“අනියම් සම්බන්ධයක් ඇතුලේ වගකීම් ඉටු කළ යුතුමයි කියලා කිසිම බැඳීමක් නෑ. කැමති නම් කරන්න පුළුවන්, නැත්නම් නිකං ඉන්න පුළුවන්. ඒක මාර නිදහසක්… ඔළුවට සැහැල්ලුවක්…”
කොච්චර බාධා තිබ්බත් ගොඩක් පිරිමි සහ ගැහැණු සම්මත කොටුවෙන් අසම්මත ගින්නට පනිනවා. ඒකට අපි කියනවා අනියම් සම්බන්ධතා කියල.සමහරු අනියම් සම්බන්ධතා කියන කලාව ඇතුළේ ඉන්න පිකාසෝලා. තවත් සමහරු මත්ද්‍රව්‍ය වලට ඇබ්බැහි වෙලා වගේ අනියම් සම්බන්ධතා වලට ඇබ්බැහි වෙලා.
මේ අනියම් සම්බන්ධතා “අනියම්” වෙන්නෙ නීතියෙන්, සංස්කෘතියෙන් හෝ සදාචාරයෙන්. අනියම් සම්බන්ධයක් කරගෙන යනවයි කියන්නෙ පට්ට කට්ටක්. නීතියෙන් විවාහ වුණු husban / wife හෝ නිත්‍ය පෙම්වතිය/ පෙම්වතා එක්ක තියන “නියම” සම්බන්ධයට හොරෙන් තමයි “අනියම්” සම්බන්ධය හීනියට ලාවට බැලන්ස් කරගෙන යන්න ඕනෙ. මේ අනියම් නැව බැලන්ස් කරන එක හිතන තරම් ලේසි නෑ. පොඩ්ඩ ගැස්සුනොත් පෙරළෙනවා. එහෙම නැත්නම් ගිනි ගන්නවා. සදාචාරයෙනුයි නීතියෙනුත් තහනම් මේ අනියම් සම්බන්ධතා වලට කොල්ලො කෙල්ලො ගෑනු මිනිස්සු පෙළඹෙන්නේ ඇයි හත්ඉලව්වේ… මේක ගැන පොඩ්ඩක් ගැඹුරින් බලන්න ඕනේ.
ගොඩක් වෙලාවට මේ අනියම් සම්බන්ධතා sex පදනම් කරගෙන තමයි ඇති වෙන්නෙ. නිත්‍ය, නියම සම්බන්ධතාව ඇතුලේ තියෙන පීඩන, අසීමිත වගකීම්, නොගැලපීම්, පදනම් විරහිත චෝදනා, දුර්වලතා, නොලැබීම්, දරාගන්න අමාරු තැන්, කලකිරීම්, දුරස්ථ බව, sex අව්ල්, බෝරිං වීම්, අතෘප්තිය වගේ හේතු නිසා තමයි කවුරු හරි කෙනෙක් අනියම් සම්බන්ධයක් පටන් ගන්නෙ. ඊට අමතරව කුපාඩිකම, කුකුල් මානසිකත්වය, වනචරකම, සල්ලාලකම වගේ හේතුත් බලපානවා.
