කතාවට මුල් කරගන්නේ අහම්බෙන් දුටු මේ ඡායාරූපයයි.


බුදුරුව පච්ච කොටා ගැනීම සහ සාරි වල මුද්‍රණය කිරීම ආදිය හරහා බුදුන්ට සිදුවන විවිධ අගෞරවයන්ට කලබල වන බෞද්ධයින් බුදුන්ට මේ පිංතූරයේ ඇති ආකාරයෙන් සැලකීම අගෞරවයක් විදිහට නොසලකන්නේ ඇයි?බෞද්ධ දෘෂ්ටියෙන් බැලුවොත් මෙය බුදුන්ට කරන්ඩ පුලුවන් උපරිම අපහාසයක්. නිකං හිතන්න ජේතවනාරාමයේ සිටින බුදුන් දැකීමට ගොස් ඔබ මේ විදිහට ඔහු ඉදිරියේ මුදල් තබනවා කියලා.


ලංකාවේ බොහෝ පන්සල් වල බුදුරුව ඉදිරියේ බෞද්ධයින් මුදල් තබා විවිධ ප්‍රාර්ථනයන් කරනවා. (ඇත්තටම මුදල් විතරක් නෙමෙයි දැන් කෑම බීම ඇඳුම් පැලඳුම් සෑම භෞතික භාණ්ඩයක්ම බුදුරුව සහ බුදුන්ට සම්බන්ධ යැයි හිතන බෝධි සහ විහාර ඉදිරියේ පවා තියෙනවා අපිට දකින්න තියෙනවා). නමුත් කිසිදු පන්සලකින් ඊට විරෝධයක් එන්නේ නෑ. හේතුව ඒ මුදල්( හෝ බොහෝ භාණ්ඩ ) අවසානයේ පන්සලට එකතු වෙන නිසයි.එහෙම නැත්නම් පුළුල් අර්ථයෙන් පන්සලට ‘පාරිභෝගිකයින්’ අවශ්‍ය නිසයි. නමුත් බුදුන්ට මුදල් දීම බෞද්ධ දෘෂ්ටියෙන් බුදුන් විසින් මිනිසුන්ට අත්පත් කර ගැනීමට යෝජනා කරපු යථාර්ථයට අනුව නිවැරදි වන්නේ කොහොමද? බුදුන් මුදල් අය කරන මුදලාලි කෙනෙකු හෝ දේවාලයක ව්‍යාපාරික කපුවෙකු ගණනට පහතට හෙලීම නිසා සිදුවන අගෞරවය හෝ දැක්මෙන් නොමඟ යෑම පිළිබඳව කිසිදු පන්සලකින් උනන්දු නොවිමෙන් පෙන්නන්නේ පන්සල් බුදුන් විකිණීමේ මධ්‍යස්ථානයක් බවට පත් වෙලා කියන එක නෙමේද?

මම කලකට උඩදී කිසියම් විදේශීය ආසියාතික පන්සලක බුදු පිලිමයක් ඉදිරියේ තිබුණු බෝඩ් එකක ලියල තියෙනවා දැක්කා, ‘බුදුන් මුදල් සම්පත් වැනි සියල්ල අතහැර ඔබගේ සෙත සුව වෙනුවෙන් කිසිවක් බලාපොරොත්තු නොවී ධර්මය දේශනා කළ උතුමෙකි. ඔහු අසල මුදල් වැනි දේ තබා යෑමෙන් වළකින්න, අවශ්‍ය නම් ඔබගේ නමස්කාරය සහ ගෞරවය පමණක් ලබාදෙන්න’ කියලා. එවැනි පුවරුවකින් නොදන්නා කෙනෙකුට මතක් කරනවා බුදුන්ගේ දර්ශනය ගැන යම් අදහසක්.