ඇත්තටම බැලුවොත් නියම සම්බන්ධයක වගකීම් ගොඩක් තියෙනවා. Husband ගෙන් wifeට සහ wife ගෙන් හස්බන්ට වෙන්න ඕන හක්ක දෝලනය වෙන – බොක්ක මෝහනය වෙන වගකීම් සහ යුතුකම් මාර ලෝඩ් එකක් සංස්කෘතියෙන් සහ නීතියෙන් පටවලා තියෙනවා. එතෙන්දි පවුලට අවශ්‍ය කරන භෞතික සැප සම්පත් හදාගන්න ඕනෙ. ජීවිත කාලෙටම පවුල වෙනුවෙන් මුදල් හොයන්න ඕනෙ. අනිත් කෙනා ගැන අසීමිතව හිතන්න ඕනෙ. දරුවෙක් හදන්න ඕනෙ. දරුවාගේ වගකීම් ඉටු කරන්න ඕනෙ. අනිත් එක තමයි පවුල් ජීවිතයක් ඇතුලේ හෝ නිත්‍ය ප්‍රේම සම්බන්ධයක් ඇතුලෙ තමන්ගෙ හිතුමතේට වැඩ කරන්න බෑ. අනිත් කෙනාගේ මතය ගැනත් සලකලා බලන්න ඕනේ. සමහර වෙලාවට හැමතිස්සෙම කරන්න වෙන්නෙ අනිත් කෙනා කියන දේවල්. බලාගෙන යනකොට නිත්‍ය, නියම සම්බන්ධතා කියන්නෙ මල මගුලක්නෙ යකෝ!!!!
ඒත් අනියම් සම්බන්ධයක් ඇතුලේ මේ කිසිම වගකීමක් නෑ. වගකීම් ඉටු කළ යුතුමයි කියලා කිසිම බැඳීමක් නෑ. කැමති නම් කරන්න පුළුවන්, නැත්නම් නිකං ඉන්න පුළුවන්. ඒක මාර නිදහසක්… ඔළුවට සැහැල්ලුවක්. අනියම් සම්බන්ධයක් ඇතුලේ තමන්ගෙ වගකීම් ඉටු කළේ නැහැයි කියලා මහා බරපතළ හානියක් සිද්ධ වෙන්නෙ නෑ.
අපිට නිත්‍ය සම්බන්ධයක් තියන husbandව wifeව girlfriendව boyfriendව අපි උදේ හවස දකිනවා. ඒකෙ අව්ලක් නෑ. ඒත් ඒ කෙනා ඕනවට වඩා වදයක් වේවි, ඇණයක් වෙවී, මානසික පීඩනයක් වෙවී උදේ හවස පේන්න දකින්න ඉන්නවනම් නිත්‍ය සම්බන්ධය නිට්ටාවටම එපා වෙලා යනවා. ඒත් නීත්‍යානුකූල husbandව wifeව, නිත්‍ය girlfriendව boyfriendව ඕන වෙලාවට ළඟට ගන්නයි එපා වෙලාවට ඈත් කරල තියන්නයි බෑනෙ. කැමැති වුණත් අකමැති වුණත් ළඟින්ම තියාගෙන ඉන්න වෙනවා. ඒත් අනියම් සම්බන්ධතාවක් පවත්වන කෙනාව අපිට හැමතිස්සෙම අසීමිතව මුණගැහෙන්නෙ නෑ. ඒ නිසා ඕන වෙලාවට ෂේප් එකේ ළඟට ගන්නයි, එපා වෙලාවට ෂේප් එකේ ඈත් කරලා තියන්නයි පුළුවන්. ගොඩක් වෙලාවට අනියම් සම්බන්ධය ඇණයක් වදයක්, මානසික පීඩනයක් වෙන්නෙත් නෑ. ඒ නිසා ගොඩක් අය අනියම් සුව විඳිනවා. ඩෝං. හොරෙන් කරනකොට වෙනම ආතල් එකක් තියෙනවයි කියනවනෙ.
නිත්‍ය, නියම සම්බන්ධයක් තියෙන කෙනත් එක්ක කරන්න බැරි ගොඩක් දේවල් අනියම් සම්බන්ධයක් තියෙන කෙනා එක්ක කරන්න පුළුවන්. ඩෝං. ගොඩක් වෙලාවට ලිංගික ක්‍රියාකාරකම් මේකට අදාලයි. අනියම් සම්බන්ධයක් ඇතුලේ දුරදිග බලන්නෙ නැතුව දේවල් කරන්න පුළුවන්. ඒත් නියම සම්බන්ධයක් ඇතුලේ මොකක් හරි දෙයක් කරනවා නම් අසීමිතව හිතන්න වෙනවා. ඒ නිසා නිදහසේ දේවල් කරන්න ගොඩක් අය තෝරගන්නෙ අනියම් සහකාරයාව හෝ සහකාරියව.