බුදු දහම ගැන හරියට අවබෝධයක් නැති බෞද්ධයින් සහ සංචාරකයින් එනවනං පන්සලක කටයුත්ත වෙන්නේ ඔවුන්ව බුදු දහමින් දැනුවත් කිරීම විනා ඔවුන්ගේ නොදන්නාබාවයෙන් මුදල් උපයා ගැනීම නෙමෙයි. මේ විදිහට බෝධියට පවා විභාග ජය සිට කසාද සාර්ථක වීම දක්වාත් තවත් පිරිත් පැන් බී ලෙඩ සුව කර ගැනීම වැනි මිනිසුන් කරන අභිචාරී ක්‍රියාකාරකම් බෞද්ධ නොවන බවත් එයින් කිසිදු ප්‍රතිඵලයක් නොලැබෙන බවත් බුදුදහම වැරදියට තේරුම් ගැනීමක් බවත් පන්සලට නිවරදි කරන්න බැරි ඇයි?විශේෂයෙන් මේ මොහොතේ පන්සල්වල ප්‍රධාන භූමිකාවක් විය යුත්තේ ඒකයි.


මිනිසුන් මේ විදිහට බුදුරුව ඉදිරියේ සහ බෝධි වලට සල්ලි දෙන්නේ ආධ්‍යාත්මික විමුක්තියක් අත්පත් කර ගන්නවාට වඩා සුපර්මාකට් වල සිට අමාත්‍යාංශ දක්වා ඔවුන්ගේ භෞතික අවශ්‍යතා කර කියා ගන්නට අවශ්‍ය දේවල් ලබා ගැනීමට කරන ප්‍රාර්ථනයක් ලෙසටයි. බුදුන් යනු හරියට ගණන් මිනුම් බලන්නැති හොඳ මිනිහෙක් නිසා වඩා සුලු ගානක් දී නිවස ණයක්, කාර්එකක්, උපාධියක් හෝ රැකියාවක් වැනි විශාල ප්‍රාර්ථනාවක් ඉෂ්ට කර ගැනීමේ මෝඩ කූට බලාපොරොත්තුවට වැඩි දෙයක් මෙතන තියෙනවද?


කොහොමහරි, මම ඉහත සටහනින් කියන්නට උත්සාහ කරන්නේ නිවැරදිව බුදුන් වදින්නේ කෙසේද කියන එක නෙමෙයි. මම පෙන්වන්න හදන්නේ,බූදුරුව ශරීරයේ හෝ ඇදුම්මල පවතින කොට අගෞරවයක් වුණා කියන, පන්සලට එනකොට ඇඳියයුතු ඇඳුම් පවා පාලනය කරන භික්ෂූන් ඇතුළු පන්සල් මූලික පිරිස එරෙහි වන්නේ, බුදුන් කිසිදිනක එරෙහි නොවුනු, මිනිසුන්ගේ සංස්කෘතික නිදහසට බවයි. ඒ වගේම බුදුන්ට පන්සල තුලම අගෞරවයක් වීමත් බුදුදහම වැරදියට තේරුම් ගැනීමත් ඔවුන් නොසලකා ඇර ඇත්තේ බුදුන් විකුණා හෝ මුදල් සොයා ගැනීමට බවයි. බුදු දහමට විරුද්ධ ඊට අගෞරවයක්වන මිත්‍යා ඇදහිලි වලට පන්සල සහයෝගය දෙන බව කියන්නයි.

Copied

කබ්රාල්ගේ ප්‍රාග්ධන වෙලාදපොළ කියලා


දවසක් වෙළෙන්දෙක් ගමකට ඇවිත් කිවුවා රිලව් ගන්නවා එකෙක් රුපියල් 1000 යි කියලා අල්ලලා දෙන්න කියලා.

මිනිස්සු ඉතිං වැල නොකැඩි ගස් ගානෙ බඩගාලා තොන්ඩු දාලා රිලව් ඇල්ලුවා ලොරියක් ඇවිත් පටවගෙන ගියා.

ඊට සතියකට පස්සෙ ඇවිත් කියනවා රිලවි ඉන්නවනම් ගන්නවා රුපියල් 1500 යි කියලා.

ගමේ උන් පලවෙනි ලොට් එකටම හොද ගානක් හමිබු කරගත්ත නිසා කැලේ රිලවෙක් තියා නැට්ටක්වත් හොයා ගන්න නෑ.