තමන්ගේ නිත්‍ය සම්බන්ධය පවත්වන කෙනා තමන්ගේ ළඟ නැත්නම්, ඔහු හෝ ඇය ඉන්නෙ වෙන රටක නම්, ශාරීරිකව දුරස් නම්, තමන්ගේ අවශ්‍යතා තෘප්ත කර ගන්නත් අනියම් සම්බන්ධතා ගොඩනැගෙනවා. ඒ වගේම නිත්‍ය සම්බන්ධය පවත්වන කෙනා තමන් එක්ක මානසිකව දුරස් නම්, ඒ මානසික රික්තකය පුරවගන්නත් ගොඩක් අය අනියම් සම්බන්ධතාවලට “hi” කියනවා.
“නියම” සම්බන්ධයක් සම්පූර්ණයෙන්ම නවත්තන එක ලේසි නෑ. තමන්ට අතහරින්න ඕන උනත් අනිත් කෙනාට අතහරින්න ඕනෙ නැත්නම් ගැටුමක් ඇතිවෙනවා. ඒ ගැටුමෙන් දික්විජය කරන එක ලෝක යුද්දෙකටත් වඩා අන්තයි. සොරි ඩොට් කොම් තමයි පුතා. ඩෝං!! කසාද බැඳලා නම් උසාවි යන්නත් වෙනවා. සමහරවිට වන්දි ගෙවන්න වෙනවා. ආතල් කුඩේ කුඩු වෙනවා.
ඒත් අනියම් සම්බන්ධතාවල ඔය කියන කිසිම අවුලක් නෑ. කැමති ඕනම වෙලාවක දමල ගහල යන්න පුළුවන්. එහෙම ගියයි කියලා අනිත් පාර්ශවය ලොකුවට ගේමක් ඉල්ලන්නෙ නෑ. මේ අනියම් සම්බන්ධය කොල්ලගෙ පැත්තෙන් වගේම කෙල්ලගෙ පැත්තෙනුත් අනියම්. ඒ නිසා මේ අනියම් බව ලීක් කරගන්නෙ නැතුව තියාගන්න නම් අනිත් පාර්ශවය දාලා ගියත් සද්ද නැතුව ඉන්න ඕනෙ. මෙතෙන්දි සද්දෙ දාලා ගේමක් ඉල්ලන්න ගිහිල්ලා කවුරුත් කාඩ් කුඩු කරගන්නෙ නෑ.
මේවා ඔක්කොම සලකා බැලුවහම අපිට පේනවා අනියම් සම්බන්ධයක් අත අරින්න ලේසියි කියලා. අතාරින්න විතරක් නෙමෙයි… අල්ල ගන්නත් ලේසියි. මේ අල්ලා ගැනීමේ සහ අතහැරීමේ පහසුව නිසා අනියම් සම්බන්ධය ඇතුලේ ලොකු නිදහසක් දැනෙනවා. මේ නිදහස භුක්ති විඳින්න ඕනම මනුස්සයෙක් කැමතියි. ඒ නිසා තමන්ගේ නීත්‍යනුකූල සම්බන්ධයට අමතරව අනියම් සම්බන්ධයක් හෝ අනියම් සම්බන්ධතා කිහිපයක් පටන් ගන්න මිනිස්සු පෙළඹෙනවා.
කවුරු කොහොම කිව්වත් කාලයක් යනකොට අනියම් සම්බන්ධකම් ගිනියම් වෙනවා. ඒ ගිනියම් බවින් ජීවිතය පිච්චිලා යනවා. ඒත් ගොඩක් අය පිච්චෙනවා කියලා දැන දැනම ගින්දරට පනිනවා.
උපුටා ගැනීමකි !
අසම්මතය 