එකෙක් දෙන්නෙක් දන්න සෙල්ලම් දාල රිලවි කීපදෙනෙක් ගෙනල්ලා දුන්නා.

ඊලග සතියේ මිනිහා ඇවිත් කියනවා රිලව් ඉන්නවනම් ගන්නවා 5000 ට කියලා.

අනේ රිලව් නෑ පලාතකවත් හොයාගන්න ඒ පාර මනුස්සයා කියනවා මං ලබන සතියෙ එන්නම් කොහෙන් හරි හොයලා තියාගන්න මට 5000ට වැඩි වුනත් කමක් නෑ මං ගන්නවා කියලා මිනිහා ගියා.

ඔන්න ගේම දැන් පටන් ගන්නේ. මේ මිනිහා අර රිලවි ටික සේරම කුඩුවේ දාලා වෙන ලොරියක ගෝලයෙක්ගෙ අතේ ගමට යවනවා එනවුස් පාරකුත් දාගෙන රිලා….ව් රිලා….ව් විකුණනවා…… 2000 යි එකෙක් 2000යි………….

ගමේ උන් බැලුවා අමිමට උඩු පට්ට චාන්ස් එක මුගෙන් 2000ට අරන් අරෑ ආවම 5000 ට දෙන්න පුලුවන්නේ කියලා.

විනාඩි 5 යි පොරකකා රිලව් ටික සේල් වුනා. සති ගණන් මාස ගණන් ගියත් රිලව් ගන්න නම් ආවෙ නෑ කවුරුත්, හැබැයි ගමේ අය දන්නෙත් නෑ තමන් රැවටුනා කියලා.එයාල දන්නෙ පාඩු වුනා කියල විතරයි.

මේක තමයි කොටස් වෙලද පොල මේ දවස් වල යන ගේම් එක , ඕකට කියන්නේ, කබ්රාල්ගේ ප්‍රාග්ධන වෙලාදපොළ කියලා.

උපුටාගැනීමකි

ජනාධිපති සමග කතාකරමු


ජනාධිපති සමග පිළිසඳර ඉදිරියට යන්න යන්න

වනාන්තර වලට, සත්තුන්ට දෙවි පිහිට තමයි

නිලධාරීන්ගේ රෙදි ගලවන, තර්ජනය කරන, රටේ නීතියට වඩා ජනාධිපති ගේ නීතිය ඉහලයි කියලා හිතන නායකයන් රජ වූ රටක

කැලෑ පාලුවෝ, දැව/වැලි/දඩමස් ජාවාරම්කාරයෝ උන්ට ඕනි ඕනි දේ නීතිය බල්ලට දාලා ආණ්ඩුවේ හයියෙන් කරන්න පටන් ගනීවී

පාලකයෝ මේ යන ගමන කොහේද යන්නේ කියලා ඉතාමත් පැහැදිලියි.

දෙකක් නෑ නූපන් අනාගත පරපුර හෙන ඉල්ලන්නේ මේ විනාශය කරන පලකයන්ට විතරක් නෙවෙයි උන්ව පත්කරපු අපිටත් එක්ක.

හක්කාපටස්


රත් දෝතළු ශාකයේ පැවැත්මට හානි


රත් දෝතළු පූජාව ගැන අපි පෝස්ට් එකක් දැම්මා ඔබට මතක ඇති ටික දවසකට කලින්.


එතනදි අපි සදහන් කලා මේ රත් දෝතළු (Loxococcus rupicola) කියන්නේ ලංකාවට ආවේනික ශ්‍රිපාද රක්ෂිත වනාන්තර ප්‍රදේශයේ පමණක් ඉතිරිව ඇති බොහෝම දුර්ලභ වදවීගෙන යන ශාක පිළිබදව ඇති රතු දත්ත පොතට පවා ඇතුලත්ව ඇති ශාකයක් බව. ඒවගේම මේ ශාක වලින් නැවත පැල හටගන්න පුළුවන් මල් පරාගනය වෙලා හටගන්න ගෙඩිවලින් පමනක් බවත්.


මේ තියෙන්නෙ දුර්ලභ රන් දෝතළු මල් සාමාන්‍යයෙන් ඉහල කදුකරේ තමා තියෙන්නෙ. ඉතා විරල මල් වර්ගයක්. ඒ ප්‍රදේශයේ හදුනාගත් කොටස් වල විතරයි රන් දෝතළු තියෙන්⁣නෙ. වනසත්ව හා වෘක්ෂලතා ආඥාපනතින් ආරක්ෂිත ශාකයක් වෙච්ච රන් දෝතළු මෙරටට පමණක් ආවේණික ශාකයක්.


නමුත් අපේ අන්ධ භක්තියෙන් යුතු බෞද්ධයන් විසින් මේ රත් දෝතළු මල් පූජාව මහානිසංශ පූජාවක් කියලා හිතාගෙන මේ මල් කපාගෙන ඇවිත් පූජා කරලා හිත සන්තෝස කරගන්න ගමන් මේ ශාක වලට බෝවීමට තියෙන අවස්තාව නැති කරලා ලොකූ පාපකර්මයක් කරගන්නවා ලෝකෙටම තියෙන සම්පතක් අනතුරේ හෙලලා.

දැන් ඒකේ හොදම තැනට ඇවිත් තියෙන බවයි මේ චායාරූප වලින් පේන්න තියෙන්නෙ. මල් පූජා කරන්න කපලා ශාකයේ පැවැත්මට හානියක් කරාටත් වඩා හානියක් මෙතනින් කරලා තියෙනවා. ඒ තමයි රත් දේතළු ගස් ඒවාගේ නිජ භූමිය වන ශ්‍රිපාද වන ප්‍රදේශයෙන් ගලවාගෙන විත් ගෙවල් වල පැල කරන්න ගත්ත මේ උත්සාහය නිසා.


මෙය කාරනා දෙකක් නිසා විය හැකියි. එනම් ශාකය ආරක්ෂා කරගැනිමේ පරමාර්ථයෙන් හෝ රත් දෝතළු පැල විකිනීමේ වානිජ පරමාර්ථයෙන්.

මේ ආකාර දෙකෙන්ම මේ ශාකය විනාශ මුඛයට ඇදදමා ඇතිබව නම් කිවයුතුයි. මන්ද යත් ශ්‍රීපාද දැඩි රක්ශිත වනාන්තරයේ තිබූ ශාක තිබූ ස්ථානයෙන් වෙනත් ස්ථානයකට ගලවාගෙන යෑමෙන් ඒ පරිසර පද්ධතියට කල හානිය අති විශාල වන නිසා සහ මේ ශාක වල පැවැත්මට කල හානිය නිසාවෙනි.


එම නිසා මෙවන් පරිසර විනාශ කළ පුද්ගලයින් නීතියේ රැහැනට ගෙන ඒම සහ දැඩි දඩුවම් දීම තුලින් අනෙක් අයටත් ආදර්ශයක් සැපයීම පරිසර අමත්‍යංශය සහ වනසංරක්ෂණ දෙපාර්තුමෙන්තුව අනිවාර්යයෙන්ම කලයුතු කටයුත්තකි

සියලු නියාමන අධිකාරි ආණ්ඩුවට ‘ඇලජික්’ වෙයි… PUCSL එකෙන් දඩයම ඇරඹේ…



පසුගිය දෙසැම්බර් 16 අගමැති මහින්ද රාජපක්ෂ විසින් ඉදිරිපත් කළ කැබිනට් පත්‍රිකාවකින් පවතින සියලු නියාමන ආයතන දැඩි දෝෂ දර්ශනයකට ලක් කර ඇත.


මහජන උපයෝගිතා කොමිසම, විශ්වවිද්‍යාල ප්‍රතිපාදන කොමිසම, ඖෂධ නියාමන අධිකාරිය, විදුලි සංදේශ නියාමන කොමිසම සහ ශ්‍රී ලංකා මහ බැංකුව ඇතුළු සියලුම නියාමන ආයතන සංවර්ධනයට බාධා කරන ආයතන ලෙස එමගින් හඳුන්වා තිබේ.


මේ සියලුම නියාමන ආයතන අහෝසි කිරීමේ පළමු පියවර ලෙස විදුලිය, ජලය සහ ඛනිජ තෙල් මිලදී ගැනීම හා විකුණුම් මිල තීරණය කරන මහජන උපයෝගිතා කොමිසම අහෝසි කිරීමට අගමැතිවරයා යෝජනා කර ඇත.

මෙම කැබිනට් පත්‍රිකාව ඉදිරිපත් කිරීමට කලින්ම ජනාධිපතිවරයාගේ උපදෙස් මත ජනාධිපති ලේකම් පී.බී. ජයසුන්දර විසින් මහජන උපයෝගීතා කොමිසම අහෝසි කිරීමට මුදල් අමාත්‍යාංශ ලේකම්වරයාට ලිපියකින් දන්වා තිබුණි. කෙසේ නමුත් එම පියවර නීතිවිරෝධී හෙයින් පසුව නියාමන කොමිසමේ සභාපති පේරාදෙණිය විශ්වවිද්‍යාලයේ ඉංජිනේරු පීඨයේ මහාචාර්ය කිත්සිරි ලියනගේ, මහාචාර්ය කපිල පෙරේරා ඇතුළු සියලු සාමාජිකයන්ට ඉල්ලා අස්වන ලෙසට මුදල් අමාත්‍යාංශ ලේකම්වරයා විසින් දුරකථනයෙන් දන්වා තිබුණි.

ඇත්තටම අපේ මුස්ලිම් කාන්තාවන්ට උන්ට මොකද වුනේ..???


-පළමු පිංතූරයේ පාකිස්තාන කාන්තා ක්‍රිකට් කණ්ඩායමයි.

-ඊළග පිංතූර දෙකක ලංකාවේ රාජ්‍ය විශ්ව විද්‍යාල මුස්ලිම් සිසු සංගම් වේ..

පෞද්ගලිකව මට හිතෙන විදිහට තමන්ට ජීවත් වෙන්න පුලුවන් නිදහස්ම තැන මේ විදිහට හැංගිලා ඉන්න හිතෙන්නේ. ඇයි හැංගෙනම දගලන්නේ.පරපුරක් විදිහට හැංගෙන එකද ඉලක්කය.

තමන්ගේ මූලික අධ්‍යාපනයෙන් හැලෙන කෙල්ලො අතරේ, විශ්වවිද්‍යාලය කඩයිමට ආපූ උනුත් ඇයි හැංගෙන්නේ…!!

ඇත්තටම උන්ගේ ඉලක්කය හැංගෙන එකද..?
නැත්නම් පිරිමින්ගේ ඉලක්කය උන් ගංගන එකද..??

බහුතරයක් මුස්ලිම් ජනතාව ජීවත්වෙන රටවල් වල කාන්තාවන් නිදහසේ ජීවත් වන අතර අපේ රටේ මුස්ලිම් කාන්තාවන් හට සිදුවී ඇති දුක් ගැහැට අපමණය.
උපුටා ගැනීමකි

සුද්දන්ගේ ගූ කෑම හෙවත් හෙල


ගොඩක් අය හිතන් ඉන්නෙ මම කොරෝනා පැණිය දිගටම සායනික පරීක්ෂණ කරන්න කියලා කියන නිසා මම බටහිර විද්‍යාවට කඩේ යන අපේ රටේ දේවල් ගැන හීන මානයක් තියෙන සුද්දන්ගේ ඕනි ගූ ගොඩක් කන එකෙක් කියලා.

කොරෝනා බෙහෙත පාරම්පරි හෙල ආයුර්වේද වෙදමහත්තයෙක් හරි ආයුර්වේද වෙදකම ගැන විශ්වවිද්‍යාලයකින් ඉගෙන ගෙන උපාධියක් ගත්ත වෙදමහත්තයෙක් හරි හොයාගත්තානම් මේ ගැන සැකයක් ඇතිනොවෙන්න තිබ්බා.

එහෙම නැතුව කලින් වඩුවැඩ කරපු පස්සේ කාලි දේවලායක් දාගත්ත කපුවෙක්ට කාලි අම්මා බෙහෙත කිව්වා කියලා කිව්වාම ලොකු සැකයක් එනවා මොකද කලින් ඔහොම කියපු අය ගොඩක් කලේ මහා වංචා නිසා.

ඒ නිසා මට කිසිම හීන මානයක්වත් සුද්දන්ගේගේ ගූ කන්නවත් කිසිම උවමනාවක් නෑ.

මම අදටත් කියන්නේ අපේ රටේ හදන්න පුළුවන් හැමදේම ජාත්‍යන්තර ප්‍රමිතියකින් යුතුව හදන්න අවස්ථාව, ආධාර සහ සහයෝගය සෑම රජයකින් දෙන්න ඕනි වගේම එහෙම හදන දේවල් “ගන්න අපේ දේ” “Made in Sri Lanka” වගෙ සංකල්ප හරහා මිනිස්සු අතර ජනගත කරලා මිනිස්සුන්ට දේශීය දේවල් ජාත්‍යන්තර ප්‍රමිතියකින් යුතුව මුලින්ම ගන්න පොළබවන්න ඕනි.

විදේශීය ආදේශක දේවල් ගෙන්වන එක නවත්වන්න හෝ අධික බදු අයකරන්න ඕනි. එහෙම උනාම තමයි දේශීය ව්‍යාපාර ගොඩ නැගෙන්නේ රටෙන් පිටට ඩොලර් යන එක අඩු වෙන්නේ. අපේ නිශ්පාදනවලට ජාත්‍යන්තර වෙළද පොළට යවන්න අවස්ථාව දීලා විදේශ ව්නිමය ගේන්න උදව් කරන්න ඕනි.

ඕක මැජික් නෙවෙයි සිම්පල් දෙයක්. හැබැයි අපේ අවස්ථාවාදීන් ඉන්නවා ඕනිම දෙයක් අඩු ප්‍රමිතියකින් යුතුව හදලා original එකේ ගානටම විකුණන්න බලාගෙන ඉන්න. අන්න ඒ අය තමයි මේ කොරෝනා වෙලාවෙ පාවිච්චි කරපු මාස්ක් හෝදලා අයන් කරලා ආය විකුණන්න ගත්තේ. එහෙම උන් තමා මේකට තාම බෙහෙතක් නෑ කියලා දැන ගත්තාම බෙහෙත් දෙන්න පටන් ගත්තේ.

ඒ වගේම ගොඩක් අය කියන විද්‍යාව බටහිර නැගෙනහිර කියලා දෙකක් නෑ. එක විද්‍යාවයි තියෙන්නේ ඔය මොන රටේ බෙහෙතක් හැදුවත් යන්ත්‍රයක් හැදුවත් apply වෙන්නෙ එකම chemistry එක එකම physics. ඒක රටින් රටට වෙනස් වෙන්නේ නෑ.

සීගිරිය ගල උඩ මාලිගා හැදුවේ, ඒ ගල උඩ ජල තටාක වලට වතුර ගෙනාවේ, යෝධ ඇලේ සැතපුමකට අගලක බැස්මට හැදුවේ, ජේතවනාරාමය වගේ මහා ස්ථූප, ලෝවාමහාපාය වගේ නව මහල් ප්‍රාසාද හැදුවේ හෙල ඉන්ජිනේරු තාක්ෂණයෙන් මිසක් යක්කු හරි දෙයියෝ හරි නෙවෙයි මිනිස්සු.

හෙල වෙදකමත් එහෙම තමයි. බුද්ධදාස රජතුමා හෙල වෙදකම නිසා විදේශ වලත් ප්‍රචලිත උන රජ කෙනෙක්. මහා රෝහල් රට පුරාම ඇතිකරපු කෙනෙක්. බෙහෙත් පුස්කොළ පොත්වල ලියලා අනාගත පරපුරට දායද කල කෙනෙක්. ඒ බෙහෙත් කිසි දෙයක් යක්කු දෙයියෝ දුන්න ඒවා නෙවෙයි.

ඒ කරපු හැම දෙයක් ම කරපු හැටි අදටත් විද්‍යාව තුලින් පහදන්න පුළුවන් ඕනි රටක කෙනෙක් ට.

එහෙම නැතුව කිසිම background එකක් නැතුව දෙයියෝ යක්කු බෙහෙත් කිව්වා කියලා බෙහෙත් දෙන මිනිස්සු පස්සේ හෙල වෙදකම කිය කියා දුවන උගත් මෝඩ හරක් රැලක් නූගත් අසරණ මිනිස්සුත් රැවටෙනවා.

හෙල දේවල් අගය කරන්න ඕනි ඒවා මතු පරපුරට ගෙනියන්න ඕනි. ඒ කියලා හොර තක්කඩි වාසි බලාගෙන කරන විගඩම් වලට තාර්කික බුද්ධියක් නැති මීහරක් වගේ අන්ධයෝ වගේ පස්සෙන් ගිහින් කෙලවා ගත්තාට පස්සේ ඔය එක බල්ලෙක් නෑ ඒ අසරණ වෙන මිනිස්සුන්ට උදව් කරන්න.

අපි මේවා කියන්නේ කාලයක් තිස්සේ අහපු දකපු දේවල් නිසා.

කෝ ඒකාලේ ඔහොම නාඩගම් නටපු රුවන් වැල්ලේ වෙදා? කෝ රටටම පිරිත් පැනින් ආශ්චර්යය කරපු දොලුකන්දේ හාමුදුරුවෝ? තව කියන්න නම් හොරු ගොඩයි. අන්න ඒවගේ ගොබ්බයෝ නිසා අද මේ වගේ හම්බ වෙන හැම එකාම හොදට හොයලා බලලා කරන්න ඕනි.

Headline විතරක් කියවන අපේ මිනිස්සු


ඉතින් බලහන්කෝ කොරෝනා එන්නත හරහා මයික්‍රෝ චිප් එකක් ඇගට දානවලු. ඒකෙන් දත්ත ගන්නවාලු අපේ. මේ වැඩේ පිටිපස්සේ ඉන්නේ බිල් ගේට්ස්ලු.

දෙරණ අරුණ පත්තරේ තමා මෙහෙම කියන්නෙ

ෆුල් පේජ් ආටිකල් එකක පොල්ගෙඩි අකුරෙන් දාපු හෙඩින් එක විතරක් කියවන මිනිස්සු හිතන්නේ මේ කියනදේ ඇත්ත වෙන්ඩ ඇති. අනික ජාතික පත්තරේක කියන්නේ. මේ කොරෝනා එන්නත් හරී භයානකයි.

එහෙම හෙඩිම විතරක් කියවපු උන් තමා රට වටේම ඉන්න උන්ට උපදෙස් දෙන්නේ දේශීය පැණිය තමා හොද කොහෙද මුන් ඒකවත් හරියට බෙදන්නේ නෑ. බොරුවට පරීක්ෂණ කරකර ඉන්නවා විතරයි කියලා.

පොඩ්ඩක් පත්තරේ ආටිකල් එකේ වැඩි විස්තරේ බලපු උන් තමා දන්නේ මේ හෙඩිමේ කියලා තියෙන දේවල් ඔක්කෝම මිනිස්සු විසින් මවාගත්තු බොරු කියලා ඒ ලියපු එකාම කියලා තියනවා කියලා.

ලියපු එකා දැන ගන්න ඕනි හෙඩිම හරියට ලියන්න. එහෙම ලියපු නැති නිසා රටේම ඉන්න මිනිස්සුන්ගේ ඔලුවලට දාන්නේ සම්පූර්ණ වැරදි ආකල්පයක් මේ එන්නත් ගැන වගේම තාම පරීක්ෂණ කරන දේශීය පැණිය ගැන.

මෙහෙම මාධ්‍යවේදීන් හොදයි රට ගිනිතියන්න නම